24/02/2026
అత్యంత ప్రసిద్ధమైన శ్రీ గణేశ పంచరత్న స్తోత్రం (ఆది శంకరాచార్యులు రచించినది) — భక్తితో పారాయణం చేస్తే విఘ్నాలు తొలగి ఐశ్వర్యం కలుగుతుందని నమ్మకం.
🙏 శ్రీ గణేశ పంచరత్న స్తోత్రం (Telugu)
ముదాకరాత్త మోదకం సదా విముక్తి సాధకం
కళాధరావతంసకం విలాసిలోక రక్షకం ।
అనాయకైక నాయకం వినాశితేభ దైత్యకం
నతాశుభాశు నాశకం నమామి తం వినాయకమ్ ॥
నతేతరాతి భీకరం నవోదితార్క భాస్వరం
నమత్సురారినిర్జరం నటాధికాపదుద్ధరం ।
సురేశ్వరం నిధీశ్వరం గజేశ్వరం గణేశ్వరం
మహేశ్వరం తమాశ్రయే పరాత్పరం నిరంతరం ॥
సమస్తలోక శంకరం నిరస్త దైత్య కుంజరం
దరేతరోదరం వరం వరేభవక్త్రమక్షరం ।
కృపాకరం క్షమాకరం ముదాకరం యశస్కరం
మనస్కరం నమస్కృతాం నమస్కరోమి భాస్వరం ॥
అకించనార్థి మార్జనం చిరంతనోక్తి భాజనం
పురారిపూర్వ నందనం సురారిగర్వ చర్వణమ్ ।
ప్రపంచనాశ భీషణం ధనంజయాది భూషణం
కపోలదాన వారణం భజే పురాణ వారణమ్ ॥
నితాంతకాంత దంతకాంతి మంతకాంతకాత్మజం
అచింత్య రూపమంతహీన మంతరాయ కృంతనం ।
హృదంతరే నిరంతరం వసంతమేవ యోగినాం
తమేకదంతమేవ తం విచింతయామి సంతతమ్ ॥
⭐ ఫలశృతి
మహాగణేశ పంచరత్నమాదరేణ యోఽన్వహం
ప్రజల్పతి ప్రభాతకే హృది స్మరన్ గణేశ్వరమ్ ।
అరోగతామదోషతాం సుసాహితీం సుపుత్రతాం
సమాహితాయురష్టభూతిమభ్యుపైతి సోఽచిరాత్ ॥
