30/04/2019
علاج تصلب الشراين🤚
افضل علاج طويل الامد لمرض تصلب الشرايين هو علاج الاسباب وجذور المرض _ جسد الانسان عنده القابلية يعالج نفسه فقط انطيه الادوات المناسبة وابعد عنه الادوات الي تسببله Free radicals _
اذا كانت حالتك مستقرة _ ضروري تتبع النظام العلاجي ادناه _ لمدة شهر الى شهرين _ تسوي تحليل قبل وبعد وراح تشوف الفرق _ تحليل انجيوغرافي او lipid profile, او coronary arteries calcium test تنفع في تشخيص تطورات المرض وعلاجه .
الادوية الي تستخدمها حاليآ ممكن تستمر عليهن _ لكن راح تنتفي الحاجة الهن بمرور الزمن وممكن تستغنى عنهن بشكل نهائي ان شاء الله بعد ٣٠ الى ٦٠ يوم تطبيق حرفي للنظام ادناه ...
________________________________🌹
١- اول خطوة نسويها هي نبتعد عن الامور الي تسبب التهابات بالبطانة الداخلية للشرايين < يعني اريدك تبتعد بشكل نهائي وتام عن كافة مصادر الحلويات ، البسكت ، النستلة ، الاندومي ، المعلبات ، الجبس ، الببسي ، الايس كريم ، اللحوم الحمراء ، الاكلات السريعة منها الفلافل والبرگر ، زيوت الطبخ النباتية المهدرجة ، مشتقات الحليب ، الاكل المقلي بالزيت مثل البطاطا والطماطا ، الصمون وكافة المعجنات الي تم تحضيرها بواسطة الطحين الصفر . ايضآ اريدك تبتعد عن التدخين نهائيآ .
٢- ثاني خطوة اريدك تقلل من الرز ، تكدر تتناوله لكن حاول تقلل منه ، حاول تقلل من الخبز ايضآ على الاقل طيلة فترة العلاج ، حاول تقلل من البيض تحديدآ اذا كنت كبير بالعمر .
٣- اريدك تهتم بالرياضة _ على الاقل ١٥ الى ٣٠ دقيقة مشي صباحآ وبعد العشاء . ضرورية هل نقطة. المشي تحت اشعة الشمس ، الرياضة بانواعها ، ايضآ الساونا مهمة .
٤- حاول تقلل وزنك من خلال الصيام الجزئي يعني تتوقف عن الاكل ساعة ٩ مساءآ وتتناول الريوك ساعة ١٠ الى ١١ صباحآ _ ايضآ حاول تاخذ عصارة الشاي الاخضر green tea extract راح تساعدك تحرق دهون اكثر _ ايضآ ماء مع ليمون صباحآ .
٥- اهتم بصحتك النفسية _ اخي العزيز المشاعر السلبية ما تقل خطورة عن التدخين _ لا تدمر صحتك بالقلق والخوف والعصبية. حاول تتعلم تتحكم باعصابك وتكون هادىء
٦- لازم وضروري تروح لعيادة طبيب اسنان ينظف اسنانك من التسوسات بعدها تعتني بيهن وتنظفهن صباحآ ومساءآ . التسوس اله علاقة بامراض عديدة منها تصلب الشرايين
_____________________________________🌹
* طعامك يعتمد بشكل اساسي على الخضروات والفواكه بشكل كبير _ السلطة وعليها خل تفاح وليمون وزيت زيتون لازم تكون اساسية ، الفواكه لازم تكون قبل وبين الوجبات افضل الفواكه لحالتك (( تفاح ، توت اسود ، كيوي ، برتقال ، اناناس ، موز ، بطيخ ))
* نأتي للعصير. العصير بوحده افضل من كل ما سبق اعلاه وتحديدآ عصير الرمان الطبيعي يومية كلاص ، عصير الجزر والشمندر يومية كلاص _ عصير الرگي كذلك _ هذني ٣ عصائر تستخدمهن بشكل يومية سواء قبل او بين الوجبات . 🌸_ كذلك اكو عصير خاص من (( عصارة الزنجبيل وعصارة الثوم ، عصارة الليمون ، خل التفاح ، تخلطهن معآ وتشربهن مرتين باليوم _ اذا الطعم مطيب تكدر تضيف قليل من العسل الطبيعي . هاي اعتبرها من اهم واقوى الخطوات في علاج وتنظيف الاوعية الدموية
* اذا ضايج وتحب تاكل شيء بين الوجبات استعين بالمكسرات مثل اللوز والكاشو والجوز وحبوب عباد الشمش وبذور البطيخ بذور تشيا ، او استعين بالتمر .
* الثوم ، البصل والزنجبيل والكركم . هذني اطعمة مثالية لتخفيض مستوى ال LDL بالدم حاول تستخدمهن بشكل يومي مع الطبخ _ تخلطهن وتحمسهن بشكل خفيف بزيت الزيتون _ او استخدمهن بالطريقة الي تعجبك
* الغداء تگدر تتناول رز لكن بشكل قليل من فضلك _ الدجاج المشوي وتحديدآ صدر الدجاج متاح الك ، السمك متاح الك _ جميع الخضروات متاحة ، البقوليات متاحة ومهمة الك ، كرفس ورشاد وريحان وجنجير وبروكلي وسبانخ وخيار وخس وفلفل اخضر حار وبارد وجميع انواع الخضروات متاحة ومهمة الك ، ومن منتجات الحليب . فقط اللبن متاح الك
_____________________________________🌹
اخيرآ حاول تاخذ الامور ادناه من الصيدلية _ بالتراكيز المكتوبة
تاخذهن لمدة شهر الى شهرين _ لكن لازم تلتزم بالامور اعلاه بشكل كامل. مو فقط تركز على المكملات ادناه
High quality Omega3 _ 1000 to 2000 mg / daily
Curcumin 1 to 1,5 gm veg capsule daily
Ginger extract 250 mg / TDS
Aged Garlic extract 1 gm daily
Vitamin K2 200 mg /day
Vitamin D , 1 gm daily
موضوع انتهى وان شاء الله الشفاء العاجل للمرضى. مودتي 🌹
