Amrit Ayurveda Center

24/12/2025

ਜਾੜ੍ਹ ਦਾ ਦਰਦ
​ਆਓ, ਅੱਜ ਜਾੜ੍ਹ ਨੂੰ ਲੱਗਣ ਵਾਲੇ ਕੀੜੇ ਬਾਰੇ ਗੱਲ ਕਰਦੇ ਹਾਂ।
​ਜਦੋਂ ਜਾੜ੍ਹ ਨੂੰ ਲੱਗੇ ਕੀੜੇ ਨੂੰ ਅਣਗੌਲਿਆ (Ignore) ਕੀਤਾ ਜਾਂਦਾ ਹੈ, ਤਾਂ ਅੰਦਰੋਂ ਹਾਲਾਤ ਕੁੱਝ ਅਜਿਹੇ ਬਣ ਜਾਂਦੇ ਹਨ। ਉੱਪਰਲਾ ਕਾਲਾ ਹਿੱਸਾ ਦੰਦ ਦੀ ਸੜਨ ਨੂੰ ਦਰਸਾਉਂਦਾ ਹੈ, ਜਿੱਥੇ ਬੈਕਟੀਰੀਆ ਨੇ ਦੰਦ ਦੀ ਉਪਰਲੀ ਸਖ਼ਤ ਪਰਤ (Enamel) ਨੂੰ ਖਾ ਲਿਆ ਹੈ। ਇਸਦੇ ਹੇਠਾਂ 'ਪਲਪ ਚੈਂਬਰ' ਹੁੰਦਾ ਹੈ, ਜੋ ਖੂਨ ਦੀਆਂ ਨਾੜੀਆਂ ਨਾਲ ਭਰਿਆ ਹੁੰਦਾ ਹੈ ਅਤੇ ਇਨਫੈਕਸ਼ਨ ਕਾਰਨ ਹੁਣ ਸੁੱਜ ਚੁੱਕਿਆ ਹੈ।
​ਇਸ ਅਵਸਥਾ ਵਿੱਚ, ਇਹ ਸਿਰਫ਼ ਦੰਦ ਦਾ ਦਰਦ ਨਹੀਂ ਰਹਿੰਦਾ, ਸਗੋਂ ਇੱਕ ਅਜਿਹੀ 'ਚੀਸ' ਬਣ ਜਾਂਦਾ ਹੈ ਜੋ ਸਿੱਧੀ ਸਿਰ ਤੱਕ ਜਾਂਦੀ ਹੈ। ਇਹ ਦਰਦ ਵੱਡੇ-ਵੱਡੇ ਭਲਵਾਨਾਂ ਨੂੰ ਵੀ ਧਰਤੀ 'ਤੇ ਸੱਪ ਵਾਂਗ ਮੇਲਣ ਲਈ ਮਜਬੂਰ ਕਰ ਦਿੰਦਾ ਹੈ। ਜਦੋਂ ਸੜਨ ਇੰਨੀ ਡੂੰਘਾਈ ਤੱਕ ਪਹੁੰਚ ਜਾਵੇ, ਤਾਂ ਸਧਾਰਨ ਤਰੀਕੇ ਨਾਲ ਦੰਦ ਭਰਨ (Filling) ਨਾਲ ਕੰਮ ਨਹੀਂ ਚੱਲਦਾ। ਫਿਰ ਸਿਰਫ਼ ਇੱਕੋ ਇਲਾਜ ਬਚਦਾ ਹੈ— RCT (ਰੂਟ ਕੈਨਾਲ ਟ੍ਰੀਟਮੈਂਟ), ਨਹੀਂ ਤਾਂ ਦੰਦ ਨੂੰ ਅਲਵਿਦਾ ਕਹਿਣਾ ਪੈਂਦਾ ਹੈ।
​ਸਮਝਦਾਰੀ ਇਸੇ ਵਿੱਚ ਹੈ ਕਿ ਛੋਟੀ ਸਮੱਸਿਆ ਨੂੰ ਸ਼ੁਰੂ ਵਿੱਚ ਹੀ ਕਾਬੂ ਕਰ ਲਿਆ ਜਾਵੇ ਤਾਂ ਵਧੀਆ ਹੈ। ਕਈ ਵਾਰ ਸਾਡੀ ਉਡੀਕ ਹੀ ਸਮੱਸਿਆ ਨੂੰ ਗੰਭੀਰ ਬਣਾ ਦਿੰਦੀ ਹੈ। ਸ਼ੁਰੂਆਤੀ ਇਲਾਜ ਨਾ ਸਿਰਫ਼ ਸਸਤਾ ਹੁੰਦਾ ਹੈ, ਸਗੋਂ ਇਹ ਵਧੇਰੇ ਸੁਰੱਖਿਅਤ ਵੀ ਹੁੰਦਾ ਹੈ।

ਦਰਦ ਘਟਾਉਣ ਦੇ ਸਭ ਤੋਂ ਵਧੀਆ ਤਰੀਕੇ
1. ਲੌਂਗ ਦਾ ਤੇਲ (ਸਭ ਤੋਂ ਵਧੀਆ ਤਰੀਕਾ)
ਲੌਂਗ ਵਿੱਚ 'ਯੂਜੇਨੋਲ' (Eugenol) ਹੁੰਦਾ ਹੈ ਜੋ ਇੱਕ ਕੁਦਰਤੀ ਸੁੰਨ ਕਰਨ ਵਾਲੀ ਦਵਾਈ (Anesthetic) ਦਾ ਕੰਮ ਕਰਦਾ ਹੈ।
ਤਰੀਕਾ: ਰੂੰ (Cotton) ਦਾ ਇੱਕ ਛੋਟਾ ਜਿਹਾ ਟੁਕੜਾ ਲਓ ਅਤੇ ਉਸਨੂੰ ਲੌਂਗ ਦੇ ਤੇਲ ਵਿੱਚ ਭਿਉਂ ਲਓ। ਇਸਨੂੰ ਦਰਦ ਵਾਲੇ ਦੰਦ ਜਾਂ ਜਾੜ੍ਹ ਦੇ ਖੋੜ ਵਿੱਚ ਰੱਖੋ। ਧਿਆਨ ਰੱਖੋ ਕਿ ਇਹ ਤੇਲ ਮਸੂੜਿਆਂ 'ਤੇ ਜ਼ਿਆਦਾ ਨਾ ਲੱਗੇ ਕਿਉਂਕਿ ਇਹ ਜਲਣ ਕਰ ਸਕਦਾ ਹੈ।
ਜੇ ਤੇਲ ਨਾ ਹੋਵੇ: ਇੱਕ ਸਾਬਤ ਲੌਂਗ ਲਓ ਅਤੇ ਉਸਨੂੰ ਦਰਦ ਵਾਲੀ ਜਾੜ੍ਹ ਦੇ ਹੇਠਾਂ ਦਬਾ ਲਓ। ਹੌਲੀ-ਹੌਲੀ ਇਸਦਾ ਰਸ ਅੰਦਰ ਜਾਵੇਗਾ ਅਤੇ ਦਰਦ ਸੁੰਨ ਹੋ ਜਾਵੇਗਾ।

2. ਕੋਸੇ ਪਾਣੀ ਅਤੇ ਲੂਣ ਦੇ ਗਰਾਰੇ
ਇਹ ਮੂੰਹ ਦੀ ਸਫਾਈ ਅਤੇ ਸੋਜ ਘਟਾਉਣ ਲਈ ਬਹੁਤ ਵਧੀਆ ਹੈ।
ਤਰੀਕਾ: ਇੱਕ ਗਲਾਸ ਕੋਸੇ ਪਾਣੀ ਵਿੱਚ ਅੱਧਾ ਚਮਚ ਲੂਣ ਮਿਲਾਓ। ਇਸ ਪਾਣੀ ਨੂੰ ਮੂੰਹ ਵਿੱਚ ਭਰ ਕੇ ਕੁਝ ਸਕਿੰਟਾਂ ਲਈ ਰੱਖੋ (ਖਾਸਕਰ ਦਰਦ ਵਾਲੇ ਪਾਸੇ) ਅਤੇ ਫਿਰ ਥੁੱਕ ਦਿਓ। ਅਜਿਹਾ 4-5 ਵਾਰ ਕਰੋ।

23/12/2025

21/12/2025

ਇਹ ਤਸਵੀਰ ਵਿਚਲਾ ਪੌਦਾ ਅੱਜਕੱਲ੍ਹ ਆਮ ਹੀ ਘਰਾਂ ਦੇ ਗਮਲਿਆਂ ਵਿੱਚ ਉੱਗਿਆ ਮਿਲ ਜਾਂਦਾ ਹੈ । ਇਹ ਕੋਈ ਖਾਸ ਸਾਂਭ ਸੰਭਾਲ ਨਹੀਂ ਮੰਗਦਾ ਅਤੇ ਆਪਣੇ ਆਪ ਹੀ ਫਲ ਫੁੱਲ ਜਾਂਦਾ ਹੈ ।

ਇਸ ਪੌਦੇ ਦੀ ਖਸ਼ਬੂ , ਸਵਾਦ ਅਤੇ ਫਾਇਦੇ ਵੇਖ ਕੇ ਆਮ ਹੀ ਲੋਕ ਇਹਨੂੰ ਅਜਵਾਇਣ ਦਾ ਪੌਦਾ ਕਹਿੰਦੇ ਹਨ , ਪਰ ਇਹ ਅਸਲ ਵਿੱਚ ਅਜਵਾਇਣ ਦਾ ਪੌਦਾ ਹੈ ਹੀ ਨਹੀਂ ।

ਆਓ , ਪਹਿਲਾਂ ਇਹਦੇ ਫਾਇਦੇ ਜਾਣਦੇ ਹਾਂ :


ਪੇਟ ਲਈ :
ਕਿਸੇ ਦੇ ਪੇਟ ਵਿੱਚ ਗੈਸ ਬਣਦੀ ਹੋਵੇ , ਬਦਹਜ਼ਮੀ ਹੋਵੇ , ਖੱਟੇ-ਕੌੜੇ ਡਕਾਰ ਆਉਂਦੇ ਹੋਣ ਤਾਂ ਇਹਦੇ ਇਸਤੇਮਾਲ ਨਾਲ ਇਹਨਾਂ ਸਾਰੀਆਂ ਦਿੱਕਤਾਂ ਤੋਂ ਛੁਟਕਾਰਾ ਮਿਲ ਜਾਂਦਾ ਹੈ ।

ਖੰਘ ਜ਼ੁਕਾਮ ਲਈ :

ਕਿਸੇ ਨੂੰ ਸਰਦੀ ਲੱਗਣ ਕਰ ਕੇ ਖੰਘ ਜ਼ੁਕਾਮ ਹੋ ਗਿਆ ਹੋਵੇ ਤਾਂ ਇਹ ਉਹਦੇ ਵਾਸਤੇ ਬਹੁਤ ਹੀ ਕਾਰਗਰ ਹੈ । ਫੇਫੜਿਆਂ ਵਿੱਚ ਜੰਮੀ ਬਲਗਮ ਨੂੰ ਵੀ ਇਹ ਢਿੱਲੀ ਕਰ ਕੇ ਬਾਹਰ ਕੱਢਣ ਦੀ ਸਮਰੱਥਾ ਰੱਖਦਾ ਹੈ ।

ਸਾਹ ਦੀ ਦਿੱਕਤ ਲਈ :

ਅਗਰ ਕਿਸੇ ਦੀ ਸਾਹ ਨਲੀ ਵਿੱਚ ਦਿੱਕਤ ਹੋਣ ਕਰ ਕੇ ਉਹਨੂੰ ਸਾਹ ਲੈਣ ਵਿੱਚ ਦਿੱਕਤ ਹੁੰਦੀ ਹੈ ਤਾਂ ਉਹਦੇ ਵਾਸਤੇ ਵੀ ਇਹਦੀ ਵਰਤੋਂ ਲਾਜਵਾਬ ਕੰਮ ਕਰਦੀ ਹੈ ।

ਸਿੱਕਰੀ ਅਤੇ ਵਾਲਾਂ ਲਈ:

ਇਹ ਸਿੱਕਰੀ ਨੂੰ ਹਟਾ ਕੇ ਵਾਲਾਂ ਨੂੰ ਚਮਕੀਲਾ ਅਤੇ ਮਜ਼ਬੂਤ ਬਣਾਉਣ ਲਈ ਬਹੁਤ ਹੀ ਅਸਰਦਾਰ ਹੈ । ਇਹ ਚਮੜੀ ਰੋਗਾਂ ਵਾਸਤੇ ਬਹੁਤ ਹੀ ਕਾਰਗਰ ਹੈ ।

ਮੋਟਾਪਾ ਘਟਾਉਣ ਲਈ:

ਵਜ਼ਨ ਘਟਾਉਣ ਵਿੱਚ ਵੀ ਇਹ ਬੂਟੀ ਬਹੁਤ ਹੀ ਮਦਦਗਾਰ ਹੈ ਅਤੇ ਚਰਬੀ ਨੂੰ ਘੋਲ ਕੇ ਮੋਟਾਪਾ ਘਟਾਉਂਦੀ ਹੈ ।


ਕੀਟਨਾਸ਼ਕ :

ਇਹ ਇੱਕ ਬਹੁਤ ਵਧੀਆ ਕੀਟਨਾਸ਼ਕ ਵੀ ਹੈ ਅਤੇ ਆਪਣੇ ਆਸਪਾਸ ਉੱਗੇ ਪੌਦਿਆਂ ਨੂੰ ਵੀ ਕੀੜਾ ਨਹੀਂ ਲੱਗਣ ਦਿੰਦੀ । ਇਸ ਸਾਡੇ ਸਰੀਰ ਅੰਦਰ ਜਾ ਕੇ ਸਾਡੀ ਰੋਗ ਪ੍ਰਤੀ ਰੋਧਕ ਸ਼ਕਤੀ ਨੂੰ ਵੀ ਮਜ਼ਬੂਤ ਕਰਦੀ ਹੈ ।

ਵਰਤੋਂ :
1.ਇਹਦੇ ਪੱਤਿਆਂ ਨੂੰ ਚਾਹ ਵਿੱਚ ਪਾ ਕੇ ਜਾਂ ਉਹਨਾਂ ਦਾ ਕਾੜ੍ਹਾ ਬਣਾ ਕੇ ਪੀਤਾ ਜਾ ਸਕਦਾ ਹੈ ।
2. ਇਹਦੇ ਪੱਤਿਆਂ ਦੀ ਚਟਣੀ ਬਣਾ ਕੇ ਰੋਟੀ ਨਾਲ ਖਾਧੀ ਜਾ ਸਕਦੀ ਹੈ ।
3. ਇਹਦਾ ਰਸ ਕੱਢ ਕੇ ਪੀਤਾ ਜਾ ਸਕਦਾ ਹੈ ।
4. ਚਮੜੀ ਰੋਗਾਂ ਲਈ ਇਹਦਾ ਲੇਪ ਬਣਾ ਕੇ ਵਰਤਿਆ ਜਾ ਸਕਦਾ ਹੈ । 5.ਇਹਨੂੰ ਸੁਕਾ ਕੇ ਇਹਦਾ ਚੂਰਨ ਵੀ ਵਰਤਿਆ ਜਾ ਸਕਦਾ ਹੈ ।
6. ਇਹਨੂੰ ਸੁਕਾ ਕੇ ਧੂਆਂ ਕਰਨ ਨਾਲ ਮੱਛਰਾਂ ਅਤੇ ਕੀਟ ਪਤੰਗਿਆਂ ਤੋਂ ਬਚਿਆ ਜਾ ਸਕਦਾ ਹੈ ।
7.ਇਹਦੇ ਪੱਤੇ ਧੋ ਕੇ ਚਬਾਏ ਜਾ ਸਕਦੇ ਹਨ ।
8.ਛਾਤੀ ਦੀ ਜਕੜਣ ਅਤੇ ਦਰਦ ਲਈ ਇਹਦੇ ਪੱਤਿਆਂ ਦਾ ਲੇਪ ਬਣਾ ਕੇ ਛਾਤੀ ਉੱਤੇ ਮਲਿਆ ਜਾ ਸਕਦਾ ਹੈ ।

ਅਸਲੀ ਨਾਂ :ਇਹਦਾ ਅਸਲੀ ਨਾਂ #ਕਰਪੂਰਵੱਲੀ ਹੈ ਅਤੇ ਇਹ ਅਸਲ ਵਿੱਚ ਮੈਕਸੀਕਨ ਪੁਦੀਨਾ ਹੈ ।

ਨੋਟ : ਇਸ ਬੂਟੀ ਨੂੰ ਵਰਤਣਾ ਆਮ ਤੌਰ ' ਤੇ ਸੁਰੱਖਿਅਤ ਮੰਨਿਆਂ ਜਾਂਦਾ ਹੈ , ਫਿਰ ਵੀ ਗਰਭਵਤੀ ਔਰਤਾਂ ਅਤੇ ਜ਼ਿਆਦਾ ਛੋਟੇ ਬੱਚਿਆਂ ਨੂੰ ਦੇਣ ਲੱਗਿਆਂ ਕਿਸੇ ਆਯੁਰਵੈਦਿਕ ਗਿਆਤਾ ਦੀ ਸਲਾਹ ਲੈ ਲੈਣੀ ਚਾਹੀਦੀ ਹੈ ।

21/12/2025

ਖਾਣਾ ਭੁੱਖ ਤੋਂ ਥੋੜ੍ਹਾ ਘੱਟ ਅਤੇ ਪਾਣੀ ਪਿਆਸ ਤੋਂ ਥੋੜ੍ਹਾ ਜ਼ਿਆਦਾ ਪੀਓ ।

20/12/2025

ਦੋਸਤੋ ਹੱਥ ਜੋੜ ਬੇਨਤੀ ਆ ਪੋਸਟ ਨੂੰ ਸੇਅਰ ਜਰੂਰ ਕਰਿਆ ਕਰੋ ਜੀ 🙏✅