Orion Health Hub

29/03/2022

29/03/2022

🔵അലോപേഷ്യ ഏരിയേറ്റ🔵

ഓസ്‌കാർ അവാർഡ് വേദിയിൽ അലോപേഷ്യ രോഗിയായ ഭാര്യയെ കളിയാക്കിയ അവതാരകന്റെ മുഖത്തു നടന്‍ വില്‍ സ്മിത്ത് അടിച്ച വിഷയം വിവാദമായി തുടരുകയാണ്. ഈ നാടകീയ രംഗങ്ങളും, ഒപ്പം അലോപേഷ്യ ഏരിയേറ്റ (Alopecia Areata) എന്ന കഷണ്ടി രോഗവും മാധ്യമങ്ങൾ കൊണ്ടാടുമ്പോൾ, ഈ രോഗത്തിനെ കുറിച്ച് നമുക്കൊന്നറിയാൻ ശ്രമിക്കാം.

🔴എന്താണ് അലോപേഷ്യ ഏരിയേറ്റ?

അത്ര അപൂർവ്വമല്ലാത്ത ഒരു കഷണ്ടി രോഗമാണ് അലോപേഷ്യ ഏരിയേറ്റ.
കുട്ടികളിൽ ഉൾപ്പെടെ ഏതു പ്രായക്കാരിലും കണ്ടു വരുന്ന ഈ അവസ്ഥ ഒരു ഓട്ടോഇമ്മ്യൂൺ രോഗമാണ്.
പുറമേ നിന്നുള്ള അണുക്കളെയും മറ്റും ചെറുക്കാനുദ്ദേശിച്ചുള്ള നമ്മുടെ പ്രതിരോധശേഷി നമ്മുടെ ശരീരകോശങ്ങളെ തന്നെ ആക്രമിക്കുന്ന അവസ്ഥയാണ് ഓട്ടോഇമ്മ്യൂണിറ്റി (Autoimmunity).

🔴രോഗലക്ഷണങ്ങൾ

മുടിയുടെ വേരിലെ മെലാനോസൈറ്റ് (melanocyte) കോശങ്ങളെ നമ്മുടെ തന്നെ പ്രതിരോധശ്രേണി നശിപ്പിക്കുന്നു. തന്മൂലം കറുത്ത രോമങ്ങൾ വട്ടത്തിൽ കൊഴിഞ്ഞു പോകുന്നു. നരച്ച രോമങ്ങൾ ഉണ്ടെങ്കിൽ അവ നിലനിൽക്കുകയും ചെയ്യുന്നു. വെളുത്ത മുടികൾ നിലനിൽക്കുകയും കറുത്ത മുടികൾ കൊഴിഞ്ഞു പോകുകയും ചെയ്യുന്നത് മൂലം മുടി പെട്ടെന്ന് നരച്ചതായി രോഗിയ്ക്കു തോന്നിയേക്കാം.

ഓട്ടോഇമ്മ്യൂണിറ്റിയുടെ തോത് കൂടുതലാകുമ്പോൾ ശിരോചർമ്മം, പുരികം, കൺപീലി, താടി, മീശ, കൂടാതെ മറ്റു ശരീരഭാഗങ്ങളിൽ നിന്നും രോമം പൊഴിഞ്ഞു പോകാം. തലയിലെ മുടി പൂർണമായും പോകുന്ന അലോപേഷ്യ ടോട്ടാലിസ് (Alopecia Totalis) , ശരീരം മുഴുവനുള്ള രോമങ്ങളും കൊഴിഞ്ഞു പോകുന്ന അലോപേഷ്യ യൂണിവേഴ്സാലിസ് (Alopecia universlis) എന്നിവ കൂടുതൽ തീവ്ര വകഭേദങ്ങളാണ്.
ഇതിനോടൊപ്പം നഖത്തിൽ ചെറിയ കുത്തുകളും മറ്റും കാണുന്നതൊഴിച്ചാൽ, മറ്റു ശാരീരികപ്രശ്നങ്ങൾ ഒന്നും തന്നെ രോഗിക്കുണ്ടാകാറില്ല. എന്നാൽ മുടി പോകുന്നത് മൂലമുള്ള മാനസിക സമ്മർദ്ദം വളരെ സാധാരണമാണ്, മറിച്ച് മാനസിക
സമ്മർദ്ദം മൂലം കൂടുതൽ മുടി കൊഴിയാനും സാധ്യതയുണ്ട്.

ശരീരത്തിന്റെ പ്രതിരോധശ്രേണിയെ ബാധിക്കുന്ന ഒരു ഓട്ടോഇമ്മ്യൂൺ രോഗമായതിനാൽ ഈ രോഗികളിൽ വെള്ളപ്പാണ്ട് , സോറിയാസിസ്, തൈറോയ്ഡ്, പാരാതൈറോയ്‌ഡ്, ഡയബെറ്റിസ് തുടങ്ങിയ മറ്റു ഓട്ടോഇമ്മ്യൂൺ രോഗങ്ങൾ കണ്ടു വരാറുണ്ട്.

ഇത് മറ്റൊരാളിലേക്ക് പകരുന്ന ഒരു രോഗമല്ല. വട്ടത്തിൽ മുടി കൊഴിയുന്നതല്ലാതെ പാടുകളിൽ നിറവ്യത്യാസമോ ചൊറിച്ചിലോ മൊരിച്ചിലോ ഉണ്ടാകാറില്ല.

🔴പരിശോധന

രോഗനിർണ്ണയം പൂർണമായും ലക്ഷണങ്ങളെ ആശ്രയിച്ചാണ്.
തൈറോയ്ഡ്, ലൂപസ് പോലെയുള്ള അനുബന്ധ രോഗങ്ങൾ ഉണ്ടോ എന്നറിയാൻ രക്ത പരിശോധനകൾ ചെയ്യണം. ശിരോചാർമ്മത്തിന്റെ ഫങ്കൽ അണുബാധ സംശയിക്കുന്ന പക്ഷം പാടുകളിൽ നിന്ന് ചുരണ്ടിയെടുത്തു മൈക്രോസ്കോപ്പി പരിശോധന നടത്തേണ്ടി വന്നേക്കാം. ഫങ്കൽ അണുബാധ മൂലം മുടി പോകുമ്പോൾ ചൊറിച്ചിലും ചർമത്തിലെ പാടിൽ മൊരിച്ചിലും ഉണ്ടാകും.
മുടി കൊഴിയുന്ന മറ്റു രോഗങ്ങൾ സംശയിക്കുന്ന ചില ചുരുക്കം സന്ദർഭങ്ങളിൽ ബയോപ്സി വേണ്ടി വന്നേക്കാം.

🔴ചികിത്സ

പ്രത്യേകിച്ച് ചികിത്സ ഒന്നും കൂടാതെ തന്നെ മുടി കിളിർക്കാം, കിളിർത്തു വരുന്ന മുടി നിറവും കട്ടിയും കുറഞ്ഞതായിരിക്കുമെങ്കിലും ക്രമേണ സാധാരണ നിലയിലേക്കെത്തും.
ഇത്തരത്തിൽ സ്വയം മുടി കിളിർക്കാത്തവരിൽ ചികിത്സ വേണ്ടി വരും.
ലേപനങ്ങൾ, സ്പ്രേ, മുടിയില്ലാത്ത ഭാഗത്തേയ്ക്ക് കുത്തിവയ്ക്കുന്ന മരുന്നുകൾ, ചിലയിനം മരുന്നുകൾ പ്രത്യേക കോൺസെൻട്രേഷനിൽ പുരട്ടിയുള്ള ഇമ്മ്യൂണോതെറാപ്പി, ഗുളികകൾ,ഫോട്ടോതെറാപി, ലേസർ ചികിത്സ തുടങ്ങി വളരെ ഫൽപ്രദമായ ചികിത്സാ രീതികൾ നിലവിലുണ്ട്.

എഴുതിയത് : ഡോ. അശ്വിനി. ആർ
ഇൻഫോ ക്ലിനിക്



#അലോപേഷ്യ

🔵അലോപേഷ്യ ഏരിയേറ്റ🔵

ഓസ്‌കാർ അവാർഡ് വേദിയിൽ അലോപേഷ്യ രോഗിയായ ഭാര്യ ജെയ്ഡയെ പരിഹസിച്ച അവതാരകന്റെ മുഖത്തു നടന്‍ വില്‍ സ്മിത്ത് അടിച്ച വിഷയം വിവാദമായി തുടരുകയാണ്. ഈ നാടകീയ രംഗങ്ങളും, ഒപ്പം അലോപേഷ്യ ഏരിയേറ്റ (Alopecia Areata) എന്ന കഷണ്ടി രോഗവും മാധ്യമങ്ങൾ കൊണ്ടാടുമ്പോൾ, ഈ രോഗത്തിനെ കുറിച്ച് നമുക്കൊന്നറിയാൻ ശ്രമിക്കാം.

🔴എന്താണ് അലോപേഷ്യ ഏരിയേറ്റ?

അത്ര അപൂർവ്വമല്ലാത്ത ഒരു കഷണ്ടി രോഗമാണ് അലോപേഷ്യ ഏരിയേറ്റ.
കുട്ടികളിൽ ഉൾപ്പെടെ ഏതു പ്രായക്കാരിലും കണ്ടു വരുന്ന ഈ അവസ്ഥ ഒരു ഓട്ടോഇമ്മ്യൂൺ രോഗമാണ്.
പുറമേ നിന്നുള്ള അണുക്കളെയും മറ്റും ചെറുക്കാനുദ്ദേശിച്ചുള്ള നമ്മുടെ പ്രതിരോധശേഷി നമ്മുടെ ശരീരകോശങ്ങളെ തന്നെ ആക്രമിക്കുന്ന അവസ്ഥയാണ് ഓട്ടോഇമ്മ്യൂണിറ്റി (Autoimmunity).

🔴രോഗലക്ഷണങ്ങൾ

മുടിയുടെ വേരിലെ മെലാനോസൈറ്റ് (melanocyte) കോശങ്ങളെ നമ്മുടെ തന്നെ പ്രതിരോധശ്രേണി നശിപ്പിക്കുന്നു. തന്മൂലം ഇത് സംഭവിക്കുന്ന ശരീരഭാഗങ്ങളിൽ കറുത്ത രോമങ്ങൾ വട്ടത്തിൽ കൊഴിഞ്ഞു പോകുന്നു. നരച്ച രോമങ്ങൾ ഉണ്ടെങ്കിൽ അവ നിലനിൽക്കുകയും ചെയ്യുന്നു. വെളുത്ത മുടികൾ നിലനിൽക്കുകയും കറുത്ത മുടികൾ കൊഴിഞ്ഞു പോകുകയും ചെയ്യുന്നത് മൂലം മുടി പെട്ടെന്ന് നരച്ചതായി രോഗിയ്ക്കു തോന്നിയേക്കാം. ശിരോചർമ്മം, പുരികം, കൺപീലി, താടി, മീശ, കൂടാതെ മറ്റു ശരീരഭാഗങ്ങളിൽ നിന്നും രോമം പൊഴിഞ്ഞു പോകാം.

മുടി കൊഴിയുന്നത് ചിലപ്പോൾ ഒരു പ്രത്യേക പാറ്റേണിൽ ആകാം. തലയുടെ പിന്നിലും വശങ്ങളിലും മുടി കൊഴിയുന്ന വകഭേദം ഊഫിയാസിസ് (Ophiasis) എന്നറിയപ്പെടുന്നു.
തലയിലെ മുടി പൂർണമായും പോകുന്ന അലോപേഷ്യ ടോട്ടാലിസ് (Alopecia Totalis) , ശരീരം മുഴുവനുള്ള രോമങ്ങളും കൊഴിഞ്ഞു പോകുന്ന അലോപേഷ്യ യൂണിവേഴ്സാലിസ് (Alopecia universlis) എന്നിവ തീവ്രതയേറിയ വകഭേദങ്ങളാണ്. മേല്പറഞ്ഞ ഇനങ്ങളിൽ ചികിത്സ കുറച്ചു ശ്രമകരമായേക്കാം.

മുടി പോകുന്നതിനോടൊപ്പം നഖത്തിൽ ചെറിയ കുത്തുകളും മറ്റും കാണുന്നതൊഴിച്ചാൽ, മറ്റു ശാരീരികപ്രശ്നങ്ങൾ ഒന്നും തന്നെ രോഗിക്കുണ്ടാകാറില്ല. എന്നാൽ മുടി പോകുന്നത് മൂലമുള്ള മാനസിക സമ്മർദ്ദം വളരെ സാധാരണമാണ്, മറിച്ച് മാനസിക
സമ്മർദ്ദം മൂലം കൂടുതൽ മുടി കൊഴിയാനും സാധ്യതയുണ്ട്.

ശരീരത്തിന്റെ പ്രതിരോധശ്രേണിയെ ബാധിക്കുന്ന ഒരു ഓട്ടോഇമ്മ്യൂൺ രോഗമായതിനാൽ ഈ രോഗികളിൽ വെള്ളപ്പാണ്ട് , സോറിയാസിസ്, തൈറോയ്ഡ്, പാരാതൈറോയ്‌ഡ്, ഡയബെറ്റിസ് തുടങ്ങിയ മറ്റു ഓട്ടോഇമ്മ്യൂൺ രോഗങ്ങൾ കണ്ടു വരാറുണ്ട്.

ഇത് മറ്റൊരാളിലേക്ക് പകരുന്ന ഒരു രോഗമല്ല. വട്ടത്തിൽ മുടി കൊഴിയുന്നതല്ലാതെ പാടുകളിൽ നിറവ്യത്യാസമോ ചൊറിച്ചിലോ മൊരിച്ചിലോ ഉണ്ടാകാറില്ല.

🔴പരിശോധന

രോഗനിർണ്ണയം പൂർണമായും ലക്ഷണങ്ങളെ ആശ്രയിച്ചാണ്.
തൈറോയ്ഡ്, ലൂപസ് പോലെയുള്ള അനുബന്ധ രോഗങ്ങൾ ഉണ്ടോ എന്നറിയാൻ രക്ത പരിശോധനകൾ ചെയ്യണം. ശിരോചാർമ്മത്തിന്റെ ഫങ്കൽ അണുബാധ സംശയിക്കുന്ന പക്ഷം പാടുകളിൽ നിന്ന് ചുരണ്ടിയെടുത്തു മൈക്രോസ്കോപ്പി പരിശോധന നടത്തേണ്ടി വന്നേക്കാം. ഫങ്കൽ അണുബാധ മൂലം മുടി പോകുമ്പോൾ ചൊറിച്ചിലും ചർമത്തിലെ പാടിൽ മൊരിച്ചിലും ഉണ്ടാകും.
മുടി കൊഴിയുന്ന മറ്റു രോഗങ്ങൾ സംശയിക്കുന്ന ചില ചുരുക്കം സന്ദർഭങ്ങളിൽ ബയോപ്സി വേണ്ടി വന്നേക്കാം.

🔴ചികിത്സ

പ്രത്യേകിച്ച് ചികിത്സ ഒന്നും കൂടാതെ തന്നെ മുടി കിളിർക്കാം, കിളിർത്തു വരുന്ന മുടി നിറവും കട്ടിയും കുറഞ്ഞതായിരിക്കുമെങ്കിലും ക്രമേണ സാധാരണ നിലയിലേക്കെത്തും.
ഇത്തരത്തിൽ സ്വയം മുടി കിളിർക്കാത്തവരിൽ ചികിത്സ വേണ്ടി വരും.
ലേപനങ്ങൾ, സ്പ്രേ, മുടിയില്ലാത്ത ഭാഗത്തേയ്ക്ക് കുത്തിവയ്ക്കുന്ന മരുന്നുകൾ, ചിലയിനം മരുന്നുകൾ പ്രത്യേക കോൺസെൻട്രേഷനിൽ പുരട്ടിയുള്ള ഇമ്മ്യൂണോതെറാപ്പി, ഗുളികകൾ,ഫോട്ടോതെറാപി, ലേസർ ചികിത്സ തുടങ്ങി വളരെ ഫലപ്രദമായ ചികിത്സാ രീതികൾ നിലവിലുണ്ട്.

എഴുതിയത് : ഡോ. അശ്വിനി. ആർ
ഇൻഫോ ക്ലിനിക്



#അലോപേഷ്യ

27/03/2022

Camp @ cvr hospital

27/03/2022

26/03/2022

സൗജന്യ എല്ലുരോഗ നിർണ്ണയ കാംപ്
നാളെ (2022 മാർച്ച് 27) ഞായറാഴ്ച
രാവിലെ 9 മുതൽ 5 വരെ.
സി വി ആർ ഹോസ്പിറ്റലിൽ

24/03/2022

22/03/2022

18/03/2022

16/03/2022

വേനൽ കാലമായി....
പ്രിക്ക്ലി ഹീറ്റ് പൗഡറിന്റെ പരസ്യങ്ങൾ വന്നു തുടങ്ങി .... ഒന്ന് വാങ്ങി പരീക്ഷിക്കാത്തവർ ചുരുക്കം.
ശരിക്കും പൗഡർ ഇട്ടാൽ ചൂടുകുരു മാറുമോ?
നമുക്ക് നോക്കാം....

🔴ചർമ്മത്തിലെ വിയർപ്പുഗ്രന്ധിക്കുഴലുകളിലുണ്ടാകുന്ന തടസ്സം കാരണമാണ് ചൂടുകുരു ഉണ്ടാകുന്നത്. ഈ തടസ്സം മൂലം വിയർപ്പുഗ്രന്ധിക്കുഴലുകൾ പൊട്ടി വിയർപ്പ് ചർമ്മത്തിലേക്ക് ആഴ്ന്നിറങ്ങി കുരുക്കളുണ്ടാക്കുന്നു.

ഇങ്ങനെ തടസ്സം ഉണ്ടാകാൻ കാരണം താഴെ പറയുന്ന വിയർപ്പ് തങ്ങിനിൽക്കാൻ സാധ്യതയുള്ള സാഹചര്യങ്ങളാണ്.
🔹അന്തരീക്ഷ ഊഷ്മാവും ആർദ്രതയും കൂടുതലുള്ള കാലാവസ്ഥ
🔹ഇറുകിയ വസ്ത്രങ്ങൾ, പ്രത്യേകിച്ച് പോളിയേസ്റ്റർ വസ്ത്രങ്ങൾ
🔹കിടപ്പു രോഗികൾ
🔹കുഞ്ഞുങ്ങൾ - ഇവരിൽ വിയർപ്പു ഗ്രന്ധികുഴലുകൾ പൂർണ്ണമായും പ്രവർത്തനക്ഷമമില്ലാത്തതിനാൽ ചൂടുകുരു വരാൻ സാധ്യത കൂടുതലാണ്.

🔴വിയർപ്പുഗ്രന്ധിക്കുഴലുകളിലുണ്ടാകുന്ന തടസ്സം ചർമ്മത്തിലെ പല തലങ്ങളിൽ സംഭവിക്കാം-

🔶ഏറ്റവും ഉപരിതലത്തിൽ തടസ്സം നേരിട്ടാൽ മുത്തു (crystal) പോലെ ചെറിയ കുരുക്കൾ ശരീരത്തിൽ പ്രത്യക്ഷപ്പെടുന്നു (Miliaria crystallina). സാധാരണ കിടപ്പുരോഗികളിൽ മുതുകിലും മറ്റും ആയാണ് ഇത് കാണപ്പെടുന്നത്. ചൊറിച്ചിൽ ഉണ്ടാകാറില്ല.

🔶കുറച്ചു കൂടി ആഴത്തിൽ തടസ്സം നേരിടുമ്പോഴാണ് സാധാരണയായി കണ്ടു വരുന്ന ചുവന്ന കുരുക്കൾ ഉണ്ടാകുന്നത് (Miliaria rubra). മടക്കുകളിലും വസ്ത്രങ്ങൾ ഉരസുന്ന ഇടങ്ങളിലും സാധാരണയായി കണ്ടു വരുന്ന ഇത്തരം ചൂടുകുരുവിൽ ചൊറിച്ചിൽ അനുഭവപ്പെടാറുണ്ട്. മുള്ള്/സൂചി കൊണ്ട് കുത്തുന്നത് പോലെയുള്ള തോന്നലിൽ നിന്നാണ് പ്രിക്ക്ലി ഹീറ്റ് (Prickly heat) എന്ന പേര് വന്നത്.

🔶ഇനിയും ആഴത്തിൽ തടസ്സം സംഭവിച്ചാൽ കൂടുതൽ തടിപ്പുള്ള പാടുകൾ പ്രത്യക്ഷപ്പെടുന്നു (Miliaria profunda).

ചുരുക്കം ചില സാഹചര്യങ്ങളിൽ ചൂടുകുരുവിൽ അണുബാധയുണ്ടായി പഴുപ്പും വേദനയും അനുഭവപ്പെടാമെങ്കിലും, സാധാരണ ചെറിയ മൊരിച്ചിലോടു കൂടി കുരുക്കൾ ചികിത്സ കൂടാതെ തന്നെ ഭേദമാകുകയാണ് പതിവ്.

🔴മറ്റു വേനൽക്കാല ചർമ്മരോഗങ്ങൾ

☀️സൂര്യതാപം (sun burn)

വെയിലേറ്റ ഭാഗങ്ങളില്‍ നീറ്റലും പുകച്ചിലും, ഒപ്പം പൊള്ളിയ പോലെയുള്ള പാടുകളും കാണാം. ചുരുങ്ങിയ ദിവസങ്ങൾക്കുള്ളിൽ ഈ പാടുകൾ പൊളിഞ്ഞിളകി പോയി ക്രമേണ ചര്‍മ്മം പഴയപടി ആയിത്തീരും.

☀️സൂര്യപ്രകാശത്തോടുള്ള അലർജി

ചൂടുകാലത്തു ഉണ്ടാകുന്ന മറ്റൊരു ചർമ്മ പ്രശ്നമാണ് സൂര്യപ്രകാശത്തോടുള്ള അലർജി അഥവാ ഫോട്ടോഡെർമടൈറ്റിസ് (Photodermatitis). സൂര്യപ്രകാശം ഏൽകുന്ന ശരീരഭാഗങ്ങളിൽ (മുഖം, കഴുത്ത്, കൈകളുടെ പുറം ഭാഗം) ചുവപ്പ്, മൊരിച്ചിലോടു (scaling) കൂടിയ പാടുകൾ, ചൊറിച്ചിൽ , എന്നീ ലക്ഷണങ്ങൾ കാണുന്നു.
കാണപ്പെടുന്നു.

വെയിൽ കൂടുതൽ ഉള്ള രാവിലെ 11മണി മുതൽ വൈകുന്നേരം 3 മണി വരെ പുറത്തിറങ്ങുന്നത് ഒഴിവാക്കുകയും, വസ്ത്രങ്ങൾ, കുട, തൊപ്പി മുതലായവ ഉപയോഗിച്ച് ചർമ്മത്തിൽ പരമാവധി വെയിലേൽക്കാതെ സൂക്ഷിക്കുകയും, സൺസ്‌ക്രീൻ ഉപയോഗിക്കുകയും ചെയ്യുന്നത് വഴി മേൽപ്പറഞ്ഞ രണ്ടു അവസ്ഥകളെയും ഒരു പരിധി വരെ തടയാം.

🔴ചൂടുകുരുവിനെ എങ്ങനെ നേരിടാം?

അമിത വിയർപ്പും വിയർപ്പ് തങ്ങി നിൽക്കാൻ സാധ്യതയും ഒഴിവാക്കുക എന്നതാണ് പ്രധാനം.

👉🏼അയ്യഞ്ഞ നേർത്ത പരുത്തി വസ്ത്രങ്ങൾ ധരിക്കുക.

👉🏼ഏസി, ഫാൻ തുടങ്ങിയവ ഉപയോഗിച്ച് അന്തരീക്ഷോഷ്മാവ് ക്രമീകരിക്കുക.

👉🏼ഇടയ്ക്കിടെ തണുത്ത വെള്ളമോ നനഞ്ഞ തുണിയോ ഉപയോഗിച്ചു ശരീരം തണുപ്പിക്കുക

👉🏼ലേപനങ്ങൾ, എണ്ണകൾ, പൗഡറുകൾ എന്നിവ വിയർപ്പ് ഗ്രന്ധികുഴലുകളിൽ കൂടുതൽ തടസ്സം സൃഷ്ടിക്കും എന്നതിനാൽ കഴിവതും ഇവ ഒഴിവാക്കുക.

👉🏼അലർജി ഉണ്ടാക്കാനിടയുള്ള പദാര്‍ത്ഥങ്ങൾ പുരട്ടുകയോ, സോപ്പ് അമിതമായി ഉപയോഗിക്കുകയോ അരുത്.

👉🏼വിറ്റാമിൻ സി ചൂടുകുരുവിനെ പ്രതിരോധിക്കും എന്ന് പല പഠനങ്ങളും സൂചിപ്പിക്കുന്നു.

മേല്പറഞ്ഞ എല്ലാ പ്രതിരോധ മാർഗങ്ങളും സ്വീകരിച്ച ശേഷവും ചൂടുകുരു മാറുന്നില്ലെങ്കിലോ; വേദന, പഴുപ്പ് തുടങ്ങി അണുബാധയുടെ ലക്ഷണങ്ങൾ ഉണ്ടാവുകയാണെങ്കിലോ ഒരു ത്വക് രോഗ വിദഗ്ധനെ സമീപിക്കുക.

അപ്പോൾ, ആദ്യ ചോദ്യത്തിനുള്ള ഉത്തരം കിട്ടിയില്ലേ...
പൗഡർ ഇട്ടതു കൊണ്ടു ചൊറിച്ചിലിന് ആശ്വാസം ലഭിച്ചേക്കാം എന്നതൊഴിച്ചാൽ, ചൂടുകുരു ഭേദമാകില്ല...മാത്രമല്ല, ചിലപ്പോൾ വിയർപ്പ് ഗ്രന്ധികുഴലുകളിൽ കൂടുതൽ തടസ്സം സൃഷ്ടിച്ചു, അവസ്ഥ കൂടുതൽ മോശമാകാം.
മറിച്ചു, പൗഡർ ഇട്ടില്ലെങ്കിലും ചൂടുകുരു തനിയെ പോകുകയും ചെയ്യും....

എഴുതിയത്. ഡോ. അശ്വിനി. ആർ
ഇൻഫോ ക്ലിനിക്

NB: ചൂടുകുരു, സൂര്യതാപം തുടങ്ങിയവയുടെ ചിത്രങ്ങളും, മറ്റു വേനൽക്കാല രോഗങ്ങളെ കുറിച്ചുള്ള ഇൻഫോ ക്ലിനിക് ലേഖനങ്ങളുടെ ലിങ്കും ആദ്യ കമന്റിൽ.

വേനൽക്കാലമായി....
പ്രിക്ക്ലി ഹീറ്റ് പൗഡറിന്റെ പരസ്യങ്ങൾ വന്നു തുടങ്ങി .... ഒന്ന് വാങ്ങി പരീക്ഷിക്കാത്തവർ ചുരുക്കം.
ശരിക്കും പൗഡർ ഇട്ടാൽ ചൂടുകുരു മാറുമോ?
നമുക്ക് നോക്കാം....

🔴ചർമ്മത്തിലെ വിയർപ്പുഗ്രന്ധിക്കുഴലുകളിലുണ്ടാകുന്ന തടസ്സം കാരണമാണ് ചൂടുകുരു ഉണ്ടാകുന്നത്. ഈ തടസ്സം മൂലം വിയർപ്പുഗ്രന്ധിക്കുഴലുകൾ പൊട്ടി വിയർപ്പ് ചർമ്മത്തിലേക്ക് ആഴ്ന്നിറങ്ങി കുരുക്കളുണ്ടാക്കുന്നു.

ഇങ്ങനെ തടസ്സം ഉണ്ടാകാൻ കാരണം താഴെ പറയുന്ന വിയർപ്പ് തങ്ങിനിൽക്കാൻ സാധ്യതയുള്ള സാഹചര്യങ്ങളാണ്.
🔹അന്തരീക്ഷ ഊഷ്മാവും ആർദ്രതയും കൂടുതലുള്ള കാലാവസ്ഥ
🔹ഇറുകിയ വസ്ത്രങ്ങൾ, പ്രത്യേകിച്ച് പോളിയേസ്റ്റർ വസ്ത്രങ്ങൾ
🔹കിടപ്പു രോഗികൾ
🔹കുഞ്ഞുങ്ങൾ - ഇവരിൽ വിയർപ്പു ഗ്രന്ധികുഴലുകൾ പൂർണ്ണമായും പ്രവർത്തനക്ഷമമല്ലാത്തതിനാൽ ചൂടുകുരു വരാൻ സാധ്യത കൂടുതലാണ്.

🔴വിയർപ്പുഗ്രന്ധിക്കുഴലുകളിലുണ്ടാകുന്ന തടസ്സം ചർമ്മത്തിലെ പല തലങ്ങളിൽ സംഭവിക്കാം-

🔶ഏറ്റവും ഉപരിതലത്തിൽ തടസ്സം നേരിട്ടാൽ മുത്തു (crystal) പോലെ ചെറിയ കുരുക്കൾ ശരീരത്തിൽ പ്രത്യക്ഷപ്പെടുന്നു (Miliaria crystallina). സാധാരണ കിടപ്പുരോഗികളിൽ മുതുകിലും മറ്റും ആയാണ് ഇത് കാണപ്പെടുന്നത്. ചൊറിച്ചിൽ ഉണ്ടാകാറില്ല.

🔶കുറച്ചു കൂടി ആഴത്തിൽ തടസ്സം നേരിടുമ്പോഴാണ് സാധാരണയായി കണ്ടു വരുന്ന ചുവന്ന കുരുക്കൾ ഉണ്ടാകുന്നത് (Miliaria rubra). മടക്കുകളിലും വസ്ത്രങ്ങൾ ഉരസുന്ന ഇടങ്ങളിലും സാധാരണയായി കണ്ടു വരുന്ന ഇത്തരം ചൂടുകുരുവിൽ ചൊറിച്ചിൽ അനുഭവപ്പെടാറുണ്ട്. മുള്ള്/സൂചി കൊണ്ട് കുത്തുന്നത് പോലെയുള്ള തോന്നലിൽ നിന്നാണ് പ്രിക്ക്ലി ഹീറ്റ് (Prickly heat) എന്ന പേര് വന്നത്.

🔶ഇനിയും ആഴത്തിൽ തടസ്സം സംഭവിച്ചാൽ കൂടുതൽ തടിപ്പുള്ള പാടുകൾ പ്രത്യക്ഷപ്പെടുന്നു (Miliaria profunda).

ചുരുക്കം ചില സാഹചര്യങ്ങളിൽ ചൂടുകുരുവിൽ അണുബാധയുണ്ടായി പഴുപ്പും വേദനയും അനുഭവപ്പെടാമെങ്കിലും, സാധാരണ ചെറിയ മൊരിച്ചിലോടു കൂടി കുരുക്കൾ ചികിത്സ കൂടാതെ തന്നെ ഭേദമാകുകയാണ് പതിവ്.

🔴മറ്റു വേനൽക്കാല ചർമ്മരോഗങ്ങൾ

☀️സൂര്യതാപം (sun burn)

വെയിലേറ്റ ഭാഗങ്ങളില്‍ നീറ്റലും പുകച്ചിലും, ഒപ്പം പൊള്ളിയ പോലെയുള്ള പാടുകളും കാണാം. ചുരുങ്ങിയ ദിവസങ്ങൾക്കുള്ളിൽ ഈ പാടുകൾ പൊളിഞ്ഞിളകി പോയി ക്രമേണ ചര്‍മ്മം പഴയപടി ആയിത്തീരും.

☀️സൂര്യപ്രകാശത്തോടുള്ള അലർജി

ചൂടുകാലത്തു ഉണ്ടാകുന്ന മറ്റൊരു ചർമ്മ പ്രശ്നമാണ് സൂര്യപ്രകാശത്തോടുള്ള അലർജി അഥവാ ഫോട്ടോഡെർമടൈറ്റിസ് (Photodermatitis). സൂര്യപ്രകാശം ഏൽകുന്ന ശരീരഭാഗങ്ങളിൽ (മുഖം, കഴുത്ത്, കൈകളുടെ പുറം ഭാഗം) ചുവപ്പ്, മൊരിച്ചിലോടു (scaling) കൂടിയ പാടുകൾ, ചൊറിച്ചിൽ , എന്നീ ലക്ഷണങ്ങൾ കാണുന്നു.
കാണപ്പെടുന്നു.

വെയിൽ കൂടുതൽ ഉള്ള രാവിലെ 11മണി മുതൽ വൈകുന്നേരം 3 മണി വരെ പുറത്തിറങ്ങുന്നത് ഒഴിവാക്കുകയും, വസ്ത്രങ്ങൾ, കുട, തൊപ്പി മുതലായവ ഉപയോഗിച്ച് ചർമ്മത്തിൽ പരമാവധി വെയിലേൽക്കാതെ സൂക്ഷിക്കുകയും, സൺസ്‌ക്രീൻ ഉപയോഗിക്കുകയും ചെയ്യുന്നത് വഴി മേൽപ്പറഞ്ഞ രണ്ടു അവസ്ഥകളെയും ഒരു പരിധി വരെ തടയാം.

🔴ചൂടുകുരുവിനെ എങ്ങനെ നേരിടാം?

അമിത വിയർപ്പും വിയർപ്പ് തങ്ങി നിൽക്കാൻ സാധ്യതയും ഒഴിവാക്കുക എന്നതാണ് പ്രധാനം.

👉🏼അയ്യഞ്ഞ നേർത്ത പരുത്തി വസ്ത്രങ്ങൾ ധരിക്കുക.

👉🏼ഏസി, ഫാൻ തുടങ്ങിയവ ഉപയോഗിച്ച് അന്തരീക്ഷോഷ്മാവ് ക്രമീകരിക്കുക.

👉🏼ഇടയ്ക്കിടെ തണുത്ത വെള്ളമോ നനഞ്ഞ തുണിയോ ഉപയോഗിച്ചു ശരീരം തണുപ്പിക്കുക

👉🏼ലേപനങ്ങൾ, എണ്ണകൾ, പൗഡറുകൾ എന്നിവ വിയർപ്പ് ഗ്രന്ധികുഴലുകളിൽ കൂടുതൽ തടസ്സം സൃഷ്ടിക്കും എന്നതിനാൽ കഴിവതും ഇവ ഒഴിവാക്കുക.

👉🏼അലർജി ഉണ്ടാക്കാനിടയുള്ള പദാര്‍ത്ഥങ്ങൾ പുരട്ടുകയോ, സോപ്പ് അമിതമായി ഉപയോഗിക്കുകയോ അരുത്.

👉🏼വിറ്റാമിൻ സി ചൂടുകുരുവിനെ പ്രതിരോധിക്കും എന്ന് പല പഠനങ്ങളും സൂചിപ്പിക്കുന്നു.

മേല്പറഞ്ഞ എല്ലാ പ്രതിരോധ മാർഗങ്ങളും സ്വീകരിച്ച ശേഷവും ചൂടുകുരു മാറുന്നില്ലെങ്കിലോ; വേദന, പഴുപ്പ് തുടങ്ങി അണുബാധയുടെ ലക്ഷണങ്ങൾ ഉണ്ടാവുകയാണെങ്കിലോ ഒരു ത്വക് രോഗ വിദഗ്ധനെ സമീപിക്കുക.

അപ്പോൾ, ആദ്യ ചോദ്യത്തിനുള്ള ഉത്തരം കിട്ടിയില്ലേ...
പൗഡർ ഇട്ടതു കൊണ്ടു ചൊറിച്ചിലിന് ആശ്വാസം ലഭിച്ചേക്കാം എന്നതൊഴിച്ചാൽ, ചൂടുകുരു ഭേദമാകില്ല...മാത്രമല്ല, ചിലപ്പോൾ വിയർപ്പ് ഗ്രന്ധികുഴലുകളിൽ കൂടുതൽ തടസ്സം സൃഷ്ടിച്ചു, അവസ്ഥ കൂടുതൽ മോശമാകാം.
മറിച്ചു, പൗഡർ ഇട്ടില്ലെങ്കിലും ചൂടുകുരു തനിയെ പോകുകയും ചെയ്യും....

എഴുതിയത്. ഡോ. അശ്വിനി. ആർ
ഇൻഫോ ക്ലിനിക്

NB: ചൂടുകുരു, സൂര്യതാപം തുടങ്ങിയവയുടെ ചിത്രങ്ങളും, മറ്റു വേനൽക്കാല രോഗങ്ങളെ കുറിച്ചുള്ള ഇൻഫോ ക്ലിനിക് ലേഖനങ്ങളുടെ ലിങ്കും ആദ്യ കമന്റിൽ.

07/03/2022

മാർച്ച് 8, വീണ്ടും ഒരു അന്താരാഷ്ട്ര വനിതാ ദിനം. "Gender equality today for a sustainable tomorrow" എന്നതാണ് ഈ വർഷത്തെ വനിതാ ദിനത്തിൻ്റെ തീം. ഒപ്പം എന്ന പേരിലുള്ള ഒരു ഹാഷ് ടാഗ് കാമ്പയിനും ഉണ്ട്. സ്ത്രീ ആയതിൻ്റെ പേരിൽ നേരിടേണ്ടി വരുന്ന മുൻവിധികളും, വേർതിരിവുകളും നിരവധിയാണ്. അത് സ്ത്രീകളുടെ മുന്നോട്ടുള്ള യാത്രയിൽ തടസമായി മാറാറുണ്ട്. അത്തരം മുൻവിധികളെ നമ്മൾ മറ്റെണ്ടതുണ്ട്. ലിംഗത്വത്തിൻ്റെ പേരിലുള്ള മുൻവിധികൾ പൊളിച്ച്, ലിംഗ സമത്വവും, പരസ്പര ബഹുമാനവും നിറഞ്ഞ ഒരു ലോകം നമ്മൾക്ക് ഉണ്ടാക്കേണ്ടതുണ്ട്. അതിനുള്ള ഒരു അവസരമാണ് ഈ വർഷം വനിതാദിനം ഒരുക്കുന്നത്.

📌മറ്റ് വിഷയങ്ങൾ പോലെ, മുൻവിധികളും, വേർതിരിവുകളും നിറഞ്ഞതാണ് സ്ത്രീകളുടെ മാനസികാരോഗ്യ രംഗവും. സ്ത്രീകൾ അവരുടെ ലിംഗത്വത്തിൻ്റെ പേരിൽ അനുഭവിക്കുന്ന വേർതിരിവുകൾ, സാമൂഹിക സാമ്പത്തിക ഉച്ച നീചത്വങ്ങൾ, ശാരീരികവും മാനസികവുമായ പീഡനങ്ങൾ ഇവയൊക്കെ കണിക്കിലെടുക്കാതെയാണ് പലപ്പോഴും സ്ത്രീകളിലെ മാനസിക രോഗാവസ്ഥകൾ, സ്ത്രീകളുടെ മാനസികാരോഗ്യം ഇവ സംബന്ധിച്ച പഠനങ്ങളും, വിലയിരുത്തലുകളും നടക്കുക. അത് കൃത്യമായി സേവനങ്ങൾ നൽകുന്നതിനും, രോഗ പ്രതിരോധ മാർഗ്ഗങ്ങൾ തയ്യാറാക്കുന്നതിനും തടസമാകറുണ്ട്. അതുപോലെ അവകാശ നിഷേധങ്ങൾക്കും കാരണമാകാം. അത്തരം വിഷയങ്ങളെ കുറിച്ച് പറയാം എന്ന് കരുതുന്നു.

📌മാനസിക രോഗാവസ്ഥകൾ നിർണ്ണയിക്കപ്പെടുന്നതിൽ ലിംഗപരമായ വേർതിരിവുകൾ പല പഠനങ്ങളും കണ്ടെത്തിയിട്ടുണ്ട്. ഉദാഹരണത്തിന് വിഷാദം, ഉത്കണ്ഠ പോലെയുള്ള രോഗാവസ്ഥകൾ കൂടുതലായി കണ്ടെത്തുന്നത് സ്ത്രീകളിലാണ്. അതുപോലെ ലഹരി ഉപയോഗം മൂലമുള്ള മാനസിക രോഗാവസ്ഥകൾ, ആത്മഹത്യകൾ ഇവ പുരുഷന്മാരിലാണ് കൂടുതൽ. സ്കിസോഫ്രീനിയ, ബൈപോളർ രോഗം ഇവയിൽ കാര്യമായ ലിംഗ വ്യത്യാസം കാണാറില്ല.

📌പ്രായം അനുസരിച്ച് നോക്കി കഴിഞ്ഞാൽ കുട്ടികളിൽ കാണുന്ന പെരുമാറ്റ പ്രശ്നങ്ങൾ, ADHD,തുടങ്ങിയ അവസ്ഥകൾ ആൺകുട്ടികളിലാണ് കൂടുതൽ കാണുക. കൗമാര കാലഘട്ടം എത്തുന്നതോടെ ഉത്കണ്ഠ, വിഷാദം, PTSD പോലെയുള്ള അവസ്ഥകൾ പെൺകുട്ടികളിൽ കൂടുതൽ കാണാറുണ്ട്. മേധാക്ഷയം പോലെയുള്ള രോഗാവസ്ഥകൾ പ്രായമായ സ്ത്രീകളിലാണ് കൂടുതൽ കണ്ടെത്തുക. (സ്ത്രീകൾ പുരുഷന്മാരേക്കാൾ കൂടുതൽ കാലം ജീവിക്കുന്നത് കൊണ്ടായിരിക്കാം അത്തരം ഒരു വ്യത്യാസം)

📌സഹായം തേടുന്ന കാര്യത്തിലും വ്യത്യാസങ്ങൾ കാണാൻ സാധിക്കും. വിവിധ രാജ്യങ്ങളിൽ നിന്നുള്ള പഠനങ്ങൾ സൂചിപ്പിക്കുന്നത് തനിക്ക് മാനസികമായ ബുദ്ധിമുട്ടുകൾ ഉണ്ടെന്ന് കൂടുതൽ തിരിച്ചറിയുന്നതും, സഹായം തേടുന്നതും സ്ത്രീകളാണ് എന്നാണ്. പുരുഷന്മാർ പലപ്പോഴും തൻ്റെ രോഗാവസ്ഥയെ തിരിച്ചറിയാതെ പോവുകയും, തിരിച്ചറിഞ്ഞാൽ തന്നെ സഹായം തേടാൻ മടി കാണിക്കുകയും ചെയ്യാറുണ്ട്. നമ്മൾ ഇന്ന് കാണുന്ന പല പഠനങ്ങളിലും സ്ത്രീകൾക്ക് രോഗാവസ്ഥ കൂടുതലായി കാണാൻ ഇതും ഒരു കാരണമാകാം.

📌രോഗാവസ്ഥയിൽ നിർദ്ദേശിക്കുക ചികിത്സ പിന്തുടരുന്ന കാര്യത്തിലും വ്യത്യാസങ്ങളുണ്ട്. നിർദ്ദേശിക്കുന്ന മരുന്നുകളും, മനശാസ്ത്ര ചികിൽസകളും എടുക്കാൻ സ്ത്രീകളാണ് കൂടുതൽ തയ്യാറാവുക. പുരുഷന്മാർ അത് പലപ്പോഴും വേണ്ട എന്ന് വെക്കുകയും ലഹരി വസ്തുക്കൾ ഉപയോഗിച്ചോ, സ്വയമെയോ രോഗാവസ്ഥയുടെ ലക്ഷണങ്ങളെ നിയന്ത്രിക്കാൻ ശ്രമിക്കുകയും ചെയ്യാറുണ്ട്.

📌ഇങ്ങനെയൊക്കെയാണെങ്കിലും, സ്ത്രീകൾ 'മാനസികമായി സ്ട്രോങ്ങ് അല്ല' അവർക്ക് മാത്രം മാനസിക രോഗ സാധ്യത കൂടുതലാണ് എന്ന തരത്തിലുള്ള പല വാദങ്ങളും കേൾക്കാറുണ്ട്. കേവലം ലിംഗാടിസ്ഥാനത്തിലുള്ള വിശകലനത്തിന് അപ്പുറം അതിൻ്റെ യഥാർത്ഥ കാരണങ്ങളിലേക്ക് അന്വേഷണം പലപ്പോഴും എത്താറില്ല.

❓അപ്പോ സ്ത്രീകളും പുരുഷന്മാരും തമ്മിൽ മാനസിക രോഗാവസ്ഥകളിൽ ഒരു വ്യത്യാസവും ഇല്ലാ എന്നാണോ?

അങ്ങനെയല്ല. നിലവിലുള്ള പഠനങ്ങൾ അനുസരിച്ച് മാനസിക രോഗാവസ്ഥകൾ കണ്ടെത്തുന്നതിൽ ലിംഗപരമായ വ്യത്യാസങ്ങളുണ്ട്. എന്നാൽ അതിനുള്ള കാരണം സ്ത്രീയും പുരുഷനും തമ്മിലുള്ള ജൈവപരമായ വ്യത്യാസം മാത്രമല്ല, മറിച്ച് ലിംഗവ്യത്യാസത്തിൻ്റെ പേരിൽ ഉണ്ടാകുന്ന സാമൂഹിക വെല്ലുവിളികൾ, വേർതിരിവുകൾ, പീഡനങ്ങൾ, ഭൗതിക സാഹചര്യങ്ങളുടെ വ്യത്യാസം ഇവയുടെ പരിണിത ഫലവുമാണ്. അതുകൊണ്ട് തന്നെ രോഗ കാരണങ്ങളെ കുറിച്ച് പറയുമ്പോൾ ഈ ഘടകങ്ങൾ കുടി നമ്മൾ കണിക്കിലെടുക്കേണ്ടതുണ്ട്.

👉ഉദാഹരണത്തിന് പുരുഷന്മാർ രോഗാവസ്ഥ ഉണ്ടായാലും ചികിത്സ തേടാൻ മടിക്കുന്നതിന് ഒരു പ്രധാന കാരണം 'പുരുഷൻ എന്നാൽ ശക്തനായിരിക്കണം' തൻ്റെ ബലഹീനത പുറത്ത് കാണിക്കരുത് തുടങ്ങിയ സാമൂഹിക കാഴച്ചപ്പാടുകൾ കൊണ്ട് കൂടിയാണ്. അങ്ങനെ വിശ്വസിക്കുന്ന ഒരു വ്യക്തി തനിക്ക് മാനസിക രോഗം ഉണ്ടെന്ന് മറ്റുള്ളവർ അറിഞ്ഞാൽ തന്നെ ബലഹീനതയുള്ള ഒരാളായി കാണും എന്ന് കരുതി സഹായം തേടാൻ പോലും മടിക്കും. ഇങ്ങനെ വിവിധ സാമൂഹിക സാഹചര്യങ്ങൾ രോഗാവസ്ഥയെയും, പരിചരണത്തെയും സ്വാധീനിക്കും.

❓സ്ത്രീകൾ പ്രത്യേകമായി നേരിടുന്ന മാനസികാരോഗ്യ പ്രശ്നങ്ങൾ ഏതൊക്കെയാണ്?

🛑 ആർത്തവാനുബന്ധ മാനസിക പ്രശ്നങ്ങൾ

ആർത്തവമുള്ള വ്യക്തികളിൽ നല്ലൊരു വിഭാഗം ആളുകൾക്കും ഒരിക്കലെങ്കിലും അനുഭവിക്കേണ്ടി വരുന്ന അവസ്ഥയാണ് PMS അഥവാ Premenstrual syndrome. വളരെ ചെറുതല്ലാത്ത ഒരു വിഭാഗം ആളുകൾക്ക് PMDD- Premenstrual dysphoric disorder പോലെയുള്ള ഗുരുതരമായ ശരീരിക- മാനസിക രോഗാവസ്ഥ ഉണ്ടാകാം. ( ഇതിനെ കുറിച്ച് ഇൻഫോക്ലിനിക്കിൽ എഴുതിയ ലേഖനം കമൻ്റായി ചേർക്കാം)

🛑 ഗർഭാനുബന്ധ മാനസിക പ്രശ്നങ്ങൾ

ഗർഭിണിയാവുകയും, പ്രസവിക്കുകയും ചെയുന്ന സ്ത്രീകൾ അനുഭവിക്കുന്ന പ്രത്യേക പ്രശ്നങ്ങൾ ആണിവ. ഗർഭാവസ്ഥ തൊട്ട്, പ്രസവ ശേഷമുള്ള ആദ്യ വർഷം വരെ ഈ സാധ്യതയുണ്ട്. ലഘുവായ പോസ്റ്റ് പാർട്ടം ബ്ലൂസ് തൊട്ട് വളരെ ഗുരുധരമായ പോസ്റ്റ് പാർട്ടം ഡിപ്രഷൻ, സൈക്കോസിസ് തുടങ്ങിയ രോഗാവസ്ഥകൾ വരെ ഉണ്ടാകാം.
( ഈ വിഷയത്തിൽ ഇൻഫോക്ലിനിക്കിൽ എഴുതിയ ലേഖനം കമൻ്റായി ചേർക്കാം)

🛑ആർത്തവവിരാമ അനുബന്ധ മാനസിക പ്രശ്നങ്ങൾ.

ആർത്തവ വിരാമാവും പല തരത്തിലുള്ള മാനസിക ബുദ്ധിമുട്ടുകൾ ഉണ്ടാകാൻ കാരണമാകാറുണ്ട്.

👉ആർത്തസമയത്ത്/ ഗർഭാവസ്ഥയിൽ ഉണ്ടാകുന്ന ലൈംഗിക ഹോർമോണുകളുടെ പെട്ടന്നുള്ള വ്യത്യിയാനമാണ് ഈ സാധ്യത സ്ത്രീകളിൽ കൂട്ടുന്നത്. ഒപ്പം ആർത്തവം/ ഗർഭം/പ്രസവം ഇവ മൂലം സമൂഹത്തിൽ നിന്ന് അനുഭവിക്കേണ്ടി വരുന്ന വേർതിരിവുകൾ, ഒറ്റപ്പെടൽ, കടുത്ത മാനസിക സമ്മർദ്ദം ഇവയും ഈ സാധ്യത കൂട്ടുന്നു.

🛑ഇതുകൂടാതെ വിഷാദ രോഗം, ഉത്കണ്ഠ രോഗം, PTSD, Eating disorder ഇവയും സ്ത്രീകളിൽ കൂടുതലായി കാണാറുണ്ട്. ഇതിനുള്ള കാരണം ലിംഗ വ്യത്യാസം മാത്രമല്ല, മറിച്ച് നിരവധി ഘടകങ്ങൾ ഒരുമിച്ച് പ്രവർത്തിക്കുന്നത് കൊണ്ടാണ്.

❓എന്തുകൊണ്ട് സ്ത്രീകൾക്ക് ചില മാനസിക രോഗാവസ്ഥകൾ ഉണ്ടാകാൻ സാധ്യത കൂടുന്നു?

👉ഏതൊരു മാനസിക രോഗാവസ്ഥയും, ജൈവപരവും, സാമൂഹികപരവുമയ നിരവധി ഘടകങ്ങളുടെ ഇടപെടലുകൾ കൊണ്ടാണ് ഉണ്ടാകുന്നത്.

👉പട്ടണി, ശാരീരികവും മാനസികവുമായ പീഡനങ്ങൾ, സാമൂഹിക വേർതിരിവുകൾ ഒക്കെ തന്നെ ആത്യന്തികമായി നമ്മുടെ തലച്ചോറിൻ്റെ പ്രവർത്തനത്തെ ബാധിക്കുമെന്ന് പല പഠനങ്ങളും കണ്ടെത്തിയിട്ടുണ്ട്.

രോഗാവസ്ഥയിലേക്ക് നയിക്കുന്ന ഘടകങ്ങളെ രണ്ടായി തിരിക്കാം.

1. ജൈവപരമായ ഘടകങ്ങൾ.

📌സ്ത്രീയുടെ ജീവിത കാലം നോക്കിയാൽ, ഓരോ പ്രായത്തിലും ലൈംഗിക ഹോർമോണുകളുടെ അളവിൽ വലിയ വ്യത്യാസം കാണാൻ പറ്റും. ഓരോ ആർത്തവ ചക്രത്തിൻ്റെ സമയത്തും, ഗർഭ കാലത്തും, ആർത്തവ വിരാമത്തിന് ശേഷവും ഇത്തരത്തിൽ വലിയ വ്യതിയാനങ്ങൾ ഉണ്ടാകാറുണ്ട്.

📌ഈ ഹോർമോണുകൾക്ക് നേരിട്ട് നമ്മുടെ തലച്ചോറിൽ മാറ്റങ്ങൾ കൊണ്ടുവരാൻ സാധിക്കുന്ന തരത്തിലുള്ള റിസപ്ട്ടറുകൾ തലച്ചോറിൽ ഉണ്ട്. നമ്മുടെ വികാരങ്ങൾ നിയന്ത്രിക്കുന്ന ഭാഗങ്ങളിൽ ഉൾപ്പടെ മാറ്റങ്ങൾ ഉണ്ടാക്കാൻ ഈ ഹോർമോണുകൾക്ക് കഴിയും.

📌 വിവിധ സമയങ്ങളിൽ ഉണ്ടാകുന്ന ഈ ഹോർമോണുകളുടെ ഏറ്റകുറച്ചിലും, അതുമൂലം തലച്ചോറിൻ്റെ പ്രവർത്തനങ്ങളിൽ ഉണ്ടാകുന്ന മാറ്റങ്ങളുമാണ് മാനസിക രോഗ സാധ്യത കൂടാനുള്ള ഒരു കാരണം.

📌ഒപ്പം തന്നെ സ്ത്രീകളിൽ തൈറോയ്ഡ് ഹോർമോണിൻ്റെ വ്യത്യാസങ്ങളും, പുരുഷന്മാരെ അപേക്ഷിച്ച് കൂടുതലാണ്. ഇതും മാനസികാരോഗ്യത്തെ ബാധിക്കാം.

2. സാമൂഹിക ഘടകങ്ങൾ.

👉ലിംഗവ്യത്യാസം മൂലം പലതരത്തിലുള്ള സാമൂഹിക പ്രശ്നങ്ങൾ അനുഭവിക്കുന്നവരാണ് സ്ത്രീകൾ. അവയിൽ ചിലത് നമുക്ക് നോക്കാം.

👉ചെറുപ്പ കാലം മുതൽ വീടുകളിൽ നിന്ന് തന്നെ പെൺകുട്ടികൾ വേർതിരിവുകൾ അനുഭവിക്കുന്നുണ്ട്. ആൺകുട്ടികൾക്ക് ലഭിക്കുന്ന അതെ പരിഗണനയോ, സ്വാതന്ത്ര്യമോ, സൗകര്യങ്ങളോ പലപ്പോഴും പെൺകുട്ടികൾക്ക് ലഭിക്കാറില്ല. ഗർഭാവസ്ഥയിൽ തന്നെ പെൺകുട്ടികളെ വേണ്ട എന്ന് വെക്കുന്ന പ്രവണത ഇന്നും പല നാടുകളിലും നിലവിലുണ്ട്. അത്രത്തോളം ആഴത്തിൽ വേരൂന്നിയതാണ് ഈ വേർതിരിവ്.

👉സ്ത്രീ എന്നാൽ ശാരീരികമായും മാനസികമായും പുരുഷനേക്കാൾ പിന്നിലാണ് എന്നൊരു ചിന്ത സമൂഹം വളരെ ചെറുപ്പം മുതൽ നമ്മുടെ മനസ്സിലേക്ക് കടത്തി വിടാറുണ്ട്. ഇത് പെൺകുട്ടികളിൽ ആത്മ വിശ്വാസം കുറയുന്നതിനും, സ്വന്തം കഴിവുകൾ കണ്ടെത്തി വികസിപ്പിക്കുന്നതിനും തടസ്സമാകുന്നു.

👉വളരെ ചെറുപ്പം മുതൽ ലിംഗാടിസ്ഥാനത്തിലുള്ള അതിക്രമങ്ങൾക്ക് കൂടുതൽ ഇരയാകുന്നതും പെൺകുട്ടികളാണ്. അത് ശാരീരികവും, മാനസിവും ലൈംഗീകവുമായ അതിക്രമങ്ങൾ ആകാം.

👉മൂന്നിൽ ഒരു സ്ത്രീ ലിംഗാടിസ്ഥാനത്തിലുള്ള അതിക്രമങ്ങൾക്ക് ഇരയാകാറുണ്ട്.

👉ലോകത്തിൽ ഏകദേശം 20% പെൺകുട്ടികൾ ലൈംഗികമായി അതിക്രമിക്കപ്പെടുന്നു എന്നാണ് കണക്കുകൾ. ഇതിൽ 90% കേസുകളിലും അതിക്രമം നടത്തിയത് അടുത്ത ബന്ധുക്കളും കുട്ടിക്ക് പരിചയം ഉള്ളവരുമാണ്. ഈ അതിക്രമങ്ങൾ ചെറുപ്പം മുതലുള്ള മാനസികാരോഗ്യത്തെയും, വ്യക്തിത്വ വികസനത്തെയും ഗുരുതരമായി ബാധിക്കാം.

👉ജോലി സ്ഥലത്തും പല തരത്തിലുള്ള വേർതിരിവുകളും, അതിക്രമങ്ങളും സ്ത്രീകൾ നേരിടുന്നു. ഒരേ ജോലിക്ക് 50% വരെ ശമ്പളം കുറച്ച് ലഭിക്കുക, അർഹത പെട്ട സ്ഥാന കയറ്റങ്ങൾ ലഭിക്കാതെ ഇരിക്കുക, സ്ത്രീ ആയതിൻ്റെ പേരിൽ കളിയാക്കലും മറ്റും നേരിടുക ഇങ്ങനെ പല പ്രശ്നങ്ങൾ സ്ത്രീകൾ നേരിടുന്നു.

👉കുടുംബത്തിലും കൂടുതൽ ചുമതലകൾ വഹിക്കേണ്ടി വരുന്നത് സ്ത്രീകളാണ്. കുട്ടികളെ നോക്കുക, അടുക്കള ജോലികൾ ചെയ്യുക ഇവയൊക്കെ സ്ത്രീകളുടെ മാത്രം കടമയായാണ് സമൂഹം കാണുന്നത്. ജോലിക്ക് പോകുന്ന സ്ത്രീകൾ ഈ പണികൾ കുടി ചെയ്തതിനു ശേഷം വേണം ജോലിക്ക് പോകുവാൻ.

👉പട്ടിണിയും സാമ്പത്തിക ബുദ്ധിമുട്ടുകളും സ്ത്രീകളാണ് കൂടുതൽ അനുഭവിക്കേണ്ടി വരിക.

👉 രോഗികളായ കുടുംബാംഗങ്ങൾക്ക് പരിചരണം നൽകുക എന്ന ചുമതലയും സ്ത്രീകൾക്കാണ് കൂടുതൽ. ഏകദേശം 65% കെയർഗിവർമാരും സ്ത്രീകളാണ്. നീണ്ട കാലം ഈ ജോലികൾ ചെയ്യുന്നത് മാനസിക സമ്മർദ്ദം കൂടാനും മാനസിക രോഗങ്ങൾ ഉണ്ടാകാനും സാധ്യതയുണ്ട്. പലപ്പോഴും കുടുംബത്തിലെ മറ്റുള്ളവരുടെ പിന്തുണ ഇവർക്ക് ലഭിക്കാറില്ല.

👉ഇന്നും 18 വയസിനു താഴെയുള്ള നിരവധി പെൺകുട്ടികൾ വിവാഹതരാവുകയും, 18 വയസിനു മുൻപ് കുട്ടികളെ പ്രസവിക്കുകയും ചെയ്യുന്നുണ്ട്.

👉പ്രസവം, കുട്ടികളുടെ എണ്ണം, ഗർഭ നിരോധന മാർഗ്ഗങ്ങൾ ഈ വിഷയങ്ങളിൽ ഒന്നും തന്നെ സ്ത്രീകൾക്ക് സ്വന്തമായി തീരുമാനം എടുക്കാൻ പറ്റുന്ന സാഹചര്യം പലപ്പോഴും ഇല്ല. സ്വന്തം ജീവത്തിനുമേൽ ഒരു നിയന്ത്രണവും ഇല്ലാതെയാണ് പല സ്ത്രീകളും ജീവിച്ചു മരിക്കുന്നത്.

👉ഇത്തരത്തിൽ വളരെ വലിയ മാനസിക - ശാരീരിക പ്രത്യാഘാങ്ങൾ ഉണ്ടാക്കുന്ന നിരവധി സാമൂഹിക പ്രശ്നങ്ങൾ സ്ത്രീകൾ അനുഭവിക്കുന്നുണ്ട്.

📌മാനസിക ബുദ്ധിമുട്ടുകൾ നേരിടുന്നവർ ചികിത്സക്ക് എത്തുമ്പോഴും വേർതിരിവുകൾ പ്രകടമാണ്.

👉പുരുഷന്മാരെ അപേക്ഷിച്ച് മാനസിക രോഗങ്ങൾ കൂടുതലായി നിർണ്ണയിക്കപ്പെടാനും, അതുപോലെ മരുന്നുകൾ നൽകപ്പെടാനും സാധ്യത സ്ത്രീകളിലാണ്.

👉സ്വന്തം തീരുമാനത്തിന് വിരുദ്ധമായി അഡ്മിറ്റ് ചെയ്യപ്പെടാനുള്ള സാധ്യതയും സ്ത്രീകളിൽ കൂടുതലാണ്.

👉ചികിത്സ തിരഞ്ഞെടുക്കുന്നതിനും, അത് സംബന്ധിച്ച തീരുമാനങ്ങൾ എടുക്കുന്നതിലും സ്ത്രീകളുടെ അഭിപ്രായം പലപ്പോഴും ചോദിക്കുന്ന പതിവില്ല.

📌മാനസിക രോഗമുള്ള സ്ത്രീകളോട് സമൂഹം കാണിക്കുന്ന നിലപാടുകളിലും വേർതിരിവുകൾ ഉണ്ട്.

👉സ്കിസോഫ്രീനിയ രോഗികൾ ആയിട്ടുള്ള പുരുഷന്മാരെ വിവാഹ ശേഷവും പങ്കാളി പരിചരിക്കുമ്പോൾ, രോഗികളായ സ്ത്രീകൾ ഡിവോഴ്സ് ചെയ്യപ്പെടാനും, ഒറ്റക്ക് ആക്കപ്പെടാനും, അതുപോലെ ശാരീരികമായി ഉപദ്രവിക്കപെടാനുമുള്ള സാധ്യത കൂടുതലാണ് എന്ന് ഇന്ത്യയിൽ നടന്ന ഒരു പഠനം കണ്ടതിയിട്ടുണ്ട്.

👉പുരുഷനെ അപേക്ഷിച്ച് മാനസിക രോഗമുള്ള സ്ത്രീകൾക്ക് കുടുംബപരമായ പിന്തുണ ലഭിക്കാൻ സാധ്യത കുറവാണ്.

👉മാനസിക രോഗമുള്ള കുടുംബാംഗങ്ങളെ പരിചരിക്കുക എന്ന ചുമതലയും പ്രധാനമായും സ്ത്രീകളാണ് ചെയ്യേണ്ടി വരുന്നത്.

📌ഇത്തരത്തിൽ മാനസിക രോഗ കാരണങ്ങൾ മുതൽ, രോഗ നിർണ്ണയം, ചികിത്സ, പരിചരണം തുടങ്ങിയ മേഖലകളിൽ ഒക്കെ ലിംഗപരമായ വ്യത്യാസങ്ങളും, മുൻവിധികളും നമ്മൾക്ക് കാണാൻ സാധിക്കും.

📌മാനസികാരോഗ്യ മേഖലിയിൽ ജോലി ചെയ്യുന്നവർ ഈ വിഷയങ്ങളെ കുറിച്ച് കൂടുതലായി പഠിക്കുകയും, ഈ മുൻവിധികളെ കണ്ടെത്തി പരിഹരിക്കുകയും ചെയ്യണം.

❤️ഈ കാലഘട്ടത്തിൽ നമ്മൾ കൂടുതൽ പ്രാധാന്യം നൽകുന്ന വിഷയാണ് മാനസിക രോഗങ്ങളുടെ പ്രതിരോധവും, മാനസികാരോഗ്യത്തിൻ്റെ പരിപാലനവും.

❤️രോഗ പ്രധിരോധ രംഗത്ത് ജൈവപരമായ രോഗ സാധൃതകളെ ഇല്ലാതാക്കുക എന്നത് നിലവിൽ അത്ര എളുപ്പമല്ല. എന്നാൽ കൃത്യമായ സാമൂഹിക- രാഷ്ട്രീയ -നിയമ ഇടപെടലുകൾ വഴി മാനസിക രോഗങ്ങളിലേക്ക് നയിക്കുന്ന സാമൂഹിക ഘടകങ്ങളെ നമ്മൾക്ക് നിയന്ത്രിക്കാൻ സാധിക്കും. അങ്ങനെ മാനസിക ആരോഗ്യം വർദ്ധിപ്പിക്കാനും, അതുപോലെ രോഗം വരാതെ തടയാനും നമ്മൾക്ക് സാധിക്കും.

❤️അതിനു പകരം കേവലം ലിംഗാടിസ്ഥനത്തിൽ മാത്രം രോഗത്തെ വേർതിരിച്ചു കാണുന്നതും, അത് ചിലരുടെ ബലഹീനതയായി കാണുന്നതും ഗുണത്തേക്കാൾ ദോഷമാണ് ചെയ്യുക. ഓരോ മേഖലയിലും ഇത്തരത്തിലുള്ള മുൻവിധികൾ നമ്മൾ കണ്ടെത്തി പരിഹരിക്കണം. അതിനുള്ള അവസരമായി ഈ വനിതാ ദിനം നമ്മൾക്ക് ഉപയോഗിക്കാം.

Let's based on gender
Let's on mental health of women

എഴുതിയത് :ഡോ. ജിതിൻ. ടി. ജോസഫ്
ഇൻഫോ ക്ലിനിക്

03/03/2022

ലോക കേൾവി ദിനത്തിൽ
സി.വി.ആറിന്റെ കരുതൽ സ്പർശം!

കർണപടത്തിലെ ദ്വാരം കാരണം കേൾവിക്കുറവ്, ചെവിയൊലിപ്പ് തുടങ്ങിയവയുള്ളവർക്കാണ് സൗജന്യ ശസ്ത്രക്രിയ*യിലൂടെ സി. വി. ആർ കരുണ്യഹസ്തം നീട്ടുന്നത്.

അവസരം മാർച്ച് 31 നു മുമ്പ് ബുക്ക് ചെയ്യുന്നവർക്കു മാത്രം!

വിളിക്കുക: 04924 293 333, 09526 223 400