AMAI Tripunithura

03/11/2025

29/03/2023

11/02/2023
*തൃപ്പൂണിത്തുറ ഏരിയ വാർഷിക സമ്മേളനം*

ആയുർവേദ മെഡിക്കൽ അസോസിയേഷൻ തൃപ്പൂണിത്തുറ ഏരിയ വാർഷിക സമ്മേളനം 11/02/2023 ശനിയാഴ്ച ഉച്ചയ്ക്ക് 2.30ന് തൃപ്പൂണിത്തുറ ലേഡീസ് ക്ലബ്ബിൽ വെച്ച് നടക്കുകയുണ്ടായി. ഏരിയ പ്രസിഡൻ്റ് Dr സായ്ലേഖയുടെ അധ്യക്ഷതയിൽ ചേർന്ന യോഗത്തിൽ ഡോ സൗമ്യ രാജൻ(കൺവീനർ, വനിത കമ്മിറ്റി) സ്വാഗതം പറഞ്ഞു.
ശ്രീമതി ജയ പരമേശ്വരൻ - തൃപ്പൂണിത്തുറ മുൻസിപ്പാലിറ്റി വികസന സ്റ്റാൻഡിംഗ് കമ്മിറ്റി ചെയർപേഴ്സൺ ഉദ്ഘാടനം കർമ്മം നിർവ്വഹിച്ചു. AMAI സ്റ്റേറ്റ് എക്സിക്യൂട്ടിവ് കമ്മറ്റി അംഗം ഡോ. ജി രാജശേഖരൻ സംസ്ഥാനതല റിപ്പോർട്ടും AMAI എറണാകുളം ജില്ലാ സെക്രട്ടറി ഡോ. ടിൻസി ടോം ജില്ലാ കമ്മിറ്റി റിപ്പോർട്ടും അവതരിപ്പിച്ചു. ഡോ. അമൃത (ജില്ലാ വനിത ജോയിന്റ് കൺവീനർ )-ജില്ലാ വനിതാ കമ്മിറ്റി റിപ്പോർട്ടും ഡോ. മനു ആർ മംഗലത്ത് (ജില്ല ജോയിൻ്റ് സെക്രട്ടറി)-ഏരിയ റിപ്പോർട്ടും ഡോ. സൗമ്യ രാജൻ (ഏരിയ വനിത കമ്മിറ്റി കൺവീനർ)-ഏരിയ വനിത കമ്മിറ്റി റിപ്പോർട്ടും അവതരിപ്പിച്ചു. തുടർന്നുള്ള ചർച്ചയിൽ അംഗങ്ങൾ വളരെ നല്ല രീതിയിൽ പങ്കെടുത്തു.

2023 വർഷത്തെ ഏരിയ ഭാരവാഹികളെ തിരഞ്ഞെടുത്തു.

*ഭാരവാഹികൾ*
•പ്രസിഡൻറ് - ഡോ. സായ്ലേഖ പി
• സെക്രട്ടറി - ഡോ. വീണ വിജയൻ
•വൈസ് പ്രസിഡൻറ്- ഡോ. ശാരിക മേനോൻ
•ജോയിൻ്റ് സെക്രട്ടറി - ഡോ.കൃഷ്ണ കെ എസ്
•ട്രഷറർ -ഡോ. ഗീതു മോഹൻ
*വനിതാ കമ്മിറ്റി*
•ചെയർപേഴ്സൺ- ഡോ. ശരണ്യ
•കൺവീനർ-ഡോ. ഗീതാഞ്ജലി ഗോപാലൻ
വൈദ്യ സമീക്ഷ കോർഡിനേറ്റർ: ഡോ. ദീപ ജി
അതിനു ശേഷം ഡോ. ദീപ ജറിയാട്രിക് കെയർ എന്ന വിഷയത്തിൽ ക്ലാസ്സ് എടുത്തു.

21/03/2023

AMAI ക്ക് ചരിത്ര വിജയം💪💪

പബ്ലിക് ഹെൽത്ത് ബിൽ AMAI നൽകിയ എല്ലാ നിർദേശങ്ങളും ഉൾകൊള്ളിച്ച് കൊണ്ട് നിയമസഭയിൽ പാസായി. ആയുർവേദ വിഭാഗത്തിന് ഇത് ചരിത്ര നേട്ടം !
AMA I യുടെ പോരാട്ടത്തിന് ഒരു പൊൻ തൂവൽ കൂടി. പൊതുജനാരോഗ്യ രംഗം ഇനി ആരുടെയും കുത്തകയല്ല.

01/07/2022

അവകാശ ദിനം ആചരിച്ചു.

ജൂലായ് 1 ഡോക്ടർസ് ദിനം ആയുർവേദ ഡോക്ടർമാർ അവകാശ ദിനമായി ആചരിച്ചു.
സംസ്ഥാന-ജില്ലാ- പ്രാദേശിക തലങ്ങളിലെ ആരോഗ്യ സ്ഥാപനങ്ങളിലെ ആരോഗ്യപ്രവർത്തകർക്ക് ആവശ്യമായ അധികാരങ്ങൾ നിർവഹിച്ചു നൽകുന്ന കേരള പൊതു ജനാരോഗ്യ കരട് ബിൽ 2021 ൽ ആയുർവേദ വിഭാഗത്തിലെ ആരോഗ്യപ്രവർത്തകരെ ഉൾപ്പെടുത്താതിനേയും, സംസ്ഥാന സർക്കാർ ജീവനക്കാരുടെയും പെൻഷൻകാരുടെയും ആരോഗ്യ ഇൻഷുറൻസ് പദ്ധതിയായ മെഡി സെപിൽ ആയുർവേദ ചികിത്സ സംവിധാനങ്ങളെ ഉൾപ്പെടുത്താതിലും പ്രതിഷേധിച്ച് ജൂലൈ 1 അവകാശ ദിനമായി ആചരിച്ചു. തൃപ്പൂണിത്തറ ഗവൺമെൻറ് ആയുർവേദ കോളേജിൽ വെച്ച് സംഘടിപ്പിച്ച അവകാശ സംരക്ഷണ സദസ്സിൽ അധ്യാപകരും ഡോക്ടർമാരും വിദ്യാർത്ഥികളും പങ്കെടുത്തു.
സംസ്ഥാനത്തെ പൊതുജനാരോഗ്യ പ്രവർത്തനങ്ങളിൽ ഗണ്യമായ പങ്ക് വഹിക്കുന്ന ആയുർവേദ ചികിത്സാ സംവിധാനങ്ങൾക്ക് പൊതുജനാരോഗ്യ ബില്ലിലും, മെഡിസെപ് പദ്ധതിയിലും അർഹമായ പരിഗണന നൽകേണ്ടതാണെന്ന് യോഗം ആവശ്യപ്പെട്ടു. അഖില കേരള ഗവ.ആയുർവേദ കോളേജ് അധ്യാപക സംഘടന(AKGACAS) സംസ്ഥാന സെക്രട്ടറി ഡോ: സേതുരാജ് സദസ്സ് ഉദ്ഘാടനം ചെയ്തു. എ എം എ ഐ സംസ്ഥാന എക്സിക്യൂട്ടീവ് അംഗം ഡോ: സാദത്ത് ദിനകർ മുഖ്യപ്രഭാഷണം നടത്തി.
ഡോ: ജനീഷ് .ജെ,( AKGACAS യൂണിറ്റ് സെക്രട്ടറി), ഡോ : ഷൈലമ്മ (AKGACAS യൂണിറ്റ് പ്രസിഡന്റ്) ,ഡോ : എൻ. ഹരികുമാർ,(യൂണിറ്റ് സെക്രട്ടറി,AKPCTA പടിയാർ ഹോമിയോ കോളേജ് ) ഡോ. അർജുൻ രവി(PGSA), ഡോ, ഐഷ(HSA), ശ്രീ. അനീഷ(കോളേജ് യൂണിയൻ ചെയർപേഴ്സൺ), ഡോ.സായ്ലേഖ മനു (പ്രസിഡൻ്റ് ,എ എം എ ഐ തൃപ്പൂണിത്തുറ ഏരിയ),ഡോ:ചിത്തിര അമ്പു (സെക്രട്ടറി എ എം എ ഐ തൃപ്പൂണിത്തുറ ഏരിയ) എന്നിവർ സന്നിഹിതരായിരുന്നു.

29/06/2022

ജൂലൈ 1 അവകാശ ദിനത്തിൽ AMAI എറണാകുളം ജില്ലാ കമ്മിറ്റിയും അഖില കേരള ഗവ: ആയുർവേദ കോളേജ് അദ്ധ്യാപക സംഘടനയുമായി സഹകരിച്ച് രാവിലെ 9 മണിക്ക് പുതിയകാവ് ആയുർവേദ കോളേജിൽ പ്രതിഷേധ യോഗം നടത്തുന്നു.

28/06/2022

ആയുർവ്വേദത്തോട് കാണിക്കുന്ന അവഗണനകൾക്കെതിരെ AMAI ജൂലൈ 1 ന് സംസ്ഥാന വ്യാപകമായി അവകാശ ദിനം ആചരിക്കുന്നു.

1. നിർദ്ദിഷ്ട പബ്ലിക് ഹെൽത്ത് ആക്ടിൽ ആയുർവേദത്തെ ഉൾപ്പെടുത്തുക
2. നാഷണൽ മെഡിക്കൽ കമ്മീഷൻ രജിസ്റ്റേർഡ് പ്രാക്ടീഷണർ മാരുടെ എത്തിക്സിനായി പ്രസിദ്ധീകരിച്ച കരടിൽ ആയുർവേദത്തിലും മോഡേൺ മെഡിസിനിലും ഡ്രിഗ്രിയുള്ളവർ ഒന്നിൽ മാത്രം പ്രാക്ടീസ് ചെയ്യണമെന്ന നിർദ്ദേശം പിൻവലിക്കുക
3. മെഡിസെപ് ൽ ആയുർവേദ ചികിത്സ കൂടി ഉൾപ്പെടുത്തുക
തുടങ്ങിയ ആവശ്യങ്ങൾ ഉന്നയിച്ച് നടത്തുന്ന പ്രതിഷേധ പരിപാടിയിൽ മുഴുവൻ അംഗങ്ങളും പങ്കാളികളാകണമെന്ന് അഭ്യർത്ഥിക്കുന്നു.

പ്രസിഡൻ്റ് / ജനറൽ സെക്രട്ടറി

21/06/2022

അന്താരാഷ്ട്ര യോഗ ദിനത്തോടനുബന്ധിച്ച് ഉദയംപേരൂർ സർക്കാർ ആയുർവേദ ഡിസ്പെൻസറിയും AMAI തൃപ്പൂണിത്തുറ ഏരിയയും സംയുക്തമായി യോഗ ദിനം ആചരിച്ചു.
നമ്മുടെ ദൈനംദിന ജീവിതത്തിൽ യോഗയുടെ ആവശ്യകതയെക്കുറിച്ച് ഡോക്ടർ ശരണ്യ ക്ലാസ്സെടുത്തു. തുടർന്ന് യോഗ പരിശീലനവും നൽകി.

18/06/2022

കേരള പൊതുജനാരോഗ്യ ബില്ലിലെ അപാകതകൾ പരിഹരിക്കണമെന്ന് ആവശ്യപ്പെട്ടുകൊണ്ട് AMAI തൃപ്പൂണിത്തുറ ഏരിയയിൽ നിന്നും ഡോ. സി രത്നാകരൻ (ആരോഗ്യ സർവകലാശാല മുൻ പ്രോ വൈസ് ചാൻസലർ),ഡോ. മനോജ് ടി വി, ഡോ.മനോജ് കുമാർ, ഡോ. മനു ആർ മംഗലത്ത് എന്നിവർ ചേർന്ന് ബഹു: തൃപ്പൂണിത്തുറ MLA ശ്രി . കെ ബാബുവിനെ കണ്ട് നിവേദനം സമർപ്പിച്ചു.