Fathima Ayurveda - a centre for gynaecology

27/02/2022

PCOD..
പാൽ ഒരു ശത്രുവല്ല...

PCOD ഉള്ളവർ സ്ഥിരമായി ഭക്ഷണത്തിൽനിന്ന് ഒഴിവാക്കുന്ന ഒന്നാണ് പാൽ. പാൽ പുരുഷഹോർമോൺ വർധിപ്പിക്കുമെന്നും ശരീരഭാരം കൂട്ടുമെന്നും മറ്റുമുള്ള ചില അറിവുകൾ ആയിരിക്കാം അതിനു പിന്നിൽ. പാൽ പൂർണ്ണമായി ഉപേക്ഷി ക്കാതെ കൃത്യമായി ഭക്ഷണത്തിലുൾപ്പെടുത്തിയാൽ പലതരം പോഷകക്കുറവ് അത് നികത്തും.
ശുദ്ധമായ പശുവിൻ പാൽ 200 ML വരെ ദിവസവും ഭക്ഷണത്തിൽ ഉൾപ്പെടുത്താവുന്നതാണ്. പാക്കറ്റ് പാൽ പാൽപ്പൊടി തുടങ്ങിയവയ്ക്ക് ഈ ഗുണം ലഭിക്കണമെന്നില്ല.

PCOD ഉളളവർ പാൽ ഉപയോഗിക്കുമ്പോൾ ശ്രദ്ധിക്കേണ്ടത്

1. പാലിൻറെ കാൽഭാഗം വെള്ളം ചേർത്ത് 10 മിനിറ്റോളം ചെറിയ തീയിൽ തിളപ്പിച്ച് ഉപയോഗിക്കുക.
2. രണ്ടു നുള്ള് മഞ്ഞൾ പൊടിയോ രണ്ടു നുള്ള് കുരുമുളകുപൊടിയോ പാലിൽ ചേർത്തു ഉപയോഗിക്കുക.
3. പ്രഭാത ഭക്ഷണത്തോടൊപ്പമോ, വൈകുന്നേരമോ പാൽ ഉപയോഗിക്കാൻ ശ്രമിക്കുക. രാത്രി പാൽ ഉപയോഗം കുറയ്ക്കുക
4. മൂന്നോ നാലോ അല്ലി വെളുത്തുള്ളി ചതച്ചിട്ട് പാൽ ഉപയോഗിക്കുന്നത് ശരീരത്തിലെ ചീത്ത കൊളസ്ട്രോളിന്റെ അളവ് കുറയ്ക്കാൻ സഹായിക്കും.
5. ആട്ടിൻപാൽ ലഭിക്കുകയാണെങ്കിൽ തീർച്ചയായും ഉപയോഗിക്കാം. പശുവിൻ പാലിനേക്കാൾ ഗുണങ്ങ ളിൽ മികച്ചു നിൽക്കുന്നത് ആട്ടിൻപാൽ ആണ്.

Dr. Sruthy E J

19/02/2022

PCOD ഉണ്ടോ
*ഉറങ്ങുമ്പോൾ ഇവ ശ്രദ്ധിക്കാം*

ഉറക്കം നമ്മുടെ രണ്ടാമത്തെ അമ്മയാണെന്ന് പറയാറുണ്ട്. ഉറക്കത്തിലുള്ള താളപ്പിഴകൾ പലപ്പോഴും സ്ത്രീ ഹോർമോണുകളുടെ പ്രവർത്തനത്തെ ബാധിക്കാറുണ്ട്.
രാത്രി വൈകിയുള്ള ഉറക്കവും കുറഞ്ഞ അളവിലുള്ള ഉറക്കവും രക്തത്തിലെ പഞ്ചസാരയുടെ അംശം നിയന്ത്രിക്കുന്നതിൽ അപാകത സൃഷ്ടിക്കപ്പെടാൻ കാരണമാകും. അതുപോലെ ഇൻസുലിന്റെ പ്രവർത്തനത്തെ ദോഷമായി ബാധിക്കും. ഉറക്കത്തെ നിയന്ത്രിക്കുന്ന പ്രധാന ഹോർമോണായ melatonin അണ്ഡോല്പാദനം ത്തെയും സ്വാധീനിക്കുന്നുണ്ട്.

*ചെയ്യേണ്ടത്*

1.
ഉറക്കത്തിന് കൃത്യമായ സമയക്രമം പാലിക്കാൻ ശ്രമിക്കുക.
2.
രാത്രി കൂടുതൽ സമയം ഉറക്കത്തെ നീട്ടി വെക്കാതിരിക്കുക.
3.
രാവിലെ സൂര്യോദയത്തിനു ശേഷം ഉറങ്ങാതിരിക്കുക
4.
രാത്രി ഉറക്കത്തിന് രണ്ടു മണിക്കൂർ മുൻപെങ്കിലും ലും ഫോൺ, ടി വി പോലെയുള്ള ഉപകരണങ്ങൾ ഒഴിവാക്കുക.
5.
രാവിലെ അലാറം ഫോണിൽ വെച്ച്‌ ഉണരുമ്പോൾ തന്നെ ഫോണിലേക്ക് നോക്കാതിരിക്കുക.
6.
ഉണർന്നതിനുശേഷം ഒരു മണിക്കൂറെങ്കിലും പ്രകൃതിയുമായി ആയി ഇടപെടാനും കാറ്റും വെളിച്ചവും ശരീരത്തിൽ ഏൽക്കാനും അനുവദിക്കുക.

Dr. Sruthy E J
BAMS, MD ( Gynaecology in Ayurveda)

15/02/2022

PCOD.
അരി ഭക്ഷണം (carbohydrates) എങ്ങനെ നിയന്ത്രിക്കണം.

ഭക്ഷണം കഴിച്ച ഉടനെ വളരെ വേഗത്തിൽ രക്തത്തിലെ പഞ്ചസാരയുടെ അളവ് ക്രമാതീതമായി ഉയർ ത്തുന്നു എന്നതാണ് എപ്പോഴും അരി ഭക്ഷണത്തിന് കൽപ്പിക്കുന്ന ന്യൂനത. അതനുസരിച്ച് ശരീരത്തിൽ ഇൻസുലിൻ പ്രവർത്തനം കൂടുകയും, insulin resistance ഉള്ള PCOD പോലുള്ള രോഗങ്ങളിൽ രോഗലക്ഷണങ്ങളുടെ വർദ്ധനവിന് കാരണമാവുകയും ചെയ്യും.

എങ്കിലും അരിയും മറ്റ് മധുര പദാർഥങ്ങളും നമ്മുടെ ആഹാര ശീലത്തിൽ നിന്ന് പൂർണമായും ഒഴിവാക്കാൻ ഒരിക്കലും സാധിക്കില്ല. ശരീരത്തിന്റെ എല്ലാ പ്രവർത്തനത്തിന്റെയും അടിസ്ഥാനഘടകം കാർബോഹൈഡ്രേറ്റ് അഥവാ അന്നജമാണ്. ഇത് പല രൂപത്തിൽ ആഹാരപദാർഥങ്ങളിൽ അടങ്ങിയിരിക്കുന്നു
പഞ്ചസാരയും ഭക്ഷണപദാർഥങ്ങളിൽ അടങ്ങിയിരിക്കുന്ന നാരുകളും എല്ലാം ഇതിന്റെ വകഭേദങ്ങൾ മാത്രം. ചിലത് എളുപ്പം ദഹിച്ച വളരെ വേഗത്തിൽ രക്തത്തിൽ ലയിക്കുന്നു. ചിലതിന്റെ ദഹനം വളരെ സാവധാനം മാത്രമായിരിക്കും.

കാർബോഹൈഡ്രേറ്റ് ഉൾപ്പെടുത്തേണ്ടതിന്റെ ആവശ്യകത..

1. തലച്ചോറിന്റെ പ്രവർത്തനത്തെ നിയന്ത്രിക്കുന്നത് രക്തത്തിലെ ഗ്ലൂക്കോസിന്റെ അളവാണ്.
2. ശരീരത്തിൽ ചുവന്ന രക്താണുക്കളുടെ പ്രവർത്തനത്തെ സ്വാധീനിച്ച്‌ രക്തത്തിന്റെ ഗുണത്തെയും രോഗപ്രതിരോധശേഷിയേ യും നിർണയിക്കുന്നു.
3. അധികം വരുന്ന ഗ്ലൂക്കോസ് ഗ്ലൈകോജൻ ആയി ശേഖരിക്കപ്പെട്ട് അടിയന്തരാവശ്യങ്ങൾക്ക് ഉപയോഗപ്പെടുത്തുന്നു.
4. ദഹിക്കാതെ ബാക്കിയാവുന്ന നാരുകളുടെ അംശം ചെറുകുടലിലെ സൗഹൃദ സൂക്ഷ്മജീവികളുടെ ആരോഗ്യം നിലനിർത്താൻ പ്രധാന പങ്കുവഹിക്കുന്നു.

അരി ഭക്ഷണം തീരെ കുറഞ്ഞാൽ...
1.ശരീര ആവശ്യങ്ങൾക്കുള്ള ഊർജ്ജം കണ്ടെത്താൻ കഴിയാതെ വരികയും അത് മാംസപേശികളുടെ നാശത്തിന് കാരണമാവുകയും ചെയ്യും.
2.ഊർജ്ജാവശ്യം പരിഹരിക്കാനായി കൊഴുപ്പ് കൂടുതലായി ശരീരത്തിൽ ശേഖരിക്കപ്പെടുകയും പിന്നീട് അമിതവണ്ണത്തിന് കാരണമാകുകയും ചെയ്യും.
3.
കുറഞ്ഞ നാരുകളുടെ ഉപയോഗം ദഹനം തകരാറിലാക്കുകയും കുടലുകളുടെ ആരോഗ്യത്തെ കുറയ്ക്കുകയും ചെയ്യുന്നു.
4.
കുറഞ്ഞ നാരിന്റെ അംശം ചെറുകുടലിലെ സൂക്ഷ്മാണുക്കളുടെ ആരോഗ്യത്തെ കുറ ക്കുന്നതോടെ പലതരം ദഹന ആഗിരണ തകരാറുകൾ സംഭവിച്ചേക്കാം.

ആരോഗ്യകരമായി ആയി എങ്ങനെ അരിഭക്ഷണം കഴിക്കാം..

1. തവിടുള്ള പഴകിയ അരി ഭക്ഷണത്തിലുൾപ്പെടുത്തുക. അരി പഴകുന്തോറും നാരിന്റെ അംശം കൂ ടുകയും കൂടുതൽ ആരോഗ്യകരം ആവുകയും ചെയ്യും
2. പയർ വർഗ്ഗങ്ങൾ എല്ലാനേരവും ഭക്ഷണത്തിൽ ഉൾപ്പെടുത്തുക. അത് ദഹനം പതുക്കെ ആക്കുകയും ഗ്ലൂക്കോസ് ആഗിരണത്തെ സാവധാനത്തിൽ ആക്കുകയും ചെയ്യും.

3 ആരോഗ്യകരമായ എണ്ണകൾ കുറഞ്ഞ അളവിൽ ഭക്ഷണത്തോടൊപ്പം കഴിക്കുക. അത് പോഷകാംശങ്ങളുടെ ആഗിരണത്തെ മെച്ചപ്പെടുത്തുകയും ഗ്ലൂക്കോസ് ആഗിരണത്തെ പതുക്കെ ആക്കുകയും ചെയ്യും.
4.ഭക്ഷണ നിയന്ത്രണ ത്തോടൊപ്പം ശരീരബലത്തിനനുസരിച്ച് വ്യായാമം നിർബന്ധമായും ഉൾപ്പെടുത്തുക.

ഒരിക്കലും അരി ഭക്ഷണത്തെ അനാരോഗ്യകരമായി കുറയ്ക്കുക അല്ല ആരോഗ്യകരമായി ക്രമീകരിക്കുകയാണ് വേണ്ടത്.

Dr. Sruthy E J BAMS, MD(Gynaecology in Ayurveda)

# drsruthyej

23/11/2021

06/07/2021

കൗമാരം
വളർച്ച അതിവേഗം നടക്കുന്ന കാലമാണ് കൗമാരം. ശാരീരികമായും മാനസികമായും സാമൂഹികമായും ഒട്ടേറെ വെല്ലുവിളികൾ കുട്ടികളെ കാലഘട്ടങ്ങൾ നേരിടേണ്ടിവരും. അവരുടെ ശാരീരിക ആരോഗ്യം മെച്ചപ്പെടുത്തുക എന്നത് തന്നെയാണ് ഏറ്റവും പ്രാധാന്യം ആയി ഈ സമയത്ത് കാണേണ്ടത് അത് ആർത്തവ പ്രശ്നങ്ങൾ നിരവധിയാണ് കുട്ടികൾക്ക് ഇന്ന്. തെറ്റായ ഭക്ഷണരീതികളും ശാരീരിക അധ്വാനം കുറവും മാനസിക സമ്മർദ്ദങ്ങളും എല്ലാം അതിനൊരു കാരണമായി പറയാം.

Dr. Sruthy E J
BAMS,MD (Gynaecology in Ayurveda)

www.fathimaayurveda.com

02/07/2021

കർക്കിടവും സ്ത്രീകളും
കുറേ അനാരോഗ്യങ്ങളും ഉള്ളിൽ അടക്കിയ ഒരുപാട് നിരാശകളും കുടുംബബന്ധങ്ങളുടെ സങ്കീർണതകളും ഉത്തരവാദിത്വങ്ങളുടെ ആധിക്യവും നടക്കാതെപോയ സ്വപ്നങ്ങളും ഭാവിയിലേക്കുള്ള ആശങ്കകളും പ്രതീക്ഷകളും ഒക്കെ ചേർന്ന് ആർത്തലയ്ക്കുന്ന മനസ്സുകളുടെ ഉടമകളാണ് ഓരോ സ്ത്രീകളും. അവയെല്ലാം വ്യക്തമായി അവരുടെ ശരീരത്തെ ആർത്തവചക്രത്തിൻ്റെ കൃത്യതയെ,കുടുംബബന്ധങ്ങളെ ഭാര്യ/ അമ്മ/ മകൾ എന്നീ നിലനിൽപ്പുകളെ എല്ലാം സ്വാധീനിക്കും. സ്ത്രീകൾക്കും ഒന്നു വിശ്രമിക്കാൻ സ്വന്തം ശരീരത്തെയും മനസ്സിനെയും ശ്രദ്ധിക്കാൻ ഒരു അൽപസമയം മാറ്റിവെക്കാൻ ആയാൽ അത് ജീവിതത്തിൽ പകരുന്ന ഊർജം വളരെ വലുതായിരിക്കും. അതിനാകട്ടെ ഈ കർക്കിടകം.
ഭൂപ്രകൃതി കൊണ്ടും കാലാവസ്ഥ കൊണ്ടും ശരീരത്തിൻ്റെ പ്രതിരോധശേഷിയും ആരോഗ്യവും ഏറ്റവും കുറഞ്ഞിരിക്കുന്ന കാലമാണ് കർക്കിടകം.ഈർപ്പമുള്ള അന്തരീക്ഷവും താപനിലയിൽ ഉണ്ടാകുന്ന വ്യത്യാസങ്ങളും രോഗാണുക്കൾക്ക് അനുകൂല സാഹചര്യം സൃഷ്ടിക്കുന്നു. ശരീരത്തിൻ്റെ പ്രതിരോധശേഷി കൂട്ടാനും ദഹനം വർദ്ധിപ്പിക്കാനും ഹോർമോൺ പ്രവർത്തനങ്ങൾ കൃത്യമാക്കാനും യുവത്വം നിലനിർത്താനും അതുവഴി ശരീരത്തിൻ്റെയും മനസ്സിനെയും ആരോഗ്യസ്ഥിതി മെച്ചപ്പെടുത്തുവാനും കർക്കിടകത്തിലേ ഔഷധങ്ങളും ചികിത്സകളും നിങ്ങളെ സഹായിക്കും.
ശരീരപ്രകൃതി , ആർത്തവ ചക്രത്തിൻ്റെ ക്രമം,മറ്റ് രോഗവസ്ഥകൾ ഇവ പരിഗണിച്ച് വ്യത്യസ്ത മരുന്നുകളും ചികിത്സയും കൗൺസിലിംഗും ഭക്ഷണം വ്യായാമം ഇവയെ പറ്റിയുള്ള കൃത്യമായ ഉപദേശങ്ങളും കർക്കടക ചികിത്സയുടെ ഭാഗമാണ്
ശാരീരികരോഗ്യം മെച്ചപ്പെടുത്തുവാനും മാനസിക നിലവാരം ഉയർത്തുവാനും കുറച്ചുകൂടെ കരുത്തോടെ ജീവിതത്തെ ആസ്വദിക്കാനും നിങ്ങളെ സഹായിക്കാൻ ഞങ്ങളുണ്ട്..

Dr. Sruthy E J
BAMS, MD (Gynaecology in Ayurveda)

Fathima Ayurveda - a centre for gynaecology
www.fathimaayurveda.com

23/11/2020

തികച്ചും ശാസ്ത്രീയമായ ആയുർവേദ ചികിത്സയിലൂടെ PCOD പൂർണമായും ഭേദമാക്കുന്നു.
ഹോർമോൺ മരുന്നുകളും മറ്റു ആധുനിക ചികിത്സാ രീതികളും പലതരത്തിലുള്ള പാർശ്വഫലങ്ങളാണ് ശരീരത്തിൽ സൃഷ്ടിക്കുന്നത്. എന്നാൽ ആയുർവേദ മരുന്നുകളും പഞ്ചകർമ്മ ചികിത്സാ രീതികളും രോഗാവസ്ഥയുടെ അടിസ്ഥാന കാരണങ്ങൾക്കു പരിഹാരം കണ്ടെത്തി, സ്വാഭാവിക അവസ്ഥയിലേക്ക് കൊണ്ടുവരുന്നു.
മാസമുറ കൃത്യമാകുന്നതോടോപ്പം എല്ലാവിധ ശാരീരിക മാനസിക ബുദ്ധിമുട്ടുകൾക്കും പൂർണമായും പരിഹാരം ഉറപ്പു വരുത്തുന്നു.

ആയുർവേദ ഗൈനക്കോളജിയിൽ എംഡി ബിരുദമുള്ള Dr.ശ്രുതിയുടെ നേതൃത്വത്തിൽ എല്ലാവിധ സ്ത്രീ രോഗങ്ങൾക്കും ഇവിടെ ചികിത്സ ലഭ്യമാണ്.

കൂടുതൽ അറിയുക:- https://www.fathimaayurveda.com

Speciality centre for women providing treatments for PCOD, Menstrual Problems, Infertility,Uterine F