KIND Palliative CARE keezhariyur

02/12/2021

*പിറന്നാൾ ദിനത്തിൽ കൈൻഡിന് കൈത്താങ്ങുമായി അഫ്‌ലഹ് റോഷൻ*

*ഓരോരുത്തരും അവരുടെ ജീവിതത്തിൽ ഓർത്തു വെക്കുന്ന ഒരു തീയതി ജന്മദിനമാണ് .അറിഞ്ഞും അറിയാതെയും ആഘോഷിച്ചും അവഗണിച്ചുമൊക്കെ ആയുസ്സിൻ്റെ പുസ്തകത്തിൽനിന്നും ഒരു താൾ കൂടി ചീന്തിയെടുത്ത് അതങ്ങ് കടന്നുപോകും. എന്നാൽ ചിലർ ഇങ്ങനെയാണ്. പിറവിയെ ഒരു സുകൃതമാക്കുന്നവർ.അത്തരമൊരു മിടുക്കനെ അഭിമാനത്തോടെ പരിചയപ്പെടുത്തട്ടെ.കൈൻഡ് പാലിയേറ്റീവ് കെയറിന്റെ സഹകാരികളായ തയ്യിൽ ഹനീഫയുടെയും ഷാഹിദയുടെയും മകനായ അഫ്‌ലഹ് റോഷൻ തന്റെ പതിമൂന്നാം ജന്മദിനമായ ഇന്ന് രാവിലെ സ്വന്തം സമ്പാദ്യക്കുടുക്കയിലെ 3539 രൂപ ജന്മദിന സമ്മാനമായി കൈൻഡ് ചെയർമാൻ കെ. പ്രഭാകര കുറുപ്പ് മാസ്റ്ററെ ഏൽപ്പിച്ചു.രോഗങ്ങളിലും അവശതകളിലും നാളുകൾ തള്ളിനീക്കുന്നവർക്ക് തണലൊരുക്കുന്ന നമ്മുടെ പാലിയേറ്റീവ് കെയറിന്റെ പ്രവർത്തന ചെലവിലേക്ക്.ഇതൊരു മാതൃകയാണ് പിന്തുടരാവുന്ന മാതൃക. അഫ്‌ലഹ് റോഷന്റെ നാണയത്തുട്ടുകൾ നമുക്ക് ചുറ്റുമുള്ള അർഹരായ വേദനയാനുഭവിക്കുന്നവർക്ക് ആശ്വാസമായി, മരുന്നായി, ആഹാരമായി, ഉപകരണങ്ങളായി തീർച്ചയായും എത്തും.*

❤️❤️❤️❤️❤️❤️❤️❤️❤️❤️

*അഫ്‌ലഹ് റോഷന് പ്രാർത്ഥനകൾ നിറഞ്ഞ ജന്മദിനാശംസകൾ.*

*ടീം കൈൻഡ്*
*കീഴരിയൂർ*

24/10/2021

KIND വളണ്ടിയർമാർക്കുള്ള പരിശീലന ക്യാമ്പ്

22/10/2021

08/10/2021

*പ്രിയപ്പെട്ടവരെ,*
*സന്തോഷകരമായ ഒരു കാര്യം അറിയിക്കട്ടെ.കൈൻഡ് പാലിയേറ്റീവ് കെയറിന്റെ ഹോംകെയർ വാഹനം ഒരുപാട് പേർക്ക് തണലൊരുക്കി, അകാലത്തിൽ നമ്മോട് വിടപറഞ്ഞ പ്രിയങ്കരനായ പാലാഴി കുഞ്ഞമ്മദ്ക്കയുടെ ഓർമക്കായി അദ്ദേഹത്തിന്റെ കുടുംബം വാങ്ങിത്തരാമെന്ന് അറിയിച്ചിട്ടുണ്ട്. സ്നേഹസാന്ത്വന വഴിയിൽ കൈൻഡിന് കൈത്താങ്ങാവുന്ന പാലാഴി കുടുംബത്തിന് അകം നിറഞ്ഞ നന്ദി, പ്രാർത്ഥനകൾ*

*ടീം കൈൻഡ്*
*കീഴരിയൂർ*

05/10/2021

ആ 5120 രൂപ ഒരു ചെറിയ തുകയല്ല ,വിലമതിക്കാനാവാത്തതാണ്

കീഴരിയൂരിൽ ആരംഭിക്കുന്ന കൈൻഡ് പാലിയേറ്റീവ്കെയറിന്റെ കഴിഞ്ഞ തിങ്കളാഴ്ച നടന്ന ആലോചനാ യോഗത്തിൽ പ്രാഥമിക പ്രവർത്തനങ്ങൾക്കാവശ്യമായ തുക എങ്ങനെ കണ്ടെത്തും എന്ന ചർച്ചക്കിടെ പ്രിയ സ്നേഹിതൻ പുതിയടത്ത് റിയാസ് എഴുന്നേറ്റ് നിന്ന് ഒരു കാര്യം പറഞ്ഞു.ഞാനും കുടുംബവും അടുത്ത ഞായറാഴ്ച ഒരു ടൂർ പോകാൻ ഉദ്ദേശിച്ചിട്ടുണ്ട്. അതിന് വണ്ടിയും ഏൽപ്പിച്ചിട്ടുണ്ട്.അതിനായി കഴിഞ്ഞ കുറച്ചു മാസങ്ങളായി എല്ലാദിവസവും ചെലവ് കഴിച്ച് മിച്ചം വരുന്ന ചെറിയ തുക ഒരു ബോക്സിൽ നിക്ഷേപിക്കാറുണ്ടായിരുന്നു. ഏകദേശം അയ്യായിരം രൂപ ഉണ്ടാവും. തൽക്കാലം ടൂറിനെക്കാൾ സന്തോഷം നൽകുന്നത് ആ തുക കൈൻഡിന് ആദ്യ സംഭാവനയായി നൽകുന്നതാണ് .
ആ തുക (5120 രൂപ)കഴിഞ്ഞ ദിവസം റിയാസ് കൈൻഡ് ചെയർമാൻ കെ. പ്രഭാകരകുറുപ്പ് മാസ്റ്ററെ ഏൽപ്പിച്ചു.കൈൻഡിന് ലഭിച്ച ആദ്യ സംഭാവന സ്വീകരിച്ച ആ അവസരം ഏറെ സന്തോഷം തോന്നി.വീടകങ്ങളിൽ കിടപ്പിലായിപ്പോയ നമ്മുടെ സഹജീവികളെ പരിചരിക്കാനായി ആരംഭിക്കുന്ന കൈൻഡിന് വേണ്ടി തങ്ങളുടെ ഏറെ നാളത്തെ ആഗ്രഹം മാറ്റി വെച്ച റിയാസും കുടുബവും നൽകിയ 5120 രൂപ കൈൻഡ് പ്രവർത്തകരെ സംബന്ധിച്ച് ഏറെ വിലപ്പെട്ടതാണ്. ഇങ്ങനെയുള്ള മനുഷ്യസ്നേഹികളാണ് ഇത്തരം സംരംഭങ്ങളുടെ കരുത്ത്. വാക്കുകളിൽ ഒതുക്കാനാവില്ല എന്നറിയാം, റിയാസിനും കുടുംബത്തിനും മനസ്സകം നിറഞ്ഞ നന്ദി. ദൈവം താങ്കൾക്കും കുടുബത്തിനും എല്ലാവിധ ക്ഷേമ ഐശ്വര്യങ്ങളും നൽകി അനുഗ്രഹിക്കട്ടെ.

പെരുത്ത് സന്തോഷത്തോടെ

ടീം കൈൻഡ്, കീഴരിയൂർ

04/10/2021