https://www.facebook.com/100203722246394/

Prime Marathi, Ramtirtha, Daryapur (2026)

02/02/2026

अमेरिकी सरकारने जाहीर केलेल्या कुख्यात लैंगिक गुन्हेगार जेफ्री एपस्टीन यांच्याशी संबंधित फाइल्समुळे जगभर राजकीय गोंधळ उडाला आहे. यात नाव आल्यामुळे स्लोव्हाकियाच्या एका वरिष्ठ अधिकाऱ्याने राजीनामा दिला असून दुसरीकडे ब्रिटनचे माजी प्रिन्स अँड्र्यू माऊंटबॅटन-विंडसर यांच्यावरही अमेरिकी चौकशी पथकासमोर साक्ष देण्यासाठी दबाव वाढला आहे.

स्लोव्हाकियाचे राष्ट्रीय सुरक्षा सल्लागार व संयुक्त राष्ट्रसंघाच्या महासभेचे माजी अध्यक्ष मिरोस्लाव लाजकाक यांना या प्रकरणात राजीनामा द्यावा लागला असून पंतप्रधान रॉबर्ट फिको यांनी तो स्वीकारला आहे. लाजकाक यांच्यावर फार गंभीर आरोप नव्हते तरीही एपस्टीनसोबत त्यांच्या भेटीचा फोटो व ई-मेल समोर आल्याने त्यांनी राजीनामा दिला.

02/02/2026

पाकिस्तानमधील बलुचिस्तान प्रांतामध्ये पाकिस्तानी सैन्यदल आणि बलुचिस्तान लिबरेशन आर्मी (BLA) यांच्यात तुंबळ संघर्ष सुरू आहे. बीएलएने ऑपरेशन हेरॉफच्या दुसऱ्या टप्प्यादरम्यान १२ शहरांमध्ये एकाच वेळी हल्ले केले आहेत. दरम्यान, गेल्या ४० तासांपासून सुरू असलेल्या या लढाईमध्ये पाकिस्तानी सैन्यदल, पोलीस आणि फ्रंटियर कोअरच्या २०० हून अधिक सैनिकांना मारल्याच्या आणि १७ जणांना ताब्यात घेतल्याचा दावा बीएलएने केला आहे. तसेच खारन, मस्तुंग, दलबंदीन, तुमप आणि पसनी येथील टार्गेट पूर्ण करून आमचे सैनिक माघारी परतले आहेत, असा दावा बीएलएने केला आहे.

02/02/2026

जगाला शांतता आणि अहिंसेची शिकवण देणारे तिबेटी धर्मगुरू दलाई लामा यांनी वयाच्या ९० व्या वर्षी ग्रॅमी पुरस्कार जिंकला आहे. संगीत आणि कलेच्या जगातील सर्वात मोठ्या व्यासपीठावर त्यांनी हा पुरस्कार मिळवला आहे. अमेरिकेतील लॉस एंजेलिस या शहरात पार पडलेल्या ६८ व्या वार्षिक ग्रॅमी पुरस्कार समारंभात दलाई लामा यांना ग्रॅमी पुरस्काराने सन्मानित करण्यात आले. दलाई लामा हे तिबेटी बौद्ध धर्मातील सर्वोच्च आध्यात्मिक नेते आहेत. 'दलाई लामा' या शब्दाचा अर्थ 'ज्ञानाचा महासागर' असा होतो. सध्याचे दलाई लामा हे १४ वे दलाई लामा आहेत. त्यांचे नाव तेन्झिन ग्यात्सो (Tenzin Gyatso) असे आहे.

02/02/2026

केंद्रीय अर्थमंत्री निर्मला सीतारमण यांनी आज संसदेत सादर केलेल्या २०२६-२७ च्या अर्थसंकल्पात एक असा निर्णय घेतला आहे, ज्याने जागतिक राजकारणात भारताच्या भूमिकेवर प्रश्नचिन्ह निर्माण केले आहे. भारतासाठी सामरिकदृष्ट्या अत्यंत महत्त्वाच्या मानल्या जाणाऱ्या इराणमधील 'चाबहार बंदर' प्रकल्पासाठी यावर्षी एक रुपयाचीही तरतूद करण्यात आलेली नाही. गेल्या अनेक वर्षांपासून दरवर्षी किमान १०० कोटी रुपये खर्च करणारा भारत अचानक या प्रकल्पापासून दूर का जात आहे? यामागे अमेरिकेचे राष्ट्राध्यक्ष डोनाल्ड ट्रम्प यांची धमकी कारणीभूत असल्याचे बोलले जात आह

अमेरिकेच्या सत्तेवर येताच डोनाल्ड ट्रम्प यांनी इराणबाबत अत्यंत कठोर भूमिका घेतली आहे. इराणसोबत व्यापार करणाऱ्या देशांवर २५ टक्के अतिरिक्त टॅरिफ लावण्याची उघड धमकी ट्रम्प प्रशासनाने दिली आहे. भारताला चाबहार प्रकल्पासाठी मिळालेली निर्बंधांमधील सवलत २६ एप्रिल २०२६ रोजी संपत आहे. ही सवलत वाढवून मिळण्याची शक्यता धूसर असल्यानेच मोदी सरकारने अर्थसंकल्पात या प्रकल्पाचा निधी 'शून्य' केल्याची चर्चा आहे.

02/02/2026

अल्पवयीन मुलींचे लैंगिक शोषण आणि मानवी तस्करीचा आरोप असलेल्या जेफरी एपस्टीनच्या प्रकरणाने संपूर्ण अमेरिकेत आणि जगात पुन्हा एकदा खळबळ उडवून दिली आहे. अमेरिकन न्याय विभागाने एपस्टीनशी संबंधित तब्बल ३० लाख नवीन कागदपत्रे सार्वजनिक केली आहेत. या कागदपत्रांमध्ये अमेरिकेचे राष्ट्राध्यक्ष डोनाल्ड ट्रम्प यांचे नाव १,००० पेक्षा जास्त वेळा आले असून, त्यांची कन्या इवांका ट्रम्प हिच्या नावाचाही उल्लेख असल्याने खळबळ उडाली आहे.

जेफरी एपस्टीन याने जगभरातील बड्या हस्तींना अल्पवयीन मुली पुरवण्याचे एक मोठे जाळे विणले होते. २०१९ मध्ये तुरुंगात संशयास्पद रितीने त्याचा मृत्यू झाला. तेव्हापासून या फाइल्स एफबीआयच्या ताब्यात होत्या. आता अमेरिकेच्या 'ट्रान्सपरन्सी ॲक्ट'नुसार या फाइल्स सार्वजनिक करण्यात आल्या आहेत. यामध्ये १ लाख ८० हजार फोटो आणि २००० व्हिडिओ क्लिप्सचा समावेश असून, यात अनेक दिग्गज नेत्यांचे आणि अब्जाधीशांचे चेहरे उघडे पडण्याची शक्यता आहे.

02/02/2026

श्री खंडोबा दर्शन जेजुरीगड...

01/02/2026

अमेरिकेच्या दादागिरीला भीक न घालता भारताने युरोपात व्यापार वाढीसाठी मोठ्या प्रमाणावर प्रयत्न केल्याचे आपण पाहिले आहे. याच पार्श्वभूमीवर आज अर्थमंत्री निर्मला सीतारमन यांनी आर्थिक वर्ष २०२६-२७ साठी अर्थसंकल्प सादर केला. या अर्थसंकल्पात भारतीय बाजारपेठेचा आर्थिक कणा मानला जाणाऱ्या एमएसएमई क्षेत्रासाठी मोठी घोषणा करण्यात आली आहे. १० हजार कोटी रुपयांच्या घोषणेमुळे लघु आणि मध्यम उद्योगांना मोठा फायदा होणार आहे. युरोपीय संघासोबत झालेल्या मुक्त व्यापार कराराचा स्पष्ट प्रभाव या अर्थसंकल्पातून दिसून येत आहे. त्यामुळे युरोपीय चाजारपेठेत जर भारताची स्थिती मजबूत आली तर अमेरिकेवर भारताला अवलंबून राहण्याची गरज राहणार नाही.

01/02/2026

केंद्रीय अर्थमंत्री निर्मला सीतारमण यांनी आज (रविवार) रोजी देशाचा अर्थसंकल्प 2026-27 संसदेत सादर केला. या अर्थसंकल्पात अल्पसंख्याक कार्य मंत्रालयासाठी ₹3,400 कोटींची तरतूद करण्यात आली आहे. ही रक्कम मागील आर्थिक वर्षातील ₹3,395.62 कोर्टीच्या तुलनेत ₹4.38 कोटींनी अधिक आहे. या तरतुदीतून सरकारचा संदेश स्पष्ट आहे की अल्पसंख्याक समुदायाच्या सामाजिक-आर्थिक विकासाला सातत्याने प्राधान्य दिले जाणार आहे.

01/02/2026

केंद्रीय अर्थमंत्री निर्मला सीतारामन यांनी अर्थसंकल्प २०२६ संसदेत सादर केला. त्यात भारतातील दक्षिणेकडील राज्यात रेयर अर्थ कॉरिडोर बनवण्याची घोषणा करण्यात आली. नोव्हेंबर २०२५ मध्ये रेयर अर्थ परमनंट मॅग्नेटसाठी योजना सुरू करण्यात आली होती असा उल्लेख करत अर्थमंत्र्यांनी आम्ही आता ओडिशा, केरळ, आंध्र प्रदेश आणि तामिळनाडू सारख्या खनिजांनी समृद्ध राज्यांना खाणकाम, प्रक्रिया, संशोधन आणि उत्पादनाला प्रोत्साहन देण्यासाठी डेडिकेटेड रेयर अर्थ कॉरिडोर बांधण्याचा प्रस्ताव ठेवला आहे.

01/02/2026

आज केंद्रीय अर्थसंकल्प सादर होणार आहे. आजच्या अर्थसंकल्पातून सामान्यांना काय दिलासा मिळणार याकडे सर्वांचं लक्ष लागलेलं असतानाच सामान्यांच्या खिशाला भुर्दंड पडणारी एक बातमी समोर आली आहे. तेल विपणन कंपन्यांनी व्यावसायिक एलपीजी सिलिंडरच्या दरात ४९ रुपयांनी वाढ केली आहे. ही वाढ आज, १ फेब्रुवारीपासून लागू होणार आहे. इकॉनॉमिक टाइम्सने यासंदर्भातील वृत्त दिलं आहे.

01/02/2026

पाकिस्तानच्या बलूचिस्तान प्रांतात शनिवारी बलोच बंडखोरांनी पुकारलेल्या 'स्वातंत्र्य युद्धा'ने भीषण रूप धारण केले आहे. 'बलोच लिबरेशन आर्मी'ने (BLA) 'ऑपरेशन हेरॉफ २.०' अंतर्गत एकाच वेळी १० हून अधिक जिल्ह्यांमध्ये भीषण हल्ले केले आहेत. या कारवाईने केवळ शाहबाज शरीफ सरकारच नाही, तर रावळपिंडीतील लष्करी मुख्यालयात बसलेले लष्करप्रमुख आसिम मुनीर यांचीही झोप उडवली आहे.

01/02/2026

हिवाळी सौंदर्याने सजलं बद्रीनाथ ! बर्फवृष्टीने मंदिराला मिळालं स्वर्गीय रुप

Prime Marathi

02/02/2026

02/02/2026

02/02/2026

02/02/2026

02/02/2026

02/02/2026

01/02/2026

01/02/2026

01/02/2026

01/02/2026

01/02/2026

01/02/2026

Address

Website

Alerts

Shortcuts

Share

Category