Mangalasseril Ayurvedics

14/04/2022

🎗️🎗️ഇന്ന് മംഗലശ്ശേരിൽ ആയുർവേദിക്സ് ആൻഡ് പഞ്ചകർമ സെന്റർ പ്രവർത്തനം തുടങ്ങി 4 വർഷങ്ങൾ പിന്നിടുകയാണ്.. ഈ വർഷങ്ങൾ ജീവിതത്തിൽ ഒരുപാട് പ്രാധാന്യം നിറഞ്ഞതായിരുന്നു. പ്രിയപ്പെട്ട "കുഞ്ഞുകിളി"കളുടെ വരവും വളർച്ചയുമെല്ലാം ഈ നാലുവർഷം കൊണ്ടുതന്നെ എന്നത് ഇരട്ടി സന്തോഷം.. പ്രൊഫഷനും ഫാമിലിയുമെല്ലാം (ഏറ്റവും സുപ്രധാനമായ ഗർഭകാലവും പ്രസവവും കുഞ്ഞുമക്കളുടെ വളർച്ചയും )ഒരുപോലെ കൊണ്ടുപോകാൻ സാധിക്കുന്നത് ഫാമിലി സപ്പോർട്ട് ഒന്നുകൊണ്ടു കൊണ്ടുമാത്രമാണ്... ഇല്ലെങ്കിൽ മിക്ക സ്ത്രീകളുടെയും പോലെ ഇടവേളയുടെ സമയമായിരുന്നേനെ .ഒരുപാട് പുതിയ രോഗികളെ കാണുവാനും അവരുടെ രോഗത്തിൽ ആശ്വാസമേകുവാനും സാധിച്ചു എന്നത് ആയുർവേദത്തിന്റെ മഹത്വം കൊണ്ടും സർവോപരി ദൈവത്തിന്റെ അനുഗ്രഹം കൊണ്ടും മാത്രമാണ്.. 🙏🙏
ഇന്നത്തെ ദിവസത്തിൽ ആയുർവേദത്താൽ സന്തോഷമുള്ളൊരു കുടുമ്പം കിട്ടിയ സനൂപിനെ (ശരിയായ പേരല്ല )ഓർത്താണ് എഴുതി തുടങ്ങുന്നത്.ഈരാറ്റുപേട്ടയിൽ നിന്നും റാന്നിക്കുള്ള യാത്രയിൽ ബോർഡ്‌ കണ്ട് വെറുതെ ഒന്നു നോക്കാം, നടുവേദനക്ക് ആയുർവേദം നല്ലതാണല്ലോ എന്നുകരുതി കയറി നോക്കിയതാണ്... വെറും ഒരു നടുവേദന മാത്രമായിരുന്നില്ല രോഗം.
ജെസിബി ഓപ്പറേറ്റർ ആയിരുന്ന രോഗി ജോലിക്കിടെയുണ്ടായ അപകടത്തെ തുടർന്ന് നട്ടെല്ലിന് അപകടം സംഭവിക്കുകയും അതിനെ തുടർന്ന് സർജറി ചെയ്യേണ്ടി വരുകയും ചെയ്തു.. കലശലായ നടുവേദനയും, അല്പനേരത്തെ നിൽപ് പോലും കാലുകളിലേക്ക് തുളച്ചിറങ്ങുന്ന വേദനയെന്ന (sciatica )അവസ്ഥയും രോഗിയെ ജോലിചെയ്യാൻ സാധിക്കാത്ത അവസ്ഥയിലേക്ക് എത്തിച്ചിരുന്നു.. അപകടത്തിനു ശേഷം രോഗിയുടെ അവസ്ഥ ശരിയായൊരു ദാമ്പത്യ ബന്ധം മുൻപോട്ട് കൊണ്ടുപോകാൻ സാധിക്കാത്ത നിലയിലും ആയിരുന്നു. രോഗവിവരങ്ങളൊന്നും വീട്ടുകാരെ അറിയിക്കാതിരുന്ന രോഗി വീട്ടുകാരുടെ നിർബന്ധപ്രകാരം കുറച്ചുവർഷങ്ങൾക് ശേഷം ഒരു വിവാഹം ചെയ്യുകയും അത് പരാജയത്തിലേക്ക് എത്തുകയും പിരിയേണ്ടി വരുകയും ചെയ്തു.അതിനും രണ്ടുവർഷങ്ങൾക് ശേഷമാണു എന്നെ കാണാനായി വരുന്നത്.. നടുവേദനയായിരുന്നു പ്രശ്‌നമെങ്കിലും,ഒരു വിവാഹജീവിതം വേണമെന്നും മക്കൾ
വേണമെന്നുമുള്ള ഏതൊരു മനുഷ്യന്റെയും ആഗ്രഹം അദ്ദേഹത്തിനുണ്ടായിരുന്നുതാനും.. കഠിനമായ മാനസിക സമ്മർദ്ധം അലട്ടിയ രോഗിയെ കാര്യങ്ങൾ മനസിലാക്കി, നടുവേദനക്കുള്ള ചികിത്സകൾ തുടങ്ങുകയും ഫലം കണ്ടുതുടങ്ങുകയും ചെയ്തു..ഇതിനിടയിൽ രോഗവസ്ഥ പൂർണമായി അറിയാത്ത വീട്ടുകാർ വിവാഹമോചിതയായ മറ്റൊരു യുവതിയുമായി വീണ്ടും വിവാഹമുറപ്പിക്കുകയും ചെയ്തു... സത്യം തുറന്നു പറയാൻ വിഷമിച്ച രോഗി വീണ്ടും വിവാഹത്തിലേക് പോകണോ വേണ്ടയോ എന്നുള്ള ആകുലതയിലായിരുന്നു.ശരിയായൊരു ദാമ്പത്യ ജീവിതം നയിക്കാൻ കഴിവില്ലാതിരുന്ന രോഗി അതിനായുള്ള ആയുർവേദചികിത്സകൾ തുടങ്ങുകയും, വിവാഹം കഴിക്കുകയും ചെയ്തു.7മാസങ്ങൾക്കു ശേഷം അച്ഛനാകാൻ പോകുന്നു👨‍👨‍👧 ഡോക്ടർ ഒത്തിരി നന്ദിയുണ്ട് എന്നു പറഞ്ഞുള്ള ആ വിളിയും വാക്കുകളിലെ സന്തോഷവും ഇന്നും മറക്കില്ല.. ഇപ്പോൾ ഓടികളിക്കുന്ന പ്രായം ആയിട്ടുണ്ടാകണം ആ കുഞ്ഞുമകൾക്ക് ..🥰നട്ടെല്ലിനേറ്റ അപകടം മനസിനേം ശരീരത്തിനും ആഘാതമായപ്പോൾ സാധ്യമാകില്ല എന്നു കരുതിയ പലതും ആയുർവേദചികിത്സ കൊണ്ട്( ജീവിതവും ആരോഗ്യവും കുടുംമ്പ ജീവിതവും) നേടി സന്തോഷത്തിൽ ജോലിചെയ്ത് ജീവിക്കുന്നു എന്നറിഞ്ഞപ്പോൾ ഒരുപാട് സന്തോഷവും അതിലുപരി ആയുർവേദത്തിന്റെ മഹത്വം വീണ്ടും വീണ്ടും രോഗികളിലൂടെ കാണുവാൻ സാധിച്ചതിന്റെ തൃപ്തിയും....🙏
ക്ലിനിക്ന്റെ വിജയത്തിൽ കൂടെ നിന്ന എല്ലാവർക്കും നന്ദി പറഞ്ഞുകൊണ്ട് ആയുർവേദ ചികിത്സയിൽ ലഭിച്ച രോഗികളുടെ അനുഭവങ്ങൾ വീണ്ടും എഴുതാം എന്ന പ്രത്യാശയോടെ,

🌹🌹ഡോ. അസിയ അലാവുദീൻ
ചീഫ് ഫിസിഷ്യൻ
മംഗലശ്ശേരിൽ ആയുർവേദിക്സ്
പൊന്തൻപുഴ🌹🌹

29/03/2022

24/03/2022

ഹിജാമയെ കുറിച്ചറിയാം (കലാഭൂമി മാസിക feb-march മാസം publish ചെയ്തത് )-My new writeup about hijaama. 🌹🌹🌹

ഹിജാമയും ആയുർവേദവും.

ആയുർവേദത്തിലെ പ്രധാനചികിത്സാ രീതിയായ പഞ്ചകർമത്തിൽ പ്രധാനമാണ് രക്‌തമോക്ഷചികിത്സ. രോഗാവസ്ഥ അനുസരിച്ചും രക്തം കളയുന്ന രീതികൾ അനുസരിച്ചും രക്‌തമോക്ഷം പലവിധമാണ്. സിരാ വ്യാധം, പ്രഛാനം,ശൃംഗം, അലാബു എന്നിവയാണവ. അവയിൽ ശൃംഗം(കൊമ്പുവക്കൽ), അലാബു(ചുരക്ക )എന്നറിയപ്പെടുന്ന ചികിത്സാ രീതികളാണ് ഹിജാമ എന്നപേരിൽ പിന്നീട് അറിയപ്പെട്ടത് .ഹിജാമ എന്ന അറബ് വാക്കിനർത്ഥം 'വലിച്ചെടുക്കുക' എന്നതാണ്.ശാസ്ത്രക്രിയയുടെ പിതാവായ സൂശ്രുതന്റെ കാലം മുതൽ ആയുർവേദശാസ്ത്രത്തിലും BC2200 മുതൽ ഇജിപ്റ്റ് -ലും BC3300 മുതൽ ചൈനയിലും എട്ടാം നൂറ്റാണ്ടു മുതൽ ഇസ്ലാമിലും പ്രചാരം നേടിയ ചികിത്സാ രീതിയാണിത്. ആദ്യ സമയങ്ങളിൽ പശുവിന്റെ കൊമ്പ്, ചുരക്ക തുടങ്ങിയവ ഉപയോഗിച്ചായിരുന്നു ഹിജാമ ചികിത്സ ചെയ്തിരുന്നത്.
ചൈനീസ് മെഡിസിന്റെ ആവിർഭാവത്തോടെ കപ്പിംഗ് തെറാപ്പി എന്നും അറിയപ്പെടുന്ന ഈ ചികിത്സാരീതി കൂടുതൽ പ്രചാരമാകുകയും ചെയ്തു.പാരമ്പരാഗത ചികിത്സാരീതികളായ ആയുർവേധം,യുനാനി,ചൈനീസ് എന്നീ ചികിത്സാ സംപ്രധായങ്ങളിൽ നൂറ്റാണ്ടുകളായി ഹിജാമചെയ്തു വരുന്നു
80-ഓളം രോഗവസ്ഥകളിൽ നിർദ്ദേശിക്കപ്പെട്ട ചികിത്സാ രീതിയാണിത്. റുമാറ്റിസം, റുമാറ്റോയ്ഡ് ആർത്രൈറ്റിസ്,സ്പോർട്സ് ഇഞ്ചുറി,കുറഞ്ഞ രോഗപ്രതിരോധ ശക്തി, അമിത രക്തസമ്മർദ്ദം,രക്‌തദുഷ്യം,പ്രമേഹം,വേരിക്കോസ് വെയ്ൻ, പലതരം തലവേദനകൾ, വേദനകൾ,അർശസ്, അമിതവണ്ണം, ശ്വാസകോശ സമ്പന്ധമായ രോഗങ്ങൾ, വിട്ടുമാറാത്ത വേദനകൾ, മെറ്റബോളിക് സിംൻഡ്രോം,തുടങ്ങിയവ അവയിൽ ചിലത് മാത്രമാണ്. രോഗശമനത്തെ സാധ്യമാക്കുകയുയും പുനരാവർത്തനത്തെ തടയുകയും ചെയ്യുന്നു. പല പഠനങ്ങളും തെളിയിക്കുന്നത് പുറത്തു പോകുന്ന ഈ രക്തത്തിലൂടെ രോഗപ്രതിരോധ ശക്തി ഉത്തേജിക്കപെടുകയും ശരീരത്തിലെ ദുഷിച്ച രക്തവും രോഗത്തെ ഉണ്ടാക്കുന്ന ഘടകങ്ങളും പുറന്തള്ളപ്പെടുകയും അതിലൂടെ വേദനകൾ കുറയുവാനും ശരീരത്തിലെ നീർക്കെട്ടുകൾ കുറയാനും രോഗത്തിന്റെ തീവ്രത കുറയുവാനും സഹായകമാകുന്നു.പലരോഗങ്ങൾക്കും ഹിജാമയോടൊപ്പം തന്നെ മറ്റു പല ചികിത്സാകളും കൂടി ആവശ്യമായി വരാറുണ്ട്.
ചീത്തകൊഴുപ്പായ LDL കുറയുവാനും, HDL/LDL റേഷ്യോ ക്രമമായി നിലനിർത്താനും അതിലൂടെ കാർഡിയോവസ്ക്കുലർ രോഗങ്ങളെ പ്രധിരോധിക്കാനും സാധിക്കുന്നു. അരുണരക്താണുക്കളുടെ എണ്ണം വർധിക്കുവാനും ലിംഫോസൈറ്റ്സ് ന്റെ എണ്ണം ത്വരിതപെടുത്തുവാനും സഹായിക്കുന്നു.പ്രവാചകവൈദ്യത്തിൽ രോഗ പ്രതിരോധത്തിനായും ചെയ്യാൻ വിധിച്ചിരിക്കുന്ന ഒന്നാണ് ഹിജാമ.
വിളർച്ച, ബി പി കുറഞ്ഞ അവസ്ഥ മറ്റു ഗുരുതരരോഗങ്ങൾ ബാധിച്ചവർ, കുട്ടികൾ, പ്രായമായവർ എന്നിവർക്ക് ചെയ്യാൻ വിധിച്ചിട്ടില്ല. ചൂട് കൂടിയ കാലാവസ്ഥയിലും, രോഗങ്ങളിലും, സ്ഥലങ്ങളിലും മറ്റു രക്‌തമോക്ഷ വിധിയേക്കാൾ ഉത്തമം കൊമ്പുവെക്കൽ അഥവാ ഹിജാമ തന്നെ ആണ്.ഹിജാമചികിത്സക്ക്‌ മുൻപ് ചില രക്തപരിശോധനകളും ബോഡി ചെക്കപ്പും ആവശ്യമായിവരാറുണ്ട്.രജിസ്റ്റേർഡ് ആയ പ്രാക്ടിഷണരുടെ നിർദ്ദേശപ്രകാരം ഹിജാമ ആവശ്യമായ അവസ്ഥയാണോ എന്നു തീരുമാനിച്ച ശേഷം ഹിജാമ ചെയ്യാവുന്നതാണ്.

ഡോ.അസിയ അലാവുദീൻ
ചീഫ് ഫിസിഷ്യൻ മംഗലശ്ശേരിൽ ആയുർവേദിക്സ് ആൻഡ്‌ പഞ്ചകർമ സെന്റർ,പൊന്തൻപുഴ
മണിമല

18/03/2022

കുറച്ചുനാൾ മുൻപ് op യിൽ വന്ന 22കാരി പെൺകുട്ടിയുടെ മുഖം മറക്കാൻ കഴിയില്ല... കാരണം രോഗത്തിന്റെ തീവ്രതയിൽ കാലുകൾ മുറിച്ചകളഞ്ഞാലോന്നു കുട്ടി നിരന്തരം അമ്മയോട് പറയാറുണ്ടായിരുന്നത്രെ...എട്ടാം ക്ലാസ്സിൽ പഠിക്കുമ്പോൾ തുടങ്ങിയ ദുരിതത്തിന്റെ കൂട്ടുകാരൻ 9വർഷമായി പാദത്തിൽ കൂട്ടുണ്ട്... അസഹിനീയമായ ചൊറിച്ചിലുംവേദനയുമാണ് ലക്ഷണം..
വേനൽകാലത്തെ വറ്റിവരണ്ട പാടങ്ങൾ പോലെ വീണ്ടുകീറി പൊട്ടിപൊളിഞ്ഞ പാദങ്ങൾ... ചില ഭാഗങ്ങളിൽ മുറിവുപോലെ..രാത്രി 2മണിക്ക് തുടങ്ങുന്ന ചൊറിച്ചിൽ രോഗിയുടെ കണ്ണുനീരും പാദത്തിൽ രക്തവും കണ്ടേ മടങ്ങാറുള്ളായിരുന്നു എന്നുമാത്രം.പിന്നീട് ദിവസങ്ങൾ കാലുകൾ നിലത്തു കുത്താൻ പറ്റാത്ത വേദനയും...2ആഴ്ചയൊക്കെ ഇതുകാരണം പാദങ്ങൾ നിലത്തുകുത്താതെ കിടക്കണ്ടി വന്നിട്ടുണ്ടത്രേ..

പലതരം ചികിത്സകൾ, ഡോക്ടർമാർ. പലതും പരീക്ഷിച്ചു, കൂടിയും കുറഞ്ഞും നിന്നതല്ലാതെ യാതൊരു ശമനവുമില്ല..നല്ലൊരു കൗമാരവും യൗവനത്തിന്റെ തുടക്കവുമെല്ലാം കണ്ണീരിൽ കുതിർന്നു..രോഗത്തിന്റെ തീവ്രത കണ്ട് കുട്ടിയുടെ അച്ഛൻ ഒരിക്കൽ പറഞ്ഞുവത്രെ "കാൽമുട്ടുകൾ മാറ്റിവെക്കുമ്പോലെ പാദങ്ങൾ മാറ്റിവെക്കാൻ പറ്റുമായിരുന്നെങ്കിൽ കൊണ്ടുപോകാമെന്നു ".. രോഗം മാനസികമായും തളർത്തി തുടങ്ങുകയായിരുന്നു... പഠനത്തെയും ബാധിച്ചുതുടങ്ങിയിരുന്നു.

കൃത്യമായ പഥ്യത്തോടെ അകത്തേക്കും പുറത്തേക്കുമുള്ള ആയുർവേദ മരുന്നുകളുടെ ഒരുമാസത്തെ പ്രയോഗം തീർത്തും രോഗിയെ സുന്ദരമായ പാദങ്ങളിൽ എത്തിച്ചു.... ഒരിക്കലും ആ പെൺകുട്ടിയും കുടുംബവും കരുതിയിരുന്നില്ല ആയുർവേദത്തിൽ ഇതിനു ശരിയായ ചികിത്സ ഉണ്ടെന്നും പൂർണമായും ആരോഗ്യമുള്ള പാദങ്ങൾ തിരികെ കിട്ടുമെന്നും.... ചൊറിച്ചിലും വേദനയുമില്ലാത്ത നാളുകൾ കഴിഞ്ഞ് തീർത്തും സന്തോഷകരമായ വിവാഹത്തിന്റെ നാളുകളിലേക്കു കടക്കുകയാണെന്നു അറിഞ്ഞപ്പോൾ ഇരട്ടിസന്തോഷവും......

ഡോ. അസിയ അലാവുദീൻ,മംഗലശ്ശേരിൽ ആയുർവേദിക്സ്.

01/02/2022

My New Article

01/02/2022

10/09/2021

ആത്മഹത്യയെ പ്രതിരോധിക്കാം.
-------------------------------------------------------
ആത്മഹത്യ ചെയ്യാനുള്ള പ്രവണത എല്ലാ മനുഷ്യരിലുമുണ്ടായിരിക്കാം. അത് ഒരുപാട് ഏറ്റക്കുറച്ചിലുകളോടെയാണ് ഓരോ വ്യക്തിയിലുമുള്ളത്. പക്ഷേ ആത്മഹത്യകൾ സംഭവിക്കുന്നത് മറ്റു ചില പ്രത്യേക അവസ്ഥകൾ കൂടി അതിനോടൊപ്പം ചേരുമ്പോൾ മാത്രമാണ്. മനസികരോഗങ്ങളും മാനസിക പ്രശ്നങ്ങളും അത്തരം അവസ്ഥകളാണ്.

ഒരാൾ എന്ത്കൊണ്ട് ആത്മഹത്യ ചെയ്യുന്നു എന്നതിന് ചുരുക്കം ചില സന്ദർഭങ്ങളിൽ മാത്രമാണ് ഉത്തരം ലഭിക്കാതെ പോകുന്നത്. ഭൂരിഭാഗം ആത്മഹത്യകളും പ്രതിരോധിക്കാൻ കഴിയുന്നവയാണ്. ഒരു വിദഗ്ധ ഇടപെടൽ അനുയോജ്യമായ സമയത്ത് സാധ്യമായാൽ ആത്മഹത്യ സംഭവിക്കില്ല എന്ന് നമുക്ക് ഉറച്ച് വിശ്വസിക്കാം.

യാതൊരു വിധത്തിലുമുള്ള ഒരു മാനസീക രോഗവും ഇല്ലാത്ത ഒരാൾ മനസ്സിന് താങ്ങാൻ കഴിയാത്തവിധമുള്ള ഒരു സമ്മർദ്ദത്തെ(stress) നേരിടാൻ കഴിയാതെ എടുത്തു ചാടി ചെയ്യുന്ന ( impulsive act) ആത്മഹത്യകൾ സാധാരണ കണ്ടു വരുന്ന ഒന്നാണ്. അത്തരം ആത്മഹത്യകൾ ആ സാഹചര്യത്തിന്റ മാത്രം സൃഷ്ടിയാണെന്ന് തീർത്തും പറയാനാവില്ല.
ആത്മഹത്യയിലേക്ക് പെട്ടന്ന് അഭയം പ്രാപിക്കാനായിട്ടുള്ള ഒരു 'സസ്സപ്റ്റിബിലിറ്റ് ' കൂടുതൽ ഉള്ളവരാണ് ഇക്കൂട്ടർ. എടുത്തു ചാടി ചെയ്യുന്ന ഇത്തരം ആത്മഹത്യകളെ പ്രതിരോധിക്കാൻ കൂടുതൽ പ്രയാസമാണ്.

ലോകത്ത് ഓരോ നാല്പതു സെക്കന്റിലും ഒരാൾ ആത്മഹത്യ ചെയ്യുന്നു. അതിന്റെ പതിന്മടങ്ങ് ആത്മഹത്യാശ്രമങ്ങൾ നടക്കുന്നു. ആത്മഹത്യ യുടെ കാരണങ്ങൾ പലതാണെങ്കിലും ഏറ്റവും പ്രധാനകാരണം എപ്പോഴും വിഷാദരോഗം തന്നെയാണ്. കൃത്യമായ ഇടപെടലുകളും ചികിത്സകളും കൊണ്ടും നമുക്ക് ഏറ്റവും നന്നായി പ്രതിരോധിക്കാൻ കഴിയുക വിഷാദരോഗം മൂലമുണ്ടാകുന്ന ആത്മഹത്യ തന്നെയാണെന്നതിൽ ഒരു സംശയവുമില്ല.
ബൈപോളാർ രോഗത്തിന്റെ ഭാഗമായ വിഷാദം
ആത്മഹത്യാ പ്രവണത കൂടുതൽ കാണിക്കുന്ന വിഷാദരോഗമാണ്. സ്കിസോഫ്രീനിയ, ഡെല്യൂഷണൽ ഡിസോർഡർ എന്നിങ്ങനെയുള്ള സൈക്കൊട്ടിക് രോഗങ്ങളിലും ആത്മഹത്യ സംഭവിക്കാറുണ്ട്.

വിഷാദം എന്ന രോഗാവസ്ഥയെക്കുറിച്ചുള്ള നമ്മുടെ സാധാരണക്കാരിൽ മിക്കവരുടേയും അവബോധം വളരെ പരിതാപകരവും തെറ്റിദ്ധാരണാജനകവുമാണ്. വളരെ സാധാരണമായ ഈ രോഗത്തെ അസാധാരണവും അസംഭാവ്യവുമായ ഒന്നായിട്ടാണ് പലരും മനസ്സിലാക്കി വെച്ചിരിക്കുന്നത്. ഇതൊരു രോഗമായി കാണാതെ വ്യക്തിയുടെ ഒരു ദുരിതമായി കണ്ട്
അയാളുടെ സ്വകാര്യത്തിൽ ഞാൻ എന്തിന് ഇടപെടണം എന്നും ചിന്തിക്കുന്നവരാണ് അധികം പേരും. അങ്ങനെ വരുമ്പോൾ രോഗിക്ക് ചികിത്സ അപ്രാപ്യമാകുന്നു.

ചില കുടുംബന്തരീക്ഷങ്ങളിൽ ഒരു പ്രത്യേക തരം "സൈക്യാട്ട്രിസ്റ്റ് ഫോബിയ " കാണപ്പെടാറുണ്ട്. അതുകൊണ്ട് ഇത്തരക്കാർ മനോരോഗങ്ങൾ വരുമ്പോൾ മറ്റു വ്യാജചികിത്സ തേടിപ്പോകുക സ്വാഭാവികം. മതവിഭാഗങ്ങളുടെ ലേബൽ ഉപയോഗപ്പെടുത്തി മത മന്ത്രവാദചികിത്സകൾ നടത്താൻ വളക്കൂറുള്ള മണ്ണാണ് നമ്മുടേത്. ഇത്തരക്കാരും മറ്റു ഉടായിപ്പ് വ്യാജചികിത്സകൻമാരും എല്ലാം ചേർന്ന്
പാവപ്പെട്ട രോഗികളെ പറഞ്ഞു പറ്റിക്കും. അന്ധ വിശ്വാസം അവരിൽ കുത്തി നിറയ്ക്കും. അവസാനം രോഗ ശമനം ലഭിക്കാതെ എല്ലാ പ്രതീക്ഷയും തകർന്നടിയുന്നതിന്റെ അയാളിലെ തേങ്ങൽ അഥവാ 'cry' എല്ലാവരും കേൾക്കാതെ പോകുന്നു. എതിർപ്പിന്റേയും വെറുപ്പിന്റേയും നിഷേധത്തിന്റേയും കലർപ്പുള്ള സ്വരത്തിലുള്ള രോഗിയുടെ ആ തേങ്ങലാണ് 'cry for help' സഹായത്തിനു വേണ്ടിയുള്ള അവസാന യാജന.

ശാരീരികരോഗലക്ഷണങ്ങൾ പ്രധാന ലക്ഷണങ്ങളായി വരുന്ന എത്രയധികം വിഷാദരോഗികളാണ് നമുക്കിടയിലും നമ്മുടെ ചുറ്റുപാടിലും ജീവനും ജീവിതത്തിനും വേണ്ടി പോരാടിക്കൊണ്ടിരിക്കുന്നത്...! എത്ര പേരാണ് ഇല്ലാത്ത പണം കൊണ്ട് വിഷാദം പ്രകടിപ്പിക്കുന്ന ശാരീരിക രോഗ ലക്ഷണങ്ങൾക്കായി അനാവശ്യ പരിശോധനകളും കണ്സൾട്ടേഷനുകളുമായി ഹോസ്പിറ്റൽ തിണ്ണകൾ കേറിയിറങ്ങുന്നത്. എല്ലാ ടെസ്റ്റുകളും പരിശോധനകളും നോർമലാകുമ്പോൾ ' ഒരു കുഴപ്പവുമില്ല വീട്ടിൽ പൊയ്ക്കോളൂ ' എന്ന് പറഞ്ഞു വിടുന്നവർ രോഗിയെ വീട്ടിലേക്കല്ല മരണത്തിലേക്കാണെന്ന് പറഞ്ഞു വിടുന്നതെന്ന് പറഞ്ഞു വിടുന്നവരും അറിയുന്നില്ല.

ആത്മഹത്യ ചെയ്യുന്ന ഭൂരിഭാഗം വിഷാദരോഗികളും ആത്മഹത്യചെയ്യുന്നതിന്റെ
മുൻ ദിവസങ്ങളിൽ പല മെഡിക്കൽ ഡോക്ടർ മാരേയും കൺസൾട്ട് ചെയ്തിട്ടുള്ളതായിട്ടാണ് പഠനങ്ങൾ പറയുന്നത്. പലരും അവരുടെ മനോവിഷമം ഉറ്റവരോട് കഴിയും വിധം പ്രകടമാക്കാറുമുണ്ട്. പക്ഷേ അതിനെ തിരിച്ചറിയാനോ വേണ്ട മാർഗ്ഗ നിർദ്ദേശങ്ങൾ നൽകാനോ പലർക്കും സാധിക്കാറില്ല.

പത്തു ലക്ഷത്തിൽ ഒരാളിൽ മാത്രം കണ്ടു വരുന്ന ഏതെങ്കിലും ഒരു അസാധാരണ രോഗത്തെക്കുറിച്ച് പത്തു മിനുട്ട് നിന്ന നില്പിൽ സംസാരിക്കും നമ്മൾ..! എന്നാൽ മൂന്ന് പേരിൽ ഒരാൾക്ക് ജീവിതത്തിൽ ഏറ്റവും മിനിമം ഒരു ഘട്ടത്തിലെങ്കിലും സംഭവിക്കാൻ സാധ്യതയുള്ള വിഷാദരോഗം തിരിച്ചറിയാതിരിക്കുക മാത്രമല്ല ചെയ്യുന്നത് പകരം തെറ്റിദ്ധരിപ്പിക്കുക കൂടി ചെയ്യുന്ന ഒരു വലിയ വിഭാഗത്തിന്റെ ഭാഗമായിക്കൂടാ നമ്മൾ. അങ്ങനെ ആയിപ്പോയാൽ നമ്മുടെ ആത്മഹത്യാ നിരക്ക് മുകളിലേക്ക് തന്നെ പോകും.

ആത്മഹത്യയുടെ ഏറ്റവും വലിയ പങ്ക് പറ്റുന്നത് വിഷാദരോഗം തന്നെയാണ്. അത് കഴിഞ്ഞേ മറ്റു മാനസീകരോഗങ്ങൾ വരൂ. എല്ലാത്തിനോടും ഒരു വിരക്തിയായി തുടങ്ങുന്ന നെഗറ്റീവ് ചിന്തകൾ പതിയെ താൻ ഒന്നിനും കൊള്ളാത്തവനാണെന്ന 'feeling of worthlessness ' ൽ എത്തുന്നു. പിന്നീടത് ആര് വിചാരിച്ചാലും താൻ രക്ഷപ്പെടില്ല എന്ന ' feeling of helplessness ' എന്ന അവസ്ഥയും കടക്കുമ്പോൾ ദൈനംദിനജീവിതം കൂടുതൽ പ്രയാസകരമാക്കുന്നു. താൻ ഇനി ജീവിച്ചിട്ട് യാതൊരു പ്രയോജനവുമില്ല എന്നുള്ള 'hopelessness ' ഉം മരണത്തിന് മാത്രമേ തന്നെ രക്ഷിക്കാനാകൂ എന്ന 'distorted 'ചിന്തയുമാണ് വിഷാദത്തിന്റെ കാതൽ. ഉറക്കമില്ലായ്മയും അമിത ക്ഷീണവും തെറ്റിദ്ധരിക്കാൻ തക്കതായ ശാരീരികലക്ഷണങ്ങളും ഒത്ത് വരുമ്പോൾ വിഷാദം അതിന്റെ സിൻഡ്രോം രൂപം പൂർണ്ണമായി പ്രാപിക്കുന്നു. മുന്നിൽ മരണം മാത്രം പോംവഴി എന്ന് ചിന്തിക്കുന്ന ഒരവസ്ഥ സംജാതമാകുന്നു. മറ്റൊരു രോഗത്തിലും കാണാത്ത ആരാലും തിരിച്ചറിയപ്പെടാത്ത ഒരു വല്ലാത്ത ദുരാവസ്ഥയാണത്.

ദൈനംദിന ജീവിതസംഭാഷണങ്ങളിൽ ഇടവും വലവും വരാറുള്ള സാധാ 'മൂഡ് ഔട്ട് ' അല്ല വിഷാദം എന്ന രോഗാവസ്ഥ എന്ന് പലർക്കുമറിയില്ല. പല പ്രധാന ശാരീരിക രോഗങ്ങളുടെയും കൂടെപ്പിറപ്പുമാണ് ഈ കില്ലർ രോഗം. കരുതലും ചേർത്ത് പിടിക്കലും ഉണ്ടാകേണ്ടത് വെറുതെ സെന്റിമെന്റലാകാനല്ല. പകരം അനുയോജ്യമായ ചികിത്സ നൽകാനുതകുന്ന തരത്തിലാണ് അത് വേണ്ടത്.

വ്യത്യസ്തമായ ശാരീരികരോഗ ലക്ഷണങ്ങളുമായി വന്ന് രോഗിയേയും അവന് വേണ്ടപ്പെട്ടവരേയും പിന്നെ ചികില്സിക്കുന്ന ഡോക്ടർമാരേയും വരെ കബളിപ്പിച്ച് അയാളുടെ മരണം തീറെഴുതി വാങ്ങുവാൻ കെല്പുള്ള മറ്റേത് രോഗമുണ്ട് വിഷാദമല്ലാതെ ? ലോകത്ത് ഏറ്റവും 'ഡിസബിലിറ്റി ' ഉണ്ടാക്കുന്ന പത്ത് രോഗങ്ങളിൽ ഒരുവനാണവൻ. അവൻ നമുക്ക് ചുറ്റുമുണ്ട്. നമ്മുടെ പ്രിയപ്പെട്ടവരുടെ ജീവൻ അവരവരാൽ അപഹരിക്കാൻ പര്യാപ്തമായി.

മരിക്കണോ ജീവിക്കണോ എന്ന 'ആമ്പിവാലെൻസ് ' ന്റെ നൂൽപ്പാലത്തിൽ നിന്ന് അവസാന കച്ചിത്തുരുമ്പിൽ പിടിച്ച് രക്ഷപെടാൻ നടത്തുന്ന ശ്രമമാണ് ഓരോ വിഷാദരോഗിയും ചെയ്തു കൊണ്ടിരിക്കുക. എന്നാൽ ആ ശ്രമങ്ങളെയാണ് നാം തിരിച്ചറിയാതെ പോകുന്നത്. വഴുതിപ്പോകാൻ വെമ്പുന്ന ജീവന്റെ മേലുള്ള അവസാനത്തെ മുറുക്കിപ്പിടിത്തമാണ് അയാൾ / അവൾ എത്തിപ്പിടിക്കാൻ നോക്കുക. ആ ശ്രമത്തിന് ശക്തി നൽകാനാവണം നമ്മുടെ ഓരോ ഇടപെടലുകളും.

മരണമുഖത്ത് നിൽക്കുന്ന ആളുകളോട് ചിലർ പറയുന്ന കുറച്ച് സ്ഥിരം പല്ലവികളുണ്ട്..!
'ഹോ... പിന്നെ.. നിനക്ക് വെറുതേ തോന്നണതാ'
'എന്നാ പിന്നെ ഞാനൊക്കെ എപ്പഴോ മരിക്കണം '
'നിനക്കെന്തിന്റെ കുറവാ.. മക്കൾക്കൊക്കെ ജോലിയായില്ലേ.. വീടായില്ലേ.. '
'ഇതിലും കഷ്ടപ്പാടുള്ള സമയത്ത് തോന്നാത്തതാണോ ഇപ്പൊ തോന്നണത്' 'വെറുതെ ആളെ പേടിപ്പിക്കാൻ '
'എന്നാ പോയി അങ്ങ് ചാക് '
'ഇതിന് ഡോക്ടറെ ഒന്നും കാണിക്കേണ്ട. നിനക്ക് സ്വയം മാറ്റാവുന്നതേയുള്ളൂ '
എത്ര സുന്ദരമായ ഉപദേശങ്ങൾ. ഈ ഉപദേശ ശിരോമണികളെ ശ്രദ്ധിച്ചു കൊള്ളുക. സംഭവിച്ച മിക്ക ആത്മഹത്യകൾക്കും പിറകിൽ ഇവർ ഉണ്ടാകാറുണ്ട്. ഇവർ നിങ്ങളുടേയും നിങ്ങൾക്ക് പ്രിയപ്പെട്ടവരുടേയും ജീവൻ അപഹരിക്കാൻ വന്ന കാലനായിരിക്കാം. ആ തിരിച്ചറിവാണ് നമുക്ക് വേണ്ടത്.

പലരും വലിയ കാര്യമെന്ന് കരുതി പറയാറുള്ള മുകളിൽ പറഞ്ഞ വാക്കുകൾ ഒന്നും തന്നെ ആത്മഹത്യാ പ്രവണതയുള്ള ഒരാളെ ഒരു ശതമാനം പോലും അതിൽ നിന്ന് പിന്തിരിപ്പിക്കാൻ സഹായിക്കില്ല എന്നതാണ് സത്യം. ഒരു പക്ഷെ അത് വിപരീതഫലം ഉണ്ടാക്കുകയും ചെയ്യാം. ഒരാൾ ആത്മഹത്യ പ്രവണത പ്രകടിപ്പിച്ചാൽ ആദ്യം നമ്മൾ ഏറ്റവും മിനിമം ചെയ്യേണ്ടത് അയാൾക്ക് പറയാനുള്ളത് അല്പം നേരം കേൾക്കാൻ തയ്യാറാകുക എന്നതാണ്. അയാളുടെ പ്രയാസങ്ങൾ നമ്മൾ ഉൾക്കൊണ്ടു എന്ന് തോന്നിപ്പിക്കണം. ശേഷം
ഒരു വിദഗ്ധന്റെ മുമ്പിൽ അയാളെ എത്തിക്കുന്നത് വരേ... അയാളുടെ ജീവൻ നമ്മുടെ കൈകളിലാണ് എന്നാണ് നമ്മൾ കരുതേണ്ടത്. ഒരാളിൽ ആത്മഹത്യ പ്രവണത ഉള്ളതായി നമുക്ക് തോന്നുന്നു പക്ഷെ അയാൾ പ്രകടിപ്പിച്ചില്ല എങ്കിൽ അത് കൂടുതൽ ഗൗരവത്തോടെ വേണം കാണാൻ.
ആത്മഹത്യാ പ്രവണത മനസ്സിൽ വെച്ച് നടന്ന് അത് ചോദിക്കുമ്പോൾ നിരാകരിക്കുന്നവർ കൂടുതൽ അപകടകാരികളാണ്. അവരെ മനസ്സിലാക്കാൻ നമുക്ക് സ്കിൽ ഉണ്ടാവണം.

ചില തെറ്റിധാരണകൾ.....

❤ ആത്മഹത്യ ചെയ്യണം എന്ന് പറയുന്നവർ അത് ചെയ്യാൻ സാധ്യതയില്ല- തെറ്റ്
❤ ഒരിക്കൽ ആത്മഹത്യക്ക് ശ്രമിച്ചവർ പിന്നീട് അതിന് ശ്രമിക്കില്ല -തെറ്റ്
❤ ഒരിക്കൽ ആത്മഹത്യക്ക് ശ്രമിച്ചയാൾ എല്ലായിപ്പോഴും ആത്മഹത്യക്ക് ശ്രമിച്ചു കൊണ്ടിരിക്കും -തെറ്റ്
❤ ആത്‌മഹത്യാസന്നദ്ധത പ്രകടിപ്പിക്കുന്ന ആളോട് അതിനെ ക്കുറിച്ച് ചോദിക്കാൻ
പാടില്ല -തെറ്റ്
❤ ഭീരുക്കളാണ് ആത്മഹത്യ ചെയ്യുന്നത് -തെറ്റ്
❤ ആത്മഹത്യ തടയാൻ കഴിയില്ല-തെറ്റ്

ആത്മഹത്യ പല കാരണങ്ങൾ കൊണ്ടാണ് സംഭവിക്കുന്നതെന്ന് പറഞ്ഞുവല്ലോ. കേവലം 'സാരല്ല്യ' 'എല്ലാം ശരിയാകും' എന്നുള്ള വെറും വാക്കുകൾ കൊണ്ട് എല്ലാറ്റിനും പരിഹാരമാകും എന്ന് കരുതരുത് . അതുകൊണ്ട് പ്രാവിണ്യം നേടിയ ഒരാളുടെ മേൽനോട്ടത്തിൽ വേണം കൂടുതൽ ഇടപെടലുകൾ നടത്താൻ. യോഗ്യതയുള്ള ഒരു മെന്റൽ ഹെൽത്ത്‌ പ്രൊഫഷനലിന്റെ നിർദേശങ്ങൾക്ക് അനുസരിച്ചു മാത്രമേ മുന്നോട്ട് പോകാവൂ. ആത്‍മഹത്യക്കെതിരെയുള്ള നമ്മുടെ പോരാട്ടം നമുക്ക് തുടർന്ന് കൊണ്ടേയിരിക്കാം

ഇന്ന് സെപ്റ്റംബർ 10
ലോക ആത്മഹത്യാ പ്രതിരോധ ദിനം.

30/08/2021

Op time- Monday to Saturday 10.30am to 1.30pm
Online consultation booking time-Monday to Saturday 7pm to 8pm

14/08/2021

*വാസ്തവം മറയ്ക്കുന്ന വാർത്തകൾ കരളിനെ ദ്രവിപ്പിക്കുമ്പോൾ*
Team Info Drs Ayurveda FBPage .

ആയുർവേദം
പാർശ്വഫലങ്ങളില്ലാത്തതാണ്;
അതായത്, ഒരു രോഗത്തിനുള്ള ചികിത്സ
മറ്റൊരു രോഗത്തെ ഉണ്ടാക്കുന്നില്ല എന്നർത്ഥം.

പക്ഷെ,
പാർശ്വഫലങ്ങളില്ലാതാകുന്നത് എപ്പോഴൊക്കെയാണ് ⁉

അതാണറിയേണ്ടത്❗

1. ഒരു രോഗിയെ നേരിട്ട് കണ്ട് (ദർശനം),
രോഗവിവരങ്ങളും രോഗചരിത്രവും വിശദമായി ചോദിച്ചറിഞ്ഞ് ( പ്രശ്നം),
തൊട്ട് പരിശോധിച്ച (സ്പർശം )ശേഷമാണ്
ഒരു ചികിത്സകൻ ഉചിതമായ ആയുർവേദ മരുന്ന്
നിർദ്ദേശിക്കുന്നതെങ്കിൽ!!

ഉദാഹരണമായി,
നീരും വേദനയും പോകാൻ 'കൊട്ടം' ചേർന്ന മരുന്ന് പുറമെ പുരട്ടാനായി (പൂച്ചിടാനായി ) നല്കുന്നു. രോഗിയുടെ ശരീരപ്രകൃതി ,രോഗാവസ്ഥ ഇവ വിലയിരുത്തി, ഡോക്ടർ നല്കുമ്പോൾ കൊട്ടം അലർജി ഉണ്ടാക്കുന്നില്ല ..ഇതേ പൊടി വീട്ടിലെ 'പിത്ത പ്രകൃതി'ക്കാരനായ മറ്റൊരു അംഗത്തിന് നീര് വരുമ്പോൾ ഡോക്ടറെ കാണാതെ സ്വയം എടുത്ത് പുരട്ടിയാൽ 'നീരിനൊപ്പം തൊലിയും പോകും' എന്നു മാത്രം ... അതുകണ്ടിട്ട് 'കൊട്ടം ചേർന്ന മരുന്നിന് പാർശ്വഫലങ്ങൾ മാത്രമേ ഉള്ളൂ', എന്ന നിഗമനത്തിലെത്തിയാലോ? ഇങ്ങനെയുള്ള അവസ്ഥകളിൽ, നീരിന് പുരട്ടാൻ / നീര് മാറ്റാൻ വേറേ ഔഷധങ്ങളുണ്ട്.

2.കൃത്യമായ കാലത്തേക്ക് മാത്രം മരുന്ന് കഴിക്കാൻ നിർദ്ദേശിക്കുമ്പോൾ❗

ആയുർവേദ ചികിത്സ ദീപനം,പാചനം, ശമനം, രോഗം തിരികെ വരാതിരിക്കാൻ രസായനം എന്നിങ്ങനെ അടുക്കും ചിട്ടയോടും കൂടി നിശ്ചയിക്കപ്പെട്ടിരിക്കുന്ന ചികിത്സാ ക്രമമാണ് ... ഉദാഹരണമായി 'അനീമിയ വന്നാൽ അയൺ കഴിക്കുക' എന്ന രീതി ഇല്ല ... 'അനീമിയയുടെ അടിസ്ഥാന കാരണം കണ്ടെത്തി, അതിനെ പരിഹരിക്കുക ,രക്തധാതുവിന്റെ സംരക്ഷണം ,വീണ്ടും അനീമിയ വരാതിരിക്കാൻ എന്ത് വേണം'? എന്നിങ്ങനെയുള്ള സമീപനമാണ് ആയുർവേദത്തിന്റേത്. 'മുട്ടുവേദന വന്നാൽ ... ഇത് കഴിക്കൂ!',എന്നു പറയുന്നതും യഥാർത്ഥ ആയുർവേദ ചികിത്സയല്ല .മുട്ടുവേദനയുടെ കാരണം കണ്ടെത്തി അത് മാറ്റുക / രോഗാവസ്ഥയനുസരിച്ച് നീരുണ്ടെങ്കിൽ അതിനും തേയ്മാനമുണ്ടെങ്കിൽ അതിനും മരുന്ന് കഴിക്കണം; പിന്നെ തേയ്മാനം മാറ്റാനും ,വീണ്ടും വരാതിരിക്കാനുമുള്ള മരുന്ന്. അതായത് ഒരാഴ്ച / രണ്ടാഴ്ച രീതിയിൽ ഔഷധങ്ങൾ മാറ്റി ഉപയോഗിക്കേണ്ടിവരും. നിശ്ചിത സമയത്ത് ഔഷധോപയോഗം നിർത്തേണ്ടതുമാകുന്നു.

3.ആഹാരത്തിലും ചെയ്തികളിലും (വിഹാരത്തിലും )
കൃത്യമായ നിഷ്ഠ കൂടി രോഗ ചികിത്സയുടെ
ഭാഗമാക്കുമ്പോൾ❗

ഭക്ഷണ രീതിയിലെ മാറ്റം ,ദൈനം ദിന പ്രവർത്തികളിലെ മാറ്റം ഇവ രോഗ നിവാരണത്തിന് അത്യന്താപേക്ഷിതമാണ്. ഔഷധങ്ങൾ കഴിക്കേണ്ടതും വൈദ്യൻ പറയുന്ന മേമ്പൊടികൾക്കൊപ്പമാണ്. ചില ഔഷധങ്ങൾ ചൂടുവെള്ളത്തിലും ,ചിലത് തണുത്ത വെള്ളത്തിലും ,ചിലത് മോരിനൊപ്പവും ,ചിലത് നെയ്ക്കൊപ്പവും ,ചിലത് പാലിൽ ചേർത്തും, ചിലത് ഇഞ്ചിനീരിൽ ചേർത്തുമൊക്കെ പറയുന്നത് ഔഷധങ്ങളുടെ ഫലം കൂട്ടുന്നതിനൊപ്പം സാധ്യതയുള്ള അനിഷ്ടഫലം കുറയ്ക്കുകയും ചെയ്യുന്നതിനാണ്.

4.മരുന്നിനെക്കുറിച്ച് മാത്രമറിയുന്നവനല്ല
ചികിത്സകൻ.ശരീരശാസ്ത്രം കൂടി കലാലയങ്ങളിലൂടെ പഠിച്ചവനായിരിക്കണം
ചികിത്സകൻ.

അല്ലെങ്കിൽ, 'കരളിൽ നിന്നാണ് മൂത്രം ഉണ്ടാകുന്നത് ' എന്നതുപോലുള്ള സിദ്ധാന്തങ്ങൾ പറയുന്നത് കേൾക്കേണ്ടി വരും. 'കിഡ്നി തലയിലാണ്' എന്ന് തോന്നും .... കവിളിൽ തിരുമ്മുമ്പോൾ വരുന്ന മെഴുക്ക് (Sebum), 'പല്ലിലെ പുഴുക്കളാണ് ' എന്ന് പറയും ... അതിനാൽ പഠിക്കേണ്ടതു പഠിക്കുക തന്നെ വേണം!
അല്ലാതെ 'ഉപ്പൂപ്പാടെ ആനപ്പുറത്തഴമ്പ് ', ഒരു സുപ്രഭാതത്തിൽ ആവാഹിച്ചെടുത്ത്, സ്വന്തം യോഗ്യതയാക്കി, സ്വയം
'ചികിത്സകൻ' ആയി, ആയുർവേദ
മരുന്ന് സ്ഥാനത്തും അസ്ഥാനത്തും
പ്രയോഗിച്ചാൽ അതെല്ലാം 'സുരക്ഷിതമായി മാത്രമേ ശരീരത്തിൽ പ്രവർത്തിക്കൂ' എന്ന് വിശ്വസിക്കുന്നത് കേവലം 'മണ്ടത്തരം' മാത്രമാണ്.
മരുന്നറിഞ്ഞാൽപ്പോരാ, അത് പ്രവർത്തിക്കുന്ന ശരീരത്തെ, അതിലെ അവയവങ്ങളെക്കുറിച്ച് അറിയണം. എങ്കിലേ ചിലരിൽ ചില രോഗങ്ങൾക്ക് നല്കുന്ന ഔഷധങ്ങൾ, മറ്റൊരു രോഗാവസ്ഥയുണ്ടെങ്കിൽ, അതു കൂട്ടാനിടയായേക്കും എന്നറിയാൻ സാധിക്കുകയുള്ളൂ .

5. മാത്ര അറിഞ്ഞ് നല്കുമ്പോൾ❗

മരുന്നുകളുടെ മാത്ര (therapeutic dose) മാത്രമല്ല; ചില മരുന്നുകളുടെ മരണ മാത്ര (Lethal dose) യും കൂടി പഠിച്ചാണ് ഓരോ ആയുർവേദ വിദ്യാർത്ഥിയും പുറത്തിറങ്ങുന്നത്. അതിനാലാണ്, '...ആറുമാസത്തേക്ക് ഇത് കഴിക്കൂ', എന്നവർ പറയാത്തത്. രോഗത്തിന്റെ അവസ്ഥയും ,രോഗിയുടെ പ്രകൃതിയും ഒക്കെ നോക്കി ഔഷധം കുറിക്കുന്നത്. മലം ഇളകി പ്പോകുന്നവനും ,മലബന്ധമുള്ളവനും, വിശപ്പുള്ളവനും ,ഇല്ലാത്തവനും വേദനയ്‌ക്ക് ഒരേ ഔഷധമാവില്ല ഉചിതം ..!

എന്നാൽ, പഠിപ്പുള്ളവരെ നോക്കു കുത്തിയാക്കി
വ്യാജന്മാർക്കും പരസ്യക്കാർക്കും
ഒക്കെ അമ്മാനമാടാവുന്ന ഒന്നായി ആയുർവേദ മരുന്നുകൾ മാറി. (കാരണം പാർശ്വഫലമില്ല എന്ന ലേബൽ തന്നെ! )

6.ക്യാപ്റ്റൻ റോളിലായിരിക്കേണ്ടത് ചികിത്സകനാണ്;

ഗൗരവതരമായ രോഗങ്ങൾക്കുപോലും
'പരസ്യം നോക്കിയുള്ള' സ്വയം ചികിത്സയെന്ന തെറ്റായ സമ്പ്രദായം പ്രചരിക്കുമ്പോൾ,
'മരുന്ന്' ആണ് ഇപ്പോൾ ക്യാപ്റ്റൻ റോളിലേക്ക് വരുന്നത്.

ആയുർവേദ 'മരുന്നു ശാസ്ത്രം' രൂപപ്പെട്ടത് എങ്ങിനെയാണ് ?

നിരവധി പരീക്ഷണ നിരീക്ഷണങ്ങൾക്കു വിധേയമായി തന്നെയാണ് ആയുർവേദ formulations വന്നത്.

വിവിധ തരം കൽപനകൾ(pharmaceutical preparations), ക്രിയാകർമങ്ങൾ, അവയുടെ indication, contra indication, mode of administration, time of administration, ഡോസ്,
ഹീന-അധിക മാത്രകൾ, വ്യാപത്, വ്യാപത്തിന്റെ ചികിത്സ, ഓരോമരുന്നിനും ഉള്ള അനുപാനം.
ഇവയൊക്കെ ഒരു കാലത്തു നടന്ന ഗവേഷണങ്ങളുടെ ഫലങ്ങൾ തന്നെയാണ്. ചുറ്റുമുള്ള പക്ഷിമൃഗാദികളിലും , രോഗം വന്ന മനുഷ്യരിലുമുള്ള നിരീക്ഷണങ്ങൾക്കു ശേഷമല്ലാതെ ഒരു ചികിത്സാ ശാസ്ത്രം ഇത്ര ഭംഗിയായി എങ്ങനെ അവതരിപ്പിക്കുവാൻ കഴിയും ?

ശാസ്ത്രവിധി പ്രകാരം collection, preparation ,administration എന്നിവ വരുമ്പോഴേ അത് ആയുർവേദചികിത്സയാകുന്നുള്ളൂ. ഒരു പച്ചമരുന്ന് ഏത് ദേശത്ത് നിന്ന് ശേഖരിക്കണം ,എവിടെ നിന്നും എടുക്കരുത് എന്നുപോലും ഭംഗിയായി പറയുന്നു.. ഔഷധങ്ങളിൽ ഉണ്ടായേക്കാവുന്ന അനാവശ്യ ലോഹാംശങ്ങൾ വരാൻ സാധ്യതയുള്ള സ്ഥലങ്ങളെ ഔഷധം ശേഖരിക്കുന്നതിൽ നിന്നും ഒഴിവാക്കാൻ നിർദ്ദേശിക്കപ്പെട്ടിരിക്കുന്നു .

ഇതെല്ലാം പഠിച്ചു വരുന്ന ഒരാൾ മാത്രമേ 'വൈദ്യൻ' ആകുന്നുള്ളൂ. ആറു വർഷത്തെ നിരന്തര പഠനത്തിലൂടെയും, നിരവധി രോഗികളെ കണ്ടു കൊണ്ടുള്ള, ചികിത്സാനുഭവങ്ങളിലൂടെയുമാണ് ഓരോ ആയുർവേദ വിദ്യാർത്ഥിയും പഠിച്ചിറങ്ങുന്നത്.

മരുന്ന് ഷോപ്പിൽ ദൃക്സാക്ഷിയായി നിന്നവനും പിറ്റേന്ന് വൈദ്യനാവാൻ പറ്റുന്ന സാമൂഹ്യ സാഹചര്യത്തിൽ,
തന്റെ രോഗമേതെന്നും അതിനുള്ള മരുന്നും,
പരസ്യം നോക്കിയും FMCG (Fast Moving Consumer Goods) ൽ നിന്നും സ്വയം നിശ്ചയിക്കുന്ന
നാട്ടിൽ, ആയുർവേദമെന്ന - 'പ്രകൃതിയോട് പരമാവധി സമരസപ്പെടുന്നതാണ് ചികിത്സ'യെന്ന് സമർത്ഥിക്കുന്ന - വൈദ്യത്തെയാണോ കുരിശിലേറ്റേണ്ടത്...

ഗവേഷണങ്ങൾ, നിഷ്കളങ്കമാണ് എന്നും
അതിന് ചെലവഴിക്കപ്പെടുന്ന പണം കെട്ടുപാടുകളില്ലാത്തതാണെന്നും വിശ്വസിക്കുന്നത്,
പിറന്നു വീഴുന്ന കുഞ്ഞിന്റെ സത്യസന്ധത മരിക്കും വരെ നിലനിൽക്കുമെന്ന് കരുതുന്നതിന് തുല്യമാണ്.

ഭക്ഷണമാണ് ആഹാരമെന്ന് കൂടി മഹാനായ ഹിപ്പോക്രാറ്റസ് പറഞ്ഞിട്ടുണ്ടെന്ന് നമുക്കോർമ്മയുണ്ടല്ലോ?

മരുന്നിനേക്കാളേറെ ,ഭക്ഷണത്തിന് പ്രാധാന്യം കൊടുക്കുന്ന ശാസ്ത്രവുമാണ് ആയുർവേദം.
(മഹാഭൈഷജ്യമാണ് ആഹാരമെന്നാണ് പറയുന്നത്.)

അന്യസംസ്ഥാനങ്ങളിൽ നിന്ന്, ലാഭം മാത്രം ലക്ഷ്യമാക്കിയുള്ള കൃഷിരീതികൾ വഴി ഉല്പാദിപ്പിച്ചുവരുന്ന ഭക്ഷ്യവസ്തുക്കളിലെ ഹെവി മെറ്റൽ സാന്നിധ്യത്തിലും, അവയാലുണ്ടാകുന്ന കരൾ നാശത്തിലും ,വൈദ്യ ലോകം, ഇപ്പോഴുള്ള തിനേക്കാൾ ഏറെ വേവലാതിപ്പെടണമെന്ന് പൊതുജനം ആഗ്രഹിക്കുന്നുണ്ട്.
അരിയിലെ കാഡ്മിയവും ലെഡ്ഡും ഒരു ആശുപത്രി പരിശോധനാ മുറിയിലും ചർച്ചയാകാറുമില്ല.

ഭക്ഷണത്തിലെ മായത്തെക്കുറിച്ച് ബോധ്യപ്പെടുത്തൽ എന്ന,
ആ ഒരു സ്പേസ് ആണ് സ്ഥലത്തെ പ്രധാന വ്യാജന്മാരുടെയും ആദ്യ കളിത്തട്ട് എന്ന് തിരിഞ്ഞു നോക്കിയാൽ അറിയാം.
എന്നും ഭക്ഷണത്തിലൂടെയും, പാനീയങ്ങളിലൂടെയും നിരവധി വിഷപദാർത്ഥങ്ങൾ ഉളളിൽ ചെല്ലുന്ന മനുഷ്യർ രോഗികളായി മാറുമ്പോൾ, അതൊന്നും യാതൊരു വിധത്തിലും പരിഗണിക്കുകയേ ചെയ്യാതെ, "ഏതെങ്കിലും ആയുർവേദ മരുന്ന് കഴിച്ചിട്ടുണ്ടോ? ... എങ്കിൽ അതു തന്നെ കാരണം", എന്ന റിവ്യൂ റിപ്പോർട്ടിലേക്ക് ഗവേഷകൻ എത്ര വേഗമാണ് ചെന്നെത്തുന്നത്.!!

റിസർച്ച് റിപ്പോർട്ടിൽ പറയുന്ന 2 ശതമാനം കഴിച്ചു ബാക്കി 98 ശതമാനം വരുന്ന വലിയൊരു വിഭാഗത്തിന്, കരൾരോഗത്തിനു കാരണമെന്തായിരുന്നു? അത് ഗവേഷകർ വ്യക്തമാക്കേണ്ടതല്ലേ?...

മാറിയ ജീവിതശൈലിയും കേരളീയർക്കിടയിലുള്ള അമിത മരുന്നുപയോഗവും (പല മരുന്നുകളും വർഷം തോറും നിരോധിക്കപ്പെടുന്ന പശ്ചാത്തലത്തിൽ) കരൾരോഗത്തിനു കാരണമാകുന്നുണ്ടോയെന്ന് ആരെങ്കിലും ഗവേഷണം നടത്തുന്നുണ്ടോ?...

യാതൊരു ഗുണ നിലവാരവുമില്ലാത്ത മരുന്നുകൾ പ്രചരിക്കുന്നതിന്റെ പ്രധാന കാരണം, ചികിത്സാ രംഗത്തെ
നൈതികത തോൽക്കുകയും കമ്പോള താൽപര്യം ജയിക്കുകയും ചെയ്യുമ്പോഴാണ്.
അത്തരമൊരു ദുഷ്പ്രവണതയുടെ തുടക്കം മുഖ്യധാര വൈദ്യ സമ്പ്രദായങ്ങളിൽ നിന്നാണെന്ന് പറയാതെ വയ്യ..!

ആ ദുഷിപ്പ്, മറ്റ് ചികിത്സാ സമ്പ്രദായങ്ങളിലേക്കും വ്യാപിച്ചുവെന്നതാണ് സങ്കടകരം.

ഈ നൈതികതയെ തിരിച്ചു പിടിക്കാൻ, ലാബിൽ നിന്നിറങ്ങിയുള്ള ഗവേഷണം ഓരോ ചികിത്സകന്റെ മനസ്സിലും കൂടി നടക്കേണ്ടതുണ്ട്.
ഒരു ശുദ്ധികലശം ആഗ്രഹിക്കുന്ന കുറെയേറെപ്പേർ എന്നും സമൂഹത്തിലുണ്ടാകും ...
അതാഗ്രഹിക്കാത്തവർ അതിലേറെയും !??
സാമൂഹിക പ്രതിബദ്ധത പാലിക്കപ്പെടേണ്ട അനവധി മേഖലകളിൽ, ഭാരതം ഇന്നും 'നിന്നയിടത്തുതന്നെ നില്പാണ് ' എന്നു കാണാം. ശ്വാസകോശാർബുദത്തിന് കാരണമാകും എന്നുറപ്പുള്ള പുകയില ഉല്പന്നങ്ങളുടേയോ , കരൾ ദ്രവിപ്പിക്കുന്ന മദ്യത്തിന്റേയോ നിർമാണമോ, വില്പനയോ നമ്മുടെ നാട്ടിൽ തടയപ്പെടുന്നില്ല.
'ഭക്ഷണത്തിലെ മായം', ഇടക്കൊരു വാർത്തയായി മാത്രം വന്ന് പോകും ... ശുദ്ധമായ കുടിവെള്ളം പോലും ലഭ്യമല്ലാത്ത നാട്ടിൽ, ഓടയിലെ വെള്ളം ചേർത്ത ജ്യൂസ് ലഭിക്കുന്ന നാട്ടിൽ, ... 'കരൾ രോഗത്തിനു കാരണം ആയുർവേദ മരുന്നുകളാണ് ' എന്ന് എങ്ങനെയാണ് പറയാൻ കഴിയുക?

ചികിത്സാ ശാസ്ത്രം ഏതു തന്നെയായാലും സാമൂഹിക പ്രതിബദ്ധത എന്നതിന് ഒരേയൊരു മാനമേയുള്ളൂ.
കണ്ണ് തുറന്ന് കൈ കോർക്കാം ... അറിഞ്ഞു കൊണ്ട് പിഴ പറ്റാതിരിക്കുവാൻ ...
മനസ്സിലെ 'മായക്കറ'കൾ മാറ്റിയാൽ മാറാവുന്നതേയുള്ളൂ ഭക്ഷണത്തിലേയും ,ജലത്തിലേയും, ഔഷധങ്ങളിലേയും മായം ... ആർത്തിയില്ലാതെ, ഒരല്പം ലളിതമാക്കാം ജീവിതം... ദുരിതപൂർണ്ണമായല്ലാതെ ജീവിക്കാം; നമുക്കെല്ലാവർക്കും ഒന്നിച്ച് ...

പി. പി. രാമചന്ദ്രൻ മാഷ്ടെ, 'ലളിതം' എന്ന കവിതയോടെ അവസാനിപ്പിക്കുന്നു, ഈ കുറിപ്പ്...

"ഇവിടെയുണ്ടു ഞാൻ
എന്നറിയിക്കുവാൻ
മധുരമായൊരു
കൂവല് മാത്രം മതി.

ഇവിടെയുണ്ടായി-
രുന്നു ഞാനെന്നതി-
ന്നൊരു വെറും തൂവല്‍
താഴെയിട്ടാല്‍ മതി.

ഇനിയുമുണ്ടാകു-
മെന്നതിന്‍ സാക്ഷ്യമായ്‌
അടയിരുന്നതിന്‍
ചൂടുമാത്രം മതി.

ഇതിലുമേറെ
ലളിതമായ് എങ്ങനെ
കിളികളാവി-
ഷ്കരിക്കുന്നു ജീവനെ"❗

അത്രയും ലളിതമായിത്തന്നെ ജനമനസ്സുകളിൽ നില്ക്കട്ടെ ചികിത്സാ ശാസ്ത്രങ്ങളും വൈദ്യന്മാരും 🙏🙏

09/08/2021

Editorial Deerkhayush August 2021:
“ഇരന്നു വാങ്ങുന്നവര്‍”
ഇന്ത്യയൊട്ടാകെ ഒരു വിഭാഗം അലോപ്പതി രംഗത്തെ കോമേര്‍ഷ്യല്‍ ഡോക്റ്റര്‍മാര്‍ ആയുഷിനെതിരെ തിരിഞ്ഞിരിക്കുന്ന വിചിത്രമായ കാഴ്ച്ചയാണ് പോയ ഏതാനും മാസങ്ങളില്‍ കണ്ടത്. ഒരു വിഭാഗം എന്നാല്‍ ചെറിയ ഒരു വിഭാഗം ഡോക്റ്റര്‍മാര്‍ മാത്രമായതിനാല്‍ തന്നെ , നെഗറ്റീവ് എനര്‍ജി വളരെ വേഗം സാധാരണക്കാരിലേക്ക് കടത്തിവിടുവാന്‍ ചാലകങ്ങളായി യുക്തിവാദ രംഗത്തെ സമാന ചിന്താഗതിയുള്ള ഒരു ചെറിയ വിഭാഗത്തെ ക്കൂടി അവര്‍ കൂട്ടുപിടിച്ചിട്ടുമുണ്ട്. രണ്ടു നെഗറ്റീവും കൂടി ചേര്‍ന്നപ്പോള്‍ ‘ഇമ്മിണി ബല്യ ഒരു നെഗറ്റീവ്’ ആയതിന്റെന്‍റെ പത്രാസിലാണ് സോഷ്യല്‍ മീഡിയകളില്‍ അവരുടെ നെഗളിപ്പ്. പൊതുവേ സൌമ്യരും , സമധാന വാദികളുമായ ആയുഷ് വിഭാഗം ഒന്നു സടകുടഞ്ഞെണീക്കുവാന്‍ മാത്രം അനാവശ്യ പ്രകോപനം ഈ നെഗറ്റീവ് കൂട്ടായ്മയില്‍ നിന്നും ഉണ്ടായി എന്നതാണതിന്റെ പരിണിത ഫലം.
ഒന്നിച്ച് നില്‍ക്കുവാനും പോരാടുവാനും ഹോമിയോപ്പതി രംഗത്തുള്ളവര്‍ നാളിതുവരെ തയ്യാറായിരുന്നില്ല, എന്നാല്‍ ഇപ്പോള്‍ അതല്ല സ്ഥിതി, എല്ലാവരും ഇക്കാര്യത്തില്‍ ഒറ്റക്കെട്ടായി നീങ്ങുന്നു. ശാസ്ത്രീയത സംബന്ധിച്ച ചര്‍‌ച്ച കളില്‍ പറയുവാന്‍ ഏറെ ഉണ്ടെങ്കിലും, പരിഹാസം കേള്‍ക്കുവാന്‍ തല്‍പര്യമില്ലാതിരുന്നവര്‍ ആണ് ഹോമിയോപ്പതിക്കാര്‍ അതിനാല്‍ അവര്‍ തന്നെ അത്തരം ചര്‍ച്ചകളില്‍ നിന്നും വിട്ടു നില്‍ക്കുവാന്‍ ബോധപൂര്‍വ്വമായി ശ്രമിക്കുകയും ചെയ്തിരുന്നു. എന്നാല്‍ ഇപ്പോള്‍ ആ നിലപാടും മാറിയിരിക്കുന്നു. മുള്ളിനെ മുള്ളുകൊണ്ടെടുക്കുന്ന ആളുകള്‍ ആയുഷിലും ഉണ്ടായിരിക്കുന്നു. ശാസ്ത്രീയത പറഞ്ഞാല്‍ അതേ നാണയത്തില്‍ തിരിച്ചടിക്കാന്‍ ഹോമിയോപ്പതി സമൂഹം തയ്യാറാകുന്ന കാഴ്ച്ച ഏറെക്കാണുവാനായി. ഏറ്റവും മഹത്തായ ഒരു പരിവര്‍ത്തനം ഉണ്ടായതു ആയുഷ് ഇന്‍റര്‍ ഡിസിപ്ലിനറി ചര്‍ച്ചകളിലാണ്. ആയുഷ് വിഭാഗത്തിലെ ആയുര്‍വേദവും ഹോമിയോപ്പതിയും ഒറ്റ കെട്ടായി നീങ്ങുന്ന കാഴ്ച്ച കഴിഞ്ഞ രണ്ടു പതിറ്റാണ്ടില്‍ കണ്ടിട്ടില്ല. യോഗയും , സിദ്ധയും , യുനാനിയും ഒക്കെ പിന്നാലേ വന്നു ചേരുന്ന അത്ഭുതകരമായ കാഴ്ച്ച പിന്നാലേ കാണുവാന്‍ കഴിഞ്ഞു.

ഹോമിയോപ്പതി രംഗത്തുള്ളവരും ആയുര്‍വേദ രംഗത്തുള്ളവരും തമ്മില്‍ വലിയ സൌഹൃദം സൃഷ്ട്ടിക്കുവാന്‍ കോമേര്‍ഷ്യല്‍ അലോപ്പതിക്കാരും, കപട ശാസ്ത്ര വാദികളും നല്‍കുന്ന നിര്‍ലോപമായ സഹകരണത്തിന് ഞങ്ങള്‍ എന്നും നിങ്ങളോട് നന്ദിയുള്ളവര്രായിരിയ്ക്കും. ആയുര്‍വേദം ഒരു പടി കൂടി കടന്നു, അനാവശ്യമായി ആയുര്‍വേദത്തെ ആക്ഷേപിക്കുന്നവര്‍ക്കെതിരെ നിയമ നടപടികളിലേക്ക് കടക്കുകയാണ്. തല മൂത്ത കോമേര്‍ഷ്യല്‍ അലോപ്പതിക്കാരും, യുക്തി കോമാളികളിലെ ഏതാനും പേരും ആയുര്‍വേദ വിഭാഗത്തെ സമീപിച്ച്, നിങ്ങള്‍ ഹാഫ് സയന്റിഫിക്കാണ്, നിങ്ങളെ ഞങ്ങളംഗീകരിക്കാം, ഹോമിയോയെ നമുക്ക് ഒരുമിച്ചെതിര്‍ക്കാമെന്ന് തലയണ മന്ത്രം ഓതി നോക്കി. “ഓടെടാ” എന്നു പറഞ്ഞു പത്തല്‍ എടുത്തു തല്ലിയോടിച്ചു ആയുര്‍വേദക്കാര്‍!! അവരും കഴിക്കുന്നത് അരിയാഹാരമാണെന്ന് മറന്നു പോയി ദല്ലാളന്മാര്‍! അവരോടു വെച്ച ഓഫര്‍ എല്ലാം ഒട്ടും വൈകാതെ ഹോമിയോ രംഗത്തുള്ളവരോടു ആയുര്‍വേദക്കാര്‍ പങ്ക് വെച്ചു എന്നതാണു അവരുടെ ആത്മാര്‍ദ്ധത. ഇപ്പോള്‍ ഞങ്ങള്‍ ഒറ്റക്കെട്ടാണ്, സിദ്ധയും, യുനാനിയും, യോഗയും , നാച്ചുറോപ്പതിയും ഒക്കെ ചേര്‍ന്ന് ച്ര്‍ച്ച ചെയ്താണു നീങ്ങുന്നത്. ഞങ്ങളുടെ ഇടയില്‍ കുത്തിത്തിരിപ്പുണ്ടാക്കാനുള്ള നാത്തൂന്‍ പോരെടുത്തൂനോക്കുന്ന നിലയിലേക്ക് ആധപതിക്കുന്ന പരമ ദയനീയ മായ കാഴ്ച്ച സാധാരണ ജനങ്ങള്‍ക്ക് ബോധ്യപ്പെട്ടിട്ടുമുണ്ട്.

തങ്ങളുടെ സിസ്റ്റത്തിന്‍റെ പ്രത്യേകതകളെ ക്കുറിച്ചു മാത്രം സംസാരിക്കുന്ന , പൊതുവേ കലഹപ്രിയരല്ലാത്ത ആയുഷ് സിസ്സ്റ്റത്തിലെ ഡോക്റ്റര്‍മാര്‍, പൊടുന്നനെ ആക്രമണോല്‍സുകാരായി മാറുന്ന കാഴ്ച്ചയാണ് തുടര്‍ന്നു കണ്ടത്. കുറ്റങ്ങളും, കുറവുകളും, കെടുതികളും, പാര്‍ശ്വഫലങ്ങളും, അശാസ്ത്രീയതയും ഏറെ ഉള്ള അലോപ്പതി ചികില്‍സയുടെ പൊള്ളത്തരങ്ങളും, കച്ചവടലാക്കുകളും തുറന്നു കാണിക്കുവാന്‍ ഏറെ എളുപ്പമായിരുന്നെന്നു ആയുഷ് സിസ്സ്റ്റങ്ങള്‍ക്ക് അറിയാത്തതല്ലായിരുന്നു എന്നതാണു സത്യം. അവര്‍ പാലിച്ച സംയമനം എല്ലാം കൈവിട്ടിരിക്കുന്നു,. ഇപ്പോള്‍ കടന്നാക്രമണമാണ് നടക്കുന്നതു. ചോദ്യങ്ങള്‍ക്ക് മുന്നില്‍ ചൂളി പ്പോകുന്ന അലോപ്പതി ഡോക്റ്റര്‍മാരെയും, കപട യുക്തിവാദികളെയും സോഷ്യല്‍ മീഡിയയില്‍ ഏറെ കാണുവാനാകും. സാമൂഹ്യ പ്രതിബദ്ധതയില്ലാത്ത ഡോക്റ്റര്‍മാരുടെ അഹന്തയും, കച്ചവട മനസ്സും സാധാരണ ജനങ്ങളും തുറന്നു കാട്ടുവാന്‍ തുടങ്ങി. ആക്രമണം വിട്ടു പ്രതിരോധത്തിലേക്ക് പിന്‍വാങ്ങുവാന്‍ കൊമേര്‍ഷ്യല്‍ അലോപ്പതിക്കാരും, കപട യുക്തിവാദികളും നിര്‍ബന്ധിതരാകുന്നത് ഏറെ ദയനീയമായ കാഴ്ച്ചയാണ്. !!

നിരോധിത മരുന്നുകളുടെ വിപണനനം, മതിയായ പഠനങ്ങള്‍ ഇല്ലാതെ മരുന്നുകള്‍ നല്കി ആയിരക്കണക്കിന് രോഗികളെ മരണത്തിലേക്കും നിത്യ ദുരിതത്തിലേക്കും തള്ളി വിട്ടത്, എത്തിക്സ് കമ്മിറ്റിക്ക് മുന്നില്‍ കെട്ടി കിടക്കുന്ന പരാതികള്‍, സി പി എ ആക്റ്റ് പ്രകാരം ചികില്‍സാ പിഴവുകള്‍ക്കും, മരുന്നുകളുടെ പാര്‍ശ്വ ഫലങ്ങള്‍ക്കും നഷ്ട്ടരിഹാരം തേടി തീര്‍പ്പാകാതെ കിടക്കുന്ന ആയിരകക്‍ണക്കിന് കേസുകള്‍,, മെഡിക്കല്‍ രംഗത്തിന് നഷ്ട്ടപ്പെട്ട നൈതീകത, തുടങ്ങിയവയെല്ലാം നിമിഷാര്‍ധങ്ങള്‍ക്കുളില്‍ അനാവരണം ചെയ്യപ്പെട്ടപ്പോള്‍, രാജാവു നഗ്നനാണ് എന്നു അറിഞ്ഞിട്ടും , ഏതായലും ഇറങ്ങിയതല്ലേ മുന്നോട്ട് പോയി കളയാം, ഇനി വസ്ത്രം ഇല്ലെങ്കിലലും വേണ്ടില്ല എന്ന നാണം കെട്ട അവസ്ഥയിലേക്കു ആ അവിശുദ്ധ കൂട്ടുകെട്ട് അധപതിച്ചു.

ചോദ്യങ്ങള്‍ ചാട്ടുളി പോലെ ചെന്നു തറയ്ക്കുന്നന്ത് , കോമേര്‍ഷ്യല്‍ ഡോക്റ്റര്‍മാരുടെ നെഞ്ചത്ത് തന്നെ ആണ്. ഒറ്റ പ്രമേഹ രോഗം എങ്കിലും ചികില്‍സിച്ചു പരിപൂര്‍ണ്ണമായി സുഖപ്പെടുത്തിയ രേഖകള്‍ ഉണ്ടോ? എന്ന അലോപ്പതി ഡോക്റ്റര്‍മാരോടുള്ള ചോദ്യത്തിന് മൌനം മറുപിടി ആകുമ്പോള്‍ സാധാരണ ജനങ്ങളുടെ മനസ്സില്‍ ഇവരെ ആണല്ലോ ഇത്രയും കാലം തങ്ങള്‍ വിശ്വസിച്ചത് എന്ന ന്യായമായ ചോദ്യം ഉയരും. എന്നാല്‍ പ്രമേഹത്തിന് ചികില്‍സയില്ല എന്നു പറഞ്ഞു നാളെ മുതല്‍ ചികില്‍സ തുടരുവാന്‍ തയ്യാറുണ്ടോ എന്നു ചോതിച്ചാല്‍ ജാള്യത കലര്‍ന്ന മൌനം മാത്രം. ആ മൌനത്തില്‍ ഒരു കോമേര്‍ഷ്യല്‍ അലോപ്പതി ഡോക്റ്റര്‍ അനാവരണം ചെയ്യപ്പെടുകയാണ്. ഇതൊരു ഉദാഹരണം മാത്രം. ഇത്തരം ധാരാളം ചോദ്യങ്ങള്‍ക്ക് മുന്നില്‍, എന്നും ചോദ്യങ്ങള്‍ മാത്രം ചോദിച്ചു നടന്നിരുന്നവര്‍ ഉത്തരം മുട്ടി കൊഞ്ഞനം കുത്തുകയാണ്. ആയുഷ് ഏത് രോഗം ചികില്‍സിച്ചു സുഖപ്പെടുത്തിയ രേഖകള്‍ കാണിച്ചാലും അതെല്ലാം സെല്‍ഫ് ലിമിറ്റിങ് ആണെന്ന ഒഴിഞ്ഞു മാറല്‍ ഏറിയപ്പോള്‍ , , “ ഈ ഒരു മരുന്നും വേണ്ടാത്ത രോഗങ്ങള്‍ക്കാണോ നിങ്ങള്‍, ലക്ഷക്കണക്കിനു രൂപ ബില്ലു ചെയ്തതു ? ഇതിനാണോ ഞങ്ങളുടെ കിഡ്നിയും, ലിവറും നശിച്ചു പോകുന്ന വിധ ത്തിലുള്ള മരുന്നുകള്‍ നല്കിയത്? ഇതിനാണോ സര്‍ജറി നടത്തി എന്റെ അവയവം മുറിച്ച് നീക്കിയത്? എന്നൊക്കെ. സാധാരണക്കാര്‍ ചോദിച്ചു തുടങ്ങി. എലികത്രിക കളിച്ചു വെച്ചവന്റ്റെ
കൈ തന്നെ അതില്‍ കുടുങ്ങിയ അവസ്ഥയില്‍ കിടന്നു മോങ്ങുകയാണ് യുക്തന്‍റെ കൂടെ ക്കൂടിയ കോമേര്‍ഷ്യല്‍ അലോപ്പതന്‍! ജനകീയരായ അലോപ്പതി ഡോക്റ്റര്‍മാരെ ക്കൂടി മോശമാക്കുന്ന രീതിയില്‍ ഇക്കൂട്ടര്‍ തുടങ്ങിവെച്ച ഈ സോഷ്യല്‍ മീഡിയ വിചാരണ അടുത്ത നാളിലൊന്നും നിര്‍ത്തുവാന്‍ ആയുഷിനും ഉദ്ദേശമില്ല. കച്ചവട താല്‍പര്യമില്ലാതെ ജനപക്ഷത്ത് നിന്നു ചികില്‍സിക്കുന്ന അലോപ്പതി ഡോക്റ്റര്‍മാര്‍ ഞങ്ങളോടു ക്ഷമിക്കണം. ഇത് തുടങ്ങിവെച്ചത് ഞങ്ങളല്ല, നിങ്ങളുടെ കൂടെ ഉള്ള വിഡ്ഢികള്‍ ആണ്.

മോഡേണ്‍ മെഡിസിന്‍ എന്നൊക്കെ വരെ വിളിച്ച് ഞങ്ങള്‍ നിങ്ങളെ ബഹുമാനിച്ചിരുന്നു. ഇനി അലോപ്പതി എന്നെ വിളിക്കൂ, അത് ഡോ: സാമുവല്‍ ഹാനിമാന്‍ നിര്‍ദേശിച്ചു ലോക ജനത 230 വര്‍ഷമായി നിങ്ങളെ വിളിക്കുന്ന പേരാണ്. “എന്നെ ഞാന്‍ തന്നെ വിമല്‍ കുമാര്‍ എന്നാണ് വിളിക്കുന്നത്” എന്നു സ്വയം വിശേഷിപ്പിച്ചു നടന്നു കൊള്ളൂ, നാട്ടുകാര്‍ നിങ്ങളെ കുഞ്ഞിക്കൂനന്‍ എന്നെ വിളിക്കൂ. ഞങ്ങള്‍ നിസ്സഹായരാണ്.

ആയൂഷിനെ ഒന്നാകെ തുടച്ചു നീക്കാന്‍ വന്ന കോമേര്‍ഷ്യല്‍ അലോപ്പപ്തിക്കാരുടെ കച്ചവട തന്ത്രങ്ങള്‍ക്ക് കത്രിക പ്പൂട്ടിട്ടു കൊണ്ട് സുപ്രീം കോടതി വിധി വന്നത് അറിയണം. ഇനി മുന്നോട്ട് മരുന്നുകള്‍ പ്രിസ്ക്രൈബ് ചെയ്യുന്നതു ഡോക്റ്റര്‍മാര്‍ അല്ല, നിങ്ങളുടെ ജോലി ഡയഗ്നോസിസ് ചെയ്യുക മാത്രം, ചിലപ്പോള്‍ ജെനറിക് നാമങ്ങള്‍ നിര്‍ദേശിക്കുവാനായല്‍ ആയി ആയി എന്നു പറയാം. . അത്രേ ഉള്ളൂ. ഫാം ഡി ക്കാര്‍ ആയിരിയ്ക്കും ഇനി മരുന്നുകള്‍ പ്രിസ്ക്രൈബ് ചെയ്യുകയെന്ന് ഇന്ത്യന്‍ സുപ്രീം കോടതിയും വിധിച്ചു കഴിഞ്ഞു. കച്ചോടം പൂട്ടി എന്നു സാരം. അതുകൊണ്ടു കൂടുതല്‍ നെഗളിക്കണ്ട. ആക്ഷന്‍ ഹീറോ ബിജു എന്ന സിനിമയില്‍ പറയും പോലെ ഞങ്ങളെ നിങ്ങള്ക്ക് എപ്പോള്‍ വേണമെങ്കിലും പിടിക്കാം ഇവിടെ തന്നെ ഉണ്ടാകും, ഞങ്ങള്‍ എവിടെയ്ക്കും ഓടിയൊളിക്കില്ല. സുപ്രീം കോടതി വിധിയുമായി ഓടി പ്പോകുന്ന ടി ഫാം കാരെ വേണേല്‍ ഓടിച്ചു പിടിച്ചോ, ഇല്ലെങ്കില്‍ അന്ന ദാതാക്കളായ മെഡിക്കല്‍ കമ്പനികള്‍, അരി കൊണ്ടുപോയി ഫാം ഡി ക്കാര്‍ക്ക് കൊടുക്കും. നിങ്ങളെക്കാള്‍ കൂടുതല്‍ വര്‍ഷം മരുന്നുകളെന്തെന്ന് പഠിച്ചവരാണവര്‍. നിങ്ങള്‍ മുഴുപ്പട്ടിണിയിലാവും. പലര്‍ക്കും പണിയെടുത്ത് ജീവിച്ച് ശീലവും ഇല്ലല്ലോ?

ഇനി കപട യുക്തിവാദികളോടൊരു വാല്‍ കഷ്ണം. ശാസ്ത്രീയത ആണ് നിങ്ങളുടെ ബ്രാന്‍ഡ് എങ്കില്‍, നിങ്ങള്‍ അതില്‍ ശ്രദ്ധിക്കണം. പരിഹാസം മുഖമുദ്രയാക്കി വിദൂഷകന്‍ മാരായി അധ:പതിക്കരുത്. നിങ്ങള്ക് മുന്പും ഇവിടെ ഒരു യുക്തിവാദ തലമുറ ഉണ്ടായിരുന്നു. ഗൌരവതരമായി യുക്തിവാദത്തെ കണ്ടവര്‍, അതിനായി ജീവിതം മാറ്റിവെച്ചവര്‍, എതിര്‍പ്പുകളെ നേരിട്ടവര്‍. അല്‍പ്പഞ്ജാനം എടുത്തണിഞ്ഞു കൊണ്ടുള്ള ഈ ഗീര്‍വാണങ്ങള്‍ തികച്ചും അരോചകമാണ്. കറന്നോന്‍മാര്‍ ഉണ്ടാക്കി വെച്ചത് തിന്നു ഏമ്പക്കം വിട്ടു കുംഭ കുലുക്കി നടക്കുന്നവരെ പ്പോലെയേ നിങ്ങളെ സാധാരണ ജനങ്ങള്‍ കാണൂ. ആരോ കണ്ടെത്തി , പരീക്ഷിച്ചു നിരീക്ഷിച്ചു വെച്ചത്, കുടിച്ചു അത് തന്നെ ചര്‍ദിച്ചു എത്രകാലം മുന്നോട്ട് പോകുവാനാകും? സത്യത്തെ കുറിച്ചുള്ള അന്വേഷണമാണ് യുക്തിവാദമെങ്കില്‍, ആയുഷ് സിസ്റ്റം നിങ്ങളുടെ മുന്നില്‍ ഉയര്‍ത്തുന്ന വെല്ലുവിളികള്‍ ഏറ്റെടുക്കണം. ആധുനിക വൈദ്യശാസ്ത്രം (അതിനെ നിങ്ങള്‍ അങ്ങിനെ ആണല്ലോ വിളിക്കുന്നത് - , അത്ര ഡെക്കറേഷന്‍ ഒന്നും വേണ്ട “അലോപ്പതി “ അതുമതി) ചികില്‍സയില്ല എന്നു വിധിയെഴുതിയ നിരവധി രോഗങ്ങള്‍ക്ക്, ചികില്‍സ നല്കി സുഖപ്പെടുത്തുംമ്പോള്‍ ആ സത്യത്തിലേക്ക് ഉള്ള അന്വേഷണമാവേണ്ടെ യുക്തിവാദം? അത് ഒന്നോ ഒറ്റയോ കേസുകള്‍ അല്ല ആയിരക്കണക്കിനുണ്ട്. റിട്രോസ്പെക്റ്റീവ്, പ്രോസ്പെക്റ്റീവ്, ആര്‍ സി റ്റി സ്റ്റഡികള്‍ , ഒക്കെ അടക്കമുള്ളവ. സ്വകാര്യ ചികില്‍സകരുടെ കേസുകള്‍ വിട്ടേയ്ക്ക്. അവരുടെ കേസുകള്‍ പറഞ്ഞാല്‍ പരസ്യപ്പലക എന്നു വിളിച്ച് ആക്ഷേപിക്കുന്നതാണല്ലോ നിങ്ങളുടെ രീതി. സംസ്ഥാന കേന്ദ്ര ഗവര്‍മെന്‍റ് സ്ധാപനങ്ങളിലേക്ക് കടന്നു ചെല്ലുക, സെല്‍ഫ് ലിമിറ്റിങ് ഡിസീസിന്‍റെ ലിസ്റ്റ് അലോപ്പതിക്കാരുടെ കയ്യില്‍ നിന്നും മേടിക്കണം. അതല്ലാതുള്ള രോഗങ്ങളുടെ ലിസ്റ്റ് ആയാലും മതി. സെല്‍ഫ് ലിമിറ്റിങ് ഒഴിവാക്കി മറ്റ് രോഗങ്ങള്‍ ചികില്‍സിച്ചതിന്റെ രേഖകള്‍ , മേല്‍ വിവരിച്ച പഠനങ്ങള്‍ അടക്കം അവിടെ ഉണ്ട്. അതില്‍ ക്യുര്‍ ആയ കേസുകള്‍ പഠിക്കണം. ഏതൊക്കെ മരുന്നുകള്‍ ആണ് നല്‍കിയതെന്നും നോക്കണം. ഞങ്ങളുടെ ജോലി ചികില്‍സിച്ചു സുഖപ്പെടുത്തുക എന്നതാണു. അതാണ് ഞങ്ങള്‍ പകല്‍ വെളിച്ചത്തില്‍ കാണിച്ചു തരുന്ന സത്യം. ഒരു മരുന്ന് കമ്പനിയുമായി ഞങ്ങള്‍ കരാര്‍ ഒപ്പിട്ടിട്ടില്ല. കമ്മീഷന്‍ വാങ്ങുന്നുമില്ല. അതിനാല്‍ തന്നെ പഠനം നടത്തുവാനുള്ള പൂത്ത പണമൊന്നും ഞ്ങ്ങളുടെ കയ്യിലില്ല. ഇനി ആ സത്യത്തിലേക്കുള്ള അന്വേഷണം നടത്തേണ്ടവര്‍ നിങ്ങളാണ്. അത് നടക്കട്ടെ. ഞങ്ങളാല്‍ ആവും വിധം ഞങ്ങളും സഹായിക്കാം. സത്യം കണ്ടെത്തി തിരിച്ചു വരണം. അത് എന്തായാലും ലോകത്തോട് തുറന്നു പറഞ്ഞു കൊള്ളുക. അത്രയും ചെയ്യുവാന്‍ തയ്യാറാകാതെ, ഒരു കേസ് പോലും കാണാതെ, ആയുഷ് സിസ്റ്റങ്ങള്‍ എന്താണ് ചെയ്യുന്നത് എന്നു മനസിലാക്കാതെ, അവിടെ പഠനങ്ങള്‍ നടക്കുന്നുണ്ട് എന്നു തിരിച്ചറിയാതെ, ആയുഷ് സിസ്റ്റങ്ങള്‍ ജനങ്ങളെ എങ്ങിനെയൊക്കെ സേവിച്ചു കൊണ്ടിരിക്കുന്നു എന്നു പഠിക്കാന്‍ തയ്യാറാകാതെ, വൈകുന്നേരം കുത്തനെ കയറി വന്നു ചിലയ്ക്കുന്നതുകൊണ്ട് യുക്തിവാദമാകില്ല എന്നു യഥാര്‍ത്ഥ യുക്തിവാദികള്‍ തന്നെ സമ്മതിക്കുന്നതിനാല്‍ ആണ് നിങ്ങളെ കപട യുക്തിവാദികള്‍ എന്നു വിളിക്കുന്നതു. ആദ്യം ആ കാപട്ട്യം മാറ്റുന്നതില്‍ വിജയിക്കുന്നതും ഒരു യുക്തിവാദമ്മല്ലേ സുഹൃത്തുക്കളേ?

ഇപ്പോള്‍ താല്‍ക്കാലിക ബാന്ധവത്തിന് വന്നിട്ടുള്ള സ്വയം പ്രഖ്യാപിത അറിവിന്റെ അപ്പ്സ്തോലന്‍മാര്‍ എന്നു സ്വയം വിശേഷിപ്പിക്കുന്ന കോമേര്‍ഷ്യല്‍ അലോപ്പതിക്കാരെ യുക്തിവാദികള്‍ ഒന്നടങ്കം തിരിച്ചറിയണം. മുന്‍പൊക്കേ നിങ്ങള്‍ ഒറ്റയ്ക്ക് പോരാടിയപ്പോഴും ഞങ്ങള്‍ ഇങ്ങിനെ തന്നെ ഇവിടെ ഉണ്ടായിരുന്നു. ഇപ്പോള്‍ ഇവര്‍ ഓടി
വന്നു നിങ്ങളുടെ ചിറകിന്‍ കീഴില്‍ കയറിയിരുന്നു ആക്രോശിക്കുന്നു വെങ്കില്‍ അതിനു അതിന്റെതായ കാരണം ഉണ്ട്. ഒന്നുകില്‍ അവര്‍ ആയുഷിനെ ഭയക്കുന്നു. അഞ്ചു ദിവസം ആയുഷില്‍ ഇന്റെര്‍ന്‍ഷിപ്പിന് പോയാല്‍ അവര്‍ കെട്ടി പൊക്കി വെച്ച നുണക്കൂമ്പാരങ്ങള്‍ തകര്‍ന്നടിയും എന്നുള്ള ഭയമുള്ളത് അവര്‍ക്കല്ലേ? മാസങ്ങള്‍ ക്ലിനിക്കല്‍ ട്രെയിനിങ്ങിന് ആയുഷ് വിഭാഗത്തിലെ കുട്ടികളും, ഹൌസ് സര്‍ജ്ജന്‍മാരും അലോപ്പതി ആശുപത്രികളില്‍ പോകുന്നുണ്ട്. ആയുഷ് ഭയന്ന് ആരുടേയും ചിറകിന്‍ കീഴില്‍ ഒളിക്കാന്‍ വന്നില്ലല്ലോ? ഇനി ഭയമില്ല എന്നു വീമ്പിളക്കുന്നുണ്ടെങ്കില്‍ സംശയിക്കണ്ട ഇത് ക്വട്ടേഷന്‍ ആണ്. ഇവര്‍ ആരുടെയോ ക്വട്ടേഷന്‍ എടുത്തു വന്നിരിക്കുകയാണ്. ഇവരെ സ്പോണ്‍സര്‍ ചെയ്യുന്നതാരെന്ന് നോക്കണം. പാതിരാത്രിയും കഴിഞ്ഞു ഇവര്‍ ഈ കഠിനാധ്വാനം ചെയ്യുന്നത് ആര്‍ക്കുവേണ്ടി എന്നു കൂടെ നടക്കുന്ന നിങ്ങള്‍ തന്നെ അന്വേഷിക്കണം. അല്ലെങ്കില്‍ നാളെ ഇവരോടൊപ്പം നിങ്ങളും ദല്ലാള്‍മാര്‍ ആണെന്ന് ജനം കൂക്കി വിളിക്കും. യുക്തിവാദം അവരുടെ ഒരു താല്‍ക്കാലിക വിശ്രമ കേന്ദ്രം മാത്രം. പണം തേടി പറക്കുന്ന ദേശാടനകിളികള്‍ ആണ് അവര്‍. അടുത്ത നിമിഷം വേറൊരു കൊമ്പില്‍ അവരെ ക്കാണാം.
2006 ല്‍ “ഹോമിയോപ്പതിയുടെ അവസാനം” എന്നു എഗ്ഗര്‍ മത്ഥിയാസ് ലാന്‍സെറ്റില്‍ ബോംബ് പൊട്ടിച്ചു. ലോകം മുഴുവന്‍ അതേറ്റുപാടി. 15 വര്‍ഷം കഴിഞ്ഞു തിരിഞ്ഞു നോക്കിയാല്‍ പതിന്‍മടങ്ങു ശക്തിയോടെ ഈ കൊറോണ ക്കാലത്ത്, കൊറോണ കഴിഞ്ഞാല്‍ ലോകത്തില്‍ ഏറ്റവുമധികം ആളുകള്‍ തിരഞ്ഞത് ആര്‍സ് ആള്‍ബ്ബ് എന്ന രീതിയിലേക്ക് കാര്യങ്ങള്‍ വളര്‍ന്നത് കണ്ടു ലാന്‍സെറ്റ് തലയില്‍ കൈ വെച്ചു നിലത്തു തളര്‍ന്നിരിക്കുന്നത് കാണാം. ഹോമിയോപ്പതിക്കും ആയുഷിനും ഇതൊന്നും ഒരു പുത്തരിയല്ല. തീയില്‍ കുരുത്തത് വെയിലത്ത് വാടില്ല.

കോമേര്‍ഷ്യല്‍ അലോപ്പതിക്കാര്‍ സൂക്ഷിച്ചോ നിങ്ങളുടെ കൌണ്ട് ഡൌണ്‍ ആരംഭിച്ചുകഴിഞ്ഞു. എല്ലാവരെയും കുറച്ചു കാലവും കുറച്ചു പേരെ എല്ലാക്കാലവും പറ്റിക്കുവാനാകും എല്ലാക്കാലവും എല്ലാവരെയും പറ്റിക്കുവാനാകില്ല.. ജനപക്ഷത്ത് നിന്നു ആരോഗ്യരംഗത്തിന് മുതല്‍ക്കൂട്ടാകുന്ന സംഭാവനകള്‍ ചെയ്തു വരുന്ന സേവന സന്നദ്ധരായ അലോപ്പതി ഡോക്റ്റര്‍മാര്‍ പൊറുക്കണം. ഇത് നിങ്ങളെ കുറിച്ചല്ല, നിങ്ങളുടെ ഇടയിലെ പുഴുക്കുത്തുകളെ കുറിച്ചാണ്. ഞങ്ങള്‍ ആയുഷ് തുടങ്ങി വെച്ചു പോയി, ഇനി അവസാനിപ്പിച്ചേ അടങ്ങൂ. ഇത് ഇരന്നു വാങ്ങുന്ന അടി ആണ്, അങ്ങോട്ട് കൊണ്ട് കൊടുക്കുന്നതു പോലും അല്ല, അവര്‍ ഇരന്നുകൊണ്ടേ ഇരിക്കുന്നിടത്തോളം , ഞങ്ങള്‍ ഒറ്റക്കെട്ടായി കൊടുത്തു കൊണ്ടേ ഇരിക്കും. കാരണം ആയുഷ് ദാനശീലരാണ്.!!