瑤竹醫社

24/05/2024

做嘢忙到心血少？桂圓助你補血安神。

藥食同源小分享06 | 伍嘉穎中醫師 | 瑤竹醫社

藥食同源小分享06

做嘢忙到心血少？桂圓助你補血安神。

桂圓，又叫做龍眼肉，性味甘溫，可以養心脾、補氣血、安神益智。非常適合平時工作忙、諗嘢多、勞累過度引致血虛心悸、失眠嘅人士。

食桂圓容易上火嗎？
煮水或蒸桂圓食係唔容易上火嘅，所以唔洗咁擔心，本身有熱症嘅人另計。

另外，由於現代都市人嘅生活習慣，好多人唔係單純嘅虛證，而係虛實夾雜，既有氣血不足，又有痰濕過重，喺咁嘅情況下就要配搭可以化痰濕嘅中藥先得，詳情可以諮詢一下你嘅家庭中醫師。

【桂圓茯苓安神茶】
材料：桂圓10克，茯苓10克，水0.5~1公升
方法：將材料洗淨，一同煲水約15~30分鐘。
備註：如有疑問，請先諮詢註冊中醫師的意見。

【蒸桂圓】
材料：桂圓、米
方法：將桂圓洗淨，同米蒸熟，取出桂圓當零食食用。
備註：如有疑問，請先諮詢註冊中醫師的意見。

【玉靈膏】
材料：桂圓，白砂糖，花旗參
方法：將桂圓同白砂糖以10:1嘅比例混合，每次煮飯時放入煲內蒸，蒸100次後取用。每次1匙，可以煮水／沖飲。
備註：容易上火人士可加入花旗參，份量為桂圓:花旗參＝10:1。如有疑問，請先諮詢註冊中醫師的意見。

另外，同大家推薦一下可以健脾化濕嘅特製甘瀾水，有興趣可以了解一下：
https://www.facebook.com/share/p/3FfUMMqMJNtNwY7o/?mibextid=oFDknk

#中醫 #中醫 #中醫診所 #中醫養生 #中醫調理 #中醫知識 #知識分享 #食療 #中藥 #藥食同源 #瑤竹醫社 #伍醫師 #新蒲崗 #新蒲崗中醫 #鑽石山 #鑽石山中醫 #失眠 #濕 #濕重 #濕氣 #龍眼肉 #桂圓 #安神 #養生 #調理 #脾虛 #血虛 #心血少 #補氣血 #補血

＿＿＿＿＿＿＿＿＿
藥食同源小分享06 | 伍嘉穎中醫師 | 瑤竹醫社

20/05/2024

濕氣重就多啲食呢個啦！

藥食同源小分享05 | 伍嘉穎中醫師 | 瑤竹醫社

20/05/2024

瑤竹醫社 食療產品推薦

【消滯中藥油】（內服／外用均可）
純中藥榨油煉製，可通調臟腑，化濁解濕，消滯散結，滑腸通便，滋潤皮膚。
普通人士可於每餐加入0.5~1ml，便秘人士適量增加。
20ml：HKD 150
30ml：HKD 200
50ml：HKD 300

【特製甘瀾水】（內服）
經石質中藥過濾甘瀾水，可養胃健脾，化濕降濁，調中降逆，提升藥效。
使用比例為1:20，需熱飲／溫飲，可用作煮水、煎藥、飲茶、煲湯、煮菜等。
100ml：HKD 30
250ml：HKD 60

如有疑問可諮詢中醫師意見。

#瑤竹醫社 #中醫 #中醫師 #中醫診所 #中藥 #藥粉 #內科 #婦科 #痛症 #針灸 #跌打 #推拿 #手法 #拔罐 #刮痧 #新蒲崗 #鑽石山 #黃大仙 #新蒲崗中醫 #鑽石山中醫 #黃大仙中醫 #食療 #濕氣重 #化濕 #中藥油 #甘瀾水

22/01/2023

2023新春大吉！
瑤竹醫社祝大家身體健康，幸福美滿，恭喜發財！

瑤竹醫社將於年初四，1月25日，星期三，恢復正常營業。

地址：新蒲崗四美街21-25號利森工廠大廈C座7樓710室（鑽石山站A2出口）

時間：周日：12～8pm
周一、三、四、六：1～7pm

如需診治，敬請預約。
WhatsApp／Signal／Phone
6133 6339

#瑤竹醫社 #中醫 #中醫師 #中醫診所 #中藥 #藥粉 #內科 #婦科 #痛症 #針灸 #跌打 #推拿 #手法 #拔罐 #刮痧 #新蒲崗 #鑽石山 #黃大仙 #新蒲崗中醫 #鑽石山中醫 #黃大仙中醫 #新年 #2023 #新年快樂

08/10/2022

瑤竹醫社營業地點及時間更新：

營業地址：新蒲崗四美街21-25號利森工廠大廈C座7樓710室（鑽石山站A2出口）

營業時間：周日12～8pm（固定）
周一、三、四、六（非固定）

如需診治，敬請預約。
WhatsApp／Signal／Phone
6133 6339

#中醫 #中醫師 #中醫診所 #中藥 #藥粉 #內科 #婦科 #痛症 #針灸 #跌打 #推拿 #手法 #拔罐 #刮痧

04/04/2022

！費用全免！

中醫藥總會「中醫藥遙距診療計劃」
免費為居家隔離患者提供視像診症及4天劑量藥方，每日名額1000個，每日8時起接受登記。

登記
https://form.hkcmalliance.com/

WhatsApp
https://wa.me/85267422578
https://wa.me/85254940703

11/03/2022

最新消息：

瑤竹醫社將於3月14日（星期一）恢復正常營業。

如需預約，請 致電 /Whatsapp / Signal：
6133 6339

營業時間為：
星期一、星期三、星期六
下午12時至下午8時

03/03/2022

特別通知：

由於被列作密切接觸者，診所由即日起暫停服務，直至另行通知。

恢復營業前將會進行深層清潔及消毒。🙏🏻

祝各位身體健康。

16/02/2022

食滯咗點樣算？

藥食同源小分享04 | 伍嘉穎中醫師 | 瑤竹醫社

藥食同源小分享04：食滯咗點樣算？

正所謂，每逢佳節胖三斤。適逢農曆新年，親朋好友共聚，免不了飲酒設宴、大魚大肉。食得多自然就容易滯，輕則胃脹打飽嗝，重則痾嘔吐瀉。加上難得可以放假休息一下，喺疫情下外出嘅意慾減低，運動量下降，滯嘅感覺更加係難以消散。

對於腸胃功能尚可嘅食肉獸嚟講，適宜飲返少少山楂水解滯。山楂，有消食健胃、行氣散瘀、化濁降脂嘅功效，尤為適合經常進食油膩肉食嘅人士。

對於鐘情於米麵薯芋嘅人嚟講，適宜飲少少麥芽水解滯。麥芽，有行氣消食，健脾開胃，退乳消脹嘅功效，尤為適合經常進食大量澱粉質嘅人士。

對於樣樣都食得多兼飲酒嘅人嚟講，就適宜飲返少少神曲水解滯。神曲，有健脾和胃，消食調中嘅功效，擅於化解酒食陳腐之積，尤為適合經常飲酒設宴嘅人士。

【山楂水】
材料：清水350ml（可加減），連核焦山楂10-15克
方法：將材料洗淨，與水同煎，煎煮15分鐘即可飲用
注意：避免空腹大量飲用
備註：若脾胃較虛弱易腹瀉，可加白朮5-10克。如有疑問，請先諮詢註冊中醫師的意見。

【麥芽水】
材料：清水350ml（可加減），焦麥芽10-20克
方法：將材料洗淨，與水同煎，煎煮15分鐘即可飲用
注意：孕婦和哺乳期的女性慎用
備註：若脾胃較虛弱易腹瀉，可加白朮5-10克。如有疑問，請先諮詢註冊中醫師的意見。

【神曲水】
材料：清水350ml（可加減），焦神曲5-10克
方法：將材料洗淨，與水同煎，煎煮15分鐘即可飲用
注意：脾陰虛、胃火盛者慎用，孕婦忌用
備註：若脾胃較虛弱易腹瀉，可加白朮5-10克。如有疑問，請先諮詢註冊中醫師的意見。

#中醫 #中醫師 #中醫診所 #中醫養生 #中醫調理 #中醫知識 #知識分享 #食療 #中藥 #藥食同源 #瑤竹醫社 #伍醫師 #新蒲崗 #新蒲崗中醫 #鑽石山 #鑽石山中醫 #食滯 #消滯 #解滯 #腸胃不適 #胃脹 #打飽嗝 #食肉獸 #澱粉質 #飲酒 #山楂 #麥芽 #神曲 #六神曲

＿＿＿＿＿＿＿＿＿
藥食同源小分享04 | 伍嘉穎中醫師 | 瑤竹醫社

15/02/2022

手腳痛浸下熱水就鬆咗？

痛症知識小分享03 | 伍嘉穎中醫師 | 瑤竹醫社

痛症知識小分享03：手腳痛浸下熱水就鬆咗？

搬野太重、用手太多搞到有滑鼠手，媽媽手，彈弓手？
着鞋唔啱、行路太多搞到成日腳趾痛，腳底痛，腳踝痛？

手痛腳痛可以點自救？

首先，當然要求診，畀醫生確認病情同訂下治療方案。
然後，只要患處冇明顯紅腫、發熱，皮膚冇外傷、敏感、水泡，喺冷熱感知正常嘅情況下，可以用熱水浸泡患處，咁就可以有效咁舒緩疼痛同肌肉緊張嘅情況。

一般情況下，建議跨關節浸泡──即係手指痛，浸泡範圍就要跨過手腕；手腕痛時，浸泡範圍跨過手肘；蹠骨痛時，浸泡範圍跨過腳踝；腳踝痛時，浸泡範圍跨過膝關節。呢個方法比局部浸泡嘅效果更好，舒緩力度更強。

浸泡時間建議為15-30分鐘。兒童、孕婦、長者、心血管疾病患者嘅浸泡時間不宜過長，建議時間唔好多過20分鐘。

而浸泡溫度建議為攝氏38至45度，或者以個人可承受溫度為準（冷熱感知較遲鈍者需由家人協助調節溫度），避免燙傷皮膚。兒童、孕婦、長者、心血管疾病患者嘅浸泡溫度不宜過高，建議水溫唔高過攝氏40度。

浸泡前，避免過飢、過飽、過勞。飽肚時建議相隔1-2小時再浸；浸泡時，需注意避風；浸泡後，需擦乾皮膚、塗上滋潤乳液，注意保暖。如有疑問，請先諮詢註冊中醫師的意見。

【痛症浸泡】
材料：清水適量，拇指大生薑/艾葉30克（二選一）
做法：生薑切片/艾葉，與水同煎約10-15分鐘，隔渣，適溫使用。
禁忌：外傷、水泡、燙傷、紅腫發熱、皮膚敏感、嚴重心臟病患者、嚴重血栓患者、嚴重糖尿病患者、嚴重高血壓患者、嚴重低血壓患者、凝血功能障礙患者、敗血症患者惡性腫瘤患者、非穩定期的精神病患者等忌用；兒童、孕婦、長者、心血管疾病患者需在指導及陪同下使用。

#中醫 #女中醫 #伍醫師 #痛症 #健康資訊 #知識分享 #手痛 #腳痛 #紓緩治療 #浸手 #浸腳 #足浴 #手浴

＿＿＿＿＿＿＿＿＿
痛症知識小分享03 | 伍嘉穎中醫師 | 瑤竹醫社