藥健同心香港聖公會社區藥房

22/04/2026

【社區藥房知多一點點】藥房2歲生日同樂小活動已結束啦~🥰

多謝各位街坊一直以嚟對藥房嘅支持🙇🏻‍♀️，我哋收到大家對藥房服務嘅好評，未來我哋會更加努力💪🏻，繼續為街坊服務。

想知自己贏咗咩禮物🎁？即刻㩒入去下面嘅圖望吓啦！👀
得獎者記得喺 2026年4月27日 至 5月17日 期間領取禮物，過期就冇得補領㗎啦🥺。

我哋會用 FB Messenger 通知得獎者同講解領獎安排，記得留意住 inbox 呀！📩

條款及細則:
所獲贈之獎品不設退換，亦不可兌換現金或任何其他獎品/產品。
獎品必須由得獎者到本藥房領取，不設郵寄。如得獎者未能在指定限期領取， 將視作放棄領取而不作另行通知。
本藥房非本活動之獎品的製造/供應商，亦非該製造/供應商的代理，故不會承擔有關獎品品質的任何責任。對任何因使用或不當使用該獎品而直接或間接引致的任何損失或損害，本藥房概不承擔任何法律責任或責任。
如有任何爭議，本藥房保留最終決定權。

想要了解我哋嘅最新動態，就即刻Like同Follow呢個page啦~
--------------------------------------------------------------------------------------
📍 地址：黃大仙龍翔道110號翔盈里3號舖（黃大仙地鐵站A出口，左轉步行約5分鐘）
☎️ 電話：2116 0382
📱 Whatsapp：9376 8194
✉️ E-mail: wtspharm@skhwc.org.hk
🕒服務時間:
星期一至日及公眾假期: 早上10時30分 - 晚上7時30分
🧑‍⚕️藥劑師當值時間:
星期一至星期六(公眾假期除外): 早上10時30分 - 晚上7時30分

01/04/2026

【社區藥房提提你】復活節及清明節營業安排

復活節、清明節期間我哋藥房營業時間不變，都係由上午10點半開到夜晚7點半，大家有需要都可以嚟揀選小病小痛藥物同其他藥房產品。

特別留意，4月3日（五）到4月7日（二）呢幾日喺公眾假期，冇藥劑師當值，需要定期服藥人士記得望清楚屋企有冇充足嘅藥物💊，有需要嘅話就快啲嚟配定藥啦💊！

📆冇藥劑師當值：
4月3日（五）至4月7日（二）

🛎️溫馨提示：
請盡早檢查家中常備藥物，如有需要可於營業時間內提前到藥房購買~

想了解我哋嘅最新動態？即刻Like同Follow呢個page啦~
--------------------------------------------------------------------------------------
📍 地址：黃大仙龍翔道110號翔盈里3號舖（黃大仙地鐵站A出口，左轉步行約5分鐘）
☎️ 電話：2116 0382
📱 Whatsapp：9376 8194
✉️ E-mail: wtspharm@skhwc.org.hk
🕒服務時間:
星期一至日及公眾假期: 早上10時30分 - 晚上7時30分
🧑‍⚕️藥劑師當值時間:
星期一至星期六(公眾假期除外): 早上10時30分 - 晚上7時30分

27/03/2026

【社區藥房知多一點點】藥房2歲生日同樂小活動~

我哋藥房2歲啦！🥳🥳
為答謝各位街坊嘅支持，我地特別準備咗100份精美禮品送俾大家~
由即日起至4月15日，只要做齊以下3個簡單步驟，就有機會得到我哋嘅精美禮物:

1️⃣👍🏼讚好我哋呢個專頁Page
2️⃣👍🏼讚好，同分享我哋呢個貼文Post
3️⃣喺貼文下留言✍🏼分享「你最鍾意我哋藥房邊項服務？當中有咩值得分享嘅小故事。」

我地會揀選最有心思嘅100位朋友仔，送出以下禮物😍~
大獎：迷你6骨摺疊遮
二獎：手持風扇
三獎：藥盒
得獎結果會喺4月22日發貼文公布，我哋亦會個別Inbox通知得獎人士！

條款及細則:
所獲贈之獎品不設退換，亦不可兌換現金或任何其他獎品/產品。
獎品必須由得獎者到本藥房領取，不設郵寄。如得獎者未能在指定限期領取， 將視作放棄領取而不作另行通知。
本藥房非本活動之獎品的製造/供應商，亦非該製造/供應商的代理，故不會承擔有關獎品品質的任何責任。對任何因使用或不當使用該獎品而直接或間接引致的任何損失或損害，本藥房概不承擔任何法律責任或責任。
滿足上述參加活動條件即可參加活動，同時亦代表同意本條款及細則。
如有任何爭議，本藥房保留最終決定權

想要了解我哋嘅最新動態，就即刻Like同Follow呢個page啦~
--------------------------------------------------------------------------------------
地址：黃大仙龍翔道110號翔盈里3號舖（黃大仙地鐵站A出口，左轉步行約5分鐘）
電話：2116 0382
Whatsapp：9376 8194
E-mail: wtspharm@skhwc.org.hk
服務時間:
星期一至日及公眾假期: 早上10時30分 - 晚上7時30分
藥劑師當值時間:
星期一至星期六(公眾假期除外): 早上10時30分 - 晚上7時30分

05/03/2026

【社福See We｜走進社區藥房👨🏻‍⚕️💊】

福利協會全新影片系列《社福See We》正式登場！今集帶大家走入社區藥房，認識我哋嘅藥房高級藥劑師 Terry，一齊了解藥劑師喺社區藥房嘅日常工作同心聲。

Terry 分享，藥劑師嘅專業唔只係「配好藥」，更加重要係成為街坊信任嘅 「健康夥伴」：
為大家提供全面嘅藥物照顧，細心解答用藥疑問，並且守護用藥安全同成效。除咗喺藥房服務街坊，Terry 同團隊亦積極走入社區，透過外展服務同健康教育，將關懷延伸到每一個角落，等更多有需要嘅人士都可以及早得到支援。

👉 想知喺不同崗位嘅「社福人」點樣陪伴大家？
喺福利協會官網仲可以睇到協會其他專職人員嘅專訪，例如社工、家居照顧員、藝術治療師等，分享佢哋喺前線服務嘅故事同信念，點樣同大家一齊面對生活挑戰，並肩同行。

有興趣就即刻上福利協會官網睇片，
同我哋一齊從另一個角度 「See We」。

#基層醫療 #社區藥房 #藥健同心社區藥房 + #藥劑師

02/03/2026

【問問藥劑師】兒童用藥安全指南

小朋友病咗，作為父母一定好擔心。食邊隻藥?點食法?仲要唔要繼續食😥？唔緊要！我哋收集咗一啲常見問題，希望幫到各位家長手😎~~

🔴點樣計算小朋友用藥劑量？係咪成人減半就得？
-每種藥物計算方式都唔同，並唔係成人劑量減半就等於小朋友劑量㗎
-小朋友身高、體重、年齡都會影響到藥物代謝以及排出速度
⚠️如果對劑量有疑問，可以諮詢醫生或藥劑師意見

🟠藥丸太大，磨碎就可以俾小朋友使用？
-唔係每種藥物都可以磨碎
-部分藥物劑型經過特別設計，例如延長釋放型、腸溶劑型；藥物磨碎可能會影響藥效、導致藥物不良反應
⚠️如果小朋友吞藥丸有困難，記得提前向醫生或藥劑師諮詢可唔可以磨粉或改用藥水

🟢小朋友已經無晒症狀，係咪就可以停藥？
-有啲藥物需要服用整個療程先會見效，例如抗生素，唔好因為症狀減輕就自行停藥
⚠️記得遵照醫生或藥劑師指示服用

🔵有咩常見藥是小朋友忌服？
-阿士匹靈：有機會導致雷氏症候群，導致腦部損傷
-可待因：常見止咳藥物，過量攝取會增加呼吸抑制風險

如果想知道更多有關兒童用藥安全指南嘅資訊，歡迎嚟諮詢藥劑師。

--------------------------------------------------------------------------------------
📍 地址：黃大仙龍翔道110號翔盈里3號舖（黃大仙地鐵站A出口，左轉步行約5分鐘）
☎️ 電話：2116 0382
📱 Whatsapp：9376 8194
✉️ E-mail: wtspharm@skhwc.org.hk
🕒服務時間:
星期一至日及公眾假期: 早上10時30分 - 晚上7時30分
🧑‍⚕️藥劑師當值時間:
星期一至星期六(公眾假期除外): 早上10時30分 - 晚上7時30分
#社區藥房 #藥健同心香港聖公會社區藥房 #香港聖公會福利協會 #香港賽馬會慈善信託基金 #兒童用藥安全指南 #藥劑師

27/02/2026

【走進社區的足跡】1月外展活動

1️⃣「樂齡科技@黃大仙」2026

大家有冇去到「黃大仙區健康安全城市」喺黃大仙廟宇廣場舉辦嘅「樂齡科技@黃大仙」活動呢？今年我哋藥房都有設置攤位同各位街坊見面🥰。

當日真係好熱鬧，好多街坊都主動走過嚟了解我哋社區藥房，透過小遊戲了解我哋提供嘅各項專業服務，大家都好踴躍支持！🥳

2️⃣彩雲邨基督教勵行會

獲彩雲邨基督教勵行會邀請，我哋去到佢哋中心同各位會員見面。大家對我哋嘅服務都好有興趣，仲特別提到社區藥房嘅服務，對於老人家同低收入人士嚟真係好幫到手。

期待下次再喺區內同各位街坊見面，一齊打造更健康嘅社區啦🤗！

想要了解我哋嘅最新動態，就即刻Like同Follow呢個page啦~

📍 地址：黃大仙龍翔道110號翔盈里3號舖（黃大仙地鐵站A出口，左轉步行約5分鐘）
☎️ 電話：2116 0382
📱 Whatsapp：9376 8194
✉️ E-mail: wtspharm@skhwc.org.hk
🕒服務時間:
星期一至日及公眾假期: 早上10時30分 - 晚上7時30分
🧑‍⚕️藥劑師當值時間:
星期一至星期六(公眾假期除外): 早上10時30分 - 晚上7時30分
#社區藥房 #藥健同心香港聖公會社區藥房 #香港聖公會福利協會 #香港賽馬會慈善信託基金 #賽馬會藥健同心藥物支援網絡 #樂齡科技@黃大仙 #黃大仙區健康安全城市 #彩雲邨基督教勵行會

24/02/2026

【講座回顧】1月健康講座

由我哋社區藥房藥劑師講解嘅「告別“油膩”新年: 給血管大掃除」講座完滿結束啦！😎希望各位街坊聽完講座都可以健康食住過新年！下面一齊嚟重溫當日嘅重點內容啦！👇

🌟 重點內容 🌟
✅ 認識血脂
✅ 降血脂藥物解析: 類別及副作用
✅ 飲食貼士
✅ 保健品及生活調理小貼士

最後再祝大家新一年，由健康身體開始！❤️

想要了解我哋嘅最新動態，就即刻Like同Follow呢個page啦~
--------------------------------------------------------------------------------------
📍 地址：黃大仙龍翔道110號翔盈里3號舖（黃大仙地鐵站A出口，左轉步行約5分鐘）
☎️ 電話：2116 0382
📱 Whatsapp：9376 8194
✉️ E-mail: wtspharm@skhwc.org.hk
🕒服務時間:
星期一至日及公眾假期: 早上10時30分 - 晚上7時30分
🧑‍⚕️藥劑師當值時間:
星期一至星期六(公眾假期除外): 早上10時30分 - 晚上7時30分

22/02/2026

【‼️藥房公告‼️📢】

各位街坊注意啦～2月23日（星期一）下晝1:00到2:30，藥房會暫停開放⏸️，造成不便，真係唔好意思🙇‍♀️！下晝2:30就會恢復正常服務㗎啦～🔅，趕住攞藥嘅朋友仔記得留意啦！

如有查詢，可以 WhatsApp 9376 8194聯絡我哋～多謝大家體諒🥰

17/02/2026

09/02/2026

【社區藥房提提你】新年期間營業時間安排🧧

農曆新年將至，提提大家我哋新年期間營業時間會有調整。

藥房將正常營業至除夕（年廿九），需要定期服藥人士記得望清楚屋企有冇充足嘅藥物，有需要嘅話就快啲嚟配定藥啦！

年初一、二、三藥房將會休息，大家唔好摸門釘啊！年初四就會恢復正常營業。🥰

最後預祝大家馬年行大運，身體健康，萬事如意！🎊🐎

📅 暫停營業：
初一（2月17日）至初三（2月19日）

📅 恢復營業：
初四（2月20日）起恢復正常營業

💊 溫馨提示：
請盡早檢查家中常備藥物，如有需要可於營業時間內提前到藥房購買~😉

📱 如有查詢：
歡迎留言至 WhatsApp 9376 8194～不便之處，敬請原諒！🙇🏻‍♀️

12/01/2026

【問問藥劑師】認識口服抗凝血藥

相信好多人都聽過「薄血丸」💊（其實學名係口服抗凝血藥），不過對佢嘅用途、甚至副作用等等，大家都可能唔係太清楚——其實小編都係一知半解！

所以今次專登請嚟藥劑師🧑‍⚕️同我哋詳細講解下～

🟢邊啲身體狀況需要服用抗凝血藥？
1️⃣心房顫動：心房顫動屬於一種心跳不正常嘅疾病，心跳快速而且唔規律。心房顫動會增加血塊形成嘅風險，如果血塊阻塞腦部血管，就會導致中風。患者可能需要服用抗凝血藥，以降低中風風險。
2️⃣靜脈栓塞：靜脈栓塞係另一種心血管疾病，血塊在血管中形成，阻礙血液流動，呢類病人都需要服用抗凝血藥，以預防血管栓塞。

🟢咩係抗凝血藥？
👉🏼抗凝血藥俗稱 「薄血藥」，透過抑制凝血因子，防止有害血塊在血管內形成。

🟢抗凝血藥有咩種類？
1️⃣傳統上常用嘅薄血藥：如華法林 (Warfarin)，患者需要「戒口」，控制進食含維他命K食物嘅份量，例如菠菜、芥蘭，亦要定期抽血檢驗凝血時間，以評估藥物劑量。
2️⃣新式口服抗凝血藥：如達比加群 (Dabigatran)、阿哌沙班 (Apixaban)、利伐沙班 (Rivaroxaban)及艾多沙班 (Edoxaban)，效果不比華法林遜色，較少與食物產生相互作用，亦不需要作恆常抽血檢查。

🟢薄血藥有咩副作用？
👉🏼最常見嘅副作用係出血，如果情況嚴重或持續發生，就要盡快求醫。出血嘅徵兆有：
1️⃣ 牙齦出血、皮下無故出現瘀血、流鼻血 (維持10分鐘以上)
2️⃣ 受傷後凝血時間較長 (10分鐘以上仍流血不止)
3️⃣ 咳嗽時出血或吐血
4️⃣ 大便帶血或呈黑色
5️⃣ 小便呈紅色或暗棕色，或出現血尿

🟢服用薄血藥有咩要注意？
⚠️ 如出現中風或靜脈栓塞徵狀，就要立即求醫，例如：
🔸說話困難、口齒不清
🔸一邊手臂、腳或半邊臉出現短暫麻痹和無力
🔸突然劇烈頭痛、頭暈、失去平衡
🔸視力模糊
🔸手腳腫脹痛楚
🔸胸口痛、呼吸困難

🔔記得向你嘅主診醫生及牙醫告知正服用薄血藥，特別係接受任何手術或治療前。

薄血藥嘅選擇眾多，如果想知道更多有關薄血藥嘅資訊，歡迎嚟諮詢藥劑師。

--------------------------------------------------------------------------------------
📍 地址：黃大仙龍翔道110號翔盈里3號舖（黃大仙地鐵站A出口，左轉步行約5分鐘）
☎️ 電話：2116 0382
📱 Whatsapp：9376 8194
✉️ E-mail: wtspharm@skhwc.org.hk
🕒服務時間:
星期一至日及公眾假期: 早上10時30分 - 晚上7時30分
🧑‍⚕️藥劑師當值時間:
星期一至星期六(公眾假期除外): 早上10時30分 - 晚上7時30分
#社區藥房 #藥健同心香港聖公會社區藥房 #香港聖公會福利協會 #香港賽馬會慈善信託基金 #藥劑師 #口服抗凝血藥 #薄血丸 #心房顫動 #靜脈栓塞

06/01/2026

【問問藥劑師】良性前列腺增生

「男」言之隱？👀
🚫 每晚都要半夜去廁所，冇覺好訓？
🚫 成日突然覺得好急？

可能喺「良性前列腺增生」！
隨著年齡增長同荷爾蒙變化，唔少40歲以上嘅男性都會出現以上狀況，係一種常見疾病！
今日就等我哋藥劑師嚟解決大家相關嘅疑問啦~🧐

🔵咩係良性前列腺增生？會有啲咩症狀？
🔸良性前列腺增生，即係前列腺比正常增大，係一種40歲以上男性常見嘅疾病
🔸主要原因同年齡增長、荷爾蒙變化有關
🔸症狀包括：尿頻、尿急、夜尿、尿流細弱、膀胱餘尿等等

🔵有咩方法控制病情？
🔸 治療良性前列腺增生嘅方法主要包括藥物治療同手術
🔸 常見藥物種類有：
▶️α受體阻斷劑：放鬆前列腺同膀胱肌肉，減低尿道阻力，令尿液更容易排出
▶️5-α還原酶抑制劑：減少影響前列腺成長嘅荷爾蒙形成，抑制前列腺生長，舒緩尿頻、夜尿等症狀

🔅市面上有部份配方結合咗以上兩類成份，方便患者同時獲得兩種藥物嘅功效。

🔵有咩副作用?
🔸α受體阻斷劑：疲勞、乏力、低血壓、心悸(心跳加速)
🔸5-α還原酶抑制劑：性慾減低、勃起障礙、胸部脹痛

⁉️如果出現嚴重副作用(如: 過敏反應/昏厥等) ，就需要即刻求醫

🔵服藥有咩需要特別注意？
🔸女士處理前列腺藥物需要佩戴手套，避免直接接觸藥物
🔸如接觸洩漏咗藥物嘅膠囊，應立即使用肥皂清洗有關部位
🔸服用α受體阻斷劑可能引發暈眩，建議坐一段時間之後先慢慢起身，亦應避免飲酒以免增加暈眩風險
🔸食漏咗毋需服用雙倍劑量，依時服用下一劑就可以啦
🔸需要持續服用先可以發揮療效，千祈唔好自行停藥或者自行更改服用劑量

🔵除藥物外，有咩其他方法減輕症狀？
🔸睡前一至兩小時避免飲用任何液體，有助舒緩夜尿症狀
🔸減少飲用含有酒精同咖啡因等利尿成分嘅飲品，避免刺激膀胱
🔸避免食用刺激性食物（如太濃、太鹹或辛辣嘅食物），以免刺激膀胱
🔸多食含纖維嘅食物（如蔬菜、水果），避免因便秘增加膀胱嘅壓力
🔸進行恆常及適量中度運動，（如每天步行30 - 60分鐘）可改善症狀

想要了解我哋嘅最新動態，就即刻Like同Follow呢個page啦~
--------------------------------------------------------------------------------------
📍 地址：黃大仙龍翔道110號翔盈里3號舖（黃大仙地鐵站A出口，左轉步行約5分鐘）
☎️ 電話：2116 0382
📱 Whatsapp：9376 8194
✉️ E-mail: wtspharm@skhwc.org.hk
🕒服務時間:
星期一至日及公眾假期: 早上10時30分 - 晚上7時30分
🧑‍⚕️藥劑師當值時間:
星期一至星期六(公眾假期除外): 早上10時30分 - 晚上7時30分
#社區藥房 #藥健同心香港聖公會社區藥房 #香港聖公會福利協會 #香港賽馬會慈善信託基金 #藥劑師 #良性前列腺增生 #α受體阻斷
#5-α還原酶抑制劑