What are the opening hours?

Monday 09:00 - 17:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00

https://www.facebook.com/242999348888851/

山中小市 Collab Bazaar

Home
Hong Kong
Hong Kong
山中小市 Collab Bazaar

Contact information, map and directions, contact form, opening hours, services, ratings, photos, videos and announcements from 山中小市 Collab Bazaar, L501, JCCAC, Shek Kip Mei, Hong Kong.

21/02/2026

🧧 新年快樂！祝大家龍馬精神，笑口常開！ 🎉

回顧過去嘅Disco活動，我哋最開心嘅，係見到長者自信咁喺舞池中翩翩起舞，互相互動——喺燈光、音樂同舞步之間，人與人嘅距離，不知不覺就拉近咗。

新年伊始，正正係計劃一連串開心又健康活動嘅好時機。
仲有咩比復刻年輕時最愛嘅派對場景，更適合畀老友記慶祝每一個節日？
玩得盡興之餘，仲可以活動身體，一舉兩得。

如果你想為中心會員帶嚟更多溫馨難忘嘅節日回憶，歡迎搵我哋傾吓，用藝術為長者嘅日常加多一份節日嘅儀式感。

📩 合作查詢：marketing@littleurbanmountain.hk

#銀齡的士高 #創意健康 #社區營造 #的士高 #社區舞蹈 #山中小市 #小市山設計

14/02/2026

「共妳常為伴，時時開心不會悶」—— 回望的士高浪漫時刻 📸

以前嘅年代，拍拖唔一定要去高級餐廳，約會，可能就係去Disco跳返part舞，拖住手、跟住拍子搖擺，成晚嘅浪漫，都濃縮喺一首歌、一隻舞入面。

歲月流轉，曾經嘅舞廳可能已經消失，或者自覺「跳唔郁」，於是默默將呢段回憶收喺心底，但當年嘅旋律一響起，嗰種心跳同笑容，原來從來冇變過。

「銀齡的士高」正正復刻咗當年嘅舞池，等老友記可以再次同另一半、朋友、家人一齊舞動，將當年嘅「約會」變成今日嘅「相聚」，重拾嗰份簡單而真摯嘅快樂，呢度冇壓力、冇標準，只有音樂、燈光，同埋一個個愈跳愈自信嘅笑容。🥰

情人節唔應該只屬於「後生」時期，浪漫，亦唔只得一種模樣，能夠有人一齊笑、一齊聽歌、一齊渡過快樂嘅時光——呢件事本身，就已經好浪漫。

今日就同大家分享一啲「銀齡的士高」嘅溫馨瞬間，祝大家情人節快樂 ❤️

💌 歡迎社福機構及社區中心夥伴與我們合作，用音樂同舞步傳遞陪伴與溫暖，為更多長者創造難忘嘅節日回憶💕

📩 合作查詢：marketing@littleurbanmountain.hk

#銀齡的士高 #創意健康 #社區營造 #的士高 #社區舞蹈 #山中小市 #小市山設計

07/02/2026

早前我們的「銀齡小丑隊」再次出動！這次來到「裳在童心」二手童裝義賣同樂日，展開了一場滿載笑聲與驚喜的跨代互動舞台。

紅鼻子一戴上，魔法就開始～
學員們用生動的表情、誇張的動作與即興的互動，瞬間融化全場！這次他們精心排演了兩段小場景：一段探討電子科技如何讓兩代「近在眼前卻遠在天邊」；另一段則幽默演繹育兒觀念的分歧，以有趣的方式去剖述嚴肅的跨代溝通問題，引發觀眾思考。

透過小丑藝術，長者不只可以表達情緒與創意，更在排練中結成好友、在演出中與不同世代溝通。這次我們還一起支持環保義賣活動，讓快樂更有意義！

感謝所有投入的學員、到場支持的每一位觀眾，以及多謝舍區嘅邀請令我地有份參與今次「裳在童心」的活動。你們的笑聲，就是最好的掌聲。

我們會繼續創造好玩、好動、好有溫度的創意健康體驗，讓長者透過表演藝術與創作，活出更自在、更開心的自己！

期待下次再和大家見面🎭❤️

照片提供：裳在童心

#山中小市 #小丑工作坊 #小丑表演 #長者活動 #跨代共融 #創意健康 #社會處方箋

31/01/2026

【「銀齡的士高」跨代共融 Disco 活動回顧 📷】

1 月 24 日，我哋「銀齡的士高」好榮幸受到香港青年協會領袖學院邀請，帶同 30 位超有活力嘅銀齡舞王舞后，與約50位中學生以及大專生，一齊渡過咗一個開心又難忘嘅一日！

我地去到香港青年協會領袖學院位於前粉嶺裁判法院嘅會址，將場地變身成 Disco 舞池🪩！喺專業導師帶領下，大家跟住一首首懷舊金曲，學習簡單又易上手嘅舞步，氣氛即刻熱起嚟🔥

除咗懷舊金曲，導師 Henry 仲配合「跨代共融」主題，特登加入年輕人鍾意嘅 K-pop 歌曲，成功拉近老友記同年青人之間嘅距離💖

活動入面大家分組認識唔同年齡層嘅朋友，透過一齊跟住拍子跳舞、一齊chill，傾計交流、互相認識、互相了解，真正做到「用舞步連結世代」✨

Disco 完結之後，「銀齡的士高」策劃人閃閃仲同一班學生一齊回顧今次活動嘅設計思維，引導年青人思考點樣策劃一場活動、點樣用低門檻、易參與嘅方式，回應老友記嘅情緒需要，同時營造更有溫度嘅社區🏘️

最後，衷心感謝每一位參加嘅老友記、年青人、導師、學生同幕後工作人員，因為有你哋嘅投入同笑容，先可以令「銀齡的士高」跳出世代、跳出溫度，期待下次再同大家一齊跳過！💛

💃 想透過我們幫助你的機構舉辦的士高活動？🕺
👉 「銀齡的士高」詳情及查詢：marketing@littleurbanmountain.hk

#銀齡的士高
#創意健康 #社區營造
#的士高 #社區舞蹈
#山中小市 #小市山設計

07/01/2026

同後生仔女喺Disco上交流舞技、互相分享嘅機會嚟喇！

很榮幸獲青協領袖學院邀請，舉辦一場「跨代共融Disco」！此計劃希望引領青年積極認識社區，而您嘅參與同分享，正正能讓年輕人更了解「樂齡生活」，成為推動社區共融嘅重要力量 💪🏻

誠意邀請各位老友記，過嚟同一班中學生、大專生一齊切磋舞技，仲可以一齊傾偈，用舞蹈連結兩個世代💖

是次活動免費參加，名額有限，立即報名參加呢場咁有意義嘅Disco啦！

💃🏻活動詳情🕺🏻
日期：2026年1月24日（六）
時間：10:00 – 11:30｜14:00 – 15:30
地點：新界粉嶺馬會道302號青年領袖學院（設免費往返九龍塘站的接駁巴士服務❗詳情見報名表格）
對象：60歲或以上人士，無需任何舞蹈經驗
名額：每場 20人（名額有限，先到先得）

報名表格：https://forms.gle/GeDLLmXFzfZyw7nn9
報名截止日期：2026年1月16日（五）

備註：
- 活動可能涉及強光和閃光效果。
- 參加者需自行判斷身體狀況是否適合參加此活動。
- 建議參加者自備飲用水

#銀齡的士高
#創意健康 #社區營造
#的士高 #社區舞蹈
#山中小市 #小市山設計

04/01/2026

早前，ViuTV《經緯線》節目團隊走進了我們「銀齡的士高」的聖誕派對舞池，用鏡頭捕捉下每位參加者自信、活力的舞姿。

節目中，我們的策劃人和參加者分享了「銀齡的士高」如何藉由長者年輕時最熟悉的「的士高」，重拾青春歲月的記憶及興趣，同時滿足社交連結與身體活動的需要——我們致力提供的，正是一種更有趣、更貼近內心、真正屬於長者們的健康活動選擇。

節目探討人口趨勢衍生的「銀髮經濟」，指出長者的選擇與消費模式至關重要。我們很高興能為此提供一個不一樣的選項：將資源投入於創造快樂回憶、促進身心健康的體驗之中。

衷心感謝《經緯線》節目團隊的來臨與紀錄，讓更多人看見銀齡生活原來都可以咁好玩、咁有活力！🥳💖

📺 節目重溫：
https://viu.tv/encore/now-report/now-reporte485ngan-faat-chim-lik-sa-wa-gok-ng?utm_source=webshare&utm_medium=referral&utm_campaign=non_native

#銀齡的士高
#創意健康 #社區營造
#的士高 #社區舞蹈
#山中小市 #小市山設計

27/12/2025

早前我們參與了PMQ元創方創意教育項目 PMQ Seed，走訪聖愛德華天主教小學、瑪利諾修院學校(小學部)及五旬節靳茂生小學，與小學生携手展開一場充滿溫度與創意的跨代合作。

在我們導師團隊的引導下，小學生們利用設計思維技巧和訪問長者的中學回憶，設計了結合五感元素的回憶點唱機及受訪長者專屬舞步。課程訓練同學仔同理心，更可透過快樂回憶鼓勵長者多活動身體。

日前，這批由小學生與長者共同創造的成果已在PMQ元創方的創意展示中呈現，同學更擔任導賞員，親身向公眾分享創作理念與過程。衷心感謝所有到場支持的朋友，一起見證這群小小設計師如何以創意連結生命，用設計溫暖社區。

期待未來繼續透過藝術與教育，搭建更多跨代對話的舞台💞

Photo Credit：PMQ Seed

#跨代共創 #五感 #設計思維 #藝術教育
#聖愛德華天主教小學 #瑪利諾修院學校小學部 #五旬節靳茂生小學
#小市山設計 #山中小市

24/12/2025

早前舉辦嘅聖誕特別版 #銀齡的士高已圓滿結束🥳

為咗答謝各位過去一年嘅積極參與同支持，我哋特意安排義工朋友暫時卸下職務，戴上聖誕頭飾，以參加者身份同公眾一齊跳舞，一班舊友新知一齊喺輕鬆愉快嘅氛圍中預祝聖誕，互相交流。我哋亦非常感謝香港話劇團教育中心提供別具歷史意義嘅場地，讓我哋能夠「跳入古蹟」，一邊跳舞一邊細味建築之美，成就一次獨特難忘嘅的士高體驗🏛️🤩

衷心感謝所有參與者、義工以及場地夥伴嘅支持！
期待2025年繼續為大家帶來更多元、更有驚喜嘅活動，透過藝術同創意，為身心注入活力✨🪩

預祝各位聖誕快樂🎄

場地贊助：香港話劇團教育中心

#銀齡的士高
#創意健康 #社區營造
#的士高 #社區舞蹈
#山中小市 #小市山設計

20/12/2025

【香港電台《香江暖流》專訪回顧】🪩✨

早前，「 #銀齡的士高」策劃人賴閃芳（閃閃）接受了香港電台《香江暖流》訪問，分享我們如何將創意健康概念加入我們的活動，讓長者隨著節奏舞動，在熟悉的音樂中激活大腦，同時可在舞蹈中互相交流，減少孤獨感及提升身心健康。

訪問中亦提到我們透過精心復刻七八十年代的士高場景——從懷舊金曲的選擇、Disco Ball、格仔燈到主題服飾打扮，將活動場地打造成真正的舞池，讓藝術注入他們的生活，製造生活中的回憶及驚喜🤩

📺 歡迎大家一起收看節目重溫：
https://www.rthk.hk/tv/dtt31/programme/magasenior/episode/1056879

#銀齡的士高
#創意健康 #社區營造
#的士高 #社區舞蹈
#山中小市 #小市山設計

06/12/2025

近日，香港電台《鏗鏘集》節目團隊走進「銀齡的士高」的舞池，專訪了我們的創辦人及參與長者，深入探討如何透過復刻經典的士高場景，為長者打造自在的社交空間。

節目記錄了銀齡的士高中活力的氛圍，參加者們在熟悉的懷舊金曲中打破孤寂、互相交流，當中有些參加者更分享了參加的士高後如何改善社交，認識新朋友，減少孤獨。

歡迎大家一起收看節目重溫，透過鏡頭感受「D場上的友誼」！🎬
📺 節目重溫：https://www.rthk.hk/tv/dtt31/programme/hkcc/episode/1029728

#銀齡的士高
#創意健康 #社區營造
#的士高 #社區舞蹈
#山中小市 #小市山設計

27/11/2025

對於大埔宏福苑發生的嚴重火災，山中小市全體同仁深感哀痛。我們向不幸離世的居民致以深切哀悼，並對事故中英勇殉職的消防員致以最崇高的敬意。

祈願逝者安息，傷者早日康復，願受影響家庭能獲得支持與安慰。

我們衷心感謝所有前線救援人員，在危難時刻堅守崗位，守護社區安全。

本著與社區同行之心，山中小市亦將捐款至支援是次災情的相關機構，希望能略盡綿力，與居民共渡難關。

24/11/2025

樂齡科技博覽暨高峰會2025圓滿結束！🥳

我地好榮幸可以喺咁有意義嘅活動上為大家帶來兩個精彩活動：

首先有我哋一班「小丑表演工作坊」嘅同學仔🤡，以小丑表演將「腸道健康」主題演繹得淋漓盡致，全場笑聲不絕，仲成功帶出實用健康知識，同學仔更抽空參觀其他展位，親身了解樂齡科技點樣幫助我哋活得更健康、更自主!

另外仲有「銀齡的士高」體驗版，大家喺導師帶領下一齊學習簡單舞步，跟住音樂擺動身體，輕鬆愉快咁「促進大腸蠕動」，真正實踐身心健康！🪩🔥

衷心感謝每一位到場支持同參與嘅大家，期待好快再同大家見面💖

#銀齡的士高 #山中小市 #樂齡科技博覽暨高峰會2025 #社聯 #便便館 #小丑劇場 #腸道健康 #長者活動 #香港展覽 #免費活動 #樂齡科技 #創意健康 #社會處方箋

Address

L501, JCCAC, Shek Kip Mei
Hong Kong

Opening Hours

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00

Telephone

+85235906929

Website

facebook.com

Alerts

Be the first to know and let us send you an email when 山中小市 Collab Bazaar posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to 山中小市 Collab Bazaar:

Shortcuts

Address
Telephone
Opening Hours
Alerts
Contact The Practice
Claim ownership or report listing

Want your practice to be the top-listed Clinic in Hong Kong?