State Veterinary Hospital, Phukan Nagar, Sivasagar

08/12/2025

শিৱসাগৰৰ ৰাজ্যিক পশু চিকিৎসালয়ৰ পৰা অৱসৰপ্ৰাপ্ত পশু চিকিৎসা বিষয়া ডাঃ বীৰেণ দাস দেৱে পশুধনৰ চিকিৎসা অৱসৰৰ পিছতো অব্যাহত ৰাখিছে।তেওঁৰ আবেগ, প্ৰতিশ্ৰুতি, আৰু ইচ্ছা পশুধনৰ জৰুৰীকালীন অৱস্থাৰ প্ৰতি সঁহাৰি জনাবলৈ—ডাঙৰ বা সৰু জীৱ-জন্তুৰ বাবে শৈল চিকিৎসা হওক—সঁচাকৈয়ে দেখুৱাই যে হৃদয়ৰ পৰা সেৱা আগবঢ়োৱাৰ অৰ্থ কি। বহুতে কৰ্তব্যৰ বাহিৰত নিজৰ সেৱা অব্যাহত ৰাখিব নোৱাৰে, সেয়েহে তেখেতৰ উদাহৰণে সকলোকে অনুপ্ৰাণিত কৰে l ধন্যৱাদ ডা: দাস, প্ৰকৃত সেৱা যে কেতিয়াও অৱসৰ নহয় সেই কথা প্ৰমাণ কৰাৰ বাবে।

06/12/2025

আফ্ৰিকান ছোৱাইন ফিভাৰ মহামাৰী ৰোগৰ সময়ত হতাশগ্ৰস্থ নহয় গাহৰি সৰৱৰাহ বন্ধ থকা সময়চোৱাত গৰু,ছাগলী,কুকুৰা আৰু হাহঁ পালনৰ জৰিয়তে স্বাভলম্বী হোৱাৰ প্ৰশিক্ষণ আজি ৬/১২/২০২৫ তাৰিখে ন আলি তথা ওচৰৰ অঞ্চলৰ গাহৰি পালক আৰু নিৱনুৱা যুৱক যুৱতী,মহিলা সকলক দিয়া হয় । ৰাজ্যিক পশু চিকিৎসালয়, শিৱসাগৰত কৰ্মৰত পশু চিকিৎসা বিষয়া ডা: চয়নিকা দাসৰ নেতৃত্বত অনুস্থিত হোৱা প্ৰশিক্ষণ শিৱিৰৰ উদ্দেশ্য আছিল আফ্ৰিকান ছোৱাইন ফিভাৰ ৰোগৰ সজাগতা আৰু এই ৰোগৰ প্ৰকোপত সৰ্বস্বান্ত হোৱা গাহৰি পালক সকলক গৰু,ছাগলী,কুকুৰা আৰু হাহঁ পালনৰ দ্বাৰা অন্য এক বাট দেখুৱাই জীৱন বাটত আগবঢ়াই নিয়া । ক্ষতিগ্ৰস্থ পালকসকলে কুকুৰা আৰু হাহঁ পালনৰ দ্বাৰা অতি কম সময়ৰ ভিতৰত কেনেদৰে লাভৱান হব পাৰিব তাৰ বিষয়ে আলোচনা কৰে । ডা: দাসে ব্যাখ্যা কৰে যে এশ বছৰ পূৰনি আফ্ৰিকান ছোৱাইন ফিভাৰ ৰোগৰ কোনো চিকিৎসা নাই । তেখেতে উল্লেখ কৰে যে ভিয়েটনামত বিশ্বৰ প্ৰথম আফ্ৰিকান ছোৱাইন ফিভাৰ প্ৰতিষেধক, AVAC ASF LIVE(বা ASFV-G-|177L) বাণিজ্যিকভাৱে ব্যৱহাৰৰ বাবে মুকলি কৰিছে যদিও ইয়াৰ কাৰ্যকাৰিতাৰ স্থিৰতাৰ বিষয়ে কিছু উদ্বেগ আছে কাৰণ আফ্ৰিকান ছোৱাইন ফিভাৰ ভাইৰাছ ১৭৯ জিনৰ দ্বাৰা গঠিত । সেয়েহে অহা বছৰ এই ৰোগ নহয় বুলি কোনো দাঠিঁ কৱ নোৱাৰে। বৰ্তমান সময়ত আফ্ৰিকান ছোৱাইন ফিভাৰ প্ৰতিৰোধ কৰা একমাত্ৰ উপায় হৈছে জৈৱ সুৰক্ষা আৰু সম্পূৰ্ন আৱদ্ধ পদ্ধতিত গাহৰি পালন কৰা । সমন্নয় খেতি আৰু পশু পালনৰ বিষয়ে কিছু কথা আলোচনা কৰে । ক্ষেত্ৰ সহায়ক পল্লৱী কোঁৱৰে পশুধনৰ প্ৰতিষেধকৰ বিষয়ে দুষাৰ দাঙি ধৰে । দলৰ অন্য সদস্য ক্ষেত্ৰ সহায়ক ৰশেশ্বৰ শইকীয়া আৰু মুনিন্দ্ৰ দাসে শিৱিৰ অনুস্থিত কৰাত সহযোগিতা কৰে । শিৱিৰৰ শেষত পশুধনৰ দৰৱ বিতৰণ কৰা হয় । বিশেষ ধন্যৱাদ ৰাজীৱ গগৈ দেৱক সভাত আগভাগ লোৱা বাবে ।

Krishnendu Paul
Poxu Bondhu Assam
Animal Husbandry and Veterinary Department, Assam
DC Sivasagar
CMO Assam

05/12/2025

শীতৰ প্ৰভাতী ৰাতিপুৱা ক্ষেত্ৰ সহায়ক সকলে পশুধনৰ সুস্বাস্থ্য নিশ্চিত উদ্দেশ্যে কৰা কঠিন যাত্ৰা ।
ৰাজ্যিক পশু চিকিৎসালয়, শিৱসাগৰৰ ক্ষেত্ৰ সহায়ক সকলে চবকা ৰোগৰ প্ৰতিষেধক পশুপালক সকলৰ ঘৰে ঘৰে গৈ দি আছে । চবকা ৰোগৰ প্ৰতিষেধক ৰাজ্যিক পশু চিকিৎসালয়, শিৱসাগৰৰ অন্তৰ্গত প্ৰতিখন গাওঁত বিনামূলীয়া ভাৱে দিয়া হৈ আছে ।
চবকা ৰোগৰ টিকাসমূহ সাধাৰণতে নিষ্ক্ৰিয় (inactivated) ৰূপত প্ৰস্তুত কৰা হয় আৰু ৰোগপ্ৰতিৰোধ ক্ষমতা বৃদ্ধি কৰিবলৈ তাত তেল-ভিত্তিক এডজুভেণ্ট (oil-based adjuvant) ব্যৱহাৰ কৰা হয়। এই এডজুভেণ্টটোৱেই টিকাৰ পিছত কেতিয়াবা সৰু ধৰণৰ প্ৰতিক্ৰিয়া—যেনে বেজী দিয়া ঠাইত সামান্য ফুলা বা জ্বৰ—প্ৰধান কাৰণ হ’ব পাৰে।
ক্ষেত্ৰ সহায়ক সকলক চবকা ৰোগৰ প্ৰতিষেধক দিয়া কাৰ্য্যত সহায় সহযোগিতা কৰিবলৈ অনুৰোধ কৰা হ'ল ।

Poxu Bondhu Assam
Animal Husbandry and Veterinary Department, Assam

04/12/2025

আজি 08/১২/২০২৫ তাৰিখে ৰাজ্যিক পশু চিকিৎসালয়, শিৱসাগৰ উদ্যোগত পশু পালন আৰু পশু চিকিৎসা বিভাগ, শিৱসাগৰৰ অধীনত পাটৰ চেতিয়া গাঁওত জলাতংক প্ৰতিষেধক শিবিৰ আয়োজন কৰা হয় । মুঠ ২৯ টা কুকুৰক আজিৰ দিনটোত প্ৰতিষেধক প্ৰদান কৰা হয়।

অন্য এখন কাৰ্যসূচী ১৯ নং জখিনি প্ৰাথমিক বিদ্যালয়ত আয়োজন কৰা হয়। উক্ত অনুস্থানত শিশু সকলক জলাতংক ৰোগ সম্পৰ্কে সজাগতা প্রদান কৰা হয়।
কুকুৰে কামুৰিলে জলাতংক ৰোগত আক্ৰান্ত হোৱা সম্ভাৱনা থাকে । ইয়াৰ কোনো চিকিৎসা নাই ৷ এই ৰোগ অতিকৈ মাৰাত্মক ৷কুকুৰে কামুৰিলে আমি বিভিন্ন অন্ধবিশ্বাসত বশৱৰ্তী নহৈ, কুকুৰে কামুৰিলে প্ৰথম দিনা পৰাই আমি ভেকচিন ল'ব লাগে ৷ এই কাৰ্যসূচী সফল কৰাৰ বাবে বিদ্যালয়ৰ প্ৰধান শিক্ষক আৰু শিক্ষক-শিক্ষিকাসকলক অশেষ ধন্যবাদ । কাৰ্যসূচীৰ নেতৃত্ব দিছিল ডা. চয়নীকা দাস, পশু চিকিৎসা বিষয়া, লগতে আছিল ক্ষেত্ৰ সহায়ক ৰশেশ্বৰ শইকীয়া, ক্ষেত্ৰ সহায়ক মমিনা দাস, ক্ষেত্ৰ সহায়ক অধিৰাজ ভূঞা আৰু শ্বৰিফ আলি ।

বিশেষ ধন্যবাদ সহযোগিতাৰ বাবে পাতৰ চেতিয়া গাঁওৰ গাঁওবুঢ়া মাধুৰ্য্য চেতিয়া দেৱ, পশু সখী মীনাক্ষী দত্ত গগৈ,জীৱিকা সখী ৰীতামনি গগৈ আৰু কৃষি সখী জোনমণি গোহাঁই ।

Poxu Bondhu Assam
Animal Husbandry and Veterinary Department, Assam

02/12/2025

২ ডিচেম্বৰ, ২০২৫ তাৰিখে শিৱসাগৰ ৰাজ্যিক পশু চিকিৎসালয়ৰ অধীনত চবকা ৰোগৰ সজাগতা সভা আৰু পশু দৰৱ বিতৰণ শিবিৰ জোলা গাঁও, শিৱসাগৰত আয়োজন কৰা হয়। পশুসখী পম্পী দত্তৰ তত্ত্বাধানত অনুস্থিত চবকা ৰোগ সজাগতা সভাত ডা° চয়নিকা দাস,পশু চিকিৎসা বিষয়া মূখ্য প্ৰৱক্তা হিচাপে উপস্থিত থকাৰ লগতে ৰশেশ্বৰ শইকীয়া (ক্ষেত্ৰ সহায়ক), পল্লৱী কোঁৱৰ (ক্ষেত্ৰ সহায়ক), মুনীন্দ্ৰ দাসে তাৎপৰ্য্যপূৰ্ণ ভূমিকা পালন কৰে।

Poxu Bondhu Assam
Animal Husbandry and Veterinary Department, Assam
DC Sivasagar

02/12/2025

গাওেঁ গাওেঁ জলাতংক ৰোগৰ সজাগতা

২/১২/২০২৫ তাৰিখে ৰাজ্যিক পশু চিকিৎসালয়, শিৱসাগৰৰ অধীনত ডা° চয়নিকা দাস(পশু চিকিৎসা বিষয়া ) নেতৃত্বাধীন দল ৰশেশ্বৰ শইকীয়া (ক্ষেত্ৰ সহায়ক), পল্লৱী কোঁৱৰ (ক্ষেত্ৰ সহায়ক) আৰু মুনীন্দ্ৰ দাসৰ দ্বাৰা জোলা গাঁও, শিৱসাগৰত জলাতংক ৰোগৰ সজাগতা সভাৰ লগতে বিনামূলীয়া জলাতংক ৰোগৰ প্ৰতিষেধক আৰু কৃমি দৰৱ বিতৰণ শিবিৰ আয়োজন কৰা হয়। সভাখন পশুসখী পম্পী দত্ত আৰু জীৱ প্ৰেমী প্ৰণামী দত্তৰ সহায়ত অনুস্থিত কৰা হয় ।

এই শিবিৰত বহু লোকে প্ৰথমবাৰলৈ জলাতংক ৰোগৰ প্ৰতিষেধক বিষয়ে জ্ঞাত হয়। ডা: দাসে কুকুৰ মেকুৰীৰ লগতে পি.ই.পি প্ৰতিষেধকৰ সময়সূচী স্পষ্টভাৱে বুজাই দিয়ে আৰু উল্লেখ কৰে যে জলাতংক ৰোগৰ কোনো চিকিৎসা নাই — ৰোগৰ প্ৰতিৰোধ কৰিবলৈ সময়মতে প্ৰতিষেধক লোৱাহে একমাত্ৰ উপায়। লোকসমাজত থকা বিভিন্ন অন্ধবিশ্বাস আৰু ভ্ৰান্ত ধাৰণা দূৰ কৰিবলৈ চেষ্টা কৰে আৰু অন্ধবিশ্বাস বিশ্বাস নকৰিবলৈ আহ্বান জনায়।
শিবিৰখনত মুঠ ২৯টা কুকুৰক প্ৰতিষেধক দিয়া হয়, যাৰ ফলত গাঁওখনে বিশেষভাবে লাভৱান হয়।

Poxu Bondhu Assam
Animal Husbandry and Veterinary Department, Assam
Krishnendu Paul
DC Sivasagar
CMO Assam

30/11/2025

৩০ নৱেম্বৰ, ২০২৫ তাৰিখে শিৱসাগৰ ৰাজ্যিক পশু চিকিৎসালয়ৰ অধীনত চবকা ৰোগৰ সজাগতা সভা আৰু পশু স্বাস্থ্য শিবিৰ আয়োজন কৰা হয়। অনুষ্ঠানত শিৱসাগৰৰ পশু চিকিৎসা বিষয়া ডাঃ চয়নিকা দাসে চবকা ৰোগ (Foot and Mouth Disease – FMD) ৰ টিকাৰ গুৰুত্ব বিষয়ে বিস্তৃত ভাষণ দিয়ে। ডা: দাসে বাখ্যা কৰে যে চবকা ৰোগৰ টিকাসমূহ সাধাৰণতে নিষ্ক্ৰিয় (inactivated) ৰূপত প্ৰস্তুত কৰা হয় আৰু ৰোগপ্ৰতিৰোধ ক্ষমতা বৃদ্ধি কৰিবলৈ তাত তেল-ভিত্তিক এডজুভেণ্ট (oil-based adjuvant) ব্যৱহাৰ কৰা হয়। এই এডজুভেণ্টটোৱেই টিকাৰ পিছত কেতিয়াবা সৰু ধৰণৰ প্ৰতিক্ৰিয়া—যেনে বেজী দিয়া ঠাইত সামান্য ফুলা বা জ্বৰ—প্ৰধান কাৰণ হ’ব পাৰে। আজিৰ সভাত অধিৰাজ ভূঞা, ক্ষেত্ৰ সহায়ক, শৰিফ আলী আৰু অচিন্ত বৰাই সক্ৰিয়ভাৱে অংশগ্ৰহণ কৰে।

চবকা ৰোগৰ লগতে জলাতংক ৰোগ (Rabies) ৰ বিষয়ে আলোচনা কৰে, যি জন্তু আৰু মানুহ উভয়ৰ বাবে অত্যন্ত বিপদজ্জনক । এই ৰোগত মৃত্যু ১০০ শতাংশ । সময়মতে টিকা ল’লে জীৱন ৰক্ষা কৰিব পাৰি। 

Poxu Bondhu Assam
Animal Husbandry and Veterinary Department, Assam
DC Sivasagar

29/11/2025

29/11/2025

29/11/2025

মেকুৰীৰ বন্ধ্যাকৰন।

28/11/2025

জৰায়ুৰ অস্ত্ৰোপচাৰ কেতিয়া প্ৰয়োজন হয়?

শল্য চিকিৎসাৰ (C-section) প্ৰয়োজন হয় তলৰ
পৰিস্থিতিসমূহতঃ
• গৰু পোৱালীৰ গা গঠন ডাঙৰ হ’লে আৰু স্বাভাৱিক জন্মদ্বাৰেদি প্ৰসৱ কৰিব নোৱাৰিলে |
• সঠিকভাৱে টান মৰা সত্ত্বেও ১০–১৫ মিনিটত কোনো অগ্ৰগতি নেদেখিলে।
• গৰ্ভাশয়ৰ স্থান ঘূৰাই(uterine torsion) বা সঁজুলি ব্যৱহাৰ কৰি ঠিক কৰিব নোৱাৰিলে।
• গৰ্ভমুখ সম্পূৰ্ণভাৱে খোল নাখালে।
• গৰু পোৱালীৰ বিকৃত ভ্ৰূণ গঠন যাৰ ফলত বাহিৰ কৰাটো অসম্ভব হয়।
• মৃত বা গ্যাঁজ থকা (emphysematous) গৰু পোৱালী, যাক যোনীপথে উলিয়াব নোৱৰা হয়।
• মাক গাইৰ অত্যধিক ক্লান্তি বা জৈৱ-ৰাসায়নিক সমস্যা দেখা দিলে।
ৰাজ্যিক পশু চিকিৎসালয়,শিৱসাগৰৰ দল এটি শল্য চিকিৎসাৰ (C-section) কৰা দৃশ্য ।

শল্য চিকিৎসক দল :
- ডা: প্ৰিন্স বড়ো,পশু চিকিৎসা বিষয়া, শিৱসাগৰ
- ডা: চয়নিকা দাস,পশু চিকিৎসা বিষয়া, শিৱসাগৰ
- ৰশেশ্বৰ শইকীয়া, ক্ষেত্ৰ সহায়ক
- মুনিন্দ্ৰ দাস

Animal Husbandry and Veterinary Department, Assam
Poxu Bondhu Assam
DC Sivasagar

28/11/2025

মহামান্য উচ্চতম ন্যায়ালয়ৰ নিৰ্দেশ অনুসৰি, শিৱসাগৰ পৌৰসভা, পশু চিকিৎসা আৰু পশুপালন বিভাগ, শিৱসাগৰ, এপ্লজ ফাউণ্ডেছন (NGO) আৰু খ্যাতনামা প্রাণী সুৰক্ষা কৰ্মী জোনালী বুঢ়াগোহাঁইৰ সহযোগত শিৱসাগৰত পথৰ কুকুৰৰ বন্ধ্যাকৰণ অভিযান সফলভাৱে সম্পন্ন কৰা হয়।
মুঠ ১৯ টা কুকুৰৰ বন্ধ্যাকৰণ চিকিৎসালয়ত সম্পন্ন কৰা হৈছিল। শল্য চিকিৎসাৰ পিছত কুকুৰবোৰৰ যত্ন আৰু পৰ্যবেক্ষণ এন.জি.অ দল আৰু প্রাণী সুৰক্ষা কৰ্মীসকলে দায়িত্বগ্ৰহণ কৰিছিল, যাৰ ফলত কুকুৰবোৰ সঠিকভাৱে সুস্থ হ’বলৈ সহায় হয়।
বন্ধ্যাকৰণ শল্য চিকিৎসা দল
• ডা: চয়নিকা দাস, পশু চিকিৎসা বিষয়া, শিৱসাগৰ

• ডা: বেদান্ত ফুকন, পশু চিকিৎসক, ভ্ৰম্যমান পশু চিকিৎসালয়,শিৱসাগৰ

• মমিনা দাস ক্ষেত্ৰ সহায়ক আৰ ৰাতুল গগৈ সহায়ক

আমাৰ লক্ষ্য এই বন্ধ্যাকৰণ কাৰ্যসূচী আগলৈও অব্যাহত ৰাখি অঞ্চলটোৰ পথৰ কুকুৰৰ জনসংখ্যা হ্ৰাস কৰা।

Poxu Bondhu Assam
Animal Husbandry and Veterinary Department, Assam
CMO Assam
DC Sivasagar
Sibsagar Municipal Board