Tai Kwong Eyecare 大光視光

30/11/2025

本店參加了由香港執業眼科視光師協會籌組嘅視力支援計劃，有需要嘅朋友可以隨時WhatsApp 9299 7643 或致電3619 7236 搵我哋查詢。

如果地點唔方便找我們，可以搵其他已參加咗嘅會員：
https://bit.ly/49LROhn

希望幫到有需要嘅人。🙏🙏

17/08/2025

【👧🏻8歲 Marissa：戴近視控制隱形眼鏡方便啲又靚啲！😎】

📆 登記試戴 https://cvpromo.com/misight/try/?v=c4046s&c=taikwongeyecarecentre&y=2025

作為家長嘅你，小朋友近視不斷加深，有無諗過畀小朋友戴每日即棄近視控制隱形眼鏡?

👧🏻Marissa 8歲就開始戴 MiSight® 1 day 每日即棄近視控制隱形眼鏡, 一開始媽咪都陪住佢學戴學除，後來 Marissa 話：「學咗幾次就識，我真係好開心！」

打躲避盤唔怕跌眼鏡、溫習集中啲、又覺得自己靚咗 😆仲最重要：幫助減慢近視加深！

🌟MiSight® 1 day 有咩特別？
✔️佩戴方便¹ ，讓小朋友更投入學習及運動
✔️全球唯一獲美國 FDA 認證的軟性隱形眼鏡，有效減慢近視加深²
✔️每日即棄設計，安全性高³
✔衞生方便，唔使清洗或貯存
🎁 新用家成功試戴，更可獲超級市場電子禮劵（價值HK$150）^ 🛒

想了解試戴詳情？
詳細條款及細則請瀏覽 https://coopervision.com.hk/zh-hant/misight-promotion

活動期間: 由即日起至2025年至9月30日

📆 即刻登記試戴 https://cvpromo.com/misight/try/?v=c4046s&c=taikwongeyecarecentre&y=2025

👉想睇 Marissa 訪問嘅足本片段？即刻入嚟睇！https://vimeo.com/1085231369/38507ef7c7?ts=0&share=copy

^新用家於店舖內完成第一次試戴後，並經過預約店舖及本公司內部核實，將於14個工作天內透過系統收到超級市場電子禮券 (價值HK$150)。本試戴活動並不包括專業視光師驗眼服務，參加者須繳付有關由專業視光師所提供之驗眼服務的費用，有關詳情請向預約店舖查詢。

#近視控制 #兒童近視 #真實用家分享 #開啟夢想之匙 #孩子視野由你拓闊 #近視管理 #六個月以上幼童預約 #大光視光 #學前驗眼視您所想

Reference:
1. CVI data on file, 2024.Gallileo Observational Survey France with MiSight 1 day; N=362 children and teenagers and 57 ophthalmologists
2. Chamberlain P, et al. A 3-year randomized clinical trial of MiSight® lenses for myopia control. OVS (2019); 96(8):556-567.
3. Woods J, et al. Ocular health of children wearing daily disposable contact lenses over a 6-year period. CLAE 2021 Aug;44(4):101391.

27/05/2025

兒童驗眼 - 6歲小朋友，度咗眼軸長度未?

2025年年初，公司終於添置咗眼軸長度測量儀 (Nidek Optical Biometer AL-Scan M)，而家做兒童近視控制管理，有眼軸長度測量儀都差唔多變咗Gold Standard。因為我哋做幼童驗眼為主，啲小朋友長大到7-12歲左右，唔少都變咗近視，所以度眼軸長度變得越嚟越重要。

量度眼軸長度主要係用嚟監察近視有無加深同埋加深嘅速度，眼軸長度和近視加深嘅度數係成正比的，眼軸每長0.1mm，近視就約增加約25-30度，所以只要幫小朋拎咗一個基準 (Baseline)數據，將來跟呢個數據比較，就可以知道近視係唔係真係深咗。而家亦有一啲軟件可以因應小朋友年紀和眼軸長度，去估算小朋友將來發生近視嘅機率。

600或以上的近視已被定義為深近視，其實做兒童近視控制管理最主要嘅目的就係唔希望啲小朋友去到600或以上嘅近視，因為深近視會大大增加患唔同眼疾嘅風險 (重溫: https://www.taikwongeyecare.com/2019/11/深近視又有咩好怕喎/ )。無近視成人嘅眼軸長度一般係23-24mm, 去到26mm以上通常都變咗深近視度數，所以如果小朋友眼軸係超過26mm, 長大之後患上唔到眼疾嘅風險都會大增。

不過近呢6-7年多咗唔少近視控制方法俾家長選擇，筆者係5年前曾經寫過一篇網誌講解唔同方法嘅成效: https://www.taikwongeyecare.com/2020/03/兒童近視控制方法五花八門究竟要點揀/ ，入面啲資料大致都仲啱，家長有興趣了解就可以㩒入去睇吓啦！希望以上資訊可以增加家長對眼軸長度和近視嘅認識，我哋而家最細可以為六個月或以上嘅幼童作驗眼服務架啦!

P.S. 家姐Josie而家大個咗，可以幫兩個細佬做立體感檢查。😂

陳家豪, Paco
註冊視光師 (第I部份)
http://www.taikwongeyecare.com/我們的視光師
https://www.taikwongeyecare.com/2025/05/兒童驗眼-6歲小朋友驗眼度咗眼軸長度未

大光視光中心
九龍尖沙咀麼地道62號永安廣場UG樓18舖（尖東站P1出口）

#兒童驗眼 #兒童近視 #立體感 #蜂巢鏡 #兒童近視控制鏡片 #減慢近視加深 #近視管理 #六個月以上幼童預約 #大光視光 #學前驗眼視您所想

24/05/2025

我的創業故事：https://www.youtube.com/watch?v=2sdyHPzOets&t=17s

我每個星期都會返半日理工大學睇吓啲實習視光師實習，有時都會同啲學生提及到，如果將來想開Practice, 會遇到啲咩問題，要有啲咩心態。一直其實都有個諗法：不如拍條片出嚟講吓，礙於無咩器材，又無咩拍片咩經驗，所以淨係停留喺個諗字 。

咁啱好友Aaron Luk開嘅拍攝公司 Studio 21 話可以幫手搞喎，考慮咗一陣，就拍板take action。拍嘅時候Aaron 問，除咗創業故事之外，有無其他野想講，適逢立法會《2025年輔助醫療業(修訂)條例草案》正進行得如火如荼，不如就講吓香港註冊視光師 (第I部份)爭取咗好耐好耐都無嘅轉介權，等大眾市民知道我哋除咗配眼鏡之外，仲可以做到啲咩嘅實質職能。

我知我呢個Page 大部份followers都係媽媽，對呢啲創業故事可能無咩興趣😂，不過入面講嘅心態，我覺得啲小朋友長大咗係職場都應該有用，您哋有時間都睇吓啦，謝謝您哋一直以來嘅支持。

陳家豪, Paco
註冊視光師 (第I部份)
https://www.taikwongeyecare.com/我們的視光師
https://www.taikwongeyecare.com/2025/05/我的創業故事/

P.S. 今次係小弟第一次面對鏡頭講咁多野，真係非常感謝Aaron嘅鬼斧神工，可以將條片剪到咁，大家如果想拍片影相記得Message Studio 21 搵Aaron 幫手，佢絕對可以幫到您。

#視光師 #白內障 #兒童驗眼 #醫院轉介權 #創業故事

👓 Paco的視光故事 | 創業經歷、兒童驗眼、老人白內障、視光師的重要性 在這集影片中，我們將深入了解視光師 Paco 的故事。他不僅是一位專業的視光師，更是一位擁有豐富經驗的創業家，致力於推動視光行業的專業發展。 ✨ ...

16/12/2024

喺公司同一層 永安廣場UG層45-46鋪係 Fencing Hall 劍 • 館 ，專門賣一啲劍擊比賽嘅服裝和工具，嚟緊佢哋會係澳門協辦一個劍擊比賽。估唔到咁都有機會合作，我哋公司會sponsor 佢哋個人項目季軍嘅得獎者一份小獎品。

雖然筆者對劍擊認識唔深，不過有良好嘅視力應該係基本條件，啲參加者又要戴著個頭盔，如果有度數問題要戴眼鏡，又要玩劍擊，應該好大機會要戴Con? 所以鐘意玩劍擊嘅小朋友，應該要定期驗吓眼😉。

未報名嘅小朋友，快啲click 入去以下連結睇吓啦，報名網站 ：https://www.sportsfay.com/event/Asian_Youth_Elite_Fencing_League_Macau_2024

「金沙中國2024亞洲少年劍擊精英聯賽-澳門站」今年我們共設立24個人項目及12個團體項目得獎組別，每個組別設冠亞季軍，除了獲得獎狀及證書外, 不同項目得獎者可分別獲得不同獎品，總值高達HK$180,000。
🏆個人項目🏆
冠軍 (1名)：FILA時裝服飾現金劵HK$2000+Sunjom 藍牙智能觸屏耳機 (價值HK$488)
亞軍 (1名)：Fencing Hall現金劵HK$800+ Sunjom 藍牙智能觸屏耳機 (價值HK$488)
季軍 (2名)：大光視光現金劵HK$400+ Sunjom 藍牙智能觸屏耳機 (價值HK$488)
🏆團體項目🏆
冠軍：FILA時裝服飾現金劵HK$5000
--------------------------------------------------------------
金沙中國2024亞洲少年劍擊精英聯賽-澳門站
日期:2024年12月28-30日
地點:澳門威尼斯人金光會展A 館

Sands China Ltd. Asian Youth Elite Fencing League, Macau 2024, has set up 24 individual events and 12 team events, each with gold, silver, and bronze medalists. In addition to receiving certificates and awards, winners in different events will receive various prizes, with a total value of up to HK$180,000.
🏆 Individual Events 🏆
• Champion (1): FILA fashion voucher HK$2000 + Sunjom Bluetooth smart touchscreen earphones (valued at HK$488)
• Runner-up (1): Fencing Hall voucher HK$800 + Sunjom Bluetooth smart touchscreen earphones (valued at HK$488)
• Third Place (2): Tai Kwong Eyecare voucher HK$400 + Sunjom Bluetooth smart touchscreen earphones (valued at HK$488)
🏆 Team Events 🏆
• Champion: FILA fashion voucher HK$5000
🎯 Register by December 15 to enjoy early bird discounts! Click the bio link to learn more and participate.
--------------------------------------------------------------
Sands China Ltd. Asian Youth Elite Fencing League, Macau 2024
Date: December 28-30, 2024
Location: Venetian Macao, Cotai Expo Hall A

報名費:
(個人項目)原價每項港幣75，兩項港幣1300。
(團體項目)原價每隊港幣2000
截止報名日期： 21/12/2024 HKT 23:59 (額滿即止)
+852 66630200
cs@asianyouthfencing.org

#金沙中國劍擊 #亞洲少年劍擊 #劍擊精英聯賽 #劍擊賽事 #運動社區
#劍擊生活 #參加活動 #劍擊比賽 #劍擊 #擊劍 #學前驗眼視您所想 #接受6個月以上幼童預約 #大光視光

26/09/2024

從眼睛檢查睇到有無三高嘅端倪?

三高即係高血糖、高血壓及高血脂，係都市人常見嘅慢性心血管疾病，亦係引致中風和心臟病常見嘅原因。平日幫人客驗眼嘅時候，當見到一啲同三高有關嘅眼球症狀，覺得人客可能有三高，就會建議佢哋做身體檢查。以下就講吓一啲常見和跟三高有關嘅眼球症狀：

高血糖和高血壓
糖尿上眼可能大家都有聽過，其實佢係一種視網膜血管疾病，患者眼底會出現滲血、蛋白滲漏和黃斑水腫等問題，無處理妥當嘅話，最嚴重可以導致視網膜脫落，係好短時間內造成永久視力喪失 。至於患有高血壓嘅患者，因為血管變得硬化，喺視網膜上嘅血管形態或會有變異，亦有機會出現滲血和蛋白滲漏等情況。所以幫人客做全面眼科視光檢查時，發現眼底有以上嘅症狀，就會建議人客盡快做一個全面嘅身體檢查，查明眼底血管出現問題嘅原因。筆者曾經遇過一啲唔知道自己有高血壓嘅人客，因為覺得睇嘢矇所以想驗眼，驗眼後發現眼底眼血管有異常和滲漏，即時替他進得血壓檢查，發現上壓高達200mmHg！因為持續嘅高血壓，可能有性命危險，所以見到呢類型嘅情況，我會立刻叫人客到急症室求醫。

高血脂
有兩個用肉眼都可以見到嘅眼球症狀，可能同高血脂有關。第一個叫黃斑瘤(Xanthelasma)，佢係一啲處於上、下眼瞼或靠近內眼角，呈一塊塊黃色脂肪狀嘅斑。第二個叫角膜老年環 (Arcus senilis)，佢係處於角膜周圍，呈白銀色環形，寬約1mm嘅肪狀沉積物。兩者係唔會令患者有痕癢或疼痛的感覺，亦唔會影響視力。有黃斑瘤或角膜老年環唔一定代表患者有高血脂，不過越年輕出現以上症狀，有高血脂嘅機會就越高，所以四十歲或以下嘅年輕患者苦出現以上其中一種情況，最好定期做全身體檢，查確保自己無高血脂等問題。

希望以上資訊可以令大家知道定期做全面眼科視光檢查和定期做全面身體檢查嘅重要性。我哋一直同本港其中一間大型體檢中心合作，經由本中心轉介嘅人客，可以85折 ($828) 進行一次標準健康檢查，詳情可細閱本中網店資料: https://bit.ly/標準健康檢查套餐優惠 。當然我哋梗係有全面眼科視光檢查提供，服務詳情可細閱：https://www.taikwongeyecare.com/全面眼科視光檢查 ，費用只需要$300。有其他問題歡迎隨時留言或PM，我哋會盡快回覆，謝謝關注。

陳家豪, Paco
註冊視光師 (第I部份)
https://www.taikwongeyecare.com/我們的視光師

大光視光中心
九龍尖沙咀麼地道62號永安廣場UG樓18舖（尖東站P1出口）

https://bit.ly/標準健康檢查套餐優惠
https://bit.ly/標準健康檢查套餐優惠
https://bit.ly/標準健康檢查套餐優惠

#三高 #身體檢查 #體檢 #高血糖 #高血壓 #高血脂 #成人驗眼 #長者驗眼 #糖尿上眼 #高血壓視網膜病變 #老花 #白內障 #青光眼 #老年黃斑點病變 #視網膜脫落 #黃斑瘤 #角膜老年環 #醫療券 #大光視光

22/07/2024

試戴優惠｜控制兒童近視加深 首選MiSight ® 1 day 隱形眼鏡

小朋友有冇被近視影響生活? 想踢波，又驚整爛副眼鏡？唔戴眼鏡又睇唔清?

近視除咗影響小朋友學習及日常生活，仲係一種慢性漸進性疾病，深度近視同時亦增加患上危及視力疾病嘅風險！把握時機，儘早開始為小朋友控制近視，選擇佢地喜愛嘅MiSight ® 1 day隱形眼鏡，家長只要踏出第一步，小朋友就球星都有機會做到！成功試戴仲即送$150 超市禮券 # 。

MiSight ® 1 day 每日即棄兒童近視控制隱形眼鏡，係專為減慢兒童近視加深而設，接近9成兒童更喜愛配戴:

1）全球唯一獲美國FDA認證的軟性隱形眼鏡，證實從8-12歲開始使用，有效減緩近視加深。
2）7年最長針對兒童使用軟性隱形眼鏡的研究支持
3）高安全性每日即棄隱形眼鏡，毋需清洗或貯存

即刻WhatsApp 查詢有關試戴MiSight ® 1day詳情及收費:
https://wa.me/85292997643/?text=我想了解更多有關能控制近視加深嘅MiSight1day服務內容和收費

了解兒童近視控制及產品可前往https://coopervision.com.hk/zh-hant/myopia-management

# 必須由指定眼鏡店的註冊視光師 (第I部份) 驗眼，參加家庭需支付驗眼費用。是次活動受條款及細則約束。

#兒童近視 #近視控制 #減慢近視 #矯正近視 #兒童近視控制 #光學離焦隱形眼鏡 #兒童驗眼 #提升自信 #大光視光

活動條款及細則 :
• 活動日期: 即日起 至 2024年9月15日
• 是次活動只適用於指定眼鏡店
• 試戴只適用於 8歲或以上的近視兒童，沒有散光或散光度數低於 100度，並從未有使用 MiSight® 1 day經驗。
• 試戴前必須由指定眼鏡店的註冊視光師 (第I部份) 驗眼，參加家庭需支付專業驗眼費。
• 優惠名額有限，額滿即止。
• 每位合資格參加者只可享用優惠一次
• 如有任何疑問，請向指定眼鏡店的視光師查詢。
• 如有任何爭議， CooperVision Hong Kong Limited保留最終決定權

10/11/2023

兒童驗眼 - 深遠視衍生的視力問題

相信大家係網上，有時會睇到一啲影片(例如：https://www.youtube.com/watch?v=plCOPfl8Tgo )，係講一啲BB戴咗個眼鏡之後，即時眼睛好似變得烔烔有神咁。如果您哋細心留意，通常嗰啲眼鏡都會令到BB對眼睛放到好大，嗰的其實係一啲好深遠視嘅鏡片來的。

深度遠視喺小朋友嚟講，並唔常見，約有1-2%嘅小朋友會有呢個情況 (重溫: https://www.taikwongeyecare.com/2021/02/兒童驗眼-點解咁細個小朋友要戴眼鏡/ )。每當我遇到呢類形個案，都會花好多時間去令家長明白小朋友對眼究竟發生緊咩事：點解要快啲戴眼鏡，唔戴會有咩後果等等。好多時啲家長都會聽到呆晒，唔知我講緊咩，或者完全接受唔到。所以我係6-7年前曾經寫過一篇有關深遠視衍生的視力問題嘅文章，希望幫到啲遇到類似情況嘅家長了解更多。原文如下:

「絕大部份的小孩一出生便有遠視。 輕度的遠視對於小朋友來說是一個正常的現象， 一般會隨着年齡的增加而逐漸減退。 但如果小孩患有過深的遠視而沒有得到合適的處理， 視力發展、閱讀和學習都會受到影響， 而患上弱視或斜視的風險亦會大增。

深度遠視的定義及其成因
1. 500度以上的遠視度數被定義為深度， 225至500遠視度數被定義為中度， 200度或以下的遠視度數被定義為輕度。

2. 遠視的主要成因是因為眼球的長度過短，輕度遠視的小朋友， 視力一般都能正常發展， 因為小朋友眼內的睫狀肌是非常活躍， 只要他們把睫狀肌用力收緊（調節）， 便能把聚焦在視網膜的後面的影像放回視網膜。 但當遠視度數過深，視力便會變得模糊。

兒童患有深度遠視的症狀
1. 視力模糊， 尤其觀看近距離的事物。
2. 觀看事物時常瞇眼。
3. 眼睛易疲倦、泛紅、常流眼淚水及常眨眼。
4. 手眼協調的能力較差，閱讀困難或逃避閱讀。

深度遠視的處理方法
1. 深度遠視和內斜視是息息相關的， 因為深遠視的患者若要把事物看清。 就要把睫狀肌用力收緊， 若睫狀肌過份地收緊會導致眼球內轉， 有機會會形成調節性內斜視（俗稱為鬥雞眼）。如果深度遠視是伴隨著調節性內斜視，兒童便必需配戴足度數的遠視眼鏡，以改善內斜視及深度遠視所帶來的視力問題。足度數的遠視是必需透過滴放大瞳孔眼藥水後，才能檢查出來。

2. 若深度遠視和調節性內斜視並沒有同時出現，那在驗配遠視眼鏡時，便無需配上足度數的遠視度數，視光師會因應情況作出適當的調整。

個案分享
最近有一名四小朋友作眼睛檢查時，雙眼患有950度遠視。起初其最佳矯正正視力只有兩成，戴上合適度數眼鏡九個月之後，最佳矯正視力已達到八成半。只要保持帶著眼鏡，預期最佳矯正視力能在一年後能變回十成。家長亦提及到女兒除了視力得到改善外，學習表現甚至社交都有進步。」

希望以上資訊可以幫到啲有深遠視小朋友嘅家長。如果覺得自己小朋友有以上症狀，就要盡早幫佢哋進行第一次驗眼，我哋而家接受6個月或以上嘅兒童預約的！

陳家豪, Paco
註冊視光師 (第I部份)
https://www.taikwongeyecare.com/我們的視光師
https://www.taikwongeyecare.com/2023/11/兒童驗眼-深遠視衍生的視力問題/

大光視光中心
九龍尖沙咀麼地道62號永安廣場UG樓18舖（尖東站P1出口）

#兒童驗眼 #兒童遠視 #兒童斜視 #兒童弱視 #射厘眼 #鬥雞眼 #鴛鴦度數 #小朋友驗度數 #兒童驗度數 #視光師 #六個月以上幼童預約 #大光視光

09/07/2023

兒童驗眼 - 讀N班前小朋友驗咗眼未?

上篇網誌講到今年四月公司終於購置咗可以幫六個月大BB驗眼嘅儀器 Spot Vision Screener (https://www.taikwongeyecare.com/2023/06/六個月大bb都可以驗眼/)，有好野緊係俾屋企人試吓先啦！其實我除咗有大家係網頁或Facebook 見到嘅五歲囡囡Josie 之外，仲有對兩歲嘅孖仔Jonas同 Jamie (佢哋個樣都幾似，所以有時都會搞錯咗😅)。

喺佢哋六個月大嘅時候，我已經用視網膜檢影燈 (Retinoscope) 幫佢哋檢查過眼睛，個時check 到有啲遠視和輕微嘅散光。咁喺今年四月，再用Spot Vision Screener 檢查吓，好彩兩個度數都係同六個月嘅時候差唔多，暫時唔使戴眼鏡著🤞。

睇番由2019年開店到而家，我寫咗10篇有關兒童驗眼和視力發展嘅文章，家長有時間都可以睇吓，就係公司呢個網頁: https://www.taikwongeyecare.com/兒童眼科視光檢查/ scroll 去下面嘅延伸閱讀，入面都解答咗好多家長常問嘅問題，希望幫到您。

筆者會繼續努力推動幼童驗眼，希望家長都會意識到幼童驗眼嘅重要性，可以早啲幫小朋友做第一次驗眼，如發現有問題就可以盡早解決。我哋而家最細可以為六個月或以上嘅幼童作驗眼服務架啦!

P.S. 影片開頭Jonas 同Jamie正進行立體感檢查，佢哋反應都幾快架！😉之後就用Spot Vision Screener同佢哋做度數篩查，坐定嘅話約兩秒可以完成，所以六個月大BB真係可做到的。

陳家豪, Paco
註冊視光師 (第I部份)
https://www.taikwongeyecare.com/我們的視光師

大光視光中心
九龍尖沙咀麼地道62號永安廣場UG樓18舖（尖東站P1出口）

#兒童驗眼 #兒童近視 #兒童散光 #兒童遠視 #兒童斜視 #兒童弱視 #射厘眼 #鬥雞眼 #色弱 #立體感 #鴛鴦度數 #小朋友驗度數 #兒童驗度數 #視光師 #六個月以上幼童預約 #大光視光

01/06/2023

六個月大BB都可以驗眼?

喺2020年10月嘅時候，我曾經寫過一篇網誌講話四歲先到健康院做第一次驗眼，真係有啲遲喎 ：https://www.taikwongeyecare.com/2020/01/四歲先到健康院驗眼會唔會遲咗啲/ 。嗰時自己剛剛開店，礙於資源有限，未能購置Spot Vision Screener，所以只係對外宣傳接受兩歲或以上兒童預約。

如是者，公司就營運咗差唔多四年，多得唔少媽媽嘅支持和推薦，慢慢開始多比較細年紀嘅小朋友嚟驗眼。其實大部分嘅小朋友都好乖，係無Spot Vision Screener 嘅情況吓， 大部分都可以順利做晒所有眼睛檢查，但有時遇到一啲年紀真係好細嘅手抱BB或一啲有特殊需要嘅小朋友，就會心諗：如果我而家有部Spot Vision Screener 就好啦！為咗令自己唔會再有呢個遺憾，終於喺今年嘅4月，將佢收歸旗下，正式為六個月或以上幼童作驗眼服務！

咁Spot Vision Screener 係咩嚟呢? 佢係一部手提嘅儀器，透過分析視膜網反射出嚟嘅光線，評估小朋友嘅近視、遠視和散光度數同埋有無斜視。部機係唔會接觸同個小朋友，大概係1m 左右到進行，小朋友只要望著個鏡頭就可以了。如果小朋友坐得定， 快嘅話二秒就可以完成個檢查。如果想知更多點運作， 可以睇吓呢個Youtube Video: https://www.youtube.com/watch?v=THu-Wqkg4PQ/ 。Spot Vision Screener 其實喺美國推出咗11年左右，都有唔少研究搵過佢嘅準繩度，啲研究結果指出佢嘅準繩度大概有8成左右，其實都好高，不過佢始終都係一個篩查儀器，如果check 到有問題，都要視光師確實個結果。

咁家長都一定會問，咁細個真係有需要驗眼? 其實真係有。全世界都有唔少研究指出約20% 小朋友一出世就有先天視力嘅問題，根據我本人嘅經驗，呢個數字真係差唔多，散深光、鴛鴦度數、深遠視、深近視和斜視等，您諗到或者諗唔到嘅可能性都真係會出現。有清晰嘅視力係學習嘅其中一個最重要嘅元素，一出世到五六歲嘅小朋友係處於一個極速學習嘅階段，如果可以喺好早嘅時候發現到有視力問題，而作出處理，相信對於小朋友將來嘅成長一定有極正面嘅幫助。

P.S. 近排同呀囡Josie讀到一本叫 “未來是這樣嗎? 不一定喔!” 嘅圖書，入面內容嘅旨意大概係講：人唔應該限制咗自己對未來可以發生嘅可能性，要一直抱有開放嘅態度。雖然而家仍然有好多家長覺得小朋友四歲先要驗第一次眼 (可能係健康院收到嘅資訊嘅緣故)，不過我仍然會繼續努力，話俾大家知小朋友應該要六個月至一歲就驗第一次眼，因為我信相未來不一定是這樣！

陳家豪, Paco
註冊視光師 (第I部份)
https://www.taikwongeyecare.com/我們的視光師
https://www.taikwongeyecare.com/2023/06/六個月大bb都可以驗眼/

大光視光中心
九龍尖沙咀麼地道62號永安廣場UG樓18舖（尖東站P1出口）

#兒童驗眼 #兒童近視 #兒童散光 #兒童遠視 #兒童斜視 #兒童弱視 #射厘眼 #鬥雞眼 #色弱 #鴛鴦度數 #小朋友驗度數 #兒童驗度數 #視光師 #六個月以上幼童預約 #大光視光