Bhramari Ayurveda

10/10/2021

Bhramari Lip Balm is made with organic ingredients & is free of paraben or petroleum. Packed with antioxidant Vitamin E, soothing Cocoa butter and Rosehip seed oil, this balm keeps your lips moist, soft and sensationally smooth. It not only treats dry, cracked or chapped lips, but also helps to reduce pigmentation or darkened lips. Thanks to Raspberry & Avocado oil that help soften lip tone and intensify its shine.

08/10/2021

Bhramari Herbal Kajal is enriched with Ayurvedic herbs like Amalaki, Sahadevi, Paaranti, Yashtimadhu etc, providing a cooling and soothing effect to the eyes. The cleansing properties of Castor oil and Ghee make the Kajal irritation-free and safe for all ages

23/09/2021

15/09/2021

താരൻ ഒരുപാട് ആളുകളിൽ കണ്ടുവരുന്ന, അസ്വസ്ഥതകൾ ഉണ്ടാകുന്ന ഒരു ശിരോചർമ്മ പ്രശ്നം ആണ്. താരന്റെ പ്രശ്‌നങ്ങൾ തലയിൽ മാത്രമായി ഒതുങ്ങി നിൽക്കുന്ന ഒന്നല്ല, അത് ചർമ്മത്തിന്റെ മറ്റ് ഭാഗങ്ങളിലേക്കും വ്യാപിക്കാറുണ്ട്. ഇവ നെറ്റി, പുരികങ്ങൾ, മൂക്ക്, താടി, കഴുത്ത്, പുറത്തിന്റെ മേൽഭാഗം, നെഞ്ച് തുടങ്ങിയ ഭാഗങ്ങളിൽ ത്വക്‌രോഗങ്ങൾ ഉണ്ടാക്കാം. താരൻ മൂലം ഉണ്ടാകുന്ന മറ്റൊരു പൊതുവായ ചർമ്മ പ്രശ്നമാണ് ചൊറിച്ചിൽ ഉളവാക്കുന്ന മുഖക്കുരുക്കൾ.
Types - ശിരോചര്‍മത്തിലെ എണ്ണമയം കൂടുന്നത് കൊണ്ടുണ്ടാകുന്ന എണ്ണമയമുള്ള താരനാണ് ഒന്നാമത്തേത്. ശിരോചര്‍മത്തിലെ എണ്ണഗ്രന്ഥികള്‍ കൂടുതലായി എണ്ണ ഉത്പാദിപ്പിക്കുന്നു. ഇത് ശിരോചർമ്മത്തിൽ നിന്നും കൊഴിഞ്ഞു പോകുന്ന കോശങ്ങൾ അടിഞ്ഞു കൂടി അതിൽ അണുബാധ ഉണ്ടാകുമ്പോൾ ആണ് അത് താരൻ ആകുന്നത്. Soap, Shampoo, Hard water എന്നിവയുടെ അമിത ഉപയോഗം കൊണ്ട് ശിരോചര്‍മം വരണ്ട് താരനുണ്ടാക്കുന്നു. ഇതാണ് വരണ്ട താരന്‍.
ത്വക് രോഗം ഉള്ളവർ, ഹൃദ്രോഗികള്‍, പ്രമേഹരോഗികള്‍, അപസ്മാര രോഗികള്‍, AIDS, Parkinsons disease, മദ്യപാനികള്‍, തടി കൂടിയവര്‍ തുടങ്ങിയവരിൽ താരന്‍ കൂടുതലായി കാണപ്പെടാം.
ശിരോചർമ്മം വൃത്തിയാക്കി വെക്കുക എന്നതാണ് ഇതിൽ ആദ്യം ചെയ്യേണ്ട കാര്യം. Home remedies പരീക്ഷിക്കാം എങ്കിലും, അണുബാധ ഉണ്ടായിട്ട് ഉള്ള അവസ്ഥയിൽ സമയം കളയാതെ ഡോക്ടർ നെ കാണിക്കുന്നത് ആണ് നല്ലത്. കാരണം അറിയാതെ ഉള്ള ചികിത്സ ചിലപ്പോൾ ഗുണത്തേക്കാൾ കൂടുതൽ ദോഷം ആണ് ചെയ്യുക.

30/05/2021

ജലദോഷം, പനി, തൊണ്ടവേദന, തുടർച്ചയായ തുമ്മൽ, തലയ്ക്കു വല്ലാത്ത ഭാരം തുടങ്ങിയ ബുദ്ധിമുട്ടുകൾ ഉള്ളപ്പോ ആവി കൊള്ളുന്നത് ആശ്വാസപ്രദം ആണ്.
ആവിപിടിക്കുമ്പോൾ മൂക്കിലും, സൈനസുകളിലും കെട്ടിക്കിടക്കുന്ന കഫം അലിഞ്ഞു പുറത്ത്‌ പോകുന്നു, തന്മൂലം അവിടങ്ങളിലെ വിങ്ങൽ കുറയുകയും താത്കാലികാശ്വാസം ലഭിക്കുകയും ചെയ്യുന്നു.
എന്നാൽ ചിലയിനം മരുന്നുകളും മറ്റും ( തലവേദനയ്ക്കും മറ്റും പുറത്തു പുരട്ടാനായി ഉപയോഗിക്കുന്ന ബാമുകൾ, liniment etc) വെള്ളത്തിൽ കലർത്തി മുഖത്ത് ഏറെനേരം ചൂട് അടിപ്പിക്കുന്നതു ഗുണത്തേക്കാളേറെ ദോഷം ചെയ്യും. പകരം മഞ്ഞൾ, തുളസി, കാട്ടുതൃത്താവ് ( ഒരു തരം തുളസി), ഇഞ്ചിപുല്ല്, രാമച്ചം, പനികൂർക്ക, ഇരുവേലി (ചൊമകൂർക്ക) എന്നിവ ചേർക്കാം.

ശ്രദ്ധിക്കേണ്ട കാര്യങ്ങൾ
മുഖത്തേയ്ക്ക് ആവി പിടിക്കുമ്പോൾ വിയർക്കുന്ന വരെ മാത്രം ആവി കൊള്ളുക. ആവികൊള്ളാൻ വാവട്ടം കുറഞ്ഞ പാത്രമോ, vaporizer machine നോ ഉപയോഗിക്കാം, പക്ഷെ 20 - 25 cm അകലം വെക്കുക.
ഒരു കാരണവശാലും കണ്ണിലേയ്ക്ക് ആവിയടിക്കാനുള്ള സാഹചര്യം നൽകരുത്. ഇതിനായി കണ്ണിനു മുകളിൽ നനഞ്ഞ തുണികൊണ്ടു കെട്ടുകയോ അതുപോലുള്ള മറ്റു മാർഗങ്ങൾ സ്വീകരിക്കുകയോ വേണം.
നാലുവയസ്സിന് മുകളിൽ ഉള്ള കുട്ടികൾക്ക് രക്ഷിതാക്കൾ കൂടെ നിന്ന് ആവി കൊടുക്കാവുന്നത് ആണ്. ചെറിയ കുട്ടികൾക്ക് ചൂടുവെള്ളത്തിൽ തുണി മുക്കി പിഴിഞ്ഞ് ആവി കൊടുക്കുന്നത് ആണ് സുരക്ഷിതം.

Vaporizer ഉപയോഗിക്കുന്നവർ ഉപയോഗത്തിന് ശേഷം വെള്ളം കളഞ്ഞു വൃത്തിയാക്കി വെക്കേണ്ടതാണ്. പഴയ വെള്ളത്തിൽ അണുബാധ ഉണ്ടാകാൻ ഉള്ള സാഹചര്യം ഉള്ളതിനാൽ, അടുത്ത തവണ ആവി പിടിപികുമ്പോൾ ഗുണത്തേക്കാൾ ഏറെ ദോഷം ആണ് ഉണ്ടാകുക.

NB - ആവിപിടിച്ചാൽ കൊറോണ വരില്ല എന്നൊക്കെ പറയുന്നത് തികച്ചും അടിസ്ഥാനരഹിതം ആണ്. ആവിപിടിക്കുന്നത് കൊണ്ട് ഒരു രോഗവും പൂർണമായി മാറുകയോ വരാതെ ഇരിക്കുകയോ ചെയ്യില്ല. Symptomatic relief ആണ് നമുക്ക് ആവിപിടിക്കുന്നതിലൂടെ കിട്ടുന്നത്.

23/02/2021

STRETCH MARKS

ശരീരത്തിൽ പ്രത്യക്ഷപ്പെടുന്ന ഈ പാടുകൾ നിരുപദ്രവകാരികൾ ആണ് എങ്കിലും ശരീരത്തിന്റെ രൂപഭംഗിക്ക്‌ അത് തെല്ലു കോട്ടം ഉണ്ടാക്കുന്നു. ഇവ ഗർഭിണികളിൽ ആണ് കൂടുതലായി കാണാറുള്ളത് എങ്കിലും ശരീരഭാരത്തിലെ ഏറ്റക്കുറച്ചിലുകൾ, പാരമ്പര്യം, മനസികപിരിമുറുക്കം എന്നിവയും കാരണമാകുന്നു. ചർമ്മത്തിൽ വലിച്ചിൽ വരുമ്പോൾ, Collagen ദുർബലമാവുകയും മുകളിലത്തെ പാളിയിൽ വിള്ളൽ ഉണ്ടാവുകയും ചെയ്യുന്നു. ആദ്യം ചുവന്ന നിറത്തിൽ പ്രത്യക്ഷപ്പെടുന്ന ഇവ കാലം ചെല്ലുന്നതോടെ വെള്ള നിറത്തിൽ ഉള്ള വരകൾ ആയി മാറുന്നു. സാദാരണയായി കാണപ്പെടുന്നത് വയർ, തുട, പുറം, ഇടുപ്പ്, സ്തനങ്ങൾ, നിതംബം എന്നിവിടങ്ങളിൽ ആണ്.

ഗർഭകാലത്തു തന്നെ ശ്രദ്ധിച്ചാൽ Stretch marks അധികം വരാതെ നോക്കാം. ഗർഭിണികളിൽ മൂന്നു മുതൽ ആറ് വരെയുള്ള മാസങ്ങളിൽ ആണ് സാധാരണയായി പാടുകൾ വീണു തുടങ്ങുക. വരണ്ട ചർമം ഉള്ളവർക്ക് പാടുകൾ ഉണ്ടാകാൻ സാധ്യത കൂടുതൽ ആണ്. എണ്ണതേച്ചു തടവി കുളിക്കുന്നത് നല്ലതാണ്, ഇത് രക്തയോട്ടം കൂട്ടുകയും കൊഴുപ്പു അടിയുന്നത് കുറക്കുകയും ചെയ്യുന്നു. ധാന്വന്തരം തൈലം, പിണ്ഡ തൈലം മുതലായ ആയുർവേദ എണ്ണകൾ കൂടാതെ വെളിച്ചെണ്ണ, ഒലീവ് ഓയിൽ, നല്ലെണ്ണ, കടുകെണ്ണ, Vit E oil, Olive oil മുതലായ എണ്ണകളും skin type അനുസരിച്ചു ഉപയോഗിക്കാം. എണ്ണമയം കളയുവാനായി വാകപ്പൊടി, കടലമാവ് , ചെറുപയർ പൊടി ,Mild soaps എന്നിവ Skin type അനുസരിച്ചു തിരഞ്ഞു എടുക്കാം. കുളി കഴിഞ്ഞ ഉടനെ moisturizer തേക്കുന്നത് നല്ലതാണ്. Shea butter, Cocoa butter അടങ്ങിയ thick, harmful chemical free, fragrance free moisturizers ആണ് ഗർഭകാലത്ത് ഉപയോഗിക്കാൻ നല്ലത്.

ശരീരഭാരത്തിലെ ഏറ്റക്കുറച്ചിലുകൾ കൊണ്ട് ഉണ്ടായ പാടുകൾ ത്വക് പരിചരണം, ചിട്ടയായ വ്യയാമം, ഭക്ഷണക്രമം എന്നിവ കൊണ്ട് ആണ് മാറ്റിയെടുക്കേണ്ടത്. Dry skin ഉള്ളവർക്ക് Strech marks വരാൻ ഉള്ള സാധ്യത കൂടുതൽ ആണ്, അതുകൊണ്ടു skin moisture content കൂട്ടുക എന്നതാണ് ആദ്യമായി ചെയ്യേണ്ട കാര്യം. നിത്യേനെ എണ്ണ തേച്ചു തടവി കുളിക്കുക. ഇത് നശിച്ച ചർമ്മകോശങ്ങൾ വീണ്ടും ഉണ്ടാകുന്നതിനും പാടുകൾ ഉണ്ടായ ഭാഗത്തെ ചർമ്മത്തിന്റെ നിറം തിരിച്ചു ലഭിക്കുന്നതിനും കാരണം ആകുന്നു. കുളി കഴിഞ്ഞ ഉടനെ Moisturizer പുരട്ടുക. ശ്രദ്ധിക്കുക നല്ല മണമുള്ള Moisturizer നു പകരം നല്ല ഗുണമുള്ള Moisturizer ഉപയോഗിക്കുക. നമ്മുടെ തൊലിപ്പുറത്തു പുരട്ടുന്നത് എല്ലാം നമ്മുടെ ശരീരത്തിലും എത്തുന്നുണ്ട് എന്ന് ഓർക്കുക. പാൽ പാട, കറ്റാർവാഴ, ആവണക്കെണ്ണ ,ബദാം ഓയിൽ, Olive oil എന്നിവ കൊണ്ട് മസ്സാജ് ചെയ്യുന്നത് നല്ലതാണ്. ആഴ്ചയിൽ ഒരുതവണയെങ്കിലും Scrub ചെയ്യുന്നത് നല്ലതാണ്. പഞ്ചസാര പൊടിച്ചതും + ബദാം ഓയിലും, Oats + Milk
എന്നിവ ഉപയോഗിച്ച് scrub ചെയ്യാം.

ചിട്ടയായ വ്യായാമം ശരീരത്തിൽ രക്തയോട്ടം വർധിപ്പിക്കുന്നതിനും മസിലുകൾ ദൃഢമുകുന്നതിനും, ചർമ്മത്തിന് മുറുക്കം കൂട്ടുന്നതിനും, Stretch marks കുറക്കുന്നതിനും സഹായിക്കുന്നു.

ധാരാളം വെള്ളം കുടിക്കുക, അത് ചർമ്മത്തിന്റെ ഈർപ്പം നിലനിർത്തുന്നു. ചർമ്മത്തിന് ഇറുക്കം നൽകുന്ന Collagen ഉല്പാദനത്തിന് സഹായിക്കുന്നു. ദിവസവും എട്ടു മുതൽക്കു പത്തു ഗ്ലാസ് വെള്ളം വരെ കുടിക്കുന്നത് നല്ലതാണ്. സ്ത്രീകളിൽ പ്രസവശേഷം മുലപ്പാൽ ഉൽപാദനത്തിനും വെള്ളം കുടിക്കുന്നത് നല്ലതാണു. Stretch marks വരുന്നത് തടയാനും, വന്നത് പോകാനും വെള്ളം കുടിക്കുന്നത് നല്ലതാണു.

Vitamins, minerals അടങ്ങിയ ആഹാരം ധാരാളം കഴിക്കുന്നത് ചർമ്മത്തിന്റെ ആരോഗ്യം നിലനിർത്തുന്നതിനും stretch marks തടയുവാനും സഹായിക്കുന്നു. Protein, fiber അടങ്ങിയ ആഹാരങ്ങൾ ചർമ്മത്തിന്റെ ആരോഗ്യവും സൗന്ദര്യവും നിലനിർത്താൻ സഹായിക്കുന്നു

08/01/2021

ഉരമരുന്ന്
വയമ്പ്, കടുക്ക, മാതളത്തോട്, മുത്തങ്ങ, ഇടംപിരി, വലംപിരി, രുദ്രാക്ഷം, ജാതിക്ക, മഞ്ഞൾ, പാൽക്കായം, ഇരട്ടിമധുരം, മായാക്ക്‌, തേറ്റാമ്പരം, ചുക്ക്, കച്ചോലം, വെളുത്തുള്ളി, കുരുമുളക്, കഴഞ്ചികുരു, തിപ്പലി മുതലായവ എല്ലാം ഉരമരുന്നുകളിൽ പെടും. ഇതിൽ പറഞ്ഞ ആദ്യത്തെ ഏഴോ പത്തോ മരുന്നുകൾ ആണ് സാധരണ കൊടുക്കാറുള്ളത്. ഓരോ സ്ഥലത്തിനനുസരിച്ചു ഇതിൽ മാറ്റങ്ങൾ വരാറുണ്ട്.

ഉരമരുന്ന് എല്ലാം നന്നായി കഴുകി വെയിലത്ത് വെച്ച് ഉണക്കി ആണ് ഉപയോഗിക്കേണ്ടത്. ഇത് ഉരക്കാൻ വേണ്ടി കരിങ്കല്ലിന്റെ ഒരു ചെറിയ ഉരകല്ല് വാങ്ങുന്നത് ആണ് നല്ലത്. മല്ലി മുളക് ഒക്കെ അരക്കുന്ന കല്ലിൽ ഒന്നും ഉരച്ചു കൊടുക്കരുത്. ഉരമരുന്ന് 28 ദിവസം പ്രായമായ കുട്ടികൾ മുതൽക്കു 4 വയസ്സ് പ്രായം ആയ കുട്ടികൾക്ക് വരെ ദിവസേനെയോ, ആഴ്ചയിൽ 3 പ്രാവശ്യമോ ആയി കൊടുക്കാം. ഈ ഔഷധങ്ങൾ മുലപ്പാലിൽ അരച്ച് കൊടുക്കുന്നത് ആണ് നല്ലത്‌. മുലപ്പാൽ ഇല്ലെങ്കിൽ മാത്രം ചെറുതേനിലോ, തിളപ്പിച്ചാറിയ വെള്ളത്തിലോ, വീട്ടിൽ ഉണ്ടാക്കിയ വെണ്ണയിൽ ചേർത്തോ ഒക്കെ കൊടുകാം. ഓരോ മരുന്നും ഒന്നോ രണ്ടോ തവണ മാത്രം കല്ലിൽ ഉരച്ചിട്ടു വേണം കുട്ടീടെ നാക്കിൽ തൊട്ടുകൊടുക്കാൻ. "ഒരു നക്ക് " അല്ലെങ്കിൽ ഒരു വിരലിൽ എടുക്കാവുന്ന അളവ് ആണ് കൊടുകേണ്ടത്‌.

ഉരമരുന്ന് കുഞ്ഞിന്റെ ആരോഗ്യം നിലനിർത്താനും, ശരീരത്തിന്റെ രോഗപ്രതിരോധശേഷി കൂട്ടാനും നല്ലതാണ്‌. ദിവസേനെ ഉപയോഗിക്കുന്നത് കൊണ്ട് വിശപ്പില്ലായിമ, വയറുവേദന, കൃമിശല്യം, ദഹനക്കേട്, വായുശല്യം ഇവക്ക് നല്ലതാണ്. ബുദ്ധിവികാസത്തിനും, വാക്ശുദ്ധിക്കും,അല്ലെർജി, കരപ്പൻ മുതലായ ത്വക് രോഗങ്ങൾക്കും ഇവ നല്ലതാണ്.
* കുഞ്ഞിന് മലബന്ധം ഉള്ള അവസരത്തിൽ കടുക്കാ രണ്ടോ മൂന്നോ തവണ കൂടുതൽ ഉരച്ചു കൊടുക്കാുന്നത് നല്ലതാണ്‌.
* വയറുവേദന, വായുശല്യം ഇവ ഉള്ളപ്പോൾ വെളുത്തുള്ളിയോ, പാൽക്കായമോ കൂടുതൽ ഉരച്ചു കൊടുക്കാം.
* വയറിളക്കം ഉള്ളപ്പോൾ കടുക്ക ഒഴിവാക്കി ജാതിക്ക ഒന്നോ രണ്ടോ തവണ കൂടുതൽ അരച്ച് കൊടുക്കാം.
* ഉരമരുന്ന് അമ്മമാർക്കും കഴിക്കാവുന്നത്‌ ആണ്, സ്തന്യശുദ്ധി ഉണ്ടാകുന്നു.

NB - ഓരോ തവണയും ഉര മരുന്ന് ഉപയോഗിച്ചതിന് ശേഷം അത് വൃത്തിയായി കഴുകി വെയിലത്ത് വെച്ച് ഉണക്കി വായു കേറാത്തവിധമുള്ള ഒരു പാത്രത്തിൽ ഇട്ടു വെക്കുക. ഇല്ലെങ്കിൽ പൂപ്പൽ വരും.

14/12/2020

ശീത കാലത്തിലെ ചർമ്മ സംരക്ഷണത്തിന് ശ്രദ്ധിക്കാം...

16/06/2020

Blackheads and Whiteheads നെ പറ്റി അറിയാം...

23/04/2020

ഭ്രമരി ആയുര്‍വേദ നാളെ 24 April രാവിലെ 11 മുതൽ 1 മണി വരെ തുറന്നു പ്രവർത്തിക്കുന്നതാണ്

15/04/2020

Bhramari Ayurveda pharmacy will open on Friday 17 April 11am to 1pm