08/09/2023
बहुतेक सर्वाना आवडणारी पण बहुतेक सर्व रुग्णांना मी पथ्य म्हणून सांगत असलेली 'मिरची ' !
अनेक रोगांचे कारण ही त्यांच्यात अदृश्य असलेले अनेक घटक असतात .
अदृश्य म्हणजे वाटणात असलेले जिन्नस .
सध्या आहार हा आरोग्यदायी पेक्षा चविष्ट करण्याकडे बहुतेक सर्वांचा कल असतो .
कोलायटिस हा माझा अत्यंत आवडीचा विषय आहे .
टेस्टी चा अट्टाहास रुग्णाला २ घास खायलाही घाबरवतो . . असो !
काही महिन्यांपूर्वी माझ्याकडे कोलायटिस ची एक रुग्णा आली होती .
काही रुग्ण कायम डिनायल मोडवरच असतात .
आपण काहीही विचारले तरी नाहीच . . नाही . . अजिबात नाही हेच बोलायचे असे ठरवून आलेले असतात .
सगळ्या प्रश्नांना नाही मिळाल्यावर शेवटी निन्जा टेकनिक ने काही प्रश्न विचारले .
तुम्ही ज्या मेस मधे जेवता त्याचे जेवण कसे असते ?
उत्तर - एकदम चविष्ट ! (मम्मी ने टिप्पणी केली - इतके छान की घरचे जेवण आता आवडत नाही तिला )
तुम्ही ज्या भाज्या जेवता त्याचा रंग एकदम लाल भडक आणि तेलाचा तवंग असेल ना ?
उत्तर - नाही . . एकदम सात्विक असते जेवण . लाल रंग नाही तेलाचा तवंग नाही .
शी . . अगदीच मिळमिळीत जेवता हो तुम्ही . . त्याला ना चव ना वास ना रंग . .
उत्तर - काहीही काय डॉक्टर . . एकदम चमचमीत आणि टेस्टी असते भाजी . स्पायसी . .
भाज्या जेव्हा रंगाने नॉर्मल पण चवीला स्पायसी असतात तेव्हा त्यात मिरचीचा खर्डा वाटीने टाकलेला असतो . .
हे बोलल्यावर मम्मी आणि मुलगी डिनायल मोड वरून थेट समर्पण मोड वर आल्या . .
नाही हो डॉक्टर . . ते जेवण ना तिखटच असतं . . इत्यादी !
सांगायचा मुद्दा असा , की आयुर्वेदात मिरची चे '' सर्व रोगकृत '' असे वर्णन आहे .
सर्व रोगांना उत्पन्न करणारी अशी मिरची आहे !
तरीही चवीला उत्तम म्हणून लोक मिरच्या आवडीने खातात आणि आजारी पडतात .
आरोग्य उत्तम हवे असेल तर , मिरचीचा स्वयंपाकात वापर कमी करावा . मिरचीचा खर्डा स्वयंपाकात वापरू नये . मिरचीचे मोठे तुकडे घालावेत म्हणजे ते पानातून काढून ठेवता येतात . आपण पैसे वडापाव चे देतो , मिरच्यांचे नाही हे कायम लक्षात ठेऊन फुकट ते पौष्टिक या न्यायाने पोटावर अन्याय करू नये .
तिखटपणासाठी मिरची ऐवजी मिरे वापरावेत !
वैद्याचे कठीण असते . समोरचा आजार कशामुळे झाला आहे हे माहित असले तरी '' तुझको मिरची लगी तो मैं क्या करू ? '' असे म्हणू शकत नाही !!
•••••••••••••••••••••••••••••••••
वैद्य . अंकुर रविकांत देशपांडे
एम डी (आयुर्वेद )
आरोग्य मंदीर -( सांगली - पुणे )
7276338585
📍maps.app.goo.gl/waa19Q6wrdcPpMey7?g_st=ic
