Swaayu Cancer Care Centre

14/12/2024

🌿 Revolutionizing Cancer Care with Evidence based Ayurveda 🌿

At 10th World Ayurveda Congress
We are proud to share a milestone in our journey to bring hope and healing to cancer patients worldwide. Presented a research paper on "Efficacy of Ayurvedic Treatment in reducing Brain Tumour Size: A Case Series Study" at the prestigious International World Ayurveda Conference.

This study sheds light on the transformative potential of Ayurveda in treating complex conditions like brain cancer.
Our evidence-based findings highlight how personalized Ayurvedic therapies can reduce tumor size, Enhances recovery along with Survivorship and Improves patients' Quality of life.

At Dr. Kalyankar’s Ayurvedic Cancer Clinic & Swaayu Cancer Care Centre, we remain committed to blending ancient wisdom with modern research to provide holistic cancer care.

💡 Let’s explore the power of Ayurveda to transform lives! If you or your loved ones are seeking Ayurvedic solutions for cancer care, connect with us today.

📞 Contact us: (+91) 8898630831

Together, let's make healing a holistic journey! 🌱

23/04/2024

पाश्चिमात्य देशांपेक्षा भारतात कॅन्सर कमी आहेच आणि तो अजून कमी करणं आपल्या हातात आहे, डॉक्टर राजेंद्र बडवे सांगत होते. कॅन्सरसारख्या विषयावर बोलताना आश्वासकरित्या कसं बोलावं याचं मूर्तिमंत उदाहरण म्हणजे वसंत व्याख्यानमालेतलं कालचं त्यांचं भाषण. दादरच्या अमर हिंद मंडळानं ही व्याख्यानमाला आयोजित केलेली आहे.

भारतात ग्रामीण भागात दर एक लाख माणसांमध्ये 30 लोकांना कॅन्सर होतात, मध्य आकाराच्या शहरांमध्ये हे प्रमाण दर एक लाखांमध्ये 60 ते 65 आहे तर महानगरांमध्ये हे प्रमाण दर एक लाखांमध्ये 100 असं आहे. युरोपातल्या देशांमध्ये हेच प्रमाण शहरात एका लाखामागे 350 इतकं आहे.

पाश्चिमात्य देशांपेक्षा भारतात मोठ्या आतड्याच्या कॅन्सरचं प्रमाण फार कमी आहे. याचं कारण आहे भारतीय आहार. भारतीय जेवणात मांसाहारी पदार्थ हे भरपूर मसाल्यात केलेले असतात शिवाय बरोबर भाज्या, कोशिंबीरी खाण्याची सवय असते. त्यामुळे बद्धकोष्ठ होत नाही आणि आतड्याच्या कॅन्सरला फारसा वाव मिळत नाही. याउलट परदेशातले लोक फक्त मांसाचे तुकडे खातात बरोबर भाजी म्हणून बटाटा. बद्धकोष्ठाचं प्रमाण जास्त तितकी आतड्याच्या कॅन्सरची शक्यता जास्त.

भारतात जे कॅन्सर कॉमन आहेत त्यात स्तनाचा कॅन्सर, गर्भाशय मुखाचा कॅन्सर आणि तंबाखूमुळे होणारे कॅन्सर आहेत. आणि हे तिन्ही कॅन्सर जर प्राथमिक अवस्थेत लक्षात आले तर ते बरे होण्याची शक्यता खूप जास्त आहे. त्यामुळे लवकर निदान होणं गरजेचं आहे.

भारतात सर्वात जास्त कॅन्सर बघायला मिळतात ते तंबाखूमुळे होणारे कॅन्सर. या कॅन्सरचं भारतातलं प्रमाण एकूण कॅन्सरपैकी तब्बल 40 टक्के आहे. कुठल्याही स्वरूपातलं तंबाखू सेवन हे हानिकारक आहेच. त्यामुळे रक्तदाब वाढतो, हृदयविकार होऊ शकतो आणि सगळ्यात वाईट म्हणजे कॅन्सरही होतो. आणि तंबाखू सेवनामुळे निश्चित कॅन्सर होतोच. या कॅन्सरमध्ये घशाचा, तोंडाचा, नाकाच्या मागच्या भागाचा कॅन्सर मोठ्या प्रमाणात आढळून येतो.

कॅन्सर होण्याची तीन निश्चित माहीत असलेली कारणं आहेत. एक म्हणजे तंबाखू सेवन, दुसरं म्हणजे स्थूलता किंवा जाडेपणा आणि तिसरं म्हणजे काही प्रकारची इन्फेक्शन्स किंवा संसर्ग. स्थूलतेसाठी कारणीभूत आहे ती शहरांमधली अन्नाची अति मुबलकता आणि बाहेरचं खाणं.

स्त्रियांचं जसं वय वाढतं आणि त्या मेनोपॉजच्या जवळ येतात तसं नैसर्गिकरित्या त्यांचं वजन वाढणार असतंच. पण त्याआधीच वजन जर जास्त असेल तर मग अशा वाढलेल्या वजनामुळे स्तनाच्या कॅन्सरची आणि इतर कॅन्सरची शक्यता बळावते. इतकंच नाही तर कॅन्सरमधून बरं झाल्यावर वजन जर आटोक्यात ठेवलं नाही तर रिकरन्सची शक्यता वाढते. म्हणून वजन आटोक्यात ठेवणं गरजेचं आहे.

स्तनाच्या कॅन्सरसाठी स्त्रियांनी स्वतपासणी करणं, प्रशिक्षित नर्स किंवा डॉक्टरकडून स्तनांची तपासणी करून घेणं आणि मॅमोग्राफी करणं या तीन गोष्टींपैकी एक गोष्ट करणं आवश्यक आहे. पण जर स्वतपासणी करण्याचा ताण येत असेल तर ती करू नका असं डॉक्टरांनी सांगितलं. इथे एक फार विलक्षण गोष्ट त्यांनी सांगितली – तीन वर्षांपूर्वी टाटा मेमेरियल हॉस्पिटलनं अंध स्त्रियांच्या एका समुहाला स्तनाचा कॅन्सर शोधण्यासाठीची हातानं करण्याची तपासणी शिकवली. तीन महिन्यांच्या प्रशिक्षणानंतर आज या स्त्रिया अत्यंत सफाईनं स्तनांचे कॅन्सर डिटेक्ट करू शकतात आणि त्यांची ही तपासणी मॅमोग्राफीइतकी अचूक आहे!

गर्भाशयमुखाचा कॅन्सर हा लैंगिक संबंधामधून होणा-या एका विषाणू संसर्गामुळे होतो. मात्र भारतातलं त्याचं प्रमाण आता कमी कमी होतं आहे कारण हा कॅन्सर टाळण्यासाठी सगळ्यात महत्त्वाचा प्रतिबंधात्मक उपाय म्हणजे जननेंद्रियांची स्वच्छता करणं हा आहे. शहरातल्या लोकांकडे स्वतंत्र बाथरूम आणि हवा तो खाजगीपणा असल्यामुळे शहरात आता या कॅन्सरचं प्रमाण एका लाखात फक्त 6 स्त्रिया असं आहे. मात्र ग्रामीण भागात उघड्यावर अंघोळ करण्यानं स्वच्छता नीट होत नाही त्यामुळे त्या भागात अजून हे प्रमाण एका लाखात 25 स्त्रिया इतकं आहे. हा कॅन्सर पुरुषांकडून बाईला झालेल्या संसर्गामुळे होतो. मुस्लिम लोकांमध्ये या कॅन्सरचं प्रमाण लहान गावात, शहरात आणि मुस्लिम देशांमध्येही एका लाखात फक्त 5 इतकं आहे आणि ते स्थिर आहे. याचं कारण मुस्लिम पुरुषांची सुंता केली जाते.

टाटा मेमेरियलनं बार्शी या लहानशा गावात 25 वर्षांपासून एक कॅन्सर नोंदणी केंद्र चालवलेलं आहे. या नोंदणी केंद्राचं काम आहे ते म्हणजे वर्षांतून एकदा प्रत्येक घरी जाऊन कॅन्सर झालेल्या पेशंटच्या संख्येची नोंदणी करणं. आणि गेल्या 25 वर्षांत त्या भागात म्हणजेच ग्रामीण भागांत कॅन्सरचं प्रमाण स्थिर राहिलेलं आहे. जिथे शहरीकरण जास्त तिथे कॅन्सरचं प्रमाण जास्त. याचं कारण अति कॅलरी असलेलं अन्न खाणं, स्थूलता आणि व्यायामाचा अभाव हे आहे.

भारतातल्या काही राज्यांमध्ये कॅन्सर जास्त दिसतात. पंजाबमध्ये कॅन्सर जास्त कारण तिथली सुबत्ता! जितकी सुबत्ता जास्त, तितकं खाणं जास्त त्यामुळे अर्थातच कॅन्सर जास्त. ईशान्येकडच्या राज्यात तंबाखूचं जास्त सेवन आणि त्यांच्या आहारातल्या गोगलगायींचं सेवन यामुळे कॅन्सर जास्त दिसतो. गोगलगायी खाल्ल्यामुळे कॅन्सर होत नाही तर त्यांच्यामध्ये एक पॅरॅसाईट असतो त्यामुळे कॅन्सर होत असावा असा निष्कर्ष आहे. बंगाली लोक गोड्या पाण्यातले मासे खातात. त्या माशांच्या कातडीवर एक पॅरॅसाईट अंडी घालतो आणि त्यामुळे कॅन्सर होतात. नदीच्या काठांवरच्या गावांमध्ये या कारणामुळे होणा-या कॅन्सरचं प्रमाण जास्त दिसतं.

जे कॅन्सर दुर्मिळ आहेत त्यांची काळजी करत बसायचं कारण नाही असं डॉक्टर बडवे म्हणाले. काही लोकांमध्ये कॅन्सर आयुष्यभर असतात पण ते वाढत नाहीत आणि प्रकटही होत नाहीत. त्यामुळे अति तपासण्या करणं गैर आहे. काळजी घेणं आणि काळजी करणं या दोन वेगळ्या गोष्टी आहेत असंही डॉक्टर म्हणाले. जे कॅन्सर कॉमन आहेत त्यांच्या तपासण्या सोप्या आहेत. जसं की स्तनाचा कॅन्सर, तोंडाच्या किंवा घशाच्या कॅन्सरसाठी फक्त चांगला टॉर्च आणि निष्णात डोळे यांची गरज आहे आणि गर्भाशयमुखाच्या कॅन्सरसाठी पॅप स्मिअर आणि शारिरीक तपासणी पुरेशी आहे.

कॅन्सरमध्ये आनुवंशिकता केवळ 2 टक्के इतकीच आहे. बाकी कॅन्सर आनुवंशिक नसतात. कॅन्सर संसर्गजन्य नाहीत असंही डॉक्टरांनी सांगितलं.

त्यानंतर झालेल्या प्रश्नोत्तरांमध्ये डॉक्टरांनी लोकांचं शंकानिरसन केलं. मोबाइल वापरामुळे कॅन्सर होत नाहीत. मायक्रोवेव्हच्या वापरामुळे कॅन्सर होत नाहीत. फ्रीजच्या वापरामुळे कॅन्सर होत नाहीत. खरंतर अन्न जतन करण्याच्या जास्त चांगल्या पद्धतींच्या वापरामुळे अन्नातून होणा-या संसर्गांमुळे होणा-या कॅन्सरचं प्रमाण कमी होतं आहे. असं असलं तरी ताजं अन्न सेवन करणं सगळ्यात उत्तम कारण त्यात पोषणमूल्यं जास्त असतात असंही त्यांनी सांगितलं.

आयुर्वेद किंवा होमिओपॅथीसारख्या पॅथी या तुम्ही बरोबरीनं वापरू शकता पण आधुनिक वैद्यकाला पर्याय नाही. आधुनिक वैद्यक पद्धती न वापरता केवळ या उपचार पद्धती वापरू नयेत असंही त्यांनी सांगितलं.!

म्हणजे भारतातल्या एकूण कॅन्सरपैकी 40 टक्के कॅन्सर तंबाखूमुळे, 20 टक्के कॅन्सर स्थूलतेमुळे आणि 10 टक्के कॅन्सर हे संसर्गांमुळे होतात. हे सर्व कॅन्सर टाळता येऊ शकतात किंवा लवकर निदान करून जीव वाचू शकतात. बाकीचे कॅन्सर हे दुर्मिळ आहेत. त्यामुळे त्यांची नसती काळजी करू नका. तुम्ही हेल्दी आहात आणि राहाणार आहात असंही डॉक्टरांनी सांगितलं.

कॅन्सरसारख्या धडकी भरवणा-या विषयावर इतकं सहज आणि आश्वासक बोलणं हे इतकं सुंदर होतं. मी स्वतः गेली 15 वर्षं दर वर्षी डॉक्टरांना भेटते आहे. त्यांच्याशी 5 मिनिटं बोलल्यावर जो हुरूप येतो तो मी अनुभवलेला आहे आणि अनुभवते आहे. कधीही डॉक्टरांना इमेल केली की 24 तासांच्या आत त्यांचं उत्तर आलं नाही असं होत नाही. केवळ त्यांच्याच विषयातल्या नाही पण इतर कॅन्सरसाठी ते कुणाला भेटावं काय करावं हे सांगतात. हा माझा विषय नाही असं कधीही म्हणत नाहीत. त्यांच्याकडे पेशंट म्हणून येणा-या स्त्रियांना ते किती बळ देतात हे मी बघितलेलं आहे. म्हणूनच कालचं हे व्याख्यान ऐकणं माझ्यासाठी परत एकदा भारावून टाकणारा अनुभव होता. अमर हिंद मंडळानं इतका छान विषय घेतल्याबद्दल आणि लोकांना हा अनुभव दिल्याबद्दल त्यांचे मनापासून आभार.

(सायली राजाध्यक्ष यांच्या वॉलवरून साभार)
#कॅन्सरडायरी
यावर अनेकांची मतमतांतरं असू शकतात. मात्र वरची पोस्ट डॉक्टरांनी काल व्याख्यानात जे सांगितलं त्यावर आधारित आहे. दुसरी गोष्ट डॉक्टर टाटा मेमोरियल हॉस्पिटलचे डिरेक्टर होते त्यामुळे त्यांचा या विषयातला अधिकार वादातीत आहे.

30/10/2023

Hello Everyone 💐

We are Very Happy to share with you all that We are Invited as guest speaker , CME organised by Dr Ravi Wategaonkar oncologist and GAPA held at Hotel Noorya Hometel.

shared our views on Ayurveda Aspect on Cancer and cases treated by us at our own Swayu Cancer Care.

Following are the glimpse of the session and hope our services to fight against Cancer will go on successfully.

Dr Shishir Paratane MD (Ayurveda)
Dr Kiran Kalyankar. MD (Ayurveda)

26/01/2023

वन्दे मातरम् 🫡🇮🇳

10/09/2021

"Lung Cancer & Ayurveda"

Lecture and case studies presented during "National Webinar" organised by E-Ayurshala.
Thanks to Dr.Mangesh Patil Sir, Dr.Amit Chavan & Dr.Ashish Punde for this opportunity.

15/11/2020

Our Recent article on *Cancer treatment* published in
TOI " *Times of India*" news paper today on
" *DHANVANTARI JAYANTI*" (AYURVED DAY)

Dr Shishir Paratane
Dr Kiran Kalyankar

07/11/2019

08/08/2019

*।। हायब्रीडेशन अन महाप्रलय ।।*

*"शुद्ध बीजापोटी । फळे रसाळ गोमटी ।।"*

बीज उत्तम दर्जाचे असेल तर येणारा वृक्ष ही उत्तम असेल।। त्याची फळे ही रसाळ असतील ।

*संस्कार - पोषण आदी महत्वाचे पण त्याही आधी शुद्ध बीज महत्वाचे।* सुसंस्कृत कर्तृत्ववाण आई बापाचा पोरगा, त्यांच्या संस्कारात छत्रछाये खाली सुसंस्कृत कर्तृत्ववानच होणारच।।

*उत्तम पोषित झालेला, उत्तम वाढलेला वृक्षच योग्य ऋतु काळात उत्तम बीज निर्मिती करू शकतो।* हा सृष्टीचा साधा सोपा नियम आहे ।।...

सध्या आपलं पोषण करतं कोण हो?

आपण खातो काय ???

तर *हरितक्रांतीच देणं ।। हायब्रीड अन्न...! संकरित जर्शीच दूध।।। अन चाळीस दिवसाची कोंबडी।।।*

प्रत्येक ठिकाणी हायब्रीडेशन झालं आहे आज ।। फळं - भाज्या - धान्य...!
एवढं काय दुग्धजन्य प्राण्यात पण संकर करून आपण दुधा-मांसाच उत्पन्न वाढवलं आहे।।

या हायब्रीड खाण्यानं आज आपण मनुष्याचे बीजही दुषित होतं चाललं आहे।।

जरा विचार करा..,
*आजची ही हायब्रीड जमात,त्यांच्या बी पासुन नवीन रोप तयार करण्यास ही सक्षम नसते।।*

खोटं वाटत असेल, तर बाजारातल्या हायब्रीड कलिंगड्याची बीया लावुन बघा।।

किती रोपं येतात.. किती टिकतात ..अन टिकलीच तर टिकलेली कसली फळं देतात हेही बघा ।।।

यांना यांची उत्पत्ती नाही सांभाळता येत ।। ही आमची काय सांभाळणार।।।

हायब्रीडेशन मध्ये आपण करतो काय???

- झाडाचा आकार (size) कमी करतो अन फळाचा आकार वाढवतो।।।
फळांची संख्या वाढवतो।।
Quality कमी करून Quantity वाढवतो...!

- झाडाच्या पूर्ण वाढीकडे लक्ष न देता फक्त त्याच्या फलोत्पादन वाढीचा विकास अधिक करतो।।

म्हणजे 4 वर्षांनी फळं देणारा हापूस पाहिल्याचं वर्षी मोहोर देतो।।।
जेव्हा त्याला त्या फळाचं ओझं ही झेपावत नसतं।।।

आम्ही नुसतेच म्हणतो बाल विवाह नको ।। वय वर्ष 18 ते 21 नंतर विवाह योग्य।।

पण आपण जी हायब्रीड फळे अन्न धान्य आदी आहार खातो त्यांचा परिणाम म्हणून मुलं मुली फार लौकर वयात येत आहेत।।

मुलींमध्ये वयाच्या नवव्या वर्षीच मासिक धर्म सुरू होत आहे।।

सामान्य विशेष न्यायानुसार,
*समानाने समानाची वृद्धी होते।।*
जसे आपण खाऊ तसे आपण बनु।।

या न्यायाने,
*शरीर पक्व होण्या आधी फळे देणाऱ्या वृक्षाची फळे खाऊन बनलेली मनुष्य शरीरे वेळे आधीच गर्भधारणे योग्य होत आहेत।।।*

अप्रत्येक्षपणे आपण त्यांची फक्त प्रजनन क्षमता फार विकसित करत आहोत.

शारीरिक भार थोड्या युक्तीने आपण टाळू शकतो पण,

*"कसा झेपतील हो हा मानसिक भार या नाजूक कळ्या???"*

विचार करा, इतक्या कमी वयात या अपक्व मनात कित्ती कल्ला माजत असेल।।

मग हा भार सोसता सोसता आमच्या आयुष्यारेषा ही खालावत चालल्या आहेत।।

नवव्या वर्षी जवानी ।। अन पस्तीस चाळीशीत म्हातारपण।। अन 55-60च्या पुढंच आयुष्य म्हणजे बोनस Life।।

हार्मोन्स वर वाढवलेलं दुध अन मांस खाऊन आमच्यात किती हार्मोन्स बिघडलेत हे वेगळं सांगायची गरज नाही।।

हे आमच्या Lab Test च्या फायली दाखवत असतात।।

TFT- T3, T4, TSH
FSH
LH
ACTH
आदी ढिगभर आहेत....,

आज पुरुषांमध्ये दिसणारा Gynecomastia (म्हणजे पुरुषांच्या स्तनाची रचना स्त्री स्तनांप्रमाणे होणे) हे या हार्मोन्स युक्त दुधा - मांसाचीच देणगी आहे।

स्त्री मध्ये वाढलेलं PCOD चं प्रमाण।।
हे ही याचंच एक उदाहरण।।

पशुपक्षांच्या शरीरावर तर हायब्रीड अन्नधान्याचा परिणाम केव्हांचाच दिसु लागला आहे।

हायब्रीड धान्य खाऊन पक्षांच्या अंड्याची कवच अतिशय पातळ तयार होत आहे।। त्यामुळे अंडी पूर्ण उबण्यापूर्वीच तडकतात। अकाली जन्म झालेल्या या पिल्लाला N. I. C. U. नाही हो मिळत....! आणि ती दगावतात.

यानेच पक्षांची संख्या दिवसेंदिवस कमी होत आहे।।।
पण आम्हाला कुठं त्यांच पडलंय???

आजकाल वाढलेल्या सिझेरियन सेक्शन(L.S.C.S.) चं देखील हेच कारण आहे. ते गर्भात वाढलेलं बाळ स्वतः हुन बाहेर येण्यास अन त्या आईचं गर्भाशय त्या गर्भाला बाहेरची वाट देण्यास असक्षम बनत चालंल आहे।।

त्यामुळं सातव्या आठव्यातच सिझर करावं लागतंय।।

हायब्रीड करताना आजून काय करतो आपण...?

*नुसती वाढ करतो।।*
जी प्रमाणबद्ध नसते।।
वाकडी- तिकडी , उभी - आडवी।।
नुसती वाढ।।
पण ही वाढ विकृत दिसते।।।

जुडवा केळी- मक्याच्या दाण्यावर दाणा वाढलेलं कणीस- धब्बू मिरचीच्या आकाराचे टोमॅटो - लांबसडक वांगी,गाजर आदी

आता Cancer म्हणजे काय ते पाहू???

*Normal cell division (mitosis) in our body is a highly regulated mechanism, controlled by genes (made up of DNA) through growth regulatory pathways. A prolonged exposure to carcinogens damages the DNA and induces mutations in growth regulatory genes including oncogenes and tumour suppressor genes and pathways leading to loss of control over normal cell division. The mutated cells go haywire and proliferate indiscriminately (pathological mitosis), usually forming a mass, known as a neoplasm or a malignant tumour or in simple words, a CANCER.*

बरं अजुन एक सोप्पी व्याख्या....

*Uncontrolled, Abnormal and Irregular Growth of Cells in the Body is called CANCER.*

आपल्या हायब्रीडेशन च ध्येय काय??
तर फक्त वाढ।।।
उत्पन्नात वाढ।।
वजनात वाढ।।
Quantity मध्ये वाढ।।

मग यासाठी आपण त्या वनस्पतीच्या पेशींच्या DNA च्या मुळ रचनेतच बदल घडवतो।।

या केलेल्या बदलातून निर्माण झालेल्या हायब्रीड अन्न - धान्य - फल यावर पोसलेल्या जिवांमध्ये, त्यांच्यातल्या पेशीमध्ये (cells मध्ये) ही हा बदल होऊ लागतो।। त्यांची वाढ ही झपाट्याने होऊ लागते।।

आणि मग हा
*"वाढता वाढता वाढे, भेदीले मनुष्य जिवना।।।।"*

अशी गोष्ट होऊन बसली आहे।।
हे हायब्रीड अन्नच Cancer च मुळ कारण आहे।।

तंबाखु - गुटखा - धूम्रपान - Radiation आदी कारणे ही फक्त as a stimulation किंवा Irritant आहेत।

शुद्ध भाषेत बोलायचं झालं तर,

*" हे सर्व निमित्त मात्र आहेत"*

जे एखाद्या पेशीला छेडून तिला Irregular - Abnormal - Uncantrolled वाढ होण्यास प्रवृत्त करतात।।
Cancer चे मुळ कारण तर हायब्रीड अन्नच आहे।। याच्या सेवनाने पुढील काही दशकात cancer का सामान्य होऊन जाणार।।

आणखी एक गोष्ट म्हणजे या हायब्रीड जमाती रासायनिक खते अन रासायनिक किटकनाशके यांशिवाय वाढत ही नाहीत व्यवस्थित।।।

जसं N.I.C.U. मध्ये काचेच्या पेटित एखादं बाळ जगवल जातं।।
तसं जपावं लागतं यांना।।

आणि आपण ही त्या झाडाला/पिकाला स्वतः हुन वाढायच चान्सच देत नाही।।

साधं गावखत, सेंद्रिय खत यातून अन्न शोधण्याचे कष्ट देखील आपण पिकाच्या/ झाडाच्या मुळाला होऊ देत नाही।।

सगळं एकदम रेडीमेड त्याच्या मुळाशी आणून ठेवतो।।
युरिया - फॉस्फेट - नत्र

10:26:26
18:46
0:0:52
0:0:61
34:0:52

कृषिधन
महाधन
किसान
अजून काय काय।।..!

हे खा अन फुग।।। असच।।

प्रोटीन पावडर वर वाढलेल्या बॉडीबिल्डर प्रमाणे वाढवतो आपण त्याला।।

*फक्त प्रदर्शन ।। आणि उपयोगापेक्षा अपायच अधिक।।।*

*" वृक्ष ज्या तत्वावर पोसला जातो, ती तत्वेच त्या वृक्षापासून मिळणाऱ्या फलाच्या सार भागात असणारच...!"*

अतिउत्पन्न घेण्यासाठी केलेले Hybridation असो,

भरमसाठ दिलेली रासायनिक खते असोत।।

किंवा गाई म्हशीला दुधवाढीसाठी दिलेले oxitocin चे injection असो।।

नाहीतर बॉयलर कोंबडीला वजन वाढीसाठी दिलेली विविध हार्मोन्सची injection असोत।।

त्या फलात येणारच।।।।
ते फल खाणाऱ्याला त्याचे परिणाम भोगावेच लागणार।।

आणि त्याचा दुष्परिणाम खुप भयावह आहे।। हेच पुढे जीवसृष्टीच्या नाशाचे कारण आहे।।

ही हरितक्रांती - दुग्धक्रांती वरदानापेक्षा शापच ठरत आहे।।
कारण त्याचे परिणाम आज जगासमोर दिसत आहेत।।

वाढलेलं आजार, नवनवीन रोग, दवाखान्यात दिसणारी भरपूर गर्दी, दररोज येणारी नवनवीन औषधी - लसीकरण - तपासण्या यामुळे ही आरोग्य मिळेना झालंय।।

पूर्ण बरं करणं सोडा आटोक्यात पण राहिना झालंय।।

हरितक्रांती - दुग्धक्रांतीने पोटात काहीतरी जाऊन *भुक जरी भागत असली तरी तृप्ती काही अजुन मिळाली नाही।।।*
अन हीच अतृप्ती आजार निर्माण करत आहे।।।

देशी वाणावर भर देणे आज अत्यंत गरजेचे आहे।

- देशी वाण शरीराची बांधणी उत्तम करण्यास सर्वोत्तम आहेत।

- देशी वाण हे निसर्गातील बदलाला तोंड देऊन सक्षम पणे वाढलेले असतात।

- देशी वाण स्वतः च्या शरीराची पूर्ण वाढ झाल्यावरच फल धारणा करतात।

- परिपक्व अशा शरीराने केलेल्या फल धारणेतून मिळणारे फल हे परिपक्वच मिळते।।तशीच परिपक्व ताकत ते आपल्या शारीराला देतात। पर्यायाने आपली रोगप्रतिकारक शक्ती उत्तम ठेवण्यास मदत करतात।।

म्हणून या देशी वाणाचे रक्षण करणे। त्यांची जपवणुक करणे।। त्यांचाच अवलंब करणे ही काळाची नितांत गरज आहे।।

पण या देशी वाणाची किंमत नाही कळत आपल्याला।।

म्हणून माझ्या शेतकरी बांधवांना मी नेहमी सांगत असतो,

"तुम्ही बाजारात काहीही विका।। पण घरात देशी पद्धतीने पिकवलेला देशी वानच खावा।।"

डेरीला जर्शी च दूध विका, पण घरासाठी पांढरी खिलारच।।

अन गावच्या जत्रेत लाल तुर्याचा देशी कोंबडाच।।।
बॉयलर आजिबात नाही।।।
ना अंडे ना तिचे Injection वर फुगलेले मांस।।।

आपण म्हणाल असं का ???
असे चुकीचे सल्ले लोकांना का देता।।

कारण *या लुकलुकत्या जगाला किंमत नाही करता येत हो आपल्या देशी वाणाची..!*

मातीमोलाने देशी वाण बाजारात विकत घेतला जातो।।। तो विक्रीसाठी पिकवल्यास काहीही केल्या, कसाच परवडत नाही शेतकऱ्याला।।

देशी वाणाकडे
*"सवतीच्या लेकराकडे बघितल्यागत नजर टाकली जाते हो बाजारात...!"😢*

भाव पाडून माल मागितला जातो...!

काळ्या मनुक्या निकृष्ट म्हणून बेदाणे मार्केटला सौदयात सर्वात स्वस्त खरेदी होते आमच्या कडून ।।
अगदी 20-30रुपये किलो पासून 100पर्यंत ।।

अन मार्केट मध्ये लोहयुक्त म्हणून 300- 400रु किलोने विक्री होते।।

*"या देशी वाणाचं मोल अन त्याची चव खाणाऱ्यालाच कळणार।।।"*

या कलियुगात कुठला प्रलय फिलय नाही येणार।।। ना कुठलं तिसरं महायुद्ध होऊन पृथ्वीचा नाश होणार आहे।।

तर या *मनुष्याच्याच विपरीत अन लोभी बुद्धीने काढलेला हा हायब्रीड शोध त्याच्या सकट इतर प्राण्यांच्या बिजाचीही वाट लावणार आहे।। अन आशा निकृष्ट बिजा पासुन निर्माण होणारी "बांडगुळे" या पृथ्वीतलावर ज्यास्तकाळ तग धरण्यास सक्षम नसतील।।*

*आणि यातुनच जीवसृष्टीचा नाश होणार आहे।।।*
*आणि हाच तो महाप्रलय असेल..!!!*
लेखक-: डॉ सौरभ कदम

(आरोग्य विषयक लेख मिळवण्यासाठी आपले नाव आणि व्हाट्सअप्प क्रमांक पुढील फोन क्रमांक वर पाठवा.
8898630831)

01/08/2019

" कॅन्सर जनजागृती अभियान "

काल मुंबई मध्ये असणारा मुसळधार पाऊस, संस्थेच्या सभागृहाचे नुतनीकरणाचे चालू असलेले काम असूनही भायखळा येथील 'कॅन्सर रिसर्च फाउंडेशन ' येथे कॅन्सर विषयावर माहिती घेण्यास श्रोत्यांचा उत्तम प्रतिसाद मिळाला. सर्व सामान्य जनतेस या आजारा विषयि प्राथमिक माहिती मिळावी व जागरूकता निर्माण होण्यासाठी 'Cancer: Prevention & Care' या विषयावर व्याख्यान आयोजित केले होते.

कॅन्सर का आणि कोणाला होवु शकतो? याची सुरुवातिची लक्षणे कशी ओळखावीत? आहारात कोणते बदल करावेत? तसेच आयुर्वेदिक उपचारांचे महत्व या विषयीचे मार्गदर्शन या व्याख्याना द्वारे करण्यात आले.
व्याख्यान झाल्यावरहि अनेक श्रोत्यांनी मुक्तपणे संवाद साधत
शंकांचे समाधान करुन घेतले.
डॉ शिशीर परतणे यांच्या विशेष सहकार्यासाठी धन्यवाद. व्याख्यानाची संधी दिल्याबद्दल CARF च्या सर्व सहकारी मित्रांचे मनापासून आभार. व्याख्यानाची संधी दिल्याबद्दल तबस्सूम खान मॅडम आणि डॉ भावना मॅडम यांचे विशेष आभार.

(व्याख्यान आयोजीत करायचे असल्यास 8898 630 831 या मोबाईल क्रमांकावर संपर्क करावा.)

12/11/2018

"सेंट्रल आयुर्वेद रिसर्च इन्स्टिट्यूट कॅन्सर" या केंद्र सरकारच्या संस्थेने घेतलेल्या राष्ट्रीय स्पर्धेमध्ये पारितोषिक प्राप्त:

कालचा धन्वंतरी जयंती व राष्ट्रीय आयुर्वेद दिवस हा कार्यक्रम खऱ्या अर्थाने साजरा झाला.
आपणास सांगण्यास अत्यंत आनंद होतो आहे की, "सेंट्रल आयुर्वेद रिसर्च इन्स्टिट्यूट कॅन्सर" या मिनिस्ट्री ऑफ आयुष च्या अंतर्गत येणाऱ्या केंद्र सरकारच्या संस्थेने घेतलेल्या राष्ट्रीय स्पर्धेमध्ये पारितोषिक प्राप्त झाले आहे.सदर स्पर्धेचा विषय : Ayurved: Scopes Challenges & Strategy असा होता.
हे यश माझे आई वडील, आपण सर्व गुरुजन, माझे मित्र डॉ शिशिर परतणे तसेच ईतर सर्व वैद्यमित्र सहकारी व माझे विद्यार्थी यांच्या योगदानाशिवाय शक्य झाले नसते.
पुनःश्च एकवार धन्वंतरी जयंतीच्या शुभेच्छा.