22/02/2026
ആഹാരത്തിലെ കൊതിയും മതിയും
നമ്മളെ ആഹാരം കഴിപ്പിക്കാൻ പ്രകൃതി ഒരുക്കിയ കെണിയാണ് കൊതി എന്ന് പറയാം. ആഹാരത്തിന് മണം നൽകി നിറം നൽകി രുചി നൽകി പരമാവധി കഴിക്കാൻ നമ്മളെ പ്രേരിപ്പിക്കുന്നു. ആഹാരത്തിൻറെ ലഭ്യത കുറഞ്ഞ വന്യജീവിതം ഉള്ള കാലഘട്ടത്തിൽ കിട്ടുന്ന ആഹാരം പരമാവധി കഴിക്കുക എന്നുള്ളതായിരുന്നു പ്രകൃതിയുടെ നിയമം. അത് പലവിധത്തിൽ സ്റ്റോർ ചെയ്തു വയ്ക്കാൻ ശരീരത്തിൽ സംവിധാനവും ഉണ്ടാക്കി . ഇതിൻറെ അപകടം തിരിച്ചറിഞ്ഞ വൈദ്യന്മാരാണ് മതിയും കൊതിയും നിയന്ത്രിക്കണമെന്ന് പറഞ്ഞത്. മതിമറന്ന ആഹാരം കഴിക്കരുത് എന്ന് നിർദ്ദേശിച്ചത്.
ആഹാരം മതി എന്ന് തോന്നിക്കുന്നത് മനസ്സ് എന്ന മതിയാണ് . ഇതനുസരിക്കാതെ ആഹാരം കഴിക്കുന്ന ഒരേ ഒരു ജീവിയാണ് മനുഷ്യൻ. മൃഗങ്ങൾ വിശപ്പു മാറി എന്ന് തോന്നിയാൽ ആഹാരം നിർത്തിവയ്ക്കും.
രണ്ട് ഘടകങ്ങളാണ് ആഹാരത്തിനുള്ളത്. ഒന്നാമത് നിറം മണം രുചി. ഇത് ഹൃദയംകൊണ്ട് ആസ്വദിക്കേണ്ട ഘടകങ്ങളാണ്. ഇവ ആഹാരം കഴിക്കാൻ പ്രേരിപ്പിച്ചു കൊണ്ടേയിരിക്കും.
പിന്നെയുള്ളത് ആഹാരത്തിലെ പോഷക ഘടകങ്ങളാണ് . അതിൽ എത്ര പ്രോട്ടീൻ ഉണ്ട് കൊഴുപ്പുണ്ട് എന്ന് തുടങ്ങിയ ശാസ്ത്രീയ ഘടകങ്ങളാണ് ഇവ. മനസ്സുകൊണ്ട് ചിന്തിച്ച് പഠിക്കേണ്ട കാര്യങ്ങളാണ് ഇവ. കഴിക്കുന്ന ആഹാരം ധന്യമാകുന്നത് ഈ രണ്ട് ഘടകങ്ങളും ചേർന്ന് വരുമ്പോഴാണ്.
ഹൃദയം കൊണ്ടാണ് ഇഷ്ടപ്പെടുന്നത് എങ്കിലും നിറം ,മണം ,രുചി ഇവയിൽ ഒക്കെ ഒരു ഒളിച്ചുവച്ച പോഷകങ്ങളും ഉണ്ട്. ആയുർവേദത്തിന്റെ ആദി കാലം മുതൽ തന്നെ ആചാര്യന്മാർ ഇത് തിരിച്ചറിഞ്ഞിട്ടുണ്ട്. മധുരം തടിപ്പിക്കും , കൈപ്പ് മെലിയിക്കും , പുളി എരി ഇവ അമ്ലത വർദ്ധിപ്പിക്കം വിശപ്പുണ്ടാക്കും. ആയുർവേദ വൈദ്യത്തിന്റെ അടിസ്ഥാനം തന്നെ രുചിയിൽ ഊന്നി കൊണ്ടാണ് .
ആധുനിക വൈദ്യം രുചിയുടെ ശാസ്ത്രീയത ഇനിയും ശ്രദ്ധിച്ചു തുടങ്ങിയിട്ടില്ല.
എന്നാൽ നിറത്തിന്റെയും മണത്തിന്റെയും കാര്യത്തിൽ അങ്ങനെയല്ല ശാസ്ത്രം വളരെ മുന്നോട്ടു പോയിട്ടുണ്ട്.
നിറത്തിന്റെ കാരണം വിവിധതരം ഫ്ലെവവനോയിടുകളാണ് എന്ന് നമുക്ക് ഇന്ന് അറിയാം. തക്കാളി, മാതളനാരങ്ങ, തണ്ണിമത്തൻ, ബീറ്റ്റൂട്ട് തുടങ്ങിയ
ചുവപ്പ് നിറമുള്ള പഴങ്ങളിൽ
ലൈക്കോപീൻ എന്ന ശക്തമായ ആന്റി ഓക്സിഡന്റ്
ആന്തോസയാനിൻ എന്ന രക്തക്കുഴൽ സംരക്ഷണ കെമിക്കൽ,
ഇരുമ്പ് മുതലായവയാണ് അടങ്ങിയിട്ടുള്ളത്. ഇവ
ഹൃദയാരോഗ്യം, രക്തപ്രവാഹം ഇവയ്ക്ക് സഹായകരമാണ്.
കാരറ്റ്, മത്തങ്ങ, മാമ്പഴം, പപ്പായ തുടങ്ങിയ ഓറഞ്ച് മഞ്ഞ നിറത്തിലുള്ള
ആഹാരങ്ങളിൽ
ബീറ്റാ കരോട്ടീൻ വിറ്റാമിൻ എ ,ല്യൂട്ടിൻ,
വിറ്റാമിൻ സി തുടങ്ങിയ പോഷകങ്ങൾ ധാരാളം ഉണ്ട്.
ചീര, മുരിങ്ങയില, ബ്രോക്കോളി കാണുന്ന മുതലായവരിൽ കാണുന്ന പച്ച നിറമുള്ള പച്ചക്കറികളിൽ
ക്ലോറോഫിൽ
ഫോളേറ്റ്, മഗ്നീഷ്യം, കാല്ഷ്യം
വിറ്റാമിൻ കെ തുടങ്ങിയവ ധാരാളമുണ്ട്.
അസ്ഥി ബലം, രക്ത നിർമ്മാണം ഇവയിൽ അത്യന്താപേക്ഷിതമാണ്.
മണങ്ങളിലേക്ക് വരുമ്പോഴും ഇതുപോലെ കുറേയേറെ ഗുണങ്ങൾ കണ്ടെത്താനാവും. ഉള്ളി, വെള്ളുള്ളി, ഇവയിലുള്ള ഗന്ധക മണം അണുനാശനം ഉണ്ടാക്കുന്നതാണ്. നാരങ്ങ ഓറഞ്ച് തുടങ്ങിയ സിട്രസ് മണം ഉണ്ടാക്കുന്നവ ദഹനം കൂട്ടുന്നതാണ്. ഇഞ്ചി, കുരുമുളക്, തിപ്പലി, എരിമണം ആഹാരത്തിന്റെ ആഗിരണം വർദ്ധിപ്പിക്കും.
ആഹാരം കഴിച്ചു തുടങ്ങുന്നതിനു മുമ്പ് നിറവും മണവും ഒക്കെ നന്നായ ആസ്വദിക്കണം. . ഇവ നമ്മുടെ രുചി മുകുളങ്ങളെ ഉത്തേജിപ്പിക്കുകയും ആഹാരം സ്വീകരിക്കാൻ പാചന വ്യവസ്ഥയെ തയ്യാറാക്കുകയും ചെയ്യും.
ഇതിനുശേഷം ആസ്വദിച്ച് ചവച്ചരച്ച് ആഹാരം കഴിക്കുക.
രുചി നമ്മുടെ ബലക്ഷയം ആണ് എന്ന് മനസ്സിലാക്കണം. അതിന് ആവശ്യത്തിനുള്ള പ്രാധാന്യം മാത്രം കൊടുക്കുക.
രുചിക്കല്ല മതിക്കാണ് മുൻതൂക്കം വേണ്ടത് . അതാണ് ബുദ്ധി.
ഡോ റാം മോഹൻ ഓമല്ലൂർ വേദഗ്രാം ഹോസ്പിറ്റൽ .
📞 9656451444
📍 Vedagram Hospital, Omallൂർ, പത്തനംതിട്ട
🌍 www.vedagram.com
