06/09/2025
आज (भाद्रपद शु. चतुर्दशी - ०६ सप्टेंबर) अनंत चतुर्दशी / सार्वजनिक गणेशमूर्ती विसर्जन
आज पवित्र अनंत चतुर्दशीचा दिवस... पुराणानुसार, आजच्या दिवशी भगवान विष्णूंनी विश्वरचना करताना आवश्यक १४ लोकांची निर्मिती केली. हे १४ लोक म्हणजे तल, अतल, वितल, सुतल, सलातल, रसातल, पाताल, पृथ्वी, भव:, स्व:, जन, तप, सत्य, मह आहेत. भगवान विष्णूंनी जगाचे रक्षण करण्यासाठी अनंत रूप धारण केले. या दिवशी अनंताचे व्रत केले जाते. विधिवत हे व्रत केल्याने व्यक्तीची सर्व दुःखे दूर होतात, प्रत्येक इच्छा पूर्ण होते, अशी हिंदू धर्मीयांची श्रद्धा आहे.
विशेष म्हणजे गणेश चतुर्थीच्या दिवशी स्थापन केलेल्या काही घरगुती तसेच बहुतांश सार्वजनिक गणेशाच्या मूर्तीचे विसर्जन या दिवशी केले जाते. अनेक राज्यांतही ही प्रथा आहे. बुद्धिदेवता, विघ्नहर्त्या श्री गणेशाचे विधिवत विसर्जन केल्यास वर्षभर घरात समृद्धी राहते, असे मानले जाते.
सर्वांवर कृपा राहू दे, हीच बाप्पाच्या चरणी प्रार्थना...
गणपती बाप्पा मोरया... पुढच्या वर्षी लवकर या....
#श्रीगणेश #अनंतचतुर्दशी #गणेशविसर्जन #बाप्पामोरया #पुढच्या_वर्षी_लवकर_या #प्रणाम
