01/04/2026
*രണ്ടാൾക്ക് വെളിച്ചമേകി കണ്ണുകൾ ഇനിയും തുടരും...*
ഉറ്റവരുടെ വേർപാട് താങാനാവാത്ത വേദനയാണ്..! ആ കഠിന വേളയിലും പ്രിയപ്പെട്ടവരുടെ ഓർമ്മയ്ക്കൊപ്പം മറ്റ് ചിലത് കൂടി അവശേഷിപ്പിക്കാൻ സാധിക്കും...
ചങ്ങനാശേരി പെരുംപനച്ചി സ്വദേശി ടി.എസ്. മോഹനൻ ചേട്ടൻ പാതി വഴിയിൽ യാത്രയാകുമ്പോൾ, ആ വേർപാടിന്റെ വേദനയേക്കാൾ നാം ആദരിക്കുന്നത് ആ കുടുംബം എടുത്ത വലിയൊരു നന്മയെയാണ്.
രാജ്യത്തെ ലക്ഷക്കണക്കിന് വരുന്ന കാഴ്ചാപരിമിതരുടെ പ്രാർത്ഥനയാണ് തങ്ങൾക്കും എന്നെങ്കിലും ഈ മനോഹരമായ ലോകം കാണാൻ അവസരം ലഭിക്കണമേ എന്നത്.
ആ പ്രാർത്ഥന ഹൃദയപൂർവ്വം സ്വീകരിച്ചുകൊണ്ട്, തങ്ങളുടെ പ്രിയപ്പെട്ടവന്റെ നേത്രങ്ങൾ ചാരമാക്കാതെ രണ്ട് പേർക്ക് കാഴ്ച കിട്ടുന്നതിനായി ദാനം നൽകാൻ മോഹനൻ ചേട്ടൻ്റെ കുടുംബം തയ്യാറായി.
#പകരുന്നകാഴ്ച #പടരുന്നനൻമ
കോട്ടയം സക്ഷമയുടെ പ്രേരണയിൽ നടക്കുന്ന 170-ാമത് നേത്രദാനമാണിത്. ഇതിലൂടെ 340-ാമത്തെ വ്യക്തിക്കാണ് കാഴ്ച ലഭിക്കാൻ പോകന്നത്..!
സക്ഷമ സംസ്ഥാന സെക്രട്ടറി ഓ ആർ ഹരിദാസിൻ്റെ സഹോദരി ഭർത്താവാണ് മോഹനൻ ചേട്ടൻ.
പ്രിയപ്പെട്ട മോഹനൻ ചേട്ടൻ്റെ ആത്മാവിന് നിത്യശാന്തി നേരുന്നു. കുടുംബത്തിന്റെ ദുഃഖത്തിൽ പങ്ക് ചേരുന്നു.
