15/03/2023
【人體知識知多啲 - 甚麼是筋膜（二）】
其實肌肉喺現實中唔會好似教科書裡面嘅插圖所展示🙅🏼♂️，直接將力量💪🏻通過筋腱傳遞至骨骼🦴
實際上，好多肌肉纖維都會連接到筋膜上，以臀大肌（gluteus maximus）為例，佢主要連接胸腰筋膜（thoracolumbar fascia）以及髂脛束（iliotibial band），只有小部分（大約1/4）係連接到股骨（femur）
因此，當力量傳遞畀完成動作嘅主要肌肉🦵🏻，又名主動肌（agonist），主動肌會將大部分收縮力或張力分散到筋膜層上，再由筋膜層將力量同時傳送畀另外兩組肌肉以完成動作，兩組肌肉分別係：
1️⃣ 協同肌（synergist）：作用係協助主動肌完成或維持動作，令到做動作時可以保持身體平衡
2️⃣ 拮抗肌（antagonist）：為咗配合主動肌完成動作，功能同主動肌相反🔄 — 當主動肌收縮‼️，拮抗肌就會放鬆及伸長💤；當主動肌放鬆💤，拮抗肌就會收縮‼️
以上傳遞方式可以使各關節活動✅
再加上主動肌、協同肌，同埋拮抗肌未必會處於人體中同一個位置，呢種傳遞力量嘅方式甚至可以影響到更遠嘅關節區域。
當受過傷🤕或者因長期姿勢不正確而造成勞損💥筋膜會發炎而導致黏連及繃緊，筋膜之間滑動能力下降⬇️
由於筋膜間唔能夠好好地滑動🙅🏼♂️，筋膜傳遞力量嘅能力因此而下降，令到肌肉難以發力，關節亦因欠缺肌肉支撐導致疼痛😖
臨床上見到好多病人都會提及自己某啲關節或肌肉難以發力，嘗試過直接鍛鍊該處肌肉效果卻未如理想
經過診斷及評估後，安排筋膜手法治療（fascial manipulation），有系統地放鬆返筋膜，肌肉正確發得返力之餘，又治療到痛症，提昇運動表現🆙
-
想了解更多物理治療嘅資訊，就請留意我個IG page喇👀
📩 Instagram:
📲 WhatsApp 預約及查詢：9744 8552
-
#筋膜 #筋膜手法治療 #物理治療 #物理治療香港 #物理治療小知識 #人體小知識 #肌肉痛症 #關節痛症 #主動肌 #協同肌 #拮抗肌
圖片來源：
Stecco, C 2015, Functional Atlas of the Human Fascial System, Churchill Livingstone, London, the United Kingdom.
