http://www.youtube.com/@happykidz5946

Happy Kidz Health & Wellness, Jasola, Pocket 1, Delhi (2025)

30/11/2025

ဘေဘီလေးတွေ Diaper လောင်လျှင် ပြုလုပ်ပေးနိုင်တဲ့နည်းလမ်းများ 💯

ကလေး Diaper လောင်တာဟာ အဖြစ်များတဲ့ အရေပြားပြဿနာဖြစ်ပြီး ကလေးငယ်ရဲ့ မစင်နဲ့ဆီးတို့က အရေပြားနဲ့ ကြာရှည်စွာ ထိတွေ့ခြင်းကြောင့် ဖြစ်ပါတယ်။ မြန်မြန် သတိမထားမိဘူး မကုသဘူးဆိုလျှင် မှိုနဲ့ ဘတ်တီးရီးယားပိုးတွေပါ ကူးစက်ခံရနိုင်ပါတယ်။

🍓 သန့်ရှင်းခြောက်သွေ့အောင်ထားပါ: Diaper လောင်တဲ့နေရာကို တတ်နိုင်သမျှ သန့်ရှင်းအောင်လုပ်ပြီး ခြောက်သွေ့အောင်ထားပါ။
🍓 ညင်သာစွာသန့်စင်ပါ: ကလေးရဲ့ တင်ပါးနေရာကို ရေနွေးနွေးလေးနဲ့ သန့်စင်ပါ။ သန့်ရှင်းရေးလုပ်လျှင် အရက်ပြန် လုံးဝ အသုံးမပြုရပါ။
🍓လေသလပ်ခံပါ: ကလေး တင်ပါးကို သန့်ရှင်းရေးပြုလုပ်ပြီးလျှင် လေနဲ့ ထိတွေ့စေပြီး အခြောက်ခံထားပါ။
🍓 ပွတ်တိုက်ခြင်းရှောင်ပါ:** ရေနွေးနဲ့ သန့်စင်ပြီးလျှင် ပိတ်စပျော့ပျော့ခြောက်နဲ့ တို့သုတ်ပြီး ရေခြောက်အောင်ပြုလုပ်ပါ။ အရေပြားကို အဝတ်နဲ့ မပွတ်ရပါ၊ ပိုယားစေပါတယ်။
🍓 Diaper အသစ်လဲပါ: Diaper အသစ်လဲပေးလို့ ရပြီး နည်းနည်းချောင်ချောင်သို့မဟုတ် အရွယ်အစား ပိုကြီးတဲ့ Diaper မျိုး လဲပေးလို့ရပါတယ်။
🍓 Diaper မပါဘဲထားပါ: ကလေးအိပ်လျှင် Diaper မပါဘဲ ညအိပ်စေပြီး သန့်ရှင်းရလွယ်အောင် အိပ်ယာခင်းအောက်မှာ ပလတ်စတစ်စဖြစ်ဖြစ် ထားထားလို့ရပါတယ်။
Diaper လောင်တာကို လေနဲ့ ခြောက်သွေ့အောင် ထားပေးတာဟာ ထိရောက်တဲ့ကုသနည်းတစ်ခုပါ။
🍓 လိမ်းဆေးလိမ်းပေးပါ: Zinc Oxide ပါတဲ့ လိမ်းဆေးမျိုး လိမ်းပေးလို့ရပါတယ်။ အတော်အသင့်ပဲ လောင်တာမျိုးဆိုလျှင် အဲဒီလိမ်းဆေး တစ်ခုတည်းနဲ့ပဲ သက်သာနိုင်ပါတယ်။

❗Diaper လောင်တဲ့ အကြောင်းအရင်းများ❗

Diaper လောင်တာ အကြောင်းအမျိုးမျိုးကြောင့်ဖြစ်နိုင်ပါတယ်။

🚨ဓာတ်မတည့်မှု: တချို့ Diaper အမျိုးအစားက ကလေးရဲ့ အရေပြားနဲ့ ဓာတ်မတည့်တာမျိုး ရှိတတ်လို့ ပြောင်းသုံးသင့်ရင် ပြောင်းသုံးကြည့်ပါ။
🚨အစားအသောက်အသစ်: ကလေး အစား အသောက် အသစ်တွေ စပြီး ကျွေးပြီဆိုလျှင် မစင် ပုံစံပြောင်းသွားတာမို့ Diaper လောင်တာမျိုး သတိထားပေးပါ။
🚨ရောဂါပိုး: Diaper လောင်တာ တော်တော်နဲ့ မပျောက်ဘူးဆိုလျှင် ဘတ်တီးရီးယားပိုး၊ မှိုပိုးတို့ကြောင့် ဖြစ်နိုင်ပါတယ်။
🚨 ပိုးသတ်ဆေး: ပိုးသတ်ဆေး သောက်နေတဲ့ ကလေးတွေလည်း Diaper လောင်တာမျိုး အတွက် သတိထားပါ။ ပိုးသတ်ဆေးသောက်နေချိန် ဗိုက်ထဲမှာ ရှိတဲ့ကောင်းကျိုးပေးတဲ့ ဘတ်တီးရီးယားတွေကိုပါ နည်းသွားစေလို့ပါ။

✅ ဘယ်အချိန် ဆရာဝန်နဲ့ပြသင့်လဲ

Diaper လောင်တာက ၃-၄ ရက်လောက်နဲ့ မပျောက်သွားဘူးဆိုလျှင် မှိုပိုး ကူးစက်တာဖြစ်နိုင်ပါတယ်။ အဲလိုဆိုရင်ပုံမှန် Diaper လိမ်းဆေးတွေနဲ့ မသက်သာနိုင်တော့ပါဘူး။

🩵 နောက်ထပ်မဖြစ်အောင် ဘယ်လိုကာကွယ်မလဲ

ကလေးရဲ့ တင်ပါးကို သေချာ ရေဆေးပေးတာ၊ အခြောက်ခံပေးတာမျိုး ပုံမှန်လုပ်ပေးသင့်ပါတယ်။ တကယ်လို့ Diaper လောင်တဲ့ အကွက်မျိုး သတိထားမိပြီဆိုတာနဲ့ လိမ်းဆေး လိမ်းပေးပါ။

30/11/2025

ကလေးထိန်းဖို့ တခြားဘယ်သူမှလည်းမရှိသေးဘူး၊ ခဏလောက်လည်း နားချင်တယ်ဆိုတဲ့ မေမေတွေအတွက် ဒီလိုနည်းလမ်းလေး လုပ်လို့ရတယ်နော် 😀

29/11/2025

ဘေဘီလေးတွေ လေထိုးလေအောင့် သက်သာစေဖို့ နည်းလမ်းများ 🤍

28/11/2025

🩵ဆောင်းရာသီမှာ ဘေဘီလေးတွေ ဘယ်လောက်ချမ်းနေလဲဆိုတာ ဘယ်လိုသိနိုင်မလဲ

ဆောင်းရာသီမှာ ဘေဘီလေးတွေ ချမ်းနေလား ပူနေလားဆိုတာ သိရှိစေဖို့ အောက်ပါနည်းလမ်းတွေကို အသုံးပြုနိုင်ပါတယ်။

**ဘေဘီလေး ချမ်းနေပြီလားဆိုတာ သိရှိစေမယ့် နည်းလမ်းများ**

1. ကိုယ်အပူချိန် စမ်းသပ်ခြင်း (အထူးသင့်တော်သောနည်း)
* ဘေဘီလေးရဲ့ ရင်ဘတ်၊ ဗိုက် သို့မဟုတ် နောက်ကျောကို သင့်လက်ဖဝါးနဲ့ စမ်းကြည့်ပါ။
* ထိုနေရာများ နွေးနေပါက ဘေဘီလေး နွေးထွေးနေပါပြီ။
* ထိုနေရာများ အေးစက်နေပါက** ဘေဘီလေး ချမ်းနေပါပြီ။ အင်္ကျီအပိုဝတ်ဆင်ပေးဖို့ လိုအပ်ပါတယ်။

2. ခြေဖျား/လက်ဖျား အေးခြင်း
* ဘေဘီလေးတွေရဲ့ ခြေဖျားနဲ့ လက်ဖျားတွေ အေးနေခြင်းဟာ **ပုံမှန်ဖြစ်တတ်ပါတယ်**။
* ဒါကြောင့် ခြေဖျား/လက်ဖျား အေးနေတိုင်း ချမ်းနေပြီထင်ပြီး အဝတ်အစားအများကြီး ထပ်ဝတ်ပေးရန် **မလိုအပ်ပါ**။
ချမ်းနေလားဆိုတာ အပေါ်ကဖော်ပြခဲ့တဲ့ ရင်ဘတ်၊ ဗိုက်နဲ့ နောက်ကျောကို စမ်းသပ်ကြည့်ပါ။

3. အရေပြားအရောင် ကြည့်ခြင်း
ဘေဘီလေး အရမ်းချမ်းနေရင် ၊နှုတ်ခမ်းနဲ့ လက်သည်း/ခြေသည်းတဝိုက် ဖြူဖွေးနေတတ် ပါတယ်။

4. အပြုအမူ ကြည့်ခြင်း
ပုံမှန်ထက် ပိုငိုခြင်း၊ ဂနာမငြိမ်ဖြစ်ခြင်း၊ အငေးကြီးငေးနေခြင်း (လှုပ်ရှားမှုနည်းသွားခြင်း) တို့ဟာ ချမ်းနေတဲ့ လက္ခဏာတွေ ဖြစ်နိုင်ပါတယ်။

ဘေဘီလေး ပူနေပြီလားဆိုတာ သိရှိစေမယ့် နည်းလမ်းများ

1. ချွေးစီးခြင်း
ဘေဘီလေးရဲ့ လည်ပင်း၊ ပေါင်ခြံနဲ့ ကျောပြင်တို့မှာ ချွေးစီးနေတာ ပူနေတဲ့ လက္ခဏာပါ။

2. မျက်နှာအရောင်
မျက်နှာနီရဲနေခြင်း၊ နှာခေါင်းနဲ့ ဦးခေါင်းမှာ ချွေးတွေစိုနေခြင်း**။

3. အရေပြားယားယံခြင်း
အရမ်းပူလွန်းရင် အရေပြားမှာ အနီစက်လေးတွေ (heat rash) ထွက်တတ်ပါတယ်။

4. အသက်ရှူမြန်ခြင်း နဲ့ heartbeat မြန်ခြင်း

ဘေဘီလေးကို နွေးထွေးသက်တောင့်သက်သာဖြစ်အောင် ဘယ်လိုထားမလဲ

ဦးထုပ် နဲ့ ခြေအိတ်ဝတ်ဆင်ပေးပါ - ခန္ဓာကိုယ်အပူအများစုက ဦးခေါင်းကနေ ထွက်တာကြောင့် ဦးထုပ်ဆောင်းပေးသင့်ပါတယ်။

အိပ်ရာခင်းကို သေချာရွေးချယ်ပါ - ကလေးအိပ်ရာထဲမှာ စောင်အထူကြီးတွေ၊ ခေါင်းအုံးတွေ၊ အိပ်ရာဘေးကာတွေ မထားဘဲ၊ ကလေးအတွက် စံပြုထားတဲ့ အိပ်ရာခင်းတွေကိုသာ အသုံးပြုပါ။ ဒါမှသာ အပူလွန်ကဲပြီး SIDS (ကလေးရုတ်တရက် သေဆုံးခြင်း) အန္တရာယ်ကို ကာကွယ်နိုင်မှာဖြစ်ပါတယ်။

🚨အရေးကြီးသတိ - ဘေဘီလေးကို အပူလွန်ကဲအောင် မလုပ်မိပါစေနဲ့

ဘေဘီလေးတွေဟာ အပူချိန်ကို ထိန်းညှိရခက်တာကြောင့် **အပူလွန်ကဲခြင်းဟာလည်း အန္တရာယ်ရှိပါတယ်**။ ချမ်းမှာစိုးရိမ်လွန်းပြီး အဝတ်အစားအများကြီးဝတ်ဆင်ပေးတာ၊ စောင်အထူကြီးတွေ ခြုံပေးတာတွေကို ရှောင်ကြဉ်ပါ။

အတိုချုပ်
ဘေဘီလေး ချမ်းနေလား ပူနေလားဆိုတာ သိချင်ရင် သူ့ရဲ့ **ရင်ဘတ်၊ ဗိုက် နဲ့ နောက်ကျော**ကို စမ်းကြည့်ပါ။ **နွေးနေရင်** သက်တောင့်သက်သာရှိပါပြီ။ **အေးနေရင်** ချမ်းနေတာမို့ အင်္ကျီအပိုဝတ်ပေးပါ။ **ချွေးစီးနေရင်** ပူနေတာမို့ အဝတ်အစားလျှော့ဝတ်ပေးပါ။

27/11/2025

ကလေးက မိဘနှစ်ယောက်ထဲက တစ်ယောက်ကို ပိုပြီး နှစ်သက်နေတယ်ဆို ဘာတွေ ပြုလုပ်နိုင်လဲ 🤍

မိဘအများစုဟာ သူတို့ရဲ့ကလေးတွေက "မေမေထက် ဖေဖေကို ပိုချစ်တယ်" (သို့) "ဖေဖေထက် မေမေကို ပိုချစ်တယ်" ဆိုတဲ့စကားမျိုးကို တစ်ချိန်ချိန်မှာ ကြားရတတ်ပါတယ်။ ကိုယ့်ထက် ကိုယ့်ရဲ့အိမ်ထောင်ဖက်ကို ကလေးက ပိုပြီးနှစ်သက်နေတယ်လို့ ခံစားရပါက ကိုယ့်ရဲ့ parenting အပေါ် သံသယမဝင်ပါနဲ့။ ကလေးတွေရဲ့ ဒီလိုခံစားချက်ဟာ လုံးဝပုံမှန်ဖြစ်ပြီး သူတို့ရဲ့ စိတ်ပိုင်းဆိုင်ရာ ကြီးထွားဖွံ့ဖြိုးမှုရဲ့ အစိတ်အပိုင်းတစ်ခုပါပဲ။

ဒီလိုအခြေအနေမျိုးမှာ ကလေးရဲ့အာရုံစိုက်မှုကို အတင်းအကျပ်ရယူဖို့ မကြိုးစားပါနဲ့။ ကိုယ်ကကြိုးစားလေလေ၊ ကလေးက ပိုပြီးဝေးရာကိုသွားလေလေ ဖြစ်တတ်ပါတယ်။ ဒါဟာ ယာယီဖြစ်စဉ်တစ်ခုသာဖြစ်ပြီး အချိန်တန်ရင် ပြန်ပြောင်းသွားမယ်လို့ ယုံကြည်ထားပါ။ ဒီအချိန်မှာ စိတ်ရှည်ရှည်ထားပြီး ကိုယ့်အတွက် အားလပ်ချိန်ပိုရတယ်လို့ သဘောထားလိုက်ပါ။

ကလေးက မိဘတစ်ဦးကို ပိုနှစ်သက်ရတဲ့ အကြောင်းရင်းထဲမှာ အချိန်ပိုပေးနိုင်မှုက အဓိကအချက်ပါ။ အလုပ်အရမ်းများတဲ့ ဖေဖေ (သို့) အိမ်မှုကိစ္စအရမ်းရှုပ်တဲ့ မေမေဆိုရင် ကလေးနဲ့အချိန်ပိုဖြုန်းနိုင်တဲ့ မိဘတစ်ဦးကို ကလေးက ပိုပြီးအားကိုးတတ်ပါတယ်။ ဒါမျိုးဖြစ်နေရင် မိဘနှစ်ဦးစလုံးက ကလေးအတွက် အချိန်ညီမျှအောင် လုပ်ဆောင်နိုင်ပါတယ်။

မိသားစုတစ်ခုလုံးအတူတူလုပ်ဆောင်နိုင်တဲ့ အစီအစဉ်တွေ ချမှတ်ပါ။ မိသားစုအတူတူ အပြင်ထွက်တာ၊ ဂိမ်းဆော့တာ စတာတွေလုပ်ဆောင်ပါ။ ၁၀ မိနစ်လောက်ပဲကြာတဲ့ မိသားစုလုပ်ရုပ်တွေကတောင် ကလေးရဲ့ခံစားချက်ကို ပြန်လည်ပြောင်းလဲစေနိုင်ပါတယ်။

ကိုယ့်ကိုယ်ကို ဖယ်ကျဉ်ခံရသလိုခံစားရရင် ကလေးနဲ့ ကိုယ့်အိမ်ထောင်ဖက်ကို အပြစ်တင်တာ၊ ဒေါသထွက်တာမျိုးရှောင်ပါ။ ကိုယ့်ရဲ့ခံစားချက်ကို ကိုယ့်အိမ်ထောင်ဖက်ကို ပြောပြပါ။ ကလေးရဲ့ပိုနှစ်သက်မှုကိုခံရတဲ့ မိဘကလည်း ကလေးနဲ့အတူရှိစဉ် တစ်ဖက်မိဘရဲ့အရည်အသွေးကောင်းတွေကို မှတ်သားပေးပါ။

ကလေးရဲ့ပိုနှစ်သက်မှုကို မခံရတဲ့မိဘအနေနဲ့ စိတ်ရှည်ရှည်ထားဖို့ အရေးကြီးပါတယ်။ ကလေးကို ဆုတွေဝယ်ပေးလိုက်တာနဲ့ ချက်ချင်းပိုနှစ်သက်လာမယ်လို့ မမျှော်လင့်ပါနဲ့။ ဒီအဆင့်ကိုကျော်လွှားဖို့အတွက် အချိန်ယူရမှာဖြစ်ပါတယ်။

27/11/2025

ကလေးတွေ နည်းလမ်းမှန်မှန်နဲ့ အမှားပြင်ပေးသင့်ပါ တယ် 🩵

26/11/2025

ဘေဘီလေးကို နှာခေါင်းပြားလို့ နှာတံဆွဲပေးတာ တကယ်ရောထိရောက်ရဲ့လား 🚨

ကလေးငယ်လေးတွေရဲ့ နှာခေါင်းပုံစံဟာ အဓိကအားဖြင့် မျိုးရိုးဗီဇ နဲ့သတ်မှတ်တာဖြစ်ပြီး နှာတံဆွဲပေးတာက ထိရောက်မှုမရှိပါဘူး။

မွေးကင်းစကလေးတွေရဲ့ နှာခေါင်းဟာ ပြားပြားလေးဖြစ်နေတတ်ပါတယ်။ ဒါဟာ မွေးရာပါဖြစ်စဉ်တစ်ခုဖြစ်ပြီး အချိန်ကြာလာတာနဲ့အမျှ သူ့အလိုလိုပဲ နှာခေါင်းရိုးတွေ ဖွံ့ဖြိုးလာကာ ပုံစံပေါ်လာတတ်ပါတယ်။ ဒီလိုဖြစ်လာတာကို ကြည့်ပြီး တစ်ချို့က နှာတံဆွဲပေးလို့ဖြစ်လာတယ်လို့ မှားယွင်းစွာ ထင်ကြတာပါ။

ကလေးရဲ့ နှာခေါင်းကို ညှစ်တာ၊ ဆွဲတာ၊ ဖိတာတွေဟာ -
* ကလေးကို နာကျင်စေ နိုင်ပါတယ်
* သက်တောင့်သက်သာမရှိဖြစ်စေ နိုင်ပါတယ်
* နှာခေါင်းအတွင်းရှိ နူးညံ့သောတစ်ရှူးတွေနဲ့ သွေးကြောလေးတွေကို ထိခိုက်စေ နိုင်ပါတယ်

ဒါကြောင့် ကလေးငယ်ရဲ့ နှာခေါင်းကို ပုံစံပြောင်းဖို့ အတင်းအကျပ်လုပ်တာမျိုး မလုပ်သင့်ပါဘူး။ သဘာဝအလျောက် ဖွံ့ဖြိုးမှုကိုသာ စောင့်ကြည့်ပေးပါ။

မွေးကင်းစမှာ နှာခေါင်းပြားနေတယ်ဆိုတာ ပုံမှန်ဖြစ်စဉ်တစ်ခုသာဖြစ်ပြီး အချိန်တန်ရင် ကလေးရဲ့ မျိုးရိုးနဲ့သက်ဆိုင်တဲ့ နှာခေါင်းပုံစံ ပေါ်လာမှာဖြစ်လို့ စိတ်မပူပါနဲ့နော်။

25/11/2025

မွေးကင်းစ ဘေဘီလေးတွေမှာ မျက်ဝတ်အထွက်များတာဟာ ဖြစ်လေ့ဖြစ်ထရှိပါတယ်**။ အထူးသဖြင့် မျက်လုံးအနီးတဝိုက် နီရဲရောင်ရမ်းခြင်းမရှိဘဲ မျက်ဝတ်အဖြူရောင်သာ ထွက်နေပါက စိုးရိမ်ရမလိုများပါဘူး။

အဓိကအကြောင်းရင်းကတော့ မျက်ရည်ပြွန်ပိတ်ဆို့နေတာ** ကြောင့်ဖြစ်ပါတယ်။ မွေးကင်းစကလေး ၅ ယောက်တွင် ၁ ယောက်ခန့်ဟာ မျက်ရည်ပြွန် အပြည့်အဝ မဖွံ့ဖြိုးသေးဘဲ မွေးဖွားလာတတ်ကြပါတယ်။ ဒါဟာ တစ်ဖက်တည်းမှာဖြစ်နိုင်သလို နှစ်ဖက်လုံးမှာလည်း ဖြစ်တတ်ပါတယ်။ များသောအားဖြင့် ကလေးအသက် ၄ လမှ ၆ လအတွင်း သူ့အလိုလိုပွင့်သွားတတ်ပါတယ်။ အကယ်၍ ကြာရှည်မပျောက်ဘူးဆိုရင်တော့ ဆရာဝန်နဲ့ တိုင်ပင်ကုသမှု ခံယူဖို့ လိုအပ်နိုင်ပါတယ်။

🍓 အိမ်တွင်းဂရုစိုက်နည်းများ
- ကလေးရဲ့မျက်ဝတ်လေးတွေကို သန့်ရှင်းပေးချင်ရင် မိဘ (သို့) လူကြီးရဲ့လက်ကို ဆပ်ပြာနဲ့ ရေနွေးနွေးလေးသုံးပြီး အရင်ဆုံး သေချာဆေးကြောသန့်စင်ပါ။
- ပြီးရင် သန့်ရှင်းတဲ့ ဂွမ်းစ (သို့) ပိုးသတ်ထားသော အဝတ်စည်းကို ရေနွေးနွေးလေးဆွတ်ပြီး ကလေးမျက်လုံးကို သန့်ရှင်းပေးပါ (ရေက အရမ်းမပူပါစေနဲ့)။
- လေပြင်းတိုက်ခတ်ခြင်း၊ ရာသီဥတုအေးခြင်း နှင့် နေရောင်ပြင်းပြင်းထဲထွက်ခြင်းတို့ဟာ မျက်ဝတ်ပိုထွက်စေနိုင်လို့ ရှောင်ကြဉ်သင့်ပါတယ်။

🚨ဘယ်အချိန်မှာ ဆရာဝန်ပြမလဲ?
တစ်ခါတစ်ရံ မျက်ရည်ပြွန်ပိတ်တာကြောင့် ရောဂါပိုးဝင်ပြီး မျက်စိပြည်တည်နာ ဖြစ်နိုင်ပါတယ်။ အဲဒီလိုဆိုရင် မျက်ဝတ်ထွက်ရုံသာမက မျက်လုံးနီရဲခြင်း၊ ရောင်ရမ်းခြင်း၊ မျက်တောင်မွှေးခြွေခြင်းနဲ့ အဝါရောင်မျက်ဝတ်/မျက်ရည်ပြည်**တွေထွက်နိုင်ပါတယ်။ ရောဂါပိုးဟာ မျက်လုံးတစ်ဖက်မှစဖြစ်ပြီး ကျန်တစ်ဖက်ကိုပါ ကူးစက်နိုင်ပါတယ်။ ဒီလိုလက္ခဏာတွေပေါ်လာရင် မွေးကင်းစကလေးငယ်မို့လို့ ဆရာဝန်နဲ့ အမြန်ဆုံးပြသသင့်ပါတယ်။

24/11/2025

ဘေဘီလေးတွေရဲ့ ကြွက်သားနဲ့ အရိုးအဆစ်တွေ သန်မာဖို့ အသက်အရွယ်အလိုက် ပြုလုပ်ပေးသင့်တဲ့ လေ့ကျင့်ခန်း (၆) မျိုး 💯

ဘေဘီလေးတွေဟာ မွေးကင်းစမှာ အရိုးနဲ့ ကြွက်သားတွေ အားနည်းကြပါတယ်။ ဒါကြောင့် မိဘတွေအနေနဲ့ မွေးကင်းစကတည်းက ကလေးရဲ့ အရိုးနဲ့ ကြွက်သားတွေ သန်မာလာစေရန် ပြုလုပ်ပေးဖို့ အရေးကြီးပါတယ်။ အရိုးအဆစ်နဲ့ ကြွက်သားတွေ သန်မာခြင်းဟာ ကျန်းမာခြင်းရဲ့ လက္ခဏာတစ်ခုပါ။ ဒါကြောင့် ဘေဘီလေးတွေအတွက် ကျန်းမာသန်စွမ်းတဲ့ ကြွက်သားနဲ့ အရိုးအဆစ်တွေ ပိုင်ဆိုင်ဖို့ ရိုးရှင်းတဲ့ လေ့ကျင့်ခန်း (၆) မျိုးကို ဖော်ပြပေးလိုက်ပါတယ်။

🩵 ၁။ ခေါင်းလှည့်လေ့ကျင့်ခန်း (အသက် ၂လ မှ ၃လ)
မွေးပြီး လအနည်းငယ်အတွင်းမှာ ကလေးရဲ့ ခေါင်းနဲ့ လည်ပင်းကြွက်သားတွေ သန်မာလာဖို့ အရေးကြီးပါတယ်။ ဘေဘီလေး လှဲနေစဉ်မှာပဲ ခေါင်းကို ဟိုဘက်ဒီဘက် လှည့်အောင် ပြုလုပ်ပေးပါ။ ဒါမှ ကလေးခေါင်းမှာ ရှိတဲ့ ကြွက်သားတွေ သန်မာလာမှာပါ။ ကလေး ခေါင်းလှည့်ချင်လာအောင် ရောင်စုံအရုပ်ကလေးတွေ၊ ဂျောက်ဂျက်အရုပ်လေးတွေ** ကို အသုံးပြုပြီး ဆွဲဆောင်နိုင်ပါတယ်။

🩵 ၂။ စက်ဘီးနင်းလေ့ကျင့်ခန်း (မွေးစကတည်းက ပြုလုပ်နိုင်ပါတယ်)
ဘေဘီလေးရဲ့ ခြေထောက်ကြွက်သားတွေ ဖွံ့ဖြိုးဖို့က အရေးပါပါတယ်။ တွားသွားဖို့၊ လမ်းလျှောက်တတ်ဖို့ဆိုတာ ခြေထောက်ကြွက်သားတွေ သန်မာမှ ရမှာပါ။ ဘေဘီလေးရဲ့ ခြေချင်းဝတ်ကနေ ကိုင်ပြီး စက်ဘီးနင်းသလို ဖြည်းဖြည်းချင်း လှုပ်ပေးပါ။ တစ်ကြိမ်လုပ်လျှင် ၅ ခါလောက်လုပ်ပေးပြီး ၂ မိနစ်လောက် နားပေးပါ။ ပြီးလျှင် နောက်တစ်ကြိမ် ပြန်လုပ်ပေးပါ။ ဒီလိုလုပ်ပေးတာဟာ ဝမ်းချုပ်တာ၊ လေထိုးလေအောင့်တာတွေ ကိုပါ သက်သာစေနိုင်ပါတယ်။

🩵 ၃။ ပစ္စည်းတွေ ကောက်ခါတွဲလေ့ကျင့်ခန်း (အသက် ၄လ မှ ၆လ)
ကလေးလေးတွေဟာ အိမ်မှာရှိတဲ့ ပစ္စည်းလေးတွေကို စိတ်ဝင်တစား ကောက်ကြည့်တတ်ကြပါတယ်။ အဲဒီလို ကောက်ကြည့်တာဟာ လက်ကိုဆုပ်တတ်ဖို့** နဲ့ **မျက်လုံးနဲ့လက် ညှိပြီးအသုံးချတတ်တဲ့ စွမ်းရည်ကို ကောင်းမွန်စေပါတယ်။ ဘေဘီလေးရဲ့ ရှေ့မှာ အရုပ်လေးတွေ၊ ပစ္စည်းလေးတွေ ချပေးထားပြီး လေ့ကျင့်ပေးလို့ ရပါတယ်။

🩵 ၄။ Tummy Time (ဝမ်းလျားမှောက်ချိန်) (မွေးစကတည်းက ပြုလုပ်ပေးနိုင်ပါတယ်)
Tummy Time ဟာ ဘေဘီလေးရဲ့ လည်ပင်း၊ ပခုံးနဲ့ နောက်ကျောကြွက်သားတွေ သန်မာစေဖို့ အဓိကကျတဲ့ လေ့ကျင့်ခန်းပါ။ Tummy Time ဆိုတာက ဘေဘီလေးကို ဝမ်းဗိုက်ပေါ်မှောက်ပြီး ကစားခိုင်းတာ ဖြစ်ပါတယ်။ မွေးကင်းစကလေးဆိုလျှင် နို့တိုက်ပြီး မိခင် ရင်ဘတ်ပေါ်မှာပဲ စတင်ပြုလုပ်ပေးနိုင်ပါတယ်။ Tummy Time ဟာ ဘေဘီလေးတွေ ခေါင်းမော့တတ်ဖို့၊ လှုပ်ရှားမှုစွမ်းရည်တွေ ဖွံ့ဖြိုးဖို့အတွက် အသက်တစ်နှစ်အောက် ကလေးတိုင်းအတွက် အရေးပါတဲ့ လေ့ကျင့်ခန်းတစ်ခုပါ။

၅။ ထိုင်တဲ့ လေ့ကျင့်ခန်း (အသက် ၄လ မှစတင်)
အိပ်ယာပေါ်မှာ စောင်လေးခင်းထားပြီး ဘေဘီလေးကို စောင်ပေါ် ပက်လက်တင်ထားပါ။ ပြီးလျှင် ဘေဘီလေးရဲ့ ခေါင်းဖက်က စောင်အစွန်းနှစ်ခုကို ဖြည်းဖြည်းချင်း ဆွဲမတင်ပေးပါ။ အဲဒီလိုဆိုလျှင် ဘေဘီလေးက ထိုင်တဲ့ပုံစံအနေအထား ဖြစ်လာပါလိမ့်မယ်။ ခဏထားပေးပြီး ပြန်လှဲချပေးကာ နောက်တစ်ကြိမ် ပြန်လုပ်ကြည့်ပါ။

၆။ ခြေထောက်ထောက်ပြီး ကတဲ့ လေ့ကျင့်ခန်း (မွေးစကတည်းက ပြုလုပ်နိုင်ပါတယ်)
မွေးကင်းစကလေးလေးကို ကနည်းသင်ပေးဖို့ ပြောတာမဟုတ်ပါဘူး။ ဘေဘီတွေရဲ့ ခြေထောက်ဟာ မွေးစကတည်းက ဟိုလှုပ်ဒီလှုပ် ရှိနေတာပါ။ ဘေဘီလေးကို မတ်တပ်ရပ်နိုင်အောင် ချိုင်းအောက်ကနေ အနည်းငယ်ထိန်းပေးထားပြီး ခြေထောက်လေးတွေကို ကြမ်းပြင်နဲ့ ထိခိုင်းကြည့်ပေးပါ။ တခါတလေ ဘေဘီလေးက ခြေထောက်ကို ကန်တတ်ပြီး က နေသလို ခံစားရပါတယ်။ အဲဒီလို ခဏပဲ ပြုလုပ်သင့်ပြီး အကြာကြီးလုပ်လျှင် ဘေဘီလေးအတွက် မောပန်းသွားတတ်ပါတယ်။

24/11/2025

ကလေးလေးတွေ အစာစားချင်အောင် နည်းလမ်းမျိုးစုံ လှည့်ပြောသင့်ပါတယ်နော် 🩵

23/11/2025

ဘေဘီလေးတွေကို စောစော အိပ်ယာဝင်စေခြင်းရဲ့ ကောင်းကျိုးများ 💯

မိဘအချို့က "ကလေးကို နောက်ကျမှအိပ်ရမယ်၊ ဒါမှ တစ်ညလုံးဆက်တိုက်အိပ်မယ်" ဆိုတဲ့ အယူအဆမှားရှိတတ်ကြပါတယ်။ အမှန်တော့ ဘေဘီလေးတွေဟာ ဘယ်အချိန်အိပ်အိပ် ၁ နာရီ၊ ၂ နာရီကြာတိုင်း နိုးတတ်ကြပါတယ်။ သို့သော် လေ့လာချက်တွေအရ ကလေးကို ည ၈ နာရီခွဲမတိုင်ခင် အိပ်ယာဝင်စေတာဟာ ကလေးအတွက်ရော မိခင်အတွက်ပါ ကောင်းကျိုးများစွာ ရရှိစေပါတယ်။

၁။ ကလေးရဲ့ ကျန်းမာရေးအတွက် ပိုကောင်းပါတယ်
ကလေး ၃,၆၀၀ ကို အိပ်စက်မှုပုံစံအလိုက် အုပ်စု ၄ စုခွဲပြီး လေ့လာခဲ့ရာမှာ စောစောအိပ်ပြီး မနက်စောစောထတဲ့ကလေးတွေဟာ ပိုမိုကျန်းမာကြောင်း တွေ့ရှိရပါတယ်။
နောင်ကြီးပြင်းလာတဲ့အခါမှာလည်း အဝလွန်ရောဂါဖြစ်နိုင်ခြေ နည်းပါတယ်။

၂။ မိခင်ရဲ့ ကျန်းမာရေးအတွက်လည်း အထောက်အကူဖြစ်စေပါတယ်
ကလေးကို စောစောအိပ်စေတဲ့ မိခင်တွေဟာ စိတ်ဖိစီးမှုနည်းပြီး စိတ်ပိုင်းဆိုင်ရာ ကျန်းမာရေး ပိုမိုကောင်းမွန်ကြောင်း လေ့လာချက်တွေအရသိရပါတယ်။
ကလေးအိပ်ပျော်နေချိန်ဟာ မိဘတွေအတွက် အနားယူချိန် (Me-time) ရရှိစေပြီး မိသားစုဆက်ဆံရေးကိုပါ အကျိုးကျေးဇူးရှိစေပါတယ်။

ဘေဘီလေးကို ပိုပြီးကောင်းကောင်းအိပ်ပျော်စေမယ့် နည်းလမ်းများ

ကလေးကို အိပ်ပျော်အောင်လုပ်ရတာ ပြောရတာလွယ်သော်လည်း တကယ်လုပ်ကြည့်ရင် ခက်ခဲတတ်ပါတယ်။ ဒါကြောင့် ကလေး စောစောအိပ်ပြီး ကြာကြာအိပ်စေဖို့ အထောက်အကူဖြစ်စေမယ့် နည်းလမ်းလေးတွေ မျှဝေပေးလိုက်ပါတယ်။

🍓အိပ်ရာမဝင်ခင် နို့ပြည့်ဝစွာတိုက်ပါ - ဒါမှသာ ဗိုက်မဆာဘဲ ကြာကြာအိပ်ပျော်နိုင်မှာဖြစ်ပြီး၊ မိဘတွေအနေနဲ့လည်း ကလေးနိုးမလာခင် အချိန်ပိုရနိုင်မှာပါ။
🍓အိပ်တဲ့ပတ်ဝန်းကျင်ကို ငြိမ်းငြိမ်းချမ်းချမ်းထားပါ- ကလေးအိပ်မယ့်အခန်းကို မီးအမှောင်ချထားပါ၊ အသံဆူညံမှုမရှိအောင် ဂရုစိုက်ပါ။
🍓ညဘက်ငိုတိုင်း ချက်ချင်းမချီပါနဲ့- ကလေးညဘက်နိုးလာပြီး ငိုနေပြီဆိုရင် မိဘတွေအနေနဲ့ မိနစ်အနည်းငယ်လောက် စောင့်ကြည့်ပေးပါ။ သူ့ဘာသာသူ ပြန်အိပ်သွားတတ်ပါတယ်။ ချက်ချင်းချီပြီးချော့လိုက်ရင် ကလေးရဲ့အိပ်စက်မှုသံသရာ ပိုပျက်စီးသွားတတ်ပါတယ်။
🍓နေ့ခင်းနှင့် ညဘက် အိပ်ချိန် မျှတအောင်ထားပါ- နေ့ခင်းမှာ လွန်းလွန်းကြူးကြူးအိပ်ရင် ညဘက်အိပ်ချိန်နောက်ကျတတ်ပါတယ်။

ကလေးကို အိပ်ပျော်အောင်လုပ်ရတာဟာ မိဘတိုင်းရဲ့စိန်ခေါ်မှုတစ်ရပ်ပါပဲ။ ဒါကြောင့် ကလေးကို စောစောအိပ်ယာဝင်စေခြင်းဟာ မိသားစုတစ်ခုလုံးအတွက် ကောင်းမွန်တဲ့အလေ့အထတစ်ခုဖြစ်ကြောင်း သတိရပါ။ စည်းမျဉ်းတကျထားရှိပြီး အနည်းငယ်ချောမောအောင် ပြင်ဆင်ပေးလိုက်ရင် ကလေးရော မိဘပါ ပိုမိုအနားရပြီး ကျန်းမာပျော်ရွှင်တဲ့ မိသားစုဘဝကို ပိုင်ဆိုင်နိုင်မှာပါ။

23/11/2025

ဘေဘီလေးအတွက် I Love U နှိပ်ပေးတဲ့ နည်းလေးပါ ဝမ်းချုပ်တာလည်း သက်သာစေနိုင်ပါတယ် 🩵

I Love You" မျဉ်းဆွဲနည်းလေးနဲ့ နှိပ်နယ်ပေးလို့ရပါတယ်။
- I (အင်္ဂလိပ်အက္ခရာ I လို): ကလေးဘယ်ဘက် အပေါ်ကနေ (သင့်ညာဘက်) ပုံမှာပြတဲ့လမ်းကြောင်းအတိုင်း ညင်သာစွာဆွဲပေးပါ။
- Love (အင်္ဂလိပ်အက္ခရာ L ပြောင်းပြန်လို) : ကလေးရဲ့ညာဘက်အပေါ်ဗိုက်ကနေ ဘေးတိုက်ညာဘက်ကို ဆွဲပြီး၊ အောက်ကိုဆင်းလာပါ။
- You (အင်္ဂလိပ်အက္ခရာ U လို): ကလေးရဲ့ညာဘက်အောက်ခြေကနေ ဘယ်ဘက်အောက်ခြေအထိ U ပုံသဏ္ဍာန် ဆွဲပေးပါ။
ဒီနည်းက လေထုတ်ရာမှာလည်း ကူညီပေးပါတယ်။

Happy Kidz Health & Wellness

30/11/2025

30/11/2025

29/11/2025

28/11/2025

27/11/2025

27/11/2025

26/11/2025

25/11/2025

24/11/2025

24/11/2025

23/11/2025

23/11/2025

Address

Website

Alerts

Shortcuts

Share

Category