04/01/2026
*阿甜塔羅* 1月1日至1月10日每日運程預測
上文提及過，一月份嘅情緒同思緒都容易亂曬籠，所以大家記住要穩住心神，凡事慢慢嚟！
以下係嚟緊1月1號至1月10號嘅每日運程預測
2026.01.01（星期四）
今日心情好似坐過山車咁，想法多變，時晴時陰，好易自己嚇自己，諗東諗西搞到心都煩曬😩。外界都多變數，宜守不宜攻。
有啲人要多啲理吓屋企啲女性，或者女性朋友嘅事。腦袋雖然清醒，但諗得多做得少，不如將啲想法落筆寫低，變成實際行動，咁就少咗內耗。
今日好多人有出行計劃，記得出門前check天氣呀🚗。
身體上，腎臟、神經系統、四肢容易唔舒服，瞓唔著、眼痛、尿頻都要留意。
2026.01.02（星期五）
今日是非多，容易同人起爭拗，情緒有啲壓抑，腦海偶爾閃過負面想法😔。
少數人要小心桃色困擾，記住一句：唔好心存僥倖，凡事三思而行，保持理智就避得過大半麻煩。出門要留神，容易有小撞傷、見紅，八成係因為分心唔專心。
2026.01.03（星期六）
口舌星超旺！好易同人鬧交、講錯說話、詞不達意，或者成日嘰哩咕嚕😤。
有啲人猜疑心重，啄住啲芝麻綠豆嘅事唔放，其實唔使咁苛求自己同他人。身體上，消化同呼吸系統要小心，容易咬親條脷、口生瘡、喉嚨唔舒服。
2026.01.04（星期日）
小心思慮過度，成日焦慮內耗，搞到頭昏腦脹😵💫。好多人會突然變得斤斤計較，對某人某事特別不滿，但其實係受情緒影響，判斷力下降，今日千祈唔好亂下定論。
失眠、頭痛、四肢抽筋、小撞傷都容易出現。禍根多數係嚟自七情六欲，酒色財氣，要節制啲。
2026.01.05（星期一）
今日大事宜靜不宜動，隨緣行事最穩。合同、證件、文書要特別小心，記得backup曬啲重要文件📄。
感情方面好敏感，愛情、親情、友情都好易小氣，覺得對方唔夠關心自己，或者有人唔守諾言。
身體易有感冒、水腫、暗瘡。遇事成熟啲處理，唔好意氣用事，搵長輩傾下計都好幫到你減壓。
2026.01.06（星期二）
今日超忙！成日跑嚟跑去，忙到喘曬氣😓。忙碌容易令人心浮氣躁，記得抽時間深呼吸放鬆吓。
氣氛有啲怪怪地，有啲唔和諧嘅感覺，宜低調內斂，唔好太高調。不過對自由職業、做生意、開店嘅朋友嚟講，忙碌之中其實藏住機會！
身體要注意腸胃，容易肚瀉，或者循環系統唔舒服。
2026.01.07（星期三）
今日好想講嘢，口才同財運都幾好😏，但講嘢要適可而止，唔好追問太深，避免矛盾。
文書、合同、證件容易出錯，感性多過理性。如果遇到講得天花亂墜嘅人，又涉及簽約，千祈唔好衝動，多check幾次。
2026.01.08（星期四）
好多人今日特別急躁，耐性不足，控制欲強，又有啲自以為是😤，容易同人衝突、破財、甚至勞累受傷。
講嘢做事宜直來直往，唔好兜圈、隱瞞試探。千祈唔好衝動，最忌好為人師，雖然出於好心，但時機唔啱。呼吸同消化系統都要保養好。
2026.01.09（星期五）
又係大事宜靜嘅一日，隨緣最好。慾望特別旺盛，容易因為「想得多」而情緒波動，同人起爭執😣。今日千祈唔好被慾望牽住鼻子走，做咗啲over嘅事。新環境、新事物、新想法都容易觸發慾念，保持定力最重要。
2026.01.10（星期六）
今日操心事多，覺得自己付出好多但精力跟唔上😴。記得早啲瞓，養好精神。最緊要唔好太在意別人有冇見到你嘅努力，人生自己過，行得正企得正，就對得住自己。
多啲關注屋企男性或者男性朋友，身體容易有莫名耗損、胸口悶悶地。
