專職醫療 Allied Health － 物理治療及度身訂造鞋墊中心

專職醫療 Allied Health － 物理治療及度身訂造鞋墊中心 專職醫療復康中心是一所綜合復康診所，提供物理治療、義肢（假肢）及矯形、運動治療，包括度身訂造鞋墊、脊柱側彎矯形器、中風或腦癱之鞋托、拉筋運動、阻力訓練運動、肌筋膜放鬆等服務。

專職醫療復康中心是一所綜合復康診所，提供物理治療、義肢(假肢)及矯形、運動治療，包括度身訂造矯形鞋墊、脊柱側彎矯形器、中風或腦癱之腳托、拉筋運動、阻力訓練運動、肌筋膜放鬆等服務。

治療師解釋得很詳細和細心，前台服務也很細心
21/04/2026

治療師解釋得很詳細和細心，前台服務也很細心

講解得好詳細
19/04/2026

講解得好詳細

物理治療師，助理，接待處職員全部都很友善。治療很到位，真心有解決到痛症問題。
17/04/2026

物理治療師，助理，接待處職員全部都很友善。治療很到位，真心有解決到痛症問題。

家長最關心的「矯正黃金期」——著咗鞋墊幾耐先可以矯正到？ 🦶✨​​成日喺診症室都會聽到家長問：「小朋友著咗鞋墊幾耐先可以矯正到啊？係咪著一年就得？」或者「 會唔會著咗都矯正唔到㗎？」🤔​其實，「幾耐先好」呢個問題真係因人而異，並冇一個絕對嘅...
16/04/2026

家長最關心的「矯正黃金期」——著咗鞋墊幾耐先可以矯正到？ 🦶✨
​
​成日喺診症室都會聽到家長問：「小朋友著咗鞋墊幾耐先可以矯正到啊？係咪著一年就得？」或者「 會唔會著咗都矯正唔到㗎？」🤔
​其實，「幾耐先好」呢個問題真係因人而異，並冇一個絕對嘅「保用期」。正如每個人嘅成長速度唔同，矯正進度亦受到好多因素影響：
​1️⃣ 身體先天條件：每個小朋友嘅關節柔軟度（Ligament laxity）同骨骼發展都唔同。
2️⃣ 穿著時數：鞋墊要「落地」先發揮到作用，如果只係返學著，放學就換返平底鞋，效果自然打折扣。
3️⃣ 肌肉力量：呢點最關鍵！足弓唔單止靠鞋墊撐住，仲要靠自身肌肉發力。💪
​所以我成日常強調，矯形鞋墊係幫你「扶正」條力線，但要「企穩」就靠你自己。 除了穿著訂造鞋墊，我亦會針對性地教患者做一啲足部及下肢鍛鍊運動（例如抓趾運動、小腿伸展以及整個下肢訓練等），加強肌肉記憶，令矯正效果事半功倍！
​唔好諗住「一墊走天涯」，配合適量運動，先係對腳最長遠嘅投資。🏃‍♂️🏃‍♀️

十分好的治療及服務。
12/04/2026

十分好的治療及服務。

細心，專業，講解詳盡
31/03/2026

細心，專業，講解詳盡

【小朋友足部健康，真係唔可以「等吓先」！】 👣喺幼兒園做篩查嘅時候，負責老師同我大呻，話校內好多小朋友嘅坐姿都好差。因為地面活動多，小朋友好自然就坐成「W型腳」（或者老師口中嘅M字腳）。雖然老師會口頭提醒，但小朋友轉頭又打回原形。😫點解我咁...
29/03/2026

【小朋友足部健康，真係唔可以「等吓先」！】 👣

喺幼兒園做篩查嘅時候，負責老師同我大呻，話校內好多小朋友嘅坐姿都好差。因為地面活動多，小朋友好自然就坐成「W型腳」（或者老師口中嘅M字腳）。雖然老師會口頭提醒，但小朋友轉頭又打回原形。😫

點解我咁強調坐姿？因為長期「W坐姿」會令大腿骨過度內旋，直接導致入字腳同埋肌肉發展不平衡。老師仲留意到，而家啲小朋友普遍體能偏弱，除咗缺乏運動，其實同足部力線不正、行路易攰都有好大關係！💨

我同老師解釋，就算大家平時聽得多「扁平足」，其實都有分好多種類同嚴重程度。成因可以好廣泛：由生活習慣、坐姿、運動量，到先天體質都有關。

如果你發現小朋友：
❌ 鍾意W坐姿
❌ 行路容易絆倒
❌ 唔想行路、話腳痛
❌ 體能比同齡小朋友差

呢啲都係信號！單靠口頭提醒「坐好啲」未必夠，有時需要專業評估去了解肌肉繃緊嘅情況，再配合針對性嘅伸展運動，先可以由根源改善。✨

如有問題，歡迎pm問我
歡迎瀏覽本中心網頁：https://www.alliedhealth-rehab.com/tc/service.php?wid=16&id=7
中心電話：852-26669508
WhatsApp：https://api.whatsapp.com/send?phone=85264209456

#入字腳 #體能訓練 #伸展運動 #矯形鞋墊 小朋友行路 足部健康

👟 赤足鞋 vs 硬底鞋：赤足鞋是否人人啱着？古Sir一次過講清講楚🔥社交平台愈嚟愈多資訊，有人推崇赤足鞋話可以訓練足部肌肉、改善扁平足；又有人堅持要着硬底鞋先穩陣，話赤足鞋會越着越傷。但老實講——大部分人都係「站在自己行業角度講」，冇錯，...
23/03/2026

👟 赤足鞋 vs 硬底鞋：赤足鞋是否人人啱着？古Sir一次過講清講楚🔥

社交平台愈嚟愈多資訊，有人推崇赤足鞋話可以訓練足部肌肉、改善扁平足；
又有人堅持要着硬底鞋先穩陣，話赤足鞋會越着越傷。

但老實講——
大部分人都係「站在自己行業角度講」，冇錯，但唔夠全面。
所以今日我，就用物理治療師嘅角度，深入分析一次：
軟底鞋 vs 硬底鞋 👉 究竟邊個啱你？邊個完全唔啱？🧐

📌 赤足鞋（軟底鞋）係咪真係咁神？
其實赤足鞋嘅原理係想模擬人類赤腳走路，透過減少人為支撐，迫使足底肌肉自己「做嘢」。

如果你具備以下條件，係可以嘗試嘅：

✅ 熱愛運動，有一定程度嘅身體協調能力。

✅ 足部結構問題（如扁平足、高弓足）唔算嚴重。

✅ 最重要一點： 你一定要配合針對性嘅下肢及足部矯正運動！

我喺度要再三強調：千萬唔好以為「單靠著鞋」就可以改善問題。 呢類鞋本身無提供支撐（Support），如果你本身足部力線已經偏歪，或者關節控制能力差，強行著軟底鞋只會令足部更加勞損，甚至導致筋膜炎或韌帶撕裂。

📌 點解有啲人著咗反而仲痛？
呢個就係重點！如果你有嚴重扁平足、體重較重、或者工作需要長期站立，足部已經處於疲勞狀態，呢個時候再著缺乏支撐嘅軟底鞋，就好似叫一個已經受傷嘅人去負重跑一樣，只會越著越差。

相反，**「硬底鞋」或「配備矯形鞋墊」**嘅作用係提供一個穩定嘅平台，幫你糾正力線不正，減輕肌肉同韌帶嘅負擔。

💡 古Sir總結：
呢個世界冇一對「神鞋」可以處理晒所有痛症。揀鞋嘅關鍵在於：

了解自己嘅腳型（係扁平足、寬扁足定高弓足？臨床經驗好重要！）

配合生活習慣（運動定係返工長企？）

動態與靜態平衡

如果你真係想知自己應該着咩鞋，
最準確嘅方法永遠都係——問專業人士檢查。
因為鞋係穿喺你隻腳唔係人哋隻腳👣

如有問題，歡迎pm問我
歡迎瀏覽本中心網頁：https://www.alliedhealth-rehab.com/tc/service.php?wid=10&id=1
中心電話：852-26669508
WhatsApp：https://api.whatsapp.com/send?phone=85264209456

#扁平足 #赤足鞋 #硬底鞋 #矯形鞋墊 #足底筋膜炎 足部健康 物理治療 訂造鞋墊

Provided a detailed analysis of my symptoms and also extremely professional
20/03/2026

Provided a detailed analysis of my symptoms and also extremely professional

Good
19/03/2026

Good

我因為舉重受傷咗膊頭，本來一直去中環啲治療師，因為近公司方便。最近有同事介紹我嚟呢間診所，一開始我都有啲猶豫，因為距離比較遠。不過嚟到之後，發現真係非常值得！第一次治療已經好有驚喜，物理治療師好仔細，解釋每一個細節，問我好多問題，亦好有耐心...
19/03/2026

我因為舉重受傷咗膊頭，本來一直去中環啲治療師，因為近公司方便。最近有同事介紹我嚟呢間診所，一開始我都有啲猶豫，因為距離比較遠。不過嚟到之後，發現真係非常值得！第一次治療已經好有驚喜，物理治療師好仔細，解釋每一個細節，問我好多問題，亦好有耐心同關心。我亦接受咗運動治療師嘅治療，佢都好友善同細心，令我覺得好安心。前台職員亦非常有禮貌同專業，呢點好重要，因為我之前去過其他診所，前台態度唔係咁好。我一定會繼續嚟做多幾次治療，亦會推薦俾其他同事。真係值得專程過嚟！

幼稚園首次足部健康篩查 💡校長、老師超落力協作的一天！👣😊今日想同大家分享一間非常用心的幼稚園🌱，最近首次舉辦學童足部健康篩查活動。作為負責評估的治療師，我真心感受到校長同老師們對學生健康嘅重視，同埋那份「想做好、做好每一步」嘅心。👟💛活動...
19/03/2026

幼稚園首次足部健康篩查 💡校長、老師超落力協作的一天！👣😊

今日想同大家分享一間非常用心的幼稚園🌱，最近首次舉辦學童足部健康篩查活動。作為負責評估的治療師，我真心感受到校長同老師們對學生健康嘅重視，同埋那份「想做好、做好每一步」嘅心。👟💛

活動開始前，校長已經非常細心咁同我聯絡，第一時間詢問需要預備啲乜、流程上有乜需要配合，並逐點聽我講解每個細節。更難得嘅係，校長親自逐班去向老師講解注意事項，務求整個流程順暢又安全。🙏✨

部分女孩子當日穿住襪褲，校長亦即時安排校工姐姐協助去房間更換；而見到學生冬季長褲冇腳箍，校長亦特別指示老師幫手將褲管摺到膝蓋位置，等我可以更準確咁做足部及下肢檢查，細心得來又非常實際。👏👏

今次篩查結果嘅整體情況都唔錯：
• K3小朋友嘅下肢形態普遍健康正常 💪
• K2就相對多啲比較明顯嘅異常，比一般學校稍為高少少，需要家長同老師多加留意 👀

過程中老師們都非常配合，幫忙帶位、協助整理服飾，令我可以專注做好評估，每位小朋友都檢查得妥妥當當。而校長更加叮囑老師留意每位學生嘅初步結果，尤其係明顯異常嘅情況，並鼓勵老師主動向我了解更多，等將來可以更清楚咁回應家長嘅查詢——呢份責任心真係佩服。🙌

老師們亦好積極，對於不同小朋友嘅情況不斷發問，想了解多啲扁平足、行路入字腳、膝形問題等相關知識。整個交流過程好有心、有溫度，亦見到佢哋真係好關心小朋友嘅健康。💖

今次嘅合作令我更加深刻感受到——一個校園願意跨部門配合、願意為學生多行一步，足部健康教育就可以做得更全面、更有效。希望未來有更多學校都能一齊推動足部與下肢健康，讓小朋友行得更穩、走得更健康！👣🌟

如有問題，歡迎pm問我
歡迎瀏覽本中心網頁 https://www.alliedhealth-rehab.com/tc/service.php?wid=16&id=7
中心電話 852-26669508
WhatsApp https://api.whatsapp.com/send?phone=85264209456

#扁平足 #步態評估 #幼兒足部檢查 #矯形鞋墊

Address

九龍旺角彌敦道699 至701 號番發大厦16樓全層(近旺角地鐵站A1出口)
Kowloon

Opening Hours

Monday 10:00 - 19:00
Tuesday 10:00 - 19:00
Wednesday 10:00 - 19:00
Thursday 10:00 - 19:00
Friday 10:00 - 19:00
Saturday 09:30 - 16:00

Telephone

+85226669508

Website

Alerts

Be the first to know and let us send you an email when 專職醫療 Allied Health － 物理治療及度身訂造鞋墊中心 posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to 專職醫療 Allied Health － 物理治療及度身訂造鞋墊中心:

Shortcuts

Share

Category