Blood bank , Govt medical college, kottayam

01/10/2025

🩸ഒക്ടോബർ 1 - ദേശീയ സന്നദ്ധ രക്ത ദാന ദിനം 🩸
എല്ലാ രക്ത ദാതാക്കൾക്കും, രക്തദാന മേഖലയിൽ പ്രവർത്തിക്കുന്ന സന്നദ്ധ സംഘടനകൾക്കും കോട്ടയം മെഡിക്കൽ കോളേജിന്റെ ആശംസകൾ നേരുന്നു. 🌹

സന്ദേശം :- 🩸"രക്തം നൽകൂ, പ്രതീക്ഷ നൽകൂ, നമുക്ക് ഒന്നിച്ചു ജീവൻ രക്ഷിക്കാം "🩸

04/09/2025

🌟 എല്ലാ രക്ത ദാതാക്കൾക്കും ഒരുമയുടെയും സന്തോഷത്തിന്റെയും ഓണാശംസകൾ ! 💕

മെഡിക്കൽ കോളേജ് രക്ത ബാങ്കിലെ ഓണാഘോഷം! ഓണസദ്യ ആസ്വദിച്ചു,തുടർന്ന് എല്ലാവരിലും മത്സര മനോഭാവം ഉയർത്തിക്കൊണ്ടുവന്ന രസകരമായ ഓണ കളികൾ !
ഓണാഘോഷ പരിപാടിയിൽ വിലയേറിയ സാന്നിധ്യത്തിനും പിന്തുണയ്ക്കും ഞങ്ങളോടൊപ്പം ചേർന്ന സൂപ്രണ്ട്, പ്രിൻസിപ്പൽ, ആർ‌എം‌ഒ, മറ്റ് വകുപ്പ് മേധവികൾക്കും വളരെയധികം നന്ദി.

പലവിത നിറങ്ങൾ ഒന്നിക്കുമ്പോൾ പൂക്കളത്തിന് ഭംഗി കൂടുന്നു, നമ്മുക്കും ഈ നിറങ്ങൾ പോലെ ചുറ്റുമുള്ളവരുടെ ജീവിതത്തിൽ ഭംഗി നിറക്കാം. എല്ലാവർക്കും ഹൃദയം നിറഞ്ഞ ഓണാശംസകൾ!🪷

18/08/2025

രക്തദാന ക്യാമ്പിൽ അമൽ ജ്യോതി എഞ്ചിനീയറിംഗ് കോളേജ്, കാഞ്ഞിരപ്പള്ളി നൽകിവരുന്ന മികച്ച പിന്തുണയ്ക്കും ഉത്സാഹത്തിനും പ്രത്യേക അഭിനന്ദനങ്ങൾ .
157 പേര് രജിസ്റ്റർ ചെയ്ത ക്യാമ്പിൽ നിന്നും 107 യൂണിറ്റ് രക്തം ശേഖരിച്ചു. പ്രസ്തുത ക്യാമ്പിന് ഡോ. അഞ്ജന മോഹൻ നേതൃത്വം നൽകി. ക്യാമ്പ് വിജയമാക്കിയ മാനേജ്‌മെന്റിനും ജീവനക്കാർക്കും അതുപോലെതന്നെ വിദ്യാർത്ഥികൾക്കും ബ്ലഡ് സെന്ററിന്റെ നന്ദി!

18/08/2025

🩸🩸 ബി വി എം ഹോളിക്രോസ് കോളേജ് ചേർപ്പുങ്കൽ നാഷണൽ സർവീസ് സ്കീമിന്റെ ആഭിമുഖ്യത്തിൽ നടത്തിയ സന്നദ്ധ രക്തദാന ക്യാമ്പിൽ 77 വിദ്യാർത്ഥികൾ രജിസ്റ്റർ ചെയ്തു. 55 യൂണിറ്റ് രക്തം ശേഖരിച്ച പ്രസ്തുത ക്യാമ്പിന് ഡോ. മിലി എസ് നേതൃത്വം നൽകി.🩸🩸
കോളേജ് പ്രിൻസിപ്പൽ, എൻഎസ്എസ് പ്രോഗ്രാം ഓഫീസർ , അദ്ധ്യാപകർ, NSS വളണ്ടിയേഴ്സ്, രക്തദാനം നടത്തിയ വിദ്യാർത്ഥികൾ ക്യാമ്പുമായി സഹകരിച്ച എല്ലാ പ്രിയപ്പെട്ടവരോടും നന്ദിയും സ്നേഹവും അറിയിക്കുന്നു
🩸🩸

28/07/2025

അപൂർവ ബോംബെ രക്ത യൂണിറ്റ് എത്തിച്ചു, ജീവൻ രക്ഷിച്ചു.
വളരെ വേഗത്തിലും ശ്രദ്ധേയമായ തീരുമാനങ്ങളുടെ ഭാഗമായി , തിരുവനന്തപുരം ശ്രീചിത്ര ആശുപത്രിയിൽ നിന്ന് കോട്ടയം മെഡിക്കൽ കോളേജിലേക്ക് ഒരു അപൂർവ ബോംബെ രക്ത ഗ്രൂപ്പ് യൂണിറ്റ് എത്തിച്ചു.
ശ്രീചിത്ര ആശുപത്രിയിൽ സ്റ്റോക്കുണ്ടായിരുന്ന അപൂർവ രക്ത യൂണിറ്റ് രോഗിക്ക് അടിയന്തിരമായി ആവശ്യമായി വന്നതായി അറിയിച്ചതിനെ തുടർന്ന്. റെയിൽവേ അധികൃതരുടെ സഹായത്താൽ സുരക്ഷിതമായ ഗതാഗതം ഉറപ്പാക്കി, ശ്രീചിത്രയിൽ നിന്നും ഉടൻ തന്നെ രക്ത യൂണിറ്റ് കോട്ടയം മെഡിക്കൽ കോളേജിലേക്ക് ട്രെയിനിൽ എത്തിക്കാൻ സാധിച്ചു.

തിരുവനന്തപുരം റെയിൽവേ സ്റ്റേഷനിൽ നിന്നും പൂനെ എക്സ്പ്രസ് ടി ടി ആർ നെ ഉത്തരവാദിത്വത്തോടെ ഏൽപ്പിച്ച രക്ത യൂണിറ്റ് കോട്ടയം റെയിൽവേ സ്റ്റേഷനിൽ കോട്ടയം മെഡിക്കൽ കോളേജ് അധികൃതർക്ക് സുരക്ഷിതമായി കൈമാറി.

ഈ ഉദ്യമത്തിന് നേതൃത്വം നൽകിയ കോട്ടയം മെഡിക്കൽ കോളേജ് രക്ത ബാങ്കിലെ മെഡിക്കൽ ഓഫീസർ ഡോ. ചിത്ര ജെയിംസ്, ബ്ലഡ് ബാങ്ക് ടെക്നിക്കൽ സ്റ്റാഫ്, ഡ്രൈവർ, അതുപോലെതന്നെ തിരുവനന്തപുരം
ശ്രീചിത്ര ആശുപത്രിയിലെ മെഡിക്കൽ ഓഫീസർ ഡോ. അമിത ആർ.
കൗൺസിലർ അനു എം.പി., ടി.ടി.ആർ.ശ്രീകുമാർ സാർ, ശിവദാസ് സാർ ഉൾപ്പെടെയുള്ള റെയിൽവേ അധികാരികൾ,ബ്ലഡ് കോർഡിനേറ്റർ സന്തോഷ് ചേലക്കര സാർ എന്നിവരോടുള്ള നന്ദി അറിയിക്കുന്നു.

17/07/2025

കെ ഇ. കോളേജ് മാന്നാനം എൻ‌എസ്‌എസ് യൂണിറ്റിൻ്റെ നേതൃത്വത്തിൽ കഴിഞ്ഞദിവസം (15/07/25) സംഘടിപ്പിച്ച രക്തദാന ക്യാമ്പ് വിജയകരമായിരുന്നു .100 അധികം വിദ്യാർത്ഥികൾ പങ്കെടുത്ത ക്യാമ്പിൽ നിന്നും 54 യൂണിറ്റ് രക്തം ശേഖരിച്ചു. പ്രസ്തുത ക്യാമ്പിന് ഡോ. ജ്യോതിസ് പി നേതൃത്വം നൽകി.

ഉദാരമായി രക്തം ദാനം ചെയ്ത വിദ്യാർത്ഥികൾക്കും, ക്യാമ്പ് നടത്തുന്നതിൽ സജീവമായി പങ്കെടുത്ത, എൻ‌എസ്‌എസ് വളണ്ടിയേഴ്സ്, പ്രോഗ്രാം ഓഫീസർമാർ, വിജയകരമായ രക്തദാന ക്യാമ്പ് സംഘടിപ്പിക്കുന്നതിന് പിന്തുണയും അനുമതിയും നൽകിയ കെ‌ ഇ കോളേജ് പ്രിൻസിപ്പലിനും കോളേജ് മാനേജ്മെന്റിനും ബ്ലഡ് സെന്ററിന്റെ പേരിലുള്ള ആത്മാർത്ഥമായ നന്ദി അറിയിക്കുന്നു.

23/06/2025

കോട്ടയം മെഡിക്കല്‍ കോളേജ് രക്തബാങ്കിന്റെ നേതൃത്വത്തില്‍ ലോക രക്തദാതാക്കളുടെ ദിനാഘോഷം സംഘടിപ്പിച്ചു. ഇതിന്റ.....

20/06/2025

കോട്ടയം മെഡിക്കൽ കോളേജ് രക്തബാങ്കിന്റെ നേതൃത്വത്തിൽ ലോക രക്തദാതാക്കളുടെ ദിനാഘോഷം സംഘടിപ്പിച്ചു. ഇതിന്റെ ഭാഗമായി സന്നദ്ധ രക്തദാന ക്യാമ്പും 'നിലവിലെ രക്ത വിതരണത്തിലെ വെല്ലുവിളികൾ' എന്ന വിഷയത്തിൽ സെമിനാറും നടന്നു.
"രക്തം നൽകൂ, പ്രതീക്ഷ നൽകൂ, നമുക്ക് ഒന്നിച്ചും ജീവൻ സംരക്ഷിക്കാം" എന്നതാണ് ഈ വർഷം ലോകാരോഗ്യ സംഘടന മുന്നോട്ടുവെച്ച സന്ദേശം. മെഡിക്കൽ കോളേജ് ബ്ലഡ് ട്രാൻസ്ഫ്യൂഷൻ ഡിപ്പാർട്ട്മെന്റ് മേധാവി ഡോ. ചിത്ര ജെയിംസ് യോഗത്തിൽ സ്വാഗതം പറഞ്ഞു. മെഡിക്കൽ കോളേജ് പ്രിൻസിപ്പൽ ഡോ. വർഗീസ് പി. പുന്നൂസ് ഉദ്ഘാടനം ചെയ്തു.അസി. പ്രൊഫ. ഡോ. ജ്യോതിസ് പി.ഡോ. അഞ്ജന മോഹൻ, ഡോ. മിലി എസ്, നഴ്സിംഗ് സൂപ്രണ്ട് ശ്രീലത സി പി കൗൺസിലർമാരായ അനൂപ് പി ജെ, പ്രവീൺ പി രാജ്, സയന്റിഫിക് ഓഫീസർ ശ്രീകല ടി എസ് എന്നിവർ പങ്കെടുത്തു.
രക്ത ഘടകം വേർതിരിക്കൽ ക്യാമ്പയിന്റെ ഭാഗമായി അഫറെസിസ് ഡോണർ രജിസ്ട്രി മെഡിക്കൽ കോളേജ് പ്രിൻസിപ്പൽ ഡോ. വർഗീസ് പി പുന്നൂസ് പ്രകാശനം ചേയ്തു. നിലവിലെ രക്ത വിതരണത്തിലെ വെല്ലുവിളികൾ എന്ന വിഷയത്തിൽ നടന്ന സെമിനാറിന് ഡിപ്പാർട്ട്മെന്റ് മേധാവി ഡോക്ടർ ചിത്ര ജയിംസ് നേതൃത്വം നൽകി.സന്നദ്ധ രക്തദാതാക്കളായ, ദീപ മോൾ പി.ജി , വർഗീസ് ജോൺ, മൈക്കിൾ ചെറിയാൻ, അഭിജിത്ത് കെ തങ്കപ്പൻ, രക്തദാന മേഖലയിൽ പ്രവർത്തിക്കുന്ന വിദ്യാഭ്യാസ സ്ഥാപനങ്ങളായ അമൽജ്യോതി എൻജിനീയറിങ് കോളേജ് കാഞ്ഞിരപ്പള്ളി, എം.ബി.സി കോളേജ് കുട്ടിക്കാനം, എൻഎസ്എസ് ഹിന്ദു കോളേജ് ചങ്ങനാശ്ശേരി, ഗവ.ഐ ടി ഐ ഏറ്റുമാനൂർ, പി. ടി.സി എം. ഗവ. ഐ ടി ഐ പള്ളിക്കത്തോട്, ഡിവൈഎഫ്ഐ കോട്ടയം ജില്ലാ കമ്മിറ്റി എന്നിവർക്ക് മൊമെന്റോ നൽകി ആദരിച്ചു.
പ്രസ്തുത പരിപാടി വിജയമാക്കിയ രക്തദാതാക്കൾ, സ്റ്റാഫുകൾ എല്ലാവർക്കും ബാങ്കിന്റെ നന്ദി അറിയിക്കുന്നു.

19/06/2025

15/06/2025

ലോക സന്നദ്ധ രക്തദാതാക്കളുടെ ദിനത്തിന്റെ ഭാഗമായി കോട്ടയം മെഡിക്കൽ കോളേജ് ബ്ലഡ് സെൻററിൽ നടന്ന പരിപാടിയിൽ, നിരവധി വ്യക്തികളും സംഘടനകളും സന്നദ്ധ രക്തദാനം നടത്തി. ബ്ലഡ് സെൻറർ മെഡിക്കൽ ഓഫീസർ ഡോ. ജ്യോതിസ് പി . യുടെ അധ്യക്ഷതയിൽ നടന്ന ചടങ്ങിൽ ഡോ. അഞ്ജന മോഹൻ പ്രതിജ്ഞ ചൊല്ലിക്കൊടുത്തു. ഡോ. മിലി എസ് രക്തദാന സന്ദേശം നൽകി , കൗൺസിലർ പ്രവീൺ പി.രാജ്, സയന്റിഫിക് ഓഫീസർ ശ്രീകല ടി എസ് എന്നിവർ ആശംസകൾ അറിയിച്ചു, കൗൺസിലർ അനൂപ് നന്ദി രേഖപ്പെടുത്തി. നഴ്സിംഗ് ഓഫീസേഴ്സ്, ബ്ലഡ് ബാങ്ക് ടെക്നീഷ്യന്മാർ, മറ്റ് ജീവനക്കാർ എന്നിവർ ഇന്ന് രക്തദാനം നടത്തിയ രക്തദാതാക്കളെ ആദരിക്കുകയും ചെയ്തു.