19/04/2015
Long story 故事連載
#4[end]
1
我唔敢相信果個拿住手機轉珠，遲大半堂既戴眼鏡男仔就係呀ken。我既心一直忐忑不安，拿住手機佂佂咁望住呀ken同佢啲朋友吹水，猶豫緊好不好再問他係唔係MHA果個呀ken.
之前我同戴眼鏡男仔匆匆咁見過幾次，佢又高，佢既樣又好似好成熟，唔似同我同齡，佢比我既感覺同MHA呀ken係字裏行間所透露出的的確好似。
上個禮拜係升降機企係佢隔離既短髮女仔應該係佢同學。
果個女仔生得嬌小，雖然留着一頭男子氣既短髮，卻更凸顯出佢既硬朗氣質，再加上佢純真既樣，連我都比佢吸引左目光。
我在訊息輸入欄斷斷續續打着，「你是MHA呀ken嗎？」，之後又將成句del左佢。
如果我問左佢，他答我「是」既話，咁佢好快就會估到我就係琴晚同佢傾通宵既女仔。咁我地就唔再係互不相識既陌生人，他仲會再同我傾落去咩?
我唔想咁快就暴露左自己既存在，所以我決定唔問呀ken。
「可能係我自己搞錯啦。」我同自己講世事唔會咁碰巧的.
「係我呀,amy.做咩。」
「無呀,打下招呼咁XD。」
到我落堂之後，去學生屋企補習果陣，我發左個訊息比呀ken，問問他在幹甚麼。
「?!,我去還書呀。」呀ken說。
我很好奇這個常獨來獨往的business男生會睇咩書，不會係咩accounting既書吧？我記得他曾經上堂果陣話佢對accounting毫無興趣。
「是韓寒的《三重門》，講些關於中國教育制度的故事。」
我一直都想睇睇呢本書，每次經過書局見到都只是翻兩翻就放返低，因為諗到自己好似沒時間睇書就放棄了。
「我要補習了啦，晏啲再搵你。」我到左補習學生既家門前，不得不跟呀ken暫時話別。
我把手機收起，按下學生家的門鈴。
「amy姐姐！我今日有好多數學唔識計，你幫下我啦。」我那臉如一個圓滾滾的紅蘋果的小三妹妹來幫我打開門。
她既工人姐姐連忙倒左一杯水比我。
我地就係佢客廳補習，我指導住呢個可愛既小蘋果完成佢既數學作業果陣，留意到佢既手上戴左一條彩色橡筋手繩，「呢條係你自己織架？」
「嗯嗯，我啲friend都有玩呢個。」她去她間房搵出一盒橡筋手繩編織套裝比我睇。
我接過來睇睇，全部都係韓文字說明，「難編嗎？」
小蘋果坐返飯桌前，自豪地說，「我編左一晚就編好。」
「題外話講完了啦,快啲計埋呢幾條數學題啦。」我裝腔作勢，擺出老師架叫佢繼續做功課。
於是小蘋果嘟起小嘴，攞住筆努力咁計。
我拿着手繩套裝沉思了一會兒，默念着，「禮物……」
係幾個禮拜之後,我開始同呀ken愈黎愈熟.
而佢亦都同我講佢地MHA係呢個三月會有booth.
有幾次我都講左會去,但係因為我啲group mate而搞到我要用果啲時間去救返份project. 搞到我因為咁而差左呀ken一份禮物.
放左補習之後，因小蘋果家住又一村，所以我就到附近既又一城吃晚飯，之後順便逛逛log on，原來除了橡筋手繩套裝外，還有皮革手繩套裝，但皮革的一盒的價錢相對高很多。
但係如果送呀ken橡筋手繩既話，他會唔會覺得好幼稚呢？
我既腦海浮現出佢手上既淺藍色電子錶。
於是我攞起左一盒淺藍色主調既皮革手繩套裝就去付款。
返到屋企後，我急不及待打開套裝，打算開始編織手繩。
我將皮繩穿黎穿去，好彩唔太難整，我整左一晚，加上可調較長度的扣之後就大功告成！
我拿着製成品，那種興奮不知怎形容，「我的手工還不錯嘛！」然後用手機幫手繩拍了幾張照片。
我Whatsapp christy，叫佢係下星期三幫我將禮物交比呀ken。
我到時返學就會見到佢戴着我親手織既手繩。
「下個禮拜三記住唔好走堂呀。」我在Whatsapp同呀ken講。
很快佢就覆左我，「如果我醒到既話嗎唔走囉:3」
我將手機黑屏，放在書桌上充電。
他會不會一早就知道了坐在他身後的我，就是果日既amy？
我帶着滿腦子既幻想，翻着衣櫃找合適的裙子。
星期三果日，我揀返上一次那個能俯瞰全場既位，放低帆布袋坐落黎。
呢次Lecturer 沒派講義，繼續上一份講義的內容。我在座位上翻着講義，心中期待得很。
每一次有人遲到推門入黎，我那懸掛在半空中的心都狠狠地掉下來，因為都唔係果個男仔。
時間一點一滴的溜走，可是仍然沒有人坐在我前面。
我焦急起來，諗住Whatsapp了呀ken果陣,先發覺原來自已無帶電話.
眼前只有一片平靜，我心中卻波濤凶湧。
「糟了！」我的心又開始心亂如麻。
2.「果次擺booth之後我地見少好多啦,佢都少左搵我,可能係因為放左我咁多次飛機佢唔好意思,之後就慢慢無再見嚕.」我比佢睇我地擺booth果陣既相.
「嗯,咁最尾佢點呀?」jimmy好奇咁問.
「佢最尾個sem爆左4,入左CU translation。」
jimmy啜了口已經放凍左既白朱古力特飲，「但你地咁樣做真係好奇怪囉，因為你地兩個沒有好好道別就斷左音訊.這樣不太好吧。」
我笑了笑，「係呀，我想都好好咁同佢講句再見。」
jimmy望出落地玻璃外的庭園陽台，天空泛了一片紅霞，太陽也要下山了。
嗯—嗯—
我既手機在餐桌上震動着，我接聽左電話，「我呢度完啦，你係太子站等我啦。」
jimmy露出一個狡猾的笑容，「係女朋友催你出去食飯呢？」
我點點頭，揹起帆布袋，「咁我走先啦。」
行左無幾步,有隻手係我肩頭拍左拍.
「呀ken係你呀?」
---------------------------END-----------------------------------
HD呀ken
無論係由頭追到尾,定半路加入,都想同你講句多謝
![【娛樂大本營! HeHe:)片】今日睇咩好？睇王祖藍啦！[我的最愛]搞笑片段https://www.youtube.com/watch?v=w14Qgut61EM](https://img4.findhealthclinics.com/990/293/1107224869902933.jpg)
