Lasalgaon Doctor's Association

17/10/2025

15/08/2025

लासलगाव डॉक्टर्स असोसिएशनतर्फे स्वातंत्र्यदिन ध्वजारोहण सोहळा उत्साहात पार पडला

लासलगाव – लासलगाव डॉक्टर्स असोसिएशनतर्फे ७९ वा स्वातंत्र्यदिन अभूतपूर्व उत्साहात आणि देशभक्तीच्या वातावरणात साजरा करण्यात आला. आज, शुक्रवार दिनांक १५ ऑगस्ट २०२५ रोजी सकाळी ८:०० वाजता, लासलगाव डॉक्टर्स हॉल येथे असोसिएशनचे अध्यक्ष डॉ. स्वप्निल अनिल जैन यांच्या हस्ते ध्वजारोहण करण्यात आले.

कार्यक्रमाची सुरुवात राष्ट्रगीताच्या गजरात झाली. त्यानंतर देशभक्तीपर गीते, स्वातंत्र्य सैनिकांच्या स्मृतींना अभिवादन आणि "स्वातंत्र्य ही देणगी नसून जबाबदारी आहे" या संदेशावर आधारित प्रेरणादायी भाषण झाले.

असोसिएशनचे पदाधिकारी, सर्व सदस्य डॉक्टर,मोठ्या संख्येने उपस्थित राहून राष्ट्रप्रेम आणि ऐक्याचा सुंदर संदेश दिला.

10/07/2025

धन्वंतरी पुरस्काराने डॉ. विजय केंगे यांचा गौरव: वैद्यकीय सेवेचा शांत, संयमी आणि समर्पित प्रवास सन्मानित

लासलगाव डॉक्टर्स असोसिएशन आणि साईबाबा मल्टीस्पेशालिटी हॉस्पिटल, नाशिक यांच्या संयुक्त विद्यमाने आयोजित ‘धन्वंतरी पुरस्कार – २०२५’ या गौरव सोहळ्यात डॉ. विजय केंगे यांचा विशेष सन्मान करण्यात आला. त्यांनी प्रदीर्घ काळ दिलेल्या निःस्वार्थ, संयमी आणि समर्पित वैद्यकीय सेवेला सलाम म्हणून हा पुरस्कार प्रदान करण्यात आला.

कार्यक्रमाचे अध्यक्षस्थान वरिष्ठ डॉक्टर डॉ. कैलास पाटील यांनी भूषवले, तर प्रमुख पाहुणे म्हणून खासदार डॉ. शोभा बच्छाव, प्रसिद्ध हृदयरोगतज्ज्ञ डॉ. अनिरुद्ध धर्माधिकारी, तसेच वरिष्ठ डॉक्टर व समाजसेवक डॉ. दिनेश बच्छाव सर उपस्थित होते.

कार्यक्रमाची सुरुवात डॉ. स्वप्नील अनिल जैन (अध्यक्ष, लासलगाव डॉक्टर्स असोसिएशन) यांच्या प्रास्ताविकाने झाली. त्यांनी आपल्या भाषणात सांगितले, “लासलगाव डॉक्टर्स असोसिएशन ही जिल्ह्यातील कदाचित एकमेव नोंदणीकृत संघटना आहे. आम्ही केवळ पुरस्कार देत नाही, तर डॉक्टर कुटुंबाच्या एकात्मतेचा आणि योगदानाचा सन्मान करतो. आमचे पुढील ध्येय – ‘डॉक्टर्स असोसिएशन हॉल’ लासलगावमध्ये उभा करणे असून, त्यासाठी खासदार मॅडम यांचे मार्गदर्शन व सहकार्य लाभेल.”

डॉ. धर्माधिकारी सरांनी डॉक्टर्स डे चा इतिहास, आजची गरज, आणि डॉक्टरांच्या बदलत्या जबाबदाऱ्यांवर अत्यंत मार्मिक विचार मांडले. खासदार डॉ. शोभा बच्छाव मॅडम यांनी केंद्र सरकारच्या डिजिटल हेल्थ कार्ड, ग्रामीण आरोग्य यंत्रणा सक्षमीकरण, आणि डॉक्टरांवरील हिंसेविरोधी कायद्याच्या अंमलबजावणीविषयी माहिती दिली.

डॉ. विजय केंगे यांना सन्मानपत्र वाचनाचा मान डॉ. अमोल शेजवळ यांना मिळाला. डॉ. केंगे यांनी आपल्या उत्तरपर भाषणात १९८० ते २०२५ या कालावधीतील वैद्यकीय क्षेत्रातील बदल, आव्हाने व अनुभव यांचे थोडक्यात दर्शन घडवले. त्यांनी हा सन्मान आपल्या कुटुंबीयांना आणि वैद्यकीय सेवा यात्रेला अर्पण केला.

पाहुण्यांचा परिचय डॉ. युवराज पाटील यांनी करून दिला. कार्यक्रमाचे सूत्रसंचालन डॉ. ऋता घनघाव व डॉ. प्रियांका गायकर यांनी अत्यंत उत्तम प्रकारे सांभाळले, तर आभार प्रदर्शन डॉ. अमित धांडे यांनी केले.

हा कार्यक्रम भास्कर लीला लॉन्स, लासलगाव येथे सायंकाळी ७ वाजता मोठ्या उत्साहात पार पडला. लासलगाव आणि परिसरातील अनेक डॉक्टर, त्यांचे कुटुंबीय व पत्रकार मोठ्या संख्येने उपस्थित होते. संपूर्ण कार्यक्रम सकारात्मक ऊर्जा, परस्पर आदरभाव आणि वैद्यकीय व्यावसायिकतेचा सन्मान घेऊन साजरा झाला.

01/01/2025

लासलगाव डॉक्टर्स असोसिएशन तर्फे नेहमीच दर्जेदार आणि नावीन्य पूर्ण उपक्रम कायमच केले जातात.
यावर्षी देखिल लासलगाव डॉक्टर असोसिएशन ने एका वेगळ्या संकल्पनेवर कामं करत प्रथमच दिनदर्शिकेचे अनावरण केले.
2025 च्या दिनदर्शिकेचे डॉ सुबोध पटणी यांच्या हस्ते अनावरण केले गेले. कार्यक्रमाच्या अध्यक्षस्थानी डॉ कैलास पाटील होते.
येथे लासलगाव डॉक्टर असोसिएशन चे अध्यक्ष डॉक्टर स्वप्नील जैन यांनी हे दिनदर्शिकेचे अनावरण करण्यासाठी भरपूर आणि मनापासून प्रयत्न केले त्यांना असोसिएशनच्या सर्व पदाधिकाऱ्यांची साथ लाभली आणि असोसिएशन मधील सर्व सदस्य त्यांच्या पाठीमागे समर्थपणे उभे राहिले.
या दिनदर्शिके द्वारे लासलगाव परिसरातील नागरिकांना सर्व डॉक्टरचे मोबाईल नंबर एकाच ठिकाणी उपलब्ध होणार आहेत आणि तसेच ॲम्बुलन्स आणि इमर्जन्सी सेवांचे नंबर सुद्धा उपलब्ध होणार आहे आणि काही महत्त्वाच्या हॉस्पिटलची इमर्जन्सी सेवा पण उपलब्ध होणार आहे. जेणे करून नागरिकांना आपल्या व आपल्या आप्तजनांच्या आरोग्याची काळजी घेणे अत्यंत सुलभ होणार आहे सूत्रसंचलन डॅा प्रियंका गायकर नी केला या प्रसंगी....
, डॉ श्रीनिवास दायमां, डॉ विलास कांगणे, डॅा श्रीकांत आवारे, डॉ विकास चांदार यांनी मनोगत व्यक्त केले
डॅा सुशील लाहोटी डॅा सुरेश दरेकर, डॉ विजय बग्रेचा, डॉ अमित धांडे डॉ युवराज पाटील, डॉ मृगेश शाह, डॉ ऋता घनघाव डॉ अनिल बोराडे, डॉ अमोल शेजवळ,डॉ नितीन न्यारकर डॉ श्रीधर दायमा, डॉ अमोल गायकर, डॉ मुजम्मिल मणियार,डॅा विनोद लोहाडे, डॅा अशोक महाले , डॉ मनोज चोरडिया डॉ कुणाल दगडे,डॉ अनिल ठाकरे, डॉ अविनाश पाटील, डॉ चारुदत्त अहिरे डॉ मयूर जांगडा,डॉ सुनील चव्हाण डॉ ईश्वर वाघचौरे,डॉ भूपेंद्र पाटील डॉ सागर घनघाव उपस्थित होते.

30/10/2024

PUJAN Lasalgaon Doctor's Association

22/10/2024

GLIMSE OF KOJAGIRI CELBRATION OF LASALGAON DOCTORS FAMILY

16/08/2024

महिला डॅाक्टरांचे संरक्षण करा-
लासलगाव डॅाक्टर असोसिएशनचे निवेदन..

गेल्या आठ ऑगस्ट 2024 रोजी कलकत्ता येथील राधा गोविंद कर शासकीय वैद्यकीय महाविद्यालय आणि रुग्णालयात एका तरुण प्रशिक्षणार्थी महिला डॉक्टरच्या अत्याचारा पश्चात करण्यात आलेल्या नृशंस हत्येचा लासलगाव डॉक्टर्स असोसिएशन तीव्र निषेध व्यक्त करीत आहे.
कलकत्त्यासारख्या देशाच्या महानगरामध्ये आणि अत्यंत गजबजलेल्या आणि वर्दळीच्या भागांमध्ये असलेल्या या शासकीय रुग्णालयामध्ये अशा प्रकारची घटना वेळकाळा ची कोणतीही तमा न बाळगता रुग्णांच्या सेवेसाठी अहोरात्र धावपळ करणाऱ्या आणि आपले सर्वस्व अर्पण करणाऱ्या वैद्यकीय क्षेत्रातील प्रशिक्षणार्थी आणि प्रशिक्षित डॉक्टरांना अत्यंत चिंतपूर करणारी आणि रुग्णसेवेचा घेतलेला वसा यावर पुनर्विचार करायला लावणारी आहे.
निदान यापुढे तरी सरकारने आणि सरकारच्या आखत्यारीतील विविध कायदा व सुव्यवस्था राखणाऱ्या सुरक्षा सुरक्षा विभागांनी संपूर्ण देशातील सर्वच प्रशिक्षणार्थी आणि प्रशिक्षित शासकीय सेवेतील आणि खाजगी रुग्णालयांमध्ये रुग्णसेवा करत असलेल्या आणि प्रशिक्षणार्थी डॉक्टर म्हणून काम करत असलेल्या विशेषता महिला डॉक्टरांना कडक सुरक्षा व्यवस्था प्रदान करावी आणि त्यांचा त्यांच्या अनमोल प्राणांचे रक्षण करावे भविष्यात अशा प्रकारची वाईट घटना कोणत्याही डॉक्टरवर येऊ नये याची सरकारने सर्वतोपरी काळजी घ्यावी.
कलकत्ता येथील माणुसकीला काळीमा फासणाऱ्या तरुण प्रशिक्षणार्थी महिला डॉक्टरच्या खून प्रकरणी दोषी असणाऱ्या गुन्हेगार व त्याच्या साथीदारांना त्वरित मृत्युदंड देण्यात यावा, अशी मागणी लासलगाव डॉक्टर असोसिएशन करत आहे.
अशा प्रकारचे निवेदन लासलगाव पोलिस स्टेशनचे सहाय्यक पोलिस निरिक्षक श्री भास्कर शिंदे साहेब यांना देण्यात आले या वेळी डॉक्टर असोसिएशनचे अध्यक्ष डॉ स्वप्निल जैन ,डॉ. युवराज पाटील, डॉ. संजय पलोड, डॉ. विलास कांगणे,डॉ श्रीकांत अवारे ,डॉ. प्रताप पवार, डॉ. अनिल ठाकरे, डॉ.अमोल गायकर,डॉ अनिल बोराडे डॉ.अशोक महाले, डॉ रुपेश गांगुर्डे डॉ मृगेश शाह डॉ किरण निकम डॉ प्रणव माठा डॉ नितीन न्याहरकर डॉ संगीता सुरसे डॉ वैशाली पवार. व सदस्य उपस्थित होते.

15/08/2024

Flag Hosting at Lasalgaon doctors Associations Doctor house...

15/04/2024

Hahnemann Day celebration of Lasalgaon Doctor's Association

31/03/2024

लासलगाव डॅाक्टर्स असोसिएशनने साजरी केली पर्यावरण पूरक रंगपंचमी …
पाणी वाचवा हा दिला संदेश …

साला बादा प्रमाणे याही वर्षी लासलगाव डॉक्टर असोसिएशन तर्फे रंगपंचमी उत्सव मोठ्या उत्साहात व आनंदी वातावरणात साजरा करण्यात आला.
लासलगाव डॉक्टर असोसिएशन ही भारतीय परंपरा व उत्सव साजरा करण्यात नेहमी अग्रेसर असते.
रंग पंचमी उत्सव साजरा करण्यासाठी सर्व डॉक्टर्स सहकुटुंब सहपरिवार या उत्सवात सामील झाले होते.
सर्वांनी एकमेकांना रंग लावून उत्सवाचा आनंद घेतला या उत्सवातून लासलगाव डॉक्टर असोसी्एशन ने सर्व धर्म समभाव व बंधुतेचा व एकतेचा समाजासाठी संदेश दिला