26/01/2026
*“समतेच्या प्रकाशात एकवटलेले पाऊल : नॅब सोलापूरच्या विविध* *शाखांचा ७७ वा प्रजासत्ताक दिन उत्साहात*साजरा*
*
सोलापूर :नॅशनल असोसिएशन फॉर द ब्लाइंड, सोलापूर संचलित चंद्रभागाबाई यलगुलवार प्रशाला व ज्युनिअर कॉलेज, चंद्रभागाबाई यलगुलवार शिशु व प्राथमिक शाळा,राजीव गांधी मेमोरियल फॉर द ब्लाइंड स्कूल तसेच ममता मुकबधीर विद्यालय, सोलापूर या सर्व शाखांचा एकत्रित ७७ वा प्रजासत्ताक दिन अत्यंत उत्साहात व देशभक्तीच्या वातावरणात साजरा करण्यात आला.
या भव्य कार्यक्रमात पुकाळे डेअरी फार्मचे मालक मा. जितेंद्र पुकाळे यांच्या शुभहस्ते ध्वजारोहण संपन्न झाले. ध्वजारोहणानंतर संपूर्ण परिसर वंदे मातरम् व जय हिंदच्या घोषणांनी दुमदुमून गेला.
कार्यक्रमाची सुरुवात अंध विद्यार्थ्यांच्या मधुर स्वागत गीतांनी झाली. विविध शाखांतील विद्यार्थ्यांनी प्रजासत्ताक दिनाचे महत्त्व अधोरेखित करणारी मनोगते सादर करून उपस्थितांच्या मनात देशप्रेमाची भावना जागवली. चंद्रभागाबाई यलगुलवार प्रशाला व ज्युनिअर कॉलेजच्या विद्यार्थिनींनी शिस्तबद्ध मार्चिंगद्वारे तिरंगा ध्वजास मानवंदना देत उपस्थितांची मने जिंकली.
कार्यक्रमाच्या अध्यक्षस्थानी संस्थेचे खजिनदार डॉ.चंद्रकांत कुलकर्णी होते. आपल्या अध्यक्षीय मनोगतात त्यांनी आजच्या डिजिटल युगात विद्यार्थ्यांसाठी संगणक साक्षरतेचे महत्त्व विशद करत,आधुनिक शिक्षणाकडे विद्यार्थ्यांनी सज्ज राहावे, असे मार्गदर्शन केले.
याप्रसंगी विद्यार्थ्यांनी देशभक्तीपर गीतांवर कवायत व नृत्य सादर करून कार्यक्रमाला रंगत आणली. ममता मूकबधिर विद्यालयाच्या विद्यार्थ्यांनी सादर केलेल्या फॅशन शो ने उपस्थित त्यांचे लक्ष वेधून घेतले.
कार्यक्रमास संस्थेच्या उपाध्यक्ष श्रीमती अनुगीता पवार, सहसचिव व चंद्रभागाबाई यलगुलवार प्रशाला व ज्युनिअर कॉलेजच्या प्राचार्या सीमा श्रीगोंदेकर, सहसचिव शिवाजी जाधव, समाविष्ट सदस्य डॉ. किशोर देशपांडे,चंद्रभागाबाई यलगुलवार शिशु व प्राथमिक शाळेचे मुख्याध्यापक संतोष माशाळे, राजीव गांधी मेमोरियल स्कूल फॉर द ब्लाइंड चे अधीक्षक सौरभ शिंगाडे, ममता मूकबधिर विद्यालयाच्या अधीक्षक सौ.संगीता गायकवाड, प्रशाला व ज्युनिअर कॉलेजचे पर्यवेक्षक डॉ. बंडोपंत पाटील, सर्व शिक्षक-शिक्षकेत्तर कर्मचारी,पालकवर्ग व विद्यार्थी मोठ्या संख्येने उपस्थित होते.
कार्यक्रमाचे सूत्रसंचालन कोंडीराम जगदाळे सर यांनी केले, तर केसकर मॅडम यांनी आभारप्रदर्शन केले.
