01/12/2025
【社區藥房小故事｜藥物混淆問題】💊❗️
陳先生（化名）最近嚟到我哋社區藥房，話自己近排成日頭暈🤕、手震🤲、冒冷汗🥶。
傾開先發現，陳先生是長期需要食糖尿藥，佢平時冇用醫院派嘅藥袋裝藥，而係用橡筋紮住每一種藥，而且佢話佢唔見晒啲藥物標籤📛只係憑記憶食藥，每款藥點樣食都唔太清楚。
藥劑師經陳先生同意開啟「醫健通」，細心檢視後🔍，發現佢其中一隻降血糖藥最近換咗新包裝，但陳先生唔知道，以為新舊包裝係唔同藥物，結果新舊各食一粒，變咗雙倍劑量！
藥劑師即時向佢解釋兩款包裝其實係同一隻藥，並提醒如果雙倍服用，可能會引致血糖過低⚠️，從而出現頭暈、手震、冒汗等症狀😰。
之後，根據佢嘅藥物紀錄，為佢準備新嘅藥袋，並幫佢貼上清晰嘅藥物標籤📋，將每種藥分好，並詳細列明每隻藥嘅用途、食法同副作用📝，確保之後陳先生識得點食藥👍。
我哋想提醒大家：唔同包裝唔等於唔同藥物。大家可以核對藥物包裝藥物標籤上面嘅藥名🔖，如果有疑惑，最好向藥劑師查詢🤝，避免食錯藥❌。
另外，大家應該盡量用返貼有藥物標籤嘅藥袋裝藥。如果有藥物換咗新裝，應該將手頭上嘅舊裝藥棄置，避免混亂同食多咗藥。
藥劑師唔單止係派藥嘅人👩⚕️，仲係藥物安全嘅守護者🛡️
守護每一位街坊嘅健康💪係我哋社區藥劑師嘅職責🎯
有用藥疑問❓，不妨前往社區藥房🏥，藥劑師隨時喺度聆聽👂同協助你🤗。
藥健同心，用藥安心💙
——————————————————————————————————
📍服務詳情
☎️電話：3590 5766
📱WhatsApp：5950 6880
📬地址：元朗光華廣場9樓905室
服務時間：
🕘 星期一至五｜09:00 – 19:00
🕔 星期六｜09:00 – 17:00
🛑 星期日及公眾假期休息
#藥物知識 #糖尿病 #正視糖尿病 #健康管理 #健康 #香港賽馬會慈善信託基金 #賽馬會藥健同心藥物支援網絡 #社區藥房 #藥健同心博愛醫院社區藥房 #藥物諮詢 #配藥服務 #小病小痛 #藥物 #藥物管理 #藥劑師 #元朗光華廣場9樓905室 #元朗社區藥房 #元朗藥房 #旅行藥 #平安藥
