What are the opening hours?

Monday 10:00 - 22:00 Tuesday 10:00 - 22:00 Wednesday 10:00 - 22:00 Thursday 10:00 - 22:00 Friday 10:00 - 22:00 Saturday 10:00 - 22:00 Sunday 10:00 - 22:00

https://www.facebook.com/675781432468800/

Soul Free World, 荔枝角永康街55號金百盛中心6樓606室, Hong Kong (2026)

01/01/2026

2026年新開始~~~

其實由搬過黎荔枝角之前已經決定好,
先揀呢個地方。
因為無論格調同裝潢都好適合。

一年前都已經同某些同學仔講過,
但一路都未成事,
但2026年1月開始,
就會推出新服務,
大家等我出新POST~
(女士們~~~)
新IG ACC.

P.S.其他療癒仍然接受男個案的。

31/12/2025

2025年已走向落幕，我們在過去的一年裡度過了年度之輪的流轉，讓我們看到神明的誕生與沉睡，每月的月相輪轉讓我們感受到重複的陰晴圓缺才是生命永恆的定律。我們常說變幻原是永恆，但我們也可以從中找出一些規律，透過參透規律，就可以順勢而為，調整好心態與狀態。

作為仍然生存在世界上的修行者，物質成就一直是多數人追求的目標，而金錢便是顯化努力的證明。在天主教中，教徒們通過崇拜祈禱Saint Expedite的方式，期望他降下金錢之雨帶來航行安全與事業的繁榮。

在魔法與精神世界行走的威卡巫師們，也會通過儀式，魔法咒語的方式為自己祈禱獲得金錢財富，無論是追求個人財富，或危機時期尋求幫助，或希望為他人事業籌集資金。金錢豐盛儀式都可以為我們帶來財富的途徑。

在威卡中，蠟燭儀式，製作財富袋或瓶子，新月儀式，或禱告都是帶來豐盛金錢的方式。新年新開始，就從金錢顯化蠟燭儀式開始吧。

🎆7天金錢顯化蠟燭儀式✨️💰

一.基本材料：

所需蠟燭：一根綠色蠟燭🕯

其他材料：紙張，筆，燭臺或鐵盤🪙

二.儀式流程：

開始前，在紙上畫一個貨幣符號。例如：（$）、（£）或（€），畫上喜歡的裝飾。從而進入專注放鬆狀態。💴 💵 💶 💷

在同一張紙上寫下你需要的金額並且確保數位是現實的，想像一下你手裡或銀行帳戶裡的錢。💰💳

把蠟燭放在燭臺或鐵盤中，把寫下金額的紙放在蠟燭下面並點燃蠟燭。

深呼吸，在15分鐘裡想像財富流轉到你手中。如果不知道財富如何出現就放鬆，清理思緒。它會來到你這裡。🧲

當蠟燭燃燒時冥想，感受蠟液順勢流下覆蓋部分紙張。

當紙張被一部分蠟液覆蓋後，熄滅蠟燭。

重複這個儀式七天，每天同一時間點燃同一根蠟燭。最後一天用燭火點燃紙張，並讓蠟燭自行熄滅。🕯

🎉🎊新一年元旦，具有強大吸金效果，打開財富通道。祝大家2026事事順利，健康富足，安居樂業，有足夠的自我價值感。

🔗留言“接好運”，再pm Sophy告訴我你的名字，明日會在儀式中會加上你的名字喔～

P.S.每個人都只為自己祈願，不要代其他人祈願

30/12/2025

你嘅情緒失控、小心翼翼，原來都係童年「燒錄」在搞鬼

P.S. 燒錄=通過雷射技術將資料永久性寫入光碟等存儲介質的資訊記錄過程💾💽💿

你有冇試過呢種時刻：明明知唔應該發火，但卻對親近嘅人講咗傷人嘅說話；發誓唔再討好人哋，卻又喺關係入面變得步步為營；同自己講值得被愛，卻喺幸福降臨時莫名心慌……
我哋成日將呢啲歸因於「性格」或者「習慣」，但背後，可能係童年「燒錄」喺暗中運作。

童年經歷嘅燒錄，構成咗我哋而家嘅行為模式。如果唔知自己有啲咩燒錄，又點樣理解自己嘅情緒反應呢？每個人都有屬於自己嘅行為模式，根源就喺童年早期嘅經歷。西班牙詩人佐治·桑塔耶納（George Santayana）講過：「唔記得過去嘅人，註定要重蹈覆轍。」🔊

經常出現嘅感受、慣性嘅念頭，都嚟自於我哋過去經歷嘅燒錄，呢啲燒錄會令我哋產生機械式嘅反應。比如細個缺少大人照顧嘅人，長大後亦都經常忽略自己嘅小朋友；有啲女孩被媽媽管得好嚴，長大後自己都變成強勢嘅母親。呢種重複過去經歷嘅傾向，就係佛洛德所講嘅「強迫性重複」。

點解我哋總被「熟悉感」吸引？🫂👥️

關鍵在於，我哋並唔係有意識養成呢種習慣，而係無意識重複過去嘅經歷，甚至吸引自己最反感嘅嘢。比如有個女孩，爸爸好專制，對佢百般控制，佢好唔鍾意；但長大後，卻嫁咗一個同樣專制、同樣控制佢嘅男人。

點解會咁？因為佢已經習慣咗爸爸嘅控制，只要遇到一個控制佢嘅男人，就會被呢種「熟悉嘅」感覺吸引。我哋嘅選擇，經常會受燒錄影響。有啲人我哋根本唔識，卻好有好感；有啲人一見面就唔鍾意，點解？因為佢哋勾起咗我哋嘅回憶，有快樂，亦都有痛苦。

痛苦點解會咁誘人？👊👊👊

想像一下呢個場景：你朝早起身，走入廚房準備沖茶，突然見到一隻老虎伏喺地下！你從未見過呢種情景，危急關頭，一下子從半夢半醒狀態清醒，處於好臨在嘅狀態，集中精神應對突發狀況。你嘅心臟會將血液送到全身，令你充滿力量，準備逃跑。

喺無意識思維睇嚟，強烈嘅負面事件同集中精神、充滿活力嘅狀態並冇分別。所以無意識思維會被強烈嘅衝擊吸引，甚至主動尋找刺激。我哋會不自覺鍾意恐怖片，同埋暴力、誇張嘅場面——呢啲唔係我哋自己嘅選擇，而係被某種內在力量拉住，不得不經歷呢啲負面場景。

如果我哋嘅生活缺少溫暖、穩定嘅正面體驗，呢種對「強度」嘅渴望會更強——因為比起平淡，起碼強烈嘅痛苦可以令你感受到自己嘅存在。細個被媽媽拋棄過嘅人，長大後亦都經常有被拋棄嘅感覺，會不自覺吸引呢種感覺，甚至製造令自己覺得被拋棄嘅事件。同佢在一起嘅男人，一係離開佢，一係對佢疏遠，但佢依然經常同呢類人喺埋一齊。

重大嘅燒錄會留下各種念頭同情緒，而我哋總係不自覺依戀佢哋。就算經歷新嘅情景，都會帶住過去嘅感受同念頭，從而睇唔清情景嘅本來面目。

🧐打破循環，從「睇見」開始👀

如果呢個模式如此根深蒂固，我哋仲有改變嘅可能嗎？有嘅。而第一步，就係「睇見」。當你再次陷入熟悉嘅情緒反應時，可以試下問自己：呢種感覺，最早出現喺我幾歲嘅時候？當時佢想保護嘅係咩？（比如：沉默係為咗避免衝突，討好係為咗獲得認同）呢個曾經保護過我嘅方式，而家仲適用嗎？

覺察本身，就係鬆動固化模式嘅開始。你唔需要即刻「解決」佢，只需溫柔地意識到：「哦，呢個係我嘅「燒錄」喺講嘢。」當我哋可以識別內在嘅自動化反應，就唔再係佢嘅囚徒，而慢慢成為自己生命嘅觀察者同守護者。

🤗想記返起細個發生這的重大事件，從而解開回化左的模式，唔再受操控？可以從催眠入手。
留言“想要”，我會聯絡你，送你一本我整理的關於催眠的電子書。🤗

30/12/2025

🔥奧根能量與護身符工作坊🎉
靈修專用基礎課程:
奧根製作 × 能量應用 × 靈性連結

1. 奧根的原理簡介

奧根能量轉換器（Orgonite）是一種結合樹脂、金屬與天然水晶的能量裝置，其設計靈感來自奧根能量（Orgone Energy）的理論。它能夠主動吸收周圍的負面能量，並透過內部結構轉化，釋放出穩定、和諧的正面能量場。

其運作可分為個階段：

1. 能量吸收：在樹脂固化過程中產生的壓力
會激發金屬屑與水晶的壓電效應，進而吸收
空間中的負面能量。

2. 能量轉化：金屬與水晶之間的互動能將所吸收的低頻能量進行淨化與轉化。

3. 能量釋放：最終轉化後的正能量被釋放，建立出一個有益身心的能量環境。

奧根的功效與使用方式
奧根能量轉換器適用於日常生活中的多種
場景，其主要用途包括：
淨化空間能量場，如家居、
辦公室、車內等
減少電子設備的電磁波干擾，
如Wi-Fi、手機、電腦等
提升睡眠質素與放鬆效果，可放置於床頭或枕邊
隨身攜帶，穩定個人能量場，作為能量護符使用
製作能量水，改善水的頻率與品質，促進身體能量循環
✨ 使用者普遍反映：情緒更穩定、精神更集中、環境氣
場更加清新和平衡。
還有更多靈性的用法

課程專屬特色內容

✨ 水晶七星陣結構加持
在每一件奧根轉換器內部，我們將指導學員配置水晶七星陣，進一步加強其能量流動與穩定性。

✨ 個人化意圖設計與冥想連結
帶領學員進行冥想儀式，讓奧根成為個人的能量護身符，具有防護、反彈靈性攻擊的作用教授意念投放技巧，將你的目標與祝願（如招財、愛情、事業、身心成長）具體注入作品之中協助選擇適合你目的的顏色與元素組合，創造出獨一無二的奧根作品

這些靈性操作，讓奧根不只是一件裝飾品，而是能真正與你產生連結、守護你身心靈的能量載體。

課程資訊

費用：港幣 $2,380 / 每位

製作件數：每位學員可親手製作 3 件專屬奧根轉換器
日期: 2026年1月13,27日 (星期2)
時間：下午2-6, 總共 8 小時，
分為兩天進行（每堂 4 小時）
導師:Kelvin(凱文)
地點: Soul Free World, 荔枝角

課程 Bonus 🤤

本次「奧根能量與護身符工作坊」新增豐富內容:

包括全新筆記材料及兩個重要能量點化環節： Orgonite能量清洗授能 Orgonite開啟授能修課後，同學即可自行為Orgonite進行定期能量清理及重新充能，確保其持續發揮效能。

特別福利：若同學已達靈氣Lv3（療癒師級），將獲得Orgonite開啟授能的能量點化，未來可獨立為Orgonite進行能量啟動及開光儀式。這些新增內容使課程更具實用性，讓同學真正掌握能量運用的精髓

08/12/2025

感情入面，
最唔應該有「教佢愛你」呢回事

如果一段感情，淪落到要女人教男人點樣愛佢先有安全感、點樣氹佢先會開心，咁呢段感情已經冇咩意義喇。

愛情入面最唔應該出現嘅，就係「教」。因為「教」本身就係改變對方去適應自己嘅過程，呢樣會令對方好唔舒服。

例如你教對方點樣氹你、教對方點樣同你拍拖……或者你覺得咁做會減少自己內耗，令自己舒服啲，但對方只會覺得呢係討好你嘅過程，佢只係照你要求去做，因為呢唔係佢愛人嘅自然表現。

一個唔愛你既人，佢會……

1、睇唔到你嘅需求，要反復提醒

佢對你嘅情緒同需求冇主動感知，永遠要等你講明，甚至講咗之後仲唔重視。記唔住你反復強調在意嘅事（比如「我唔鍾意冷戰、唔鍾意冇交帶」），下次依然犯同樣錯，仲唔會主動道歉，反而覺得你「小題大做」。

你難過嘅時候（比如返工受挫折、生病、委屈），佢唔會主動遞安慰、做啲實際嘢，淨係會喺你明確話「我需要你安慰」之後，先敷衍講句「唔好難過啦」，冇後續行動；

對「親密關係嘅儀式感」完全冇概念，紀念日、節日要你提前提醒，甚至提醒咗之後仲隨便應付，唔會主動花心思諗你鍾意嘅方式，個心完全唔在意你、是是旦旦。

2、唔認為‘愛’需要學習，覺得你要求多

佢唔覺得「用心愛一個人」需要主動觀察、調整，反而將你嘅「教」當成「挑剔」。當你教佢「我生氣時需要你攬我一下，唔好同我講道理」，佢會反駁「我本來就唔識氹人，你唔好逼我」。

一個人愛你，一定會絞盡腦汁令你安心，佢愛你就會懂你——你咩都唔使講佢就會做，伸手要嚟嘅糖，同別人自願俾嘅完全唔一樣，愛你嘅人一定會諗辦法去愛你。

如果一段感情需要兩個人一齊一次又一次、日復一日努力去維護，相愛嘅人冇理由分開，唔愛嘅人挽留都留唔住。

3、唔會站喺你角度思考，教咗都唔識

佢唔止唔會主動愛，甚至連你「教佢愛」嘅初衷都唔理解。你教佢「嗌交之後唔好冷戰，我哋一齊傾，一齊解決問題」，佢只會表面答應，卻唔會諗「冷戰會令佢幾難過」，下次依然冷戰。

唔好再浪費你嘅口舌同眼淚去教一個人點樣愛你嘞，你教咗無數次，肯愛就愛，唔愛就算。

連續感受唔到嘅嘢就一律當假嘅處理，
持續考慮值唔值得嘅時候就值得，
可有可無嘅嘢一律可無。😂

你精神上唔依賴佢，經濟上都唔依賴佢，然後佢仲令你唔開心，咁我覺得佢嘅存在冇任何意義。（最近睇李詩韻同車祟健果個節目真係……）

鍾意你嘅人，柴灣去荃灣送你返屋企都唔覺遠；想陪你食飯嘅人，酸甜苦辣都鍾意食。當一個人真正被愛嘅時候，唔需要幾靚、幾叻幾勁，亦都唔需要迎合對方嘅情緒。

先好好愛自己吧～

22/11/2025

成日有人話搵伴侶
唔係要搵一個「對你好既嘅人」，
而係要搵一個「本身就好好」嘅人，
其實兩者一樣係擇偶嘅誤區！

你可以做嘅就係將自己變好：
透過自己嘅堅持，先可以吸引到對嘅人。
成日有人問：
「點先可以搵到一個本身就好好嘅人？」
仲羅列一大堆標準同參考，
我覺得好奇怪，
因為呢件事同中六合彩差唔多！
就算搵到一個本身就好嘅人，
好多都係靠緣分、運氣，
而且就算遇到好嘅人，
你未必有意愿同佢邁入婚戀關係。

所以一個本身就好嘅人可以同你發展關係，
影響因素好多，
唔係淨係睇對方好唔好呢一個維度。
如果照好多人講，
搵一個本身就好嘅人就得，
咁大部分人嘅擇偶標準就會變成「搵個好人」，而唔係搵一個適合自己、或者鍾意嘅人。

但「俾好人卡」又經常係
拒絕或者分手嘅爛藉口。🤣
所以從實際操作嚟講，
搵一個本身就好好、仲願意對你好、
仲願意同你步入婚戀關係嘅人，
涉及好強嘅運氣成分，難度極高！
咁你要增加呢個概率，
邏輯就只能係將注意力擺喺自己身上，
而唔係成日諗住定標準。

所謂「好」，
其實應該圍繞你自己嘅需求為主體。
每個階段根據自己心智成熟度同認知水平唔同，
標準都會有偏差，
唔存在永遠鍾意同一類型。

如果你本身夠開放包容，
就會發現婚戀觀會隨住時間變動、調整。
既然你自己都係不斷變化嘅狀態，
對方都一樣，
咁可以肯定嘅係，冇咩永恆不變嘅特質。
（亞視永恆咩！）

以前我哋鍾意用一啲詞語標籤一個人：
善良、有責任感、溫柔、情緒穩定等等，
但一個人一旦被貼上呢啲標籤同屬性，
想象空間就會大大縮窄。

如果有一日佢表現出怒氣、冷漠、傲慢
甚至憂鬱嘅一面，可能就會成為你
失望、厭惡嘅原因。

好似陽光開朗嘅人，可能其實好自我中心；
穩重沉著嘅人，可能冇高漲情緒，
唔可以陪你熱烈去愛一樣嘢；
體面嘅人可能暗藏傲慢；
專注嘅人可能顯得冷漠、旁若無人。

你點知你睇到嘅呢一面，
唔係透過你自己當下喜好嘅投射，
或者係對方特意展示畀你睇嘅特定一面？
每個人睇到嘅，
可能都係別人想讓你認為嘅樣子，
或者你自己執意認為嘅樣子。
（每個人點都會有個面具，想人地覺得自己好）

呢個就意味住，要識得分辨
「對你好」可能只係特定條件下嘅概率！
萬一有更好嘅選擇出現，
你隨時可能被欺騙、被拋棄。
反而一開始就默認對方對你嘅好帶有條件，
先係一種成熟。

要知道世界上冇人會無緣無故對你好好，
即係將婚戀觀不排除喺
人性、價值交換等範疇之外，
反而可以一早喺思維上增加抵禦風險嘅籌碼，
降低被騙概率，提前未雨綢繆。
（雖然咁講會打破好多人對戀愛嘅幻想）

所以喺我眼中，
樣本經驗唔夠、識人嘅悟性唔強嘅人，
想一眼睇穿對方好壞係好難既，
就算跟住別人羅列一大堆標籤、標準
都未必有用。

人生流流長，邊個冇遇到過幾個「仆街」？

只係數量多少嘅問題。
既然你控制唔到對方係純綿羊、大灰狼，
定係披住羊皮嘅狼，
咁你唯一可以做嘅，
就係做好準備抵禦一切風險。

當一件事充滿未知，人就要放慢腳步，
進攻同防禦都齊全，
剛起步時進攻力可以弱啲，
但防禦一定唔可以落後。

最緊要嘅係，你進入婚戀之前，
要有意識建立相對成熟嘅戀愛三觀：
有保護自己嘅能力、
有判斷是非嘅能力、
可以掌控自己嘅大腦同行為，
夠理性同果斷。

呢個時候有人會困惑：
既然樣本資料不足，
點樣先有成熟三觀？形成三觀，
一係靠自身經歷，二係靠見識。
對於悟性強嘅人，未必要親身遇到渣男，
身邊人嘅遭遇多咗，自然識得規避。

當然亦有人明知對方係渣男，仲甘心被騙，
（被騙的那個比騙徒更混帳🎶）
呢個就係你情我願，個人命運自己承擔。
鑒別一個人是否適合自己，
一靠細節，二靠時間。
細節就係睇佢面對各種境遇時展示嘅特質，
尤其係低谷期，
呢個人能否控制情緒、面對挫折嘅態度同狀態。
唔卸膊就係一個好好嘅特質，
起碼呢個人有面對自己、坦誠相對嘅真誠質素。

而時間可以說明好多問題，
一個偽裝嘅人，
扮得一時扮唔到一世。
你必須時刻保持觀察者視角，
唔好淨係陷入局內人嘅身份，
咁先有利於保持清醒同理智。

當然，對你自己而言，
最緊要嘅始終係將注意力擺喺自己身上、
堅持提升自己。

想搵一個本身就好嘅人，
不如將自己變成咁樣嘅人。
喺尋覓嘅過程中，
用更好嘅自己吸引更好嘅人。
不論係婚姻、擇偶定交友，
當你變好之後，
身邊嘅爛人會自動被淘汰，
就算你唔太識人都冇所謂。

當你自身抗風險能力變強，
遇到爛人都可以及時止損，
就唔會再執著於「搵一個本身就好嘅人」，
而係尋找適配自己当下需求嘅人。
就算揀錯咗，都可以換㗎！

當然，有啲觸及底線嘅「攞命之人」，
比如有家暴傾向嘅，始終要擦亮眼分辨清楚。
🫣

🗣如果你有困擾想處理，可以聯絡 Sophy
我提供催眠／一對一家排／元辰宮調整／靈氣等服務及教學

15/11/2025

令你上癮嘅愛情，唔止係生理性的吸引，仲可能係創傷性的吸引

最近睇左好多大陸短劇，大家可能會嘲笑咁狗血低能嘅劇都有咁多人睇。不過，戲劇源自於生活，人生如戲，而正正係生活中都有好多虐戀、狗血劇情，所以先會拍得出，甚至差唔多的劇本可以拍幾十個版本。而有趣嘅係明明差唔多的劇情都仲有咁多人睇，就係因為Hit中哂大眾的情感需求🤡。

有好多劇情都係女主角明明受虐(冷暴力甚至真係動手虐待)，都仍然留喺對方身邊好幾年，覺得自己好愛對方，所以一直忍耐，期望對方總有一日浪子回頭。直至某一刻的特大的衝擊，例如男方與其他人結婚，又或者自己就黎死男方都不理會，主女”儲夠失望”先會覺醒離開。

大家會以為女主真係好愛對方，但其實呢d都係創傷性吸引 – 因為過去內在有創傷，所以”愛上” 令自己重現創傷嘅人。

創傷唔係愛。苦戀中嘅人，難道唔知自己被人冷落、忽冷忽熱對待、受委屈咩？多數都知，唔止知，甚至察覺得好細膩。但點解仲係任由對方欺負自己，仲一次又一次對呢類人上癮又上癮？佢地的答案就係: 我都冇辦法。

聽落好無奈，但確實係佢冇辦法。佢哋對愛嘅認知淨係喺度”補位”，補嘅係同過往創傷啱啱好嘅情感循環，搵嘅對象唔係咩命中注定，而係人海中精准定位到一個會令自己重現創傷嘅人。

明明察覺到自己而家嘅情緒唔舒服、受傷、委屈，依然仲為對方搵理由同藉口，左腦話自己應該結束喇，右腦又因為佢認錯嘅態度，即刻心軟。

呢種卑微衍生出愛欲嘅畸形依戀，係一種強烈嘅救世主投射情結。呢就好解釋點解「巨嬰」同「聖母」總係鎖死：一方過度付出討好變成「血包」，以為會按照自己嘅認知邏輯一樣，對方會被感化，點知對方被養到越嚟越退化，直接變成巨嬰。呢個係現實中好多唔幸福親密關係嘅常見模式。

愛上一個激活自己創傷嘅對象，係童年冇被好好愛過嘅人必經之路。唔好以為長大左就一定會好晒，如果細個時唔好嘅經歷冇被好好消化，咁長大之後就會轉變成親密關係代償，而嗰個帶畀你或多或少影響嘅養育者(多數係父母)，會內化為唔好嘅”客體”( “主體”的相反)，以情緒+身體記憶嘅形式凍結喺你嘅意識入面。

最典型嘅表現就係被傷害之後，你唔係走，或者表達自己嘅不滿，而係喺度諗「佢會唔會嚟氹我」「我係咪真係好差」，開始反省。然後周而復始，喺呢種” 被傷害 —再原諒 — 再被傷害”嘅循環入面，複製呢種忽遠忽近、令你自我懷疑嘅熟悉感。

再慘d嘅係，有啲人將呢種痛覺嘅強弱同愛意深淺直接掛鈎，好似唔痛就唔算愛，唔嚐盡苦頭就唔係一段親密無間嘅關係。

呢個係病，唔係愛。

人性入面都有趨利避害嘅動物性，遵循天性而活係本能，但如果危險嚟到仲唔走，淨係有兩種情況：一係就係被馴化咗，比起離開，忍耐同讓出自我主體權，更可以得到關係的維繫；

一係就係幻想，人哋會因為你嘅不離不棄而手下留情。呢兩樣都係將生機寄託喺人地身上，而忽略咗自己完全可以主動選擇從一段有毒關係中解脫出來。

呢啲都唔係咩愛，而係匱乏嘅你，因為有人對你好少少，就算呢丁點嘅好，係好偶然同唔穩定，你都將佢當成救命浮木。殊不知傷害你嘅人，透過偶然俾糖嘅方式確認你嘅忠誠，令你反覆上癮，一啖沙糖一啖屎💩。

虐待、傷害、消耗唔可以令一個人自由，反而無形中每你上當。要真正識得珍惜自己、愛自己嘅人，先可以擁有真自由。(呢個亦係Soul free world誕生的由來)

你最應該識別清楚嘅係，自己到底係喺玩投射遊戲，定係人格完整之後精神自由衍生出嘅愛。一段健康可以滋養人嘅關係，必定係令你可以做自己、可以毫無顧忌表達需求，並且舒展自我。就算你要讓步，都係雙方尊重之後嘅結果，唔係以分開、冷漠、回避做附加結果。真正嘅愛可以令你產生主動探索世界嘅觸覺，而唔係將你嘅精力、心力都耗光。

當然愛冇辦法憑空得到，需要付出努力。一個從來冇用正確方法愛過自己嘅人，最應該學嘅就係好好愛自己——愛自己嘅肉身、接納自己嘅情緒，將自己由內到外都認真照料好，手上有嘅資源，包括金錢、時間、能量、注意力等，都用喺自己身上。你唔需要搵人投射，更唔使等別人救你，你自己就有能力將自己從水火之中救出嚟。

10/11/2025

最新網上課程

增加了:
魔法油及噴霧課 (包用具材料) $1580
魔法巫瓶製作課(包用具材料) $1580
魔法薰香製作課(包用具材料) $1580

👫3個課一起報，送父神母神2位神像

報名及查詢課程請dm/Whatsapp 62856857 Sophy

01/11/2025

最近收到個頗有趣的回饋，
有學生學習了數個網上靈氣課，
包括觀音紫焰靈氣之後，
竟因為開啟了通靈能力，
繼而找到了🧨廟祝✨️之工作！？！

不過亦有人問我，
學會了通靈會不會見到鬼，
其實有通靈力唔代表一定會有陰陽眼，
不過有陰陽眼就係有通靈力啦😂。

大家不用擔心學完靈氣會見鬼，
因為我都見唔到的，
但到左某d地方能量唔好我係都會feel到。

#觀音紫焰靈氣 #網上錄影課程 #網上靈氣課程

28/10/2025

除了完整大課：魔法草藥芳療初＆進階，
仲有3個小型工作坊，包括：
巫瓶製作課，魔法油及噴霧課，薰香製作課

聽日就係魔法油及噴霧課，
材料包有咁豐富！！

27/10/2025

兩個人適唔適結婚？睇以下呢三點就知：

間唔中遇到d婚姻問題的個案，有d結婚無耐就已經冇哂火花 ; 亦有d有婚外情的問題。依家愈來愈多人寧願單身唔結婚，相信好多時係因為父母的經歷或者朋友的經歷，再加埋社會因素，令好多人覺得“其實自己一個更開心，使×你講……”🎶🎵

結婚之後，我哋要面對嘅唔再係激情同埋生活儀式感，而係柴米油鹽——邊個執屋，邊個出錢，亦要應對（照顧）雙方父母，仲可能要拖住攰到死嘅身體陪對方做佢想做嘅事。日日重複嘅小事應對得唔好，堆積起來就會壓爛一段關係。

我雖然結左婚唔係好耐，但同老公拍左拖就快20年，所以都有dd體會咁啦😬。真正適合嘅關係，原來唔使太費氣力，兩個人都願意陪住彼此行落去。呢啲細節，先至係婚姻可以長久嘅關鍵。所以搵一個適合嘅伴侶，有以下幾個關鍵因素想同大家分享。

第一：佢點樣睇自己
呢一點好重要，一個人點樣對待自己，好大程度上代表咗佢會點樣睇別人。好多時，我哋根本唔知自己想要咩，於是就會揀大眾需要、社會認可嘅嘢嚟填補呢個空缺，比如樓、車、錢、地位等等。但呢啲嘢，未必就係你真正需要嘅。好多嫁入豪門嘅人（or入贅豪門)，過得都唔開心，亦都唔覺得幸福。
佢點樣睇自己，亦會投射到身邊的人身上，亦會帶住唔同的期望，希望身邊的人，尤其伴侶，可以達成或者大家一齊去達成。

第二：生活嘅磨合程度
婚姻其實係搵戰友，戰友唔係嗰個淨係可以同你吃喝玩樂、風花雪月嘅人，而係喺最細嘅細節入面，都可以同你一齊頂住嘅人。嗌咗交，唔係嘭門走佬，而係冷靜之後可以同你一齊面對解決問題；屋企有事，唔係慌失失齋喺度等你，而係可以同你一齊頂住；攰到爆時，唔係互相抱怨，而係可以攬下對方，撐住對方。

相愛容易，相處難。兩個人生活唔係簡單嘅1+1=2，而係兩個人各自帶嚟一塊麵包、一杯牛奶，用一份愛同一份包容將佢哋塑造成一個家。每個人都係獨立個體，邊個嘅靈魂都係半人半鬼，有高光就有陰影，彼此能夠接納對方先得。

睇到對方嘅最低處，能夠包容同理解，甚至將對方嘅缺點當成獨特標記，先可以長久；有相似嘅生活習慣同處事風格，先可以彼此過得舒服。

要記住，無人十全十美，初初拍拖果陣一定係收埋哂d缺點。人唔係結左婚就變差，而係佢終於可以做最真實的自己。

第三：面對未來嘅態度
我覺得只要認真拍拖，一定唔可以避免考慮兩個人嘅未來。而我憧憬嘅戀愛，唔單止係享受當下嘅快樂，更加係相處耐咗都唔厭嘅默契同舒服。如果認真拍拖，一定會考慮兩個人嘅未來，一齊時要經常傾下未來嘅生活，不斷調整對未來嘅規劃。有一句話：「正確嘅人喺未來等你」，但喺我覺應該轉成「正確嘅人同你一齊走向未來」。最好嘅愛情，就係兩個人朝住相同方向，一齊努力。

兩個人一齊奮鬥，一齊過簡簡單單嘅生活，一齊為咗兩個人嘅未來打拼，先至係愛情最正🤩嘅樣子。當你哋真正解決咗一單又一單問題，一齊贏咗生活入面嘅那些挑戰，你會發現，你哋開始重新認識彼此，而且會一次又一次再愛上彼此。

健康嘅戀愛應該係從愛入面獲得快樂同力量，而唔係花光力量同快樂去愛。彼此既是愛人，亦是隊友，更加係最好嘅朋友。婚姻嘅本質，唔係束縛，而係兩個人對彼此嘅承諾同守護。它係一種更高層次嘅陪伴，一種更長久嘅約定，只係想同彼此講：「我愛你，所以我願意同你一齊，將愛變成一種永恆。」

😽變相放閃一下，亦祝大家搵到自己的幸福。

24/10/2025

每一次進修學習都是一場心靈上的充電

D朋友問，你成日走黎走去上堂，唔攰咩？
其實今次唔使搭飛機，
相對上已經輕鬆好多，
體力上係攰，
但心靈好滿足。

作為療癒師：
✅️頭腦上有知識、
✅️身上有技術、
✅️心中有愛，

缺一不可。

之前上過很多技術課，
都不是有很多課會強調
療癒師自己內在品質，

這些看似不太重要的事，
往往才是療癒的根本。

Soul Free World

01/01/2026

31/12/2025

30/12/2025

30/12/2025

08/12/2025

22/11/2025

15/11/2025

10/11/2025

01/11/2025

28/10/2025

27/10/2025

24/10/2025

Address

Opening Hours

Website

Alerts

Contact The Practice

Shortcuts

Share

Category

我們的願景

Monday	10:00 - 22:00
Tuesday	10:00 - 22:00
Wednesday	10:00 - 22:00
Thursday	10:00 - 22:00
Friday	10:00 - 22:00
Saturday	10:00 - 22:00
Sunday	10:00 - 22:00