16/04/2026
शारदा मल्टी स्पेशालिटी हॉस्पिटलच्या मोफत आरोग्य शिबिरास जातेगावमध्ये उत्स्फूर्त प्रतिसाद
शारदा मल्टीस्पेशालिटी हॉस्पिटल अँड रिसर्च इन्स्टिट्यूट, गेवराई यांच्या वतीने यमादेवी माध्यमिक विद्यालय, जातेगाव येथे भव्य मोफत आरोग्य शिबिराचे आयोजन करण्यात आले होते. या शिबिरात शेकडो रुग्णांनी सहभाग नोंदवून मोफत तपासणी व उपचारांचा लाभ घेतला.
या शिबिराचे उद्घाटन जय भवानी सहकारी साखर कारखाना (गढी) चे संचालक मा. श्री. साहेबराव चव्हाण, माजी जि.प. सदस्य मा. श्री. साहेबराव पांढरे आणि जातेगावचे सरपंच श्री. रमेशराव चव्हाण यांच्या शुभहस्ते संपन्न झाले. यावेळी जय भवानी शिक्षण संस्थेचे सचिव तथा शिव शारदा मल्टीस्टेटचे संस्थापक अध्यक्ष आदरणीय श्री. जयसिंग पंडित यांची प्रमुख उपस्थिती होती.
जातेगाव व पंचक्रोशीतील गावांमधून या शिबिरास उत्स्फूर्त प्रतिसाद मिळाला. शिबिरामध्ये स्त्रीरोग, बालरोग, दंतरोग यांसह विविध आजारांवर तज्ज्ञ डॉक्टरांकडून तपासणी व उपचार करण्यात आले. तसेच, रुग्णांची मोफत रक्ततपासणी करून त्यांना मोफत औषधोपचारही देण्यात आले.
या वैद्यकीय शिबिरात हॉस्पिटलचे डॉ. अजयसिंह पंडित, दंतरोग तज्ज्ञ डॉ. धनश्री पंडित, डॉ. निखिल गव्हाणे, डॉ. आदित्य जरांगे, डॉ. प्रतीक्षा नरोटे, डॉ. गौरव टाक, डॉ. अंकिता चाळक, डॉ. विवेक सावंत, डॉ. पल्लवी काळे, डॉ. किरण जाधव या तज्ज्ञ डॉक्टरांनी रुग्णांवर उपचार केले. तसेच श्रीमती मालवे सिस्टर व नर्सिंग स्टाफ, फार्मसी विभागाचे आनंद भगत, लॅब विभागाचे डॉ. शेंडगे, रिसेप्शन विभागाचे फारुकी यांच्या टीमसह हॉस्पिटलचे समन्वयक श्री. भोसले सर आणि सर्व कर्मचारी वर्गाने मोलाची भूमिका बजावली.
याप्रसंगी जातेगावचे ग्रामस्थ श्री. शंकरराव पवार, माजी सरपंच श्री. सतीश चव्हाण, डॉ. रावसाहेब राठोड, पत्रकार दत्ताभाऊ वाघमारे, विशाल पांढरे, पत्रकार कालिदास काकडे, देवराव यमगर, अंकुश धोंडरे यांच्यासह पंचक्रोशीतील ग्रामस्थ आणि रुग्ण मोठ्या संख्येने उपस्थित होते.
