03/11/2025
與大樹連結
原本今日係喺清邁resort游水曬太陽Hea嘅，不過早幾日有冷風到(24-27 °c)而且又落雨，所以就在resort 逛，係我哋住嗰座嘅前面見到棵大樹，心裏就讚佢好靚喎！點知佢即刻答我～多謝！跟住仲話從來冇人同佢講過嘢😁
👵：你哋係兩棵樹一齊？
🌳：係呀！
👵：你辛唔辛苦啊？（掂住棵龍眼樹）
🌳：唔辛苦，ok喎！你唔使咁辛苦掂住我啦！一樣傾到計啫😊
👵：好呀！咁我就可以唔使伸到隻手咁高😅，咁榕樹你呢？ok？
🍃：ok ok
跟住摸住佢哋感受一下生命嘅流動，見到好多水喺度流動，仲有好多一絲絲嘅光，感覺好有力量！
過咗一陣佢就開口同我講嘢～
🌳：喂！你做多啲grounding，對你身體好啲喎😉
👵：好，多謝！近排隻腳都痛咗一輪⋯
🌳： 所以咪叫你做多啲囉，仲要連埋大地之母呀！你知你有野要做㗎啦！
👵：係！知道！(突然好似老師提醒學生咁⋯)開始有蚊咬，我返房先。
回房走出露台，睇農夫插苗。
👵：你前面有農夫插苗有新來小朋友陪下你，都幾好呀！
🌳： 佢哋(農夫)年年都係咁，一年係唔止一次㗎，不過嗰啲細路好鬼嘈，都唔明點解啲短命鬼（食用植物）咁多嘢講咁多嘢問，好鬼嘈，十足十啲雀仔咁😑
👵：你唔鍾意佢哋？
🌳：又唔可以咁講嘅⋯
開始落大雨，農夫避雨，我就返房
👵： 我返房喇，遲啲再傾☺️
