14/11/2025
ಆರೋಗ್ಯವಂತ ಮಕ್ಕಳು ನಮ್ಮ ದೇಶದ ಶ್ರೀಮಂತ ಸಂಪತ್ತು- ಡಾ.ಪ್ರಭಾಕರ
ಅಫಜಲಪುರ- ಪಟ್ಟಣದ ಓಂ ಕ್ಲಿನಿಕ್ ನಲ್ಲಿ ಮಕ್ಕಳ ದಿನಾಚರಣೆಯ ಅಂಗವಾಗಿ ಚಿಕ್ಕ ಮಕ್ಕಳ ಉಚಿತ ಆರೋಗ್ಯ ತಪಾಸಣೆ ಶಿಬಿರವನ್ನು ಓಂ ಫೌಂಡೇಶನ್ ಅಫಜಲಪುರ ವತಿಯಿಂದ ಹಮ್ಮಿಕೊಳ್ಳಲಾಗಿತ್ತು.
ಉಚಿತ ಆರೋಗ್ಯ ತಪಾಸಣಾ ಶಿಬಿರವನ್ನು ಮಕ್ಕಳಿಂದ ಕೇಕ್ ಕತ್ತರಿಸುವ ಮುಖಾಂತರ ಚಾಲನೆ ನೀಡಿ ಮಾತನಾಡಿದ ವೈದ್ಯ ಡಾ.ಪ್ರಭಾಕರ ಅತೀ ವೇಗವಾಗಿ ಬೆಳೆಯುತ್ತಿರುವ ಜೀವನ ಶೈಲಿಯಲ್ಲಿ ಮಕ್ಕಳ ಆರೋಗ್ಯ ಕಡೆ ನಿರ್ಲಕ್ಷ್ಯ ವಹಿಸುತ್ತಿರುವುದು ಇತ್ತೀಚಿನ ಮಕ್ಕಳ ಮೇಲಿನ ಆಘಾತಕಾರಿ ಸಂಶೋಧನೆಗಳು ಆಘಾತ ತಂದಿವೆ. ಹಾಗಾಗಿ ಸದೃಢವಾದ ದೇಹದಲ್ಲಿ ಸದೃಢವಾದ ಆರೋಗ್ಯ ಎಂಬ ಮಾತಿನಂತೆ ಪಾಲಕರು ತಮ್ಮ ಕೆಲಸದ ಒತ್ತಡದಿಂದ ಮಕ್ಕಳ ಆರೋಗ್ಯ ನಿರ್ಲಕ್ಷ್ಯ ಸುವುದು ಕಂಡುಬರುತ್ತದೆ ಹಾಗಾಗಿ ಮಕ್ಕಳಿಗೆ ಉತ್ತಮ ವ್ಯಾಯಾಮ, ಶುಧ್ಧ ಗಾಳಿ,ಶುದ್ಧ ಆಹಾರ,ಒಳ್ಳೆಯ ಅಭ್ಯಾಸಗಳನ್ನು ರೂಢಿ ಮಾಡಿಸಬೇಕು ಅಂದಾಗ ಮಾತ್ರ ಮಕ್ಕಳು ಆರೋಗ್ಯವಂತರಾಗಿರುತ್ತಾರೆ.
ಈ ಶಿಬಿರದಲ್ಲಿ 135 ಮಕ್ಕಳು ಉಚಿತವಾಗಿ ಆರೋಗ್ಯ ತಪಾಸಣೆ ಮಾಡಿಕೊಂಡರು.ಎಲ್ಲಾ ಮಕ್ಕಳಿಗೂ ಫೌಂಡೇಶನ್ ನ ಉಪಾಧ್ಯಕ್ಷೆ ಅಂಬಿಕಾ ಪ್ರಭಾಕರ ಹಾಗೂ ಕಾರ್ಯದರ್ಶಿ ನಾಗರಾಜ ಚವ್ಹಾಣ ರವರು ಶೈಕ್ಷಣಿಕ ಹಾಗೂ ಕ್ರೀಡಾ ಸಾಹಿತ್ಯಗಳನ್ನು ಉಡುಗೊರೆಯಾಗಿ ನೀಡಿ ಮಕ್ಕಳ ಮುಖದಲ್ಲಿ ಸಂತೋಷದ ನಗುವನ್ನು ಹೆಚ್ಚಿಸಿದರು.
ಈ ವೇಳೆ ಡಾ.ಪ್ರಭಾಕರ, ಅಂಬಿಕಾ ಢಂಗಾಪೂರೆ, ನಾಗರಾಜ ಚವ್ಹಾಣ ,ಸಂಜು ಟೋಣೆ,ಮಹಾದೇವಿ ವಾಘಮೋಡೆ, ಸುಶ್ಮೀತಾ,ಶೋಭಾ,ರಾಜಶ್ರೀ ,ಪವಿತ್ರಾ ,ಪಲ್ಲವಿ,ಘೌಸಪಾಕ,ಗಾಲೀಬ,ಸವಿತಾ ಹಾಗೂ ತಾಯಂದಿರು ಉಪಸ್ಥಿತರಿದ್ದರು
