01/10/2025
माझ्या पेशंटच्या सक्सेस स्टोरी सगळ्यांबरोबर शेअर करताना मी खूप विचार करते. जेंव्हा तो किंवा ती पेशंट पूर्णपणे बरे होतात, त्यानंतर सहा महिने ते वर्षभर त्यांचे निरीक्षण करून त्यांना काही त्रास होत नाही ना हे बघून मगच मी त्या केसेस माझ्या सक्सेस स्टोरीज म्हणून शेअर करते..🙂
आज मात्र माझा हा छोटासा आनंद मला तुमच्या सगळ्यांबरोबर वाटून घ्यायचा आहे. आजची जी केस शेअर करते आहे त्या मुलावर अजुन होमिओपॅथिक औषधोपचार चालू आहेत, मात्र आत्ताची जी त्याची प्रगती आहे ती पण कौतुकास्पदच आहे😊
एका घरात जेंव्हा बाळाचा जन्म होतो त्या घरातलं वातावरणच बदलतं, सगळ्यांचा दिवस त्यांच्याभोवतीच घुटमळतो. त्यांच्या वाढीचे वेगवेगळे टप्पे आपल्याला खूप आनंद देतात. त्यांचं रांगणं, येणारा एकेक दात धडपडत चालणं, अडखळत बोलणं मग विचार करून बोलणं.. आपल्याला या गोष्टी एक गोड प्रेमळ नातं निर्माण करायला मदतच करतात.😍
पण ज्या वेळेला अपेक्षेनुसार बाळांची वाढ होत नाही, त्यांच्या वाढीमध्ये काहीतरी समस्या निर्माण होतात तेंव्हा मात्र आई-वडिलांचा जीव थाऱ्यावर राहत नाही.. 😔सगळेच ऐकतो, वाचतो की बाळाच्या मेंदूची वाढ -डेव्हलपमेंट ही जास्तीत जास्त प्रमाणात सहा वर्षापर्यंत होते. जेव्हा आपल मुल त्याच्या वयानुसार वाढत नाहीये हे लक्षात येतं, लवकरात लवकर त्याचं योग्य निदान करणे व उपचार करणे खूप महत्त्वाचं असतं. होमिओपॅथिक औषधोपचार अशा गोष्टींमध्ये उत्तम मदत करू शकतात. मुलांची योग्य शारीरिक आणि मानसिक वाढ होण्यासाठी होमिओपॅथी औषध नेहमीच उपयुक्त ठरतात.🌿🍀
सहा महिन्यापूर्वी एक साडेतीन वर्षांचा मुलगा राहुल (नाव बदललेलं आहे) माझ्याकडे पेशंट म्हणून आला. या छोट्याची वाढ वयानुसार व्यवस्थित झालेली नव्हती. तो अजून बोलत नव्हता, वयानुसार त्याला समजही आलेली नव्हती, त्याचे वाढीचे बाकीचे टप्पे सुद्धा उशिरा होत होते. अजून सुद्धा त्याला शि-शूची जाणीव नव्हती.😓
आपल्याला काय हवय ते समजत नसल्याने, नेमकं बोलू शकत नसल्याने तो मुलगा प्रचंड हायपरऍक्टिव्ह झाला होता. जिथे जाईल तिथल्या वस्तूंची नासाडी करणं, खराब करणं आई-वडिलांचे सतत लक्ष वेधून घेणं सतत चिडचिड करणं, रात्री वेळेवर न झोपणं या गोष्टींनी आई-वडिलांचे आयुष्य खूप अवघड बनलं होतं. एकमेकांशी बोलणं सुद्धा त्यांना शक्य होत नव्हतं. त्याला कुठेही बाहेर घेऊन जायची त्यांना खूप लाज वाटायची कारण लोकं त्या मुलाबद्दल काहीतरी वेडवाकड बोलायचं हे खरंतर खूप चुकीचं आहे. अशा मुलांशी,पालकांशी आपण एक समाज म्हणून खूप व्यवस्थित वागायला हवं पण त्याबद्दल परत कधीतरी बोलूया.
तर या राहुलची सविस्तर केस हिस्ट्री घेतली. त्याच्या आई-बाबांची सुद्धा सविस्तर माहिती घेतली. बऱ्याचदा या उशिरा वाढ होण्याच्या मागे नेमकी कारणं सापडतातच असं नाही. राहुलची आठ नऊ महिन्यांपर्यंतची वाढ तशी ठीक होती. त्यानंतर आलेला ताप, तापामुळे आलेली फिट, आजूबाजूला असलेलं कोविडचं भीतीदायक वातावरण, त्यामुळे वाढलेला स्क्रीन टाईम, लोकांचा कमी संपर्क अशा काही गोष्टींमुळे राहुलची पुढची वाढ हवी तशी झाली नाही.😐
आपल्याला काय हवंय ते न सांगता आल्यामुळे तो जास्तच हट्टी आणि चिडचिडा होत गेला. नीट झोपायचा नाही, सतत रडत राहायचा. थोडंही त्याच्या मनाविरुद्ध झालं की घर डोक्यावर घ्यायचा. ठराविक कपड्यांसाठी, ठराविक गोष्टींसाठी हट्ट करायचा. आईला तर खूप त्रास द्यायचा, तिने ठराविकच कपडे घालायचे, ते बदलले, ती जवळ नाही दिसली की खूप गोंधळ घालायचा. पहिल्या दोन वेळेला माझ्या क्लिनिकमध्ये सुद्धा त्याने आल्यावर खूप गोंधळ घातला होता.😁
त्याची सविस्तर केस हिस्टरी घेतल्यावर लक्षात आलेल्या काही मुद्द्यांवरून त्याला होमिओपॅथिक औषध देण्यात आली.
त्याच्या वर्तणुकीतील समस्या, त्याचा हट्टीपणा, लक्ष वेधून घेण्यासाठी केलेले temper tantrums, restlessness, hyperactivity, चिडचिडपणा, कारण नसताना केलेली रडारडी, वस्तूंची फेकाफेकी ,वाढीतील आणि बोलण्यातील समस्या अशा सगळ्याचा विचार करून त्याला योग्य होमिओपॅथिक औषधोपचार चालू करण्यात आले. अर्थात त्याच बरोबर पालकांचे समुपदेशन देखील केलं की त्याच्याशी कसं वागायचं. अशा मुलांमध्ये होमिओपॅथिक औषधोपचारांबरोबरच स्पीच थेरपी आणि ऑक्युपेशनल थेरपी सुद्धा तेवढीच महत्त्वाची आहे. ती त्याची आधीपासूनच चालू होती..
मात्र त्याबरोबरच जेव्हा होमिओपॅथिक औषधोपचार सुरू झाले तेव्हा त्याच्यात बराच फरक पडत गेला..
तर एका जागी एक सेकंद सुद्धा शांत न बसणाऱ्या त्या मुलामध्ये होमिओपॅथिक औषधोपचारानंतर आता खूप बदल झालेले आहेत. तो अर्धा तास खेळत किंवा काही ऍक्टिव्हिटी करत एका जागी बसू शकतो. त्याला बरीच समज आली आहे. सांगितलेलं थोडं फार त्याला आता कळत आहे. थोडा स्मार्ट दिसायला लागला आहे. त्याच्या हालचालींमध्ये सुद्धा खूप सुधारणा आहे. त्याचा हट्टीपणा आता खूप कमी झाला आहे. शी-शू सारख्या गोष्टी सुद्धा आता त्याला सांगता यायला लागल्या आहेत.
सगळ्यात महत्त्वाचं ज्यानी मला खूप आनंद झाला आहे ते म्हणजे आता हा मुलगा काही काही अक्षर ,शब्द बोलू लागला आहे. माझी मुलगी जेंव्हा पहिल्यांदा बोलायला लागली तेंव्हा मला जितका आनंद झाला होता तितकाच आनंद मला या छोट्याच्या बोलण्याने होत आहे. माझं बोलणं त्याला समजत आहे. तो सूचना ऐकून त्यानुसार वागू शकतो आहे. छोटे वाक्य बोलायचा प्रयत्न करतो आहे.
ही खरंच एक खूप मोठी ॲचीव्हमेंट आहे. 😇🥹
अजून बऱ्याच गोष्टींमध्ये सुधारणा व्हायची आहे, आत्ताशी तर सुरुवात आहे. पण आत्ताचा हा बदल खूप सुखद आणि समाधान देणारा आहे.
होमिओपॅथी खूप ग्रेट आहे..
I am happy😊
डॉ. जुईली कुलकर्णी
श्री होमिओपॅथिक क्लिनिक, रावेत पुणे
9766902124
