27/12/2025
اللص الخفى،،، الفيبروميالجيا
من خلال رؤيتى الشخصيه لحالات كثيره من الفيبروميالجيا ومرضى الاجهاد المزمن ومرضى المناعه ،،، اليكم الآتى :…
١-اولا وثانيا واخيرا شوف ايه الموقف ( الصدمه الكبرى ) اللى حصلت فى حياتك ومن بعدها حياتك توقفت او مرجعتش تانى زى الاول ( وفاه ،فراق، فقدان، خيانه ، هموم، توتر مستمر، صراع) فكر كويس اتصالح مع نفسك ارضى باللى ربنا كتبه ، بطلو تفكير ف الماضى ، سامحى نفسك ، سامحى زوجك ، صالحى، سامحى،اغفرى ، قاومى ابدأى صفحه جديده بدون تفكير مفرط ، التخلص من التوتر وبمعنى ادق التعامل بهدوء مع التوتر تنفس بعمق تمرينات التنفس العميق تعالج كثيرا التوتر الشديد .
٢- اتعلم تقول لا ودلع نفسك
كيف تقول لا او كتاب فن اللامبالاه هو كتاب عظيم انصحكم جميعا بقراءته،،، نصف توتر اليوم بسبب الاحداث الخارجيه ومشاكل الاخوه والاصدقاء والجيران ، هم جميعا أولى بحل مشاكلهم وليس انا وليس انا وليس انا
انا فقط اساعد اذا استطعت ،،،،تعلم ذلك جيدا ليس أنا
معظم مرضى الفيبرو ناس قمه الذوق والاحساس المرهف والقلب الطيب زياده عن اللازم والكارثه الكبرى تأنيب الضمير والتفكير المفرط فعلا دماغ نوويه ، يحبوا يساعدوا الناس وبيعملوا حساب لزعلهم جدا ودى كارثه كبرى الناس حوالينا مش بيقدروا ده للاسف لكن خد اكثر يا حبيبى وشيل ما انت بتحب تشيل ،،، وبالتالى اضغط على نفسك اكثر فكر اكثر شيل هم الناس اكثر ،،،،امرض اكثر
الله عز وجل قال لا يكلف الله نفسا الا وسعها حضرتك لو خلقت مخلوق ابقى شيل همه .
ابدا من اليوم كافئ نفسك بجد دلع نفسك انت شيل القرود من على أكتافك .
٣- النوم النوم النوم مبكرا
بأى شكل طبيعى وليس كيميائي كفايه ادويه ومواد كيمبائيه
Royal & Sekem tea Dreams ,melatonin
شويه كاموميل على ينسون وكراويه حاجات طبيعيه
ذكر الله و استغفار وحوقله حتى النعاس ، ومتنسوش اتعب بالنهار هتنام بالليل .
٤- جلسات العلاج الطبيعى مهمه جدا مع دكتور فاهم وافضلها الموجات فوق الصوتيه على نقاط الالم تقدر وتقدرى تمشى ١٠ دقايق فى الشمس كبدايه يوميا وكل يوم زود / ى ٣ دقايق بس كل يوم هتوصل لساعه بس ع راحتك مش واجب عليك ولا هم زياده واحده واحده ،عارف طبعا التيبس الصباحى اللى بتقوموا بيه الصبح ده بيختفى تماما خلال الحركه وافراز العرق، عندى مريضه بتقوم الصبح ع البلكونه للشمس وبعدين تنزل ع الجيم بتقولى حرفيا مش ب أفوق وافتح عينيا بحد زى الناس غير لما اعمل مجهود وامشى الدوره الدمويه ، لكن لازم شويه مقاومه شويه تمارين اطاله عضلات شويه ساونا لاخراج السموم من الجسم حمام جاكوزى دافء ،،، والله العظيم شفت حالات صعبه جدا خلال ٣ الى ٥ شهور فقط يتدربوا الان فى الجيم وتعافوا تماما لما فهموا مرضهم كويس ، وبعد الجيم ساونا وبعد الساونا مغطس ثلج شدوا حيلكم والله هتقدروا لكن خطوه خطوه تقليل الادويه الكيميائيه تدريجيا الى حد التوقف مع الطبيب المعالج .
٥- غذائيا
، قلل تماما من السكر ، والمواد الحافظه و الجلوتين دقيق مخبوزات حلويات مكرونه واستعمل قشور السيليوم وبذر الكتان لصنع الخبز وقلل تماما من سكر اللاكتوز فى البان والناس اللى عندها فطريات كانديدا وسيبو و تسرب امعاء و حساسيه جلوتين( دواء حديث اسمه glutinase امريكى صدر حديثا لمرضى تحسس الجلوتين لازم تتعالج صح مع طبيبك الى حد الشفاء التام ، نظف بطنك كويس عالج الامساك والغازات والحموضه المعده بيت الداء فعلا .
٦- مكملات غذائيه هامه جدا
👈 كبسوله اوميجا ٣ بجد زيت سمك قبل العشاء
👈 جينكوبيلوبا بعد الافطار والعشاء علشان التركيز والفوج.
👈 فيت د بعد الافطار بتركيز صح بعد عمل التحليل وضرورى جدا المغنيسيوم والكالسيوم قبل النوم .
👈 فيت ب بعد عمل التحليل لو ناقص وخدوا بالكم بلاش فيت ب عمال ع بطال علشان نقصه وزيادته مضره جدا .
👈 اشواجنده ٥٠٠ ملجم قبل الافطار والعشاء
👈 رويال جيلى اسبانى بعد الافطار يوم بعد يوم
👈 ل كارنتين ١٠٠٠ ملجم جرعه واحده فقط طوال اليوم لعلاج الاجهاد .
👈كوركمين و كوأنزيم Q10
تمنياتى الطيبه لكم جميعا بالشفاء.
