05/11/2022
踏入十一月了，相信大家都已經報讀咗心儀嘅幼稚園。今日就同大家講下拍攝面試影片。🎥
由於疫情關係，近兩年的N班或K班面試都改為拍短片，或在face-to-face面試前要求家長提交生活短片以作遴選。坊間不少攝影公司都會推出拍攝面試影片服務，而且分分鐘動輒過千元都有，個人認為無此必要。🤪(過往我的學生都係憑自家制短片成功考入名幼！)
好啦！入正題！不如先講下一般影片要求先，N班K班要求有共通之處，我簡單分為四大類別:
📌(1) 表達能力
📌(2) 自理能力
📌(3) 指令要求
📌(4) 大小肌肉
(1) 表達能力
通常短片開頭會以自我介紹開始，考生必須清楚說出自己中英文名，年齡和性別等基本資料。有些學校亦會要求考生介紹自己喜愛的玩具或食物，考生可以從中自由發揮，並製造加分位。
(2) 自理能力
N班同K班的自理能力要求有所不同，N班相對要求低一點，例如行路穩唔穩，識唔識自己拎水杯飲水等基本動作。不過亦有中西區幼稚園要求N班學生開學前已經戒片，所以大家要注意心儀幼稚園的標準呀！
(3) 指令要求
簡單指令要求如聆聽完父母的説話，然後作出適當回應。例如從鞋櫃裡取出鞋子，從一個點走去另一個點。不過指令要求較常會出現於面見時候，因此家長不必過份擔心拍攝方法，只有個別幼稚園列明指令要求。
(4) 大小肌肉
講到大小肌肉，通常會透過幾個動作考核，例如：疊積木，串珠仔，唱唱跳跳等等。透過這些活動，可觀察考生的大小肌肉發展情況，手部的靈活度等。
坊間有好多功能類型差不多嘅app，唔想幫人賣廣告，有興趣既家長可以PM我 😆😆
