Guru Nanak dev free Dialysis unit Bholath

01/12/2025

ਗੁਰੂ ਨਾਨਕ ਦੇਵ ਫ੍ਰੀ ਡਾਇਲਸਿਸ ਸੈਂਟਰ ਭਲੱਥ ਵਿੱਚ ਨਵੰਬਰ ਮਹੀਨੇ ਵਿੱਚ 516 ਅਤੇ ਹੁਣ ਤੱਕ 18650 ਕਿਡਨੀ ਮਰੀਜ਼ਾਂ ਦੀ ਫਰੀ ਡਾਇਲਸਿਸ ਕੀਤੀ ਗਈ।

21/11/2025

20/11/2025

ਪਿਤਾ ਦੀ ਛੇਵੀਂ ਬਰਸੀ ਮੌਕੇ ਧੀ ਨੇ ਡਾਇਲਸਿਸ ਸੈਂਟਰ ਨੂੰ 11 ਹਜਾਰ ਰੁਪਏ ਦੀ ਰਾਸ਼ੀ ਕੀਤੀ ਭੇਟ ❇️❇️

ਭੁਲੱਥ, 20 ਨਵੰਬਰ (ਧਵਨ)- ਪਿਤਾ ਤੇ ਧੀ ਦੇ ਰਿਸ਼ਤੇ ਦੀ ਸਾਂਝ ਤੇ ਪਿਆਰ ਦੇ ਦੁਨੀਆ ਚ ਅਨੇਕਾ ਕਿੱਸੇ ਹਨ, ਜਿਵੇਂ ਮਾਂ ਦਾ ਲਾਡਲਾ ਪੁੱਤਰ ਕਿਹਾ ਜਾਂਦਾ ਉਵੇਂ ਧੀ ਨੂੰ ਪਿਉ ਦੀ ਲਾਡਲੀ ਕਿਹਾ ਜਾਂਦਾ ਹੈ।ਇਵੇਂ ਹੀ ਇਕ ਨੇਕ ਉਪਰਾਲਾ ਆਪਣੇ ਪਿਤਾ ਦੀ ਯਾਦ ਵਿਚ ਹੋਣਹਾਰ ਧੀ ਵੱਲੋਂ ਕੀਤਾ ਗਿਆ ਜਦੋਂ ਸਰਕਾਰੀ ਸੀ. ਸੈਕੰ. ਸਕੂਲ ਭੁਲੱਥ ਵਿਖੇ ਤਾਇਨਾਤ ਅਧਿਆਪਕਾ ਸ਼੍ਰੀਮਤੀ ਪਰਮਜੀਤ ਕੌਰ ਵੱਲੋਂ ਆਪਣੇ ਸਵ: ਪਿਤਾ ਮਾਸਟਰ ਨਰਿੰਜਨ ਸਿੰਘ ਦੀ ਛੇਵੀਂ ਬਰਸੀ ਮੌਕੇ ਜਗਤ ਗੁਰੂ ਧੰਨ ਧੰਨ ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਨਾਮ ਨੂੰ ਸਮਰਪਿਤ ਮੁਫਤ ਡਾਇਲਸਿਸ ਸੈਂਟਰ ਭੁਲੱਥ ਨੂੰ 11 ਹਜਾਰ ਰੁਪਏ ਦੀ ਸਹਾਇਤਾ ਰਾਸ਼ੀ ਭੇਟ ਕੀਤੀ। ਇਸ ਮੌਕੇ ਅਧਿਆਪਕਾ ਪਰਮਜੀਤ ਕੌਰ ਨੇ ਕਿਹਾ ਮੇਰੇ ਪਿਤਾ ਵੀ ਸਮਾਜ ਤੇ ਮਨੁੱਖਤਾ ਦੀ ਭਲਾਈ ਕਰਨ ਦੀ ਸੋਚ ਦੇ ਧਾਰਨੀ ਸਨ ਅੱਜ ਉਹਨਾਂ ਦੀ ਬਰਸੀ ਮੌਕੇ ਮਨੁੱਖਤਾ ਦੀ ਸੇਵਾ ਵਿਚ ਯੋਗਦਾਨ ਪਾਕੇ ਸ਼ਰਧਾ ਦੇ ਫੁੱਲ ਭੇਟ ਕਰ ਰਹੀ ਹਾਂ ਤੇ ਅਜਿਹਾ ਕਰਨ ਨਾਲ ਮੰਨ ਨੂੰ ਸਕੂਨ ਮਿਲਿਆ ਹੈ। ਉਹਨਾਂ ਡਾਇਲਸਿਸ ਸੈਂਟਰ ਭੁਲੱਥ ਬਾਰੇ ਕਿਹਾ ਕਿ ਇਲਾਕੇ ਦੀ ਸੰਗਤਾਂ ਦੇ ਸਹਿਯੋਗ ਨਾਲ ਸੇਵਾ ਨਿਭਾ ਰਿਹਾ ਮੁਫਤ ਡਾਇਲਸਿਸ ਸੈਂਟਰ ਭੁਲੱਥ ਪੀੜਤਾ ਲਈ ਵਰਦਾਨ ਸਾਬਤ ਹੋ ਰਿਹਾ ਹੈ, ਇਹ ਇਕ ਬਹੁਤ ਨੇਕ ਤੇ ਭਲਾਈ ਦਾ ਕਾਰਜ ਹੈ। ਉਹਨਾਂ ਜਿੱਥੇ ਦਾਨੀ ਸੱਜਣਾ ਦੀ ਪ੍ਰਸੰਸਾ ਕੀਤੀ ਉੱਥੇ ਪ੍ਰਬੰਧਕ ਕਮੇਟੀ ਦੀ ਸਲਾਘਾ ਕਰਦੇ ਕਿਹਾ ਕਿ ਪ੍ਰਬੰਧਕ ਕਮੇਟੀ ਦੇ ਸਮੂਹ ਆਗੂ ਸਹਿਬਾਨ ਤਨਦੇਹੀ ਨਾਲ ਬਿਨਾ ਕਿਸੇ ਲਾਲਚ ਤੇ ਮੱਤਭੇਦ ਸੇਵਾ ਨਿਭਾ ਰਹੇ ਹਨ। ਇਸ ਮੌਕੇ ਡਾਇਲਸਿਸ ਸੈਂਟਰ ਦੇ ਚੇਅਰਮੈਂਨ ਸੁਰਿੰਦਰ ਕੱਕੜ ਨੇ ਕਿਹਾ ਕਿ ਸਮਾਜ ਵਿਚ ਹੋਣਹਾਰ ਧੀਆਂ ਦੇ ਅਨੇਕਾ ਮਿਸਾਲਾਂ ਹਨ ਉੱਥੇ ਇਕ ਹੋਰ ਮਿਸਾਲ ਦਾ ਵਾਧਾ ਮੈਡਮ ਪਰਮਜੀਤ ਕੌਰ ਵੱਲੋਂ ਨੇਕ ਕਾਰਜ ਕਰਕੇ ਕੀਤਾ ਗਿਆ ਹੈ। ਕੱਕੜ ਨੇ ਕਿਹਾ ਕਿ ਸਵ: ਮਾਸਟਰ ਨਰਿੰਜਨ ਸਿੰਘ ਬਹੁਤ ਵਧੀਆ ਇਨਸਾਨ ਸਨ ਅਤੇ ਲੋਕ ਭਲਾਈ ਸੋਚ ਦੇ ਧਾਰਨੀ ਸਨ। ਉਹਨਾਂ ਦੇ ਪਰਿਵਾਰ ਵੱਲੋਂ ਪਹਿਲਾ ਵੀ ਡਾਇਲਸਿਸ ਨੂੰ ਸਮੇ ਸਮੇ ਤੇ ਰਾਸ਼ੀ ਭੇਜੀ ਜਾਦੀ ਰਹੀ ਹੈ ਅਤੇ ਹਮੇਸ਼ਾ ਪਰਿਵਾਰ ਦਾ ਸਹਿਯੋਗ ਰਿਹਾ ਹੈ। ਉਹਨਾਂ ਸਮੂਹ ਪ੍ਰਬੰਧਕ ਕਮੇਟੀ ਵੱਲੋਂ ਜਿੱਥੇ ਮੈਡਮ ਪਰਮਜੀਤ ਕੌਰ ਦੇ ਉਪਰਾਲੇ ਤੇ ਸੋਚ ਦੀ ਸਲਾਘਾ ਕੀਤੀ ਉੱਥੇ ਸਹਿਯੋਗ ਲਈ ਸਾਰੇ ਪਰਿਵਾਰ ਦਾ ਧੰਨਵਾਦ ਕਰਦੇ ਕਿਹਾ ਕਿ ਪ੍ਰਬੰਧਕ ਕਮੇਟੀ ਮਾਸਟਰ ਨਰਿੰਜਨ ਸਿੰਘ ਜੀ ਦੀ ਆਤਮਿਕ ਸ਼ਾਂਤੀ ਦੀ ਅਰਦਾਸ ਕਰਦੀ ਹੈ। ਇਸ ਮੌਕੇ ਸੁਸਾਇਟੀ ਦੇ ਚੇਅਰਮੈਨ ਡਾਕਟਰ ਸੁਰਿੰਦਰ ਕੁਮਾਰ ਕੱਕੜ, ਵਾਈਸ ਚੇਅਰਮੈਨ ਸੁਰਿੰਦਰ ਸਿੰਘ ਲਾਲੀਆ ਅਤੇ ਸ੍ਰਪ੍ਰਸਤ ਅਵਤਾਰ ਸਿੰਘ ਲਾਲੀਆ ਹਾਜਰ ਸਨ।

05/11/2025

ਬਾਬਾ ਜੋਰਾਵਰ ਸਿੰਘ ਫਤਿਹ ਸਿੰਘ ਸੇਵਾ ਸੁਸਾਇਟੀ ਭੁਲੱਥ ਦੇ ਸਮੂਹ ਸੁਸਾਇਟੀ ਮੈਂਬਰਾਂ ਵੱਲੋਂ ਗੁਰੂ ਨਾਨਕ ਸਾਹਿਬ ਜੀ ਦੇ ਪ੍ਰਕਾਸ਼ ਦਿਹਾੜੇ ਦੀਆਂ ਲੱਖ ਲੱਖ ਮੁਬਾਰਕਾਂ ਜੀ। ਵਾਹਿਗੁਰੂ ਸਰਬਤ ਦਾ ਭਲਾ ਕਰਨ ਜੀ।

30/10/2025

ਭੁਲੱਥ ਤੋਂ ਮਾਨ ਸਿੰਘ ਜੀ ਸਪੁੱਤਰ ਜਥੇਦਾਰ ਜਗੀਰ ਸਿੰਘ ਜੀ ਨੇ ਅਪਣੀ ਦਸਾਂ ਨਹੁੰਆਂ ਦੀ ਕਿਰਤ ਕਮਾਈ ਵਿੱਚੋਂ ਗੁਰੂ ਨਾਨਕ ਦੇਵ ਫ੍ਰੀ ਡਾਇਲਿਸਿਸ ਯੂਨਿਟ ਭੁਲੱਥ ਲਈ 10,000 ਰੁਪਏ ਦੀ ਸੇਵਾ ਭੇਜੀ ਹੈ ਜੀ। ਸੁਸਾਇਟੀ ਮੈਂਬਰ ਦਾਨੀ ਪਰਿਵਾਰ ਦਾ ਤਹਿ ਦਿਲੋਂ ਧੰਨਵਾਦ ਕਰਦੇ ਹਨ। ਇਸ ਮੌਕੇ ਦਾਸ ਤੋਂ ਇਲਾਵਾ ਸੁਸਾਇਟੀ ਦੇ ਚੇਅਰਮੈਨ ਡਾਕਟਰ Surinder Kakkar ਅਤੇ ਲਖਵਿੰਦਰ ਸਿੰਘ ਬਿਆਸ ਵਾਲੇ ਮੌਜੂਦ ਸਨ।

27/10/2025

ਬਿਆਸ ਤੋਂ ਸ.ਅਮਰਜੀਤ ਸਿੰਘ ਜੀ ਨੇ ਅਪਣੀ ਦਸਾਂ ਨਹੁੰਆਂ ਦੀ ਕਿਰਤ ਕਮਾਈ ਵਿੱਚੋਂ ਸ. ਲਖਵਿੰਦਰ ਸਿੰਘ ਜੀ ਰਾਂਹੀ 5000 ਰੁਪਏ ਦੀ ਸੇਵਾ ਭੇਜੀ ਹੈ ਜੀ। ਦਾਨੀ ਪਰਿਵਾਰ ਦਾ ਤਹਿ ਦਿਲੋਂ ਧੰਨਵਾਦ ਕਰਦੇ ਹਾਂ। ਇਨ੍ਹਾਂ ਦਾ ਪਹਿਲਾ ਵੀ ਡਾਇਲਸਿਸ ਯੂਨਿਟ ਨੂੰ ਬਹੁਤ ਸਹਿਯੋਗ ਰਿਹਾ ਹੈ ਜੀ।

01/10/2025

ਗੁਰੂ ਨਾਨਕ ਦੇਵ ਫ੍ਰੀ ਡਾਇਲਿਸਿਸ ਯੂਨਿਟ ਭੁਲੱਥ ਵਿੱਚ ਸਤੰਬਰ ਮਹੀਨੇ ਵਿੱਚ 546 ਅਤੇ ਹੁਣ ਤੱਕ 17300 ਮਰੀਜ਼ਾਂ ਦਾ ਫ੍ਰੀ ਡਾਇਲਿਸਿਸ ਕੀਤਾ ਗਿਆ। ਸਹਿਯੋਗੀ ਸੱਜਣਾਂ ਦਾ ਦਿਲ ਦੀਆਂ ਗਹਿਰਾਈਆਂ ਤੋਂ ਧੰਨਵਾਦ ਕਰਦੇ ਹਾਂ।