Shiv Laxmi Bal Rugnalay, Mangalwedha

07/06/2023

वयाच्या ६ महिन्या नंतर बाळाचा आहार आणि शंका निरसन, या वर सर्वांगीण विचार बालरोगतज्ञां कडून..

19/05/2023

दरवर्षी पावसाळ्यात लहान मुलांना फ्यू, टायफाईड, अतिसार, कावीळ, डेंगू, व्हायरल इनकेफॅलायटीस यासारखे आजार होत असतात.🤔 ते टाळण्यासाठी पावसाळ्यापूर्वी ज्या लसी उपलब्ध आहेत, त्या घेतल्याने हे आजार आणि आजाराची गुंतागुंत टाळता येते.👍 फ्ल्यू, टायफाईड, काविळ अ आणि जापनीज इनकेफॅलायटीस या लसी उपलब्ध आहेत.👏
🤗आपल्या बालरोग तज्ञांचा सल्ला घ्यावा.

शिवलक्ष्मी बाल रुग्णालय, मंगळवेढा.
०२१८८-२९५२२२(02188-295222), ०९३७०४१०२७३(09370410273)

02188295222

10/03/2023

22/12/2022

चीनमधील covid-19 ची परिस्थिती व त्याचा भारताशी संबंध

डॉ. अमोल अन्नदाते

चीनमध्ये covid-19 च्या एका व्हेरीएंट मुळे हाहाकार सुरू असल्याच्या बातम्या आंतरराष्ट्रीय माध्यमात झळकत आहेत . याविषयी मला अनेकांनी समाज माध्यमांवर याचा भारतावर कसा व काय परिणाम होईल अशा प्रश्नांची विचारणा केली आहे. त्याची थोडक्यात उत्तरे देण्याचा प्रयत्न केला आहे.

चीनमध्ये covid-19 च्या संदर्भात नेमके काय सुरू आहे?

चीनमध्ये सध्या ओमिक्रॉन या कोरोनाच्या जुन्या व्हेरीएंट मध्ये जनुकीय बदल झालेला बी एफ 7 व्हेरीएंट हा कोरोनाचा नवा विषाणू पसरला आहे. भारतात पहिल्या व दुसऱ्या लाटेमध्ये ज्याप्रमाणे साथ होती तशीच साथ सध्या बी एफ 7 मुळे चीनमध्ये अनुभवायला येत आहे . यामुळे चीनमध्ये कोरोनाच्या केसेस व मृत्यू दरामध्ये निश्चित वाढ झाली आहे.

चीनमध्ये आता या साथीचे भवितव्य काय असेल ?

2022 च्या मध्यापर्यंत चीनमध्ये मोठ्या प्रमाणावर निर्बंध होते व झिरो कोविड पॉलिसी अवलंबली गेली होती त्यामुळे इतर देशांच्या तुलनेत चीनमध्ये मोठ्या प्रमाणात लोकांना संसर्ग झालेला नाही. म्हणून सौम्य संसर्गामुळे निर्माण होणारी प्रतिकारशक्ती चीनच्या लोकसंख्येमध्ये इतर देशांच्या तुलनेत कमी आहे. त्यातच बी एफ 7 हॉंगकॉंग येथे प्रथम पसरला. ओमिक्रॉन पेक्षा जास्त वेगाने पसरणे, संपर्क येण्यात व संसर्ग होण्यामध्ये कमी काळ असणे व covid-19 antibody उपचारांना प्रतिसाद न देणे हे बी एफ 7 चे प्रमुख वैशिष्ट्ये आहेत.

बी एफ 7 मुळे आलेल्या साथीचे चीनमध्ये काय भवितव्य असणार आहे ?

60 पेक्षा जास्त वय असणाऱ्यांमध्ये बी एफ 7 चा संसर्ग हा धोकादायक ठरू शकतो व चीनमध्ये 2023 च्या मध्यापर्यंत ही साथ पसरेल व त्यानंतर ओसरेल. बी एफ 7 कमी वेळेमध्ये सोळा जणांना पसरतो त्यामुळे हा चीनमधून आंतरराष्ट्रीय प्रवास करणाऱ्यांच्या माध्यमातून इतर देशांमध्ये पसरू शकतो.

बी एफ 7 भारतात पसरल्यास त्याचे परिणाम काय असू शकतात ?

बी एफ 7 च्या काही केसेस या भारतात आढळलेल्या आहेत पण अजून याचे साथीत रूपांतर झालेले नाही. भारतामध्ये दुसऱ्या लाटे नंतर निर्बंध शिथिल केल्यामुळे अनेकांना कोरोना सौम्य संसर्ग होऊन गेलेला आहे त्यामुळे बी एफ 7 हा भारतामध्ये पसरला तरी तो सर्दी खोकल्या सारखा अत्यंत सौम्य स्वरूपाचा असेल व पहिल्या व दुसऱ्या लाटे सारखे मोठ्या प्रमाणावर मृत्युदर असण्याची शक्यता खूपच कमी आहे. पण ६० पेक्षा जास्त वय असणार्यांना काही प्रमाणात तो धोकादायक ठरू शकतो. अजून अनेकांनी लसीचे दोन डोस घेतल्यावर बूस्टर डोस घेतलेला नाही. त्यामुळे कोरोनाच्या लसीचे दोन डोस व बूस्टर डोस घेणे हे आत्ता या स्थितीला बी एफ 7 च्या तयारीच्या दृष्टीने अत्यंत आवश्यक आहे. फ्लू ची लस लहान मुलांना देणे व मोठ्या व्यक्तींना ही फ्लूची लस घेणे. बी एफ 7 टाळण्यासाठी मदत करेल. तसेच कोरोना काळामध्ये लागलेली मास्क ची सवय, आपले वजन कमी करणे, मधुमेह उच्च रक्तदाब असे आजार असल्यास ते नियंत्रणात ठेवणे हे बी एफ 7 च्या तयारीसाठी आवश्यक आहे. पण सध्या तरी बी एफ सेवन मुळे भारतात मोठा हाहाकार होईल या भीतीत राहण्याची गरज नाही.

*-डॉ. अमोल अन्नदाते
- dramolaannadate@gmail.com
- www.amolannadate.com
- Whatsapp no. 9421516551

Lets ReConnect Welcome to the Digital Space of Dr. Amol Annadate! You can explore about my articles, books, daily columns, speeches and awareness videos. Also, get an update about news and announcements! Hope you will enjoy this newly created virtual space to reconnect with each other! Dr. Amol Anna...

02/06/2022

Need staffs

ANM, GNM or BSc Nursing to our Hospital.
3/4 posts available.
Contact 8208661766 between 3 to 5 pm.
Accomodation available

18/08/2021

पावसाळ्यामध्ये साथीच्या आजारां बरोबरच डासांमार्फत होणाऱ्या आजारांचा पण प्रादुर्भाव जास्त प्रमाणात होत असतो. जसे की
#डेंग्यू, #मलेरिया, #चिकनगुनिया, वेस्ट नाईल व्हायरस, झिका व्हायरस, यलो फिव्हर इ.

#डेंग्यू चे डास हे स्वच्छ पाण्यावर तयार होतात आणि ते दिवसा चावतात, तर #मलेरिया चे डास हे अस्वच्छ पाण्यावर तयार होतात आणि सायंकाळी रात्री चावतात.
डेंग्यू न होण्यासाठी स्वच्छ पाणी झाकून ठेवावे, पावसाचे पाणी घराबाहेर असलेल्या कुंड्यांमध्ये, भांड्यांमध्ये, टायर किंवा तत्सम वस्तू मध्ये फार दिवस राहिल्यास डेंग्यू चे डास त्यामध्ये अंडी सोडतात. आणि त्यापासून भरपूर डासाची निर्मिती ही पावसाळ्यामध्ये होत असते. दर आठवड्याला घरातील साठवलेले पाणी काढून कोरडा दिवस साजरा करावा, जेणेकरून यदाकदाचित या पाण्यामध्ये डासांनी सोडलेली अंडी असतील तर ती नष्ट होतील.
मलेरियाचे डासांची पैदास न होण्यासाठी अस्वच्छ पाण्याचा निचरा व्यवस्थित करावा. उघड्या गटारी बंद कराव्यात तसेच साठलेल्या पाण्यावर, डबक्यावर केरोसिन तेल किंवा तत्सम तेल टाकावे, जेणेकरून डास आणि डासांच्या आळ्या त्या तेलाच्या खाली गुदमरून मरतात. पाण्याचा साठा फारच असेल तर त्यात गप्पी मासे सोडले तर ते डासांच्या आळ्या (लारव्हा) खातात त्यामुळे डासाची निर्मिती कमी होते.
घरी डासांपासून संरक्षण करण्यासाठी पूर्ण कपडे वापरावेत, डास रोधक जाळ्या खिडक्यांना लावाव्यात तसेच डासांना पळवून लावणारे काही द्रव्य जसे की गुड नाईट, हे शक्यतो 24 तास चालू ठेवावेत.
बाकी खजूर, पपई खाऊन डेंग्यू होत नाही हे चुकीचे आहे. झाल्यानंतर शुद्ध शाकाहारी आहार करावा आणि पाणी जास्तीत जास्त प्यावे. कुठल्याही पोस्ट किंवा अफवांवर विश्वास न ठेवता आपल्या डॉक्टरांना दाखवून त्वरित तपासण्या करून इलाज केला तर डेंग्यू पासून आपली नक्कीच लवकरात लवकर सुटका होऊ शकते. अजूनही डेंग्यू वर लस ही बाजारात उपलब्ध नाही.
काळजी घ्या, सुरक्षित रहा.... 👍

- #डॉहोनमानेसुरेश.
एम. डी. बालरोगतज्ञ

07/06/2021

दरवर्षी पावसाळ्यात लहान मुलांना फ्यू, टायफाईड, अतिसार, कावीळ, डेंगू, व्हायरल इनकेफॅलायटीस यासारखे आजार होत असतात.🤔 ते टाळण्यासाठी पावसाळ्यापूर्वी ज्या लसी उपलब्ध आहेत, त्या घेतल्याने हे आजार आणि आजाराची गुंतागुंत टाळता येते.👍 फ्ल्यू, टायफाईड, काविळ अ आणि जापनीज इनकेफॅलायटीस या लसी उपलब्ध आहेत.👏
🤗आपल्या बालरोग तज्ञांचा सल्ला घ्यावा.

शिवलक्ष्मी बाल रुग्णालय, मंगळवेढा.
०२१८८-२२१६२२, २९५२२२

27/04/2021

Life cycle of an Indian Covidiot.

Before getting sick: "Dont get vaccinated, it's a scam. There's no COVID, it's a scam", Roam on streets without masks, attend events without social distancing. EVERYTHING is a conspiracy.
Day 1 of fever: Its a minor flu, i can't catch COVID because it's not there
Day 2 of fever: Its not necessary that every fever is COVID.. take some paracetamol and wait
Day 3 of fever: No need of PCR test lets get a CT Scan it will clear things (CT scan will be normal or with low score on day 3- so COVIDIOTS will think it's not COVID)
Day 4 of fever: Hmm... still fever.. lets get some blood test done.. why to spend money on doctor consultation as he will also advise same tests (Typhoid will come false positive as it has cross reactivity, but COVIDIOTS doesnt know that)
Day 5 of fever: See I was right its simple typhoid, will take some antobiotics without prescription and it will be fine. why to pay 200rs to a doctor
Day 6 of fever: Hmm.. lets wait i started antibiotics yesterday only
Day 7 of fever: Still no response.. I will call my doctor friends on phone.. stupid friend is forcing me to get PCR done. (PCR report will take 24 - 48hrs to come)
Day 8 of fever: S**t i am having some breathing difficulty.. lets run to a hospital (but i dont have COVID report)
Day 9 of fever: Oxygen < 95%, Got COVID report but no bed anywhere, (start blaming the government)
Day 10 of fever: Oxygen < 90% Somehow got a bed... but not getting relief (Start blaming the hospital)
Day 11: Went on ventilator... now other COVIDIOTS start blaming doctors
Day 12: Die.. other COVIDIOTS start beating the doctors

By that time another COVIDIOT is getting ready for that same life cycle.




Plz do test for COVID19 for any symptoms with or without fever. Improve ur immunity by taking vit. C D & Zinc. some ayurvedic medicines from ayurvedic doctors.

17/04/2021

हॅलो डॉक्टर काका, बाळाची कोविड स्वाब टेस्ट पाॅझिटिव आली आहे, आम्ही जाम घाबरलो आहोत…..

बाल आरोग्य तज्ज्ञ असल्याने गेल्या दोन आठवड्यात रोज वारंवार असे फोन काॅल येऊ लागलेत! प्रत्येक पालक आणि त्यांचे शंकेखोर आणि व्हाटस्ऍप पदवीधर सगेसोयरे यांच्या प्रश्नांच्या सरबत्तीला तोंड देताना माझ्याच घशाला कोरड पडून आपलाच रिपोर्ट पाॅझिटीव असल्याचा भास होऊन दचकायला होतं!

पण आपल्या स्वत:ला टेबलाच्या दुसऱ्या बाजूला बसून विचार केला तेव्हा जाणवले, पालकांना वाटणारी भिती आणि गैरसमज दूर करणं हे सामाजिक कार्य आपण यथाशक्ती पार पाडलं पाहिजे.

आपण काही ठराविकच मुद्दे घेऊन त्याचे निराकरण करूया!

बाळाचे आई/ वडिल/ आजी/आजोबा या पैकी कोणीतरी अथवा घरातील सर्व सदस्य कोविड पाॅझिटिव आहेत, मग बाळ आणि इतर भावंडांची काय सोय करायची??-
आई वडीलांना कोविड झाला आणि बाळाचा रिपोर्ट निगेटिव्ह असेल तरी देखील बाळाला विलिनीकरणाची आवशयकता नाही. त्याला पालकांसोबतच गृहविलगिकरणात ठेवावे! (फक्त पालकांना कोणताही जुनाट दूर्धर आजार असेल तर ही सूचना डॉक्टरांशी चर्चा करून अमलात आणावी)

पण बाळालाही संसर्ग होईल ना??

जेव्हा पालकांना संसर्ग होतो त्या इन्क्युबेशन कालावधीत, जो १ ते १४ दिवसांचा असू शकतो. व या कालावधीत सुध्दा लक्षणे नसलेली व्यक्ती इतरांना कोरोना विषाणू संक्रमित करू शकते. (म्हणूणच विलगिकरणाचा आणि लाॅकडाउनचा कालावधी कमीत कमी १४ दिवसांचा असतो).म्हणजे बाळाला अगोदरच संसर्ग झालेला असण्याचीच शक्यता खूप अधिक आहे. कारण बाळ पालकांना बिलगूनच असते (क्लोज काॅन्टॅक्ट).

संसर्ग झाला म्हणताय तर मग रिपोर्ट निगेटिव्ह कसा??

रिपोर्ट निगेटिव्ह येण्याची काही कारणे- लक्षणे दिसण्या अगोदरच टेस्ट केली असेल अथवा फार उशीरा केली तर,
बालकांचा स्वॅब घेणे हे फार कौशल्याचे आणि कसरतीचे काम आहे. यात काही चूक झाली तर रिपोर्ट निगेटिव्ह!
कुठलीही टेस्ट पाॅझिटिव येण्याची शक्यता ५० ते ७५ टक्के असते. (म्हणजे १०० कोरोना रुग्णांपैकी फक्त ५०- ७५ जणांचीच टेस्ट पाॅझिटिव असेल, उर्वरित २५-५० जण कोरोना असूनही टेस्ट निगेटिव्ह असेल) त्यामुळे टेस्ट निगेटिव्ह म्हणून आजार नाही असे समजू नये.

बाळाची टेस्ट खरोखरच निगेटिव्ह असेल आणि तुमच्या सल्ल्यानुसार बाळाला कोविड पाॅझिटिव पालकांसोबत ठेवले तर त्याला कोरोना होईलच ना?? हे तर स्वत:हून आगीत हात घालण्याचा मूर्खपणा झाला!

आजपर्यंत कोविड-१९ च्या महामारीत १६ वर्षांपेक्षा कमी वयाच्या मुलांना कोविड संसर्ग झाला तरी हा आजार अत्यंत कमी तीव्रतेचा आणि कोणतेही उपचार घेता आठ दिवसांत पूर्णपणे बरा होतो. यामुळे पालकांपासून बाळाला १५ दिवस दूर ठेवण्यात शारिरीक आणि मानसिकदृष्टया जास्त धोका आहे.

प्रसुतीच्यावेळी आई कोविड पाॅझिटिव असेल व इतर कोणता जन्मत:च गंभीर आजार नसलेल्या नवजात बालकाला आई जवळच ठेवायचे आहे. यात कोणतीही धोका नाही.

बाळाला कोरोना झाला तरीही तुम्ही सांगता की त्या काही उपचारांची गरज नाही मग निष्कारण बाळाची स्वॅब टेस्ट करून का छळायच त्याला ?

बाळाचा रिपोर्ट निगेटिव्ह असेल तर तीन शक्यता आहेत- पहिली: बाळाला खरोखरच संसर्ग झालेला नाहीये , आणि त्यांच्यापासून घरातील जेष्ठ नागरिकांना संसर्ग होऊन कोरोना होण्याची शक्यता नाही. कारण या वयाची साठी पार केलेल्या सदस्यांना गंभीर स्वरूपाचा कोरोना होऊ शकतो.

दुसरी: कोविड विषाणूंच प्रमाण अत्यंत कमी आहे आणि त्याच्या पासून इतरांना संसर्ग होण्याची शक्यता फार कमी आहे.
तिसरी: बाळाची टेस्ट खरोखरच पाॅझिटिव आहे. याचा अर्थ बाळाला कोणतीही लक्षणे नसली तरी ते इतरांना कोविड विषाणू पसरवण्याची खुप दाट शक्यता आहे. कारण मुले कोविड "सुपर स्प्रेडर" असतात. तसेच मुले मोठ्या आवाजात रडताना/ किंचाळताना एका दमात लाखो विषाणू हवेत पसरवतात. तसेच आपल्यकडे प्रेमाने बाळाचे पापे आणि गालगुच्चे घेण्याची सामाजिक प्रथाच आहे, जी ज्येष्ठांच्या जिवावर बेतू शकते!

यासाठी बाळाची टेस्ट पाॅझिटिव आली असेल तर त्याला पालकांसोबतच ठेवा आणि निगेटिव्ह आजी आजोबांना गृहविलगिकरणात ठेवा (रिव्हर्स आयसोलेशन).
जर आजी आजोबा वेगळ्या ठिकाणी राहत असतील तर लहान मुलांना त्यांच्याकडे अजिबात फिरकू देऊ नका किंवा निगेटिव्ह असलेली मुलेसुध्दा त्यांच्याकडे साभाळायला पाठवू नका! कारण अगदी सुरुवातीच्या काळात निगेटिव्ह असलेली मुले ५-१४ दिवसांत पाॅझिटिव होऊन या ज्येष्ठांना अडचणीत आणू शकतात!

MIS-C हा कोविड संसर्गातून बरे झाल्यानंतर १ ते ६ महिन्यांनी काही बालकांना होणारा गंभीर आजार आहे पण यात देखील मृत्यू अगदी अपवाद आहे!

मास्क(नाक+तोंड झाकणारा); शारीरिक अंतर(>२ मिटर); नियमितपणे हात स्वच्छ धूणे ही त्रिसूत्री सर्वांनी काटेकोरपणे पाळा!
अंतर पाळणे शक्य नसल्यास दारे खिडक्या उघडी ठेऊन हवा खेळती राहिल कशी खबरदारी घ्यावी!

हा लेख आजच्या तारखेपर्यंत (१७-४;२०२१) उपलब्ध माहितीनुसार आहे. यात वेळोवेळी बदल होऊ शकतात म्हणून हे ब्रम्हवाक्य न समजता आपल्या परिचयातील तज्ज्ञ डॉक्टरांचा सल्ला घ्यावा.

जागतिक आरोग्य संघटनेच्या वेबसाईटवर सर्वसामान्य जनतेसाठी अत्यंत उपयुक्त माहिती उपलब्ध आहे (who.int). मेंदू गहाण ठेवून नेहमी प्रमाणे अंधानुकरण न करता आपल्या नेट पॅकचा वापर अशारितीने चांगल्याप्रकारे करता येईल !

धन्यवाद!

डॉ विक्रम घावटे MBBS MD
बाल आरोग्य तज्ज्ञ
शिरूर.
जिल्हा (अर्थातच) पुणे.

03/03/2021

8 hrs duty, NICU, Pediatric ward & opd.

13/01/2021

🙏//भोगी आणि मकर संक्रांतीच्या आपणांस व आपल्या कुटुंबास हार्दिक शुभेच्छा//🙏

13/01/2021

श्वास नलिकेत अडकलेल्या वस्तू काढण्यासाठी प्राथमिक उपाय...