TMMK vazhkai & senganoor / தமுமுக வாழ்க்கை & சேங்கனூர்

19/10/2025

✨ வாழ்க்கை சேங்கனூர் கிளையின் தீபாவளி வாழ்த்துச் செய்தி

​"தமிழ்நாடு முஸ்லிம் முன்னேற்றக் கழகம், வாழ்க்கை சேங்கனூர் கிளை சார்பாக...
​அன்பின் திருநாளாம், ஒளிமயமான தீபாவளியைக் கொண்டாடும் எங்கள் பாசமிகு சகோதர சகோதரிகளுக்கு மனம் நிறைந்த நல்வாழ்த்துக்களைத் தெரிவித்துக் கொள்கிறோம்.

​இந்தத் திருநாள், உங்கள் குடும்பங்களில் அமைதியையும், ஆரோக்கியத்தையும், பெருஞ் செழிப்பையும் கொண்டு வந்து, உங்கள் வாழ்வு பிரகாசமாக ஒளிரட்டும்.
​மதங்களை கடந்து மனிதநேயத்துடன் நாம் ஒருவருக்கொருவர் துணையாக நின்று, மனிதாபிமானமும், சமூக நல்லிணக்கமும், சகோதரத்துவமும் என்றும் நிலைக்க உறுதியேற்போம்🫂.

​சகோதர ஒற்றுமையுடன் கூடிய இனிய தீபாவளி நல்வாழ்த்துக்கள்!"

​அன்புடன்...
தமிழ்நாடு முஸ்லிம் முன்னேற்றக் கழகம்
வாழ்க்கை சேங்கனூர் கிளை

16/10/2025

திராவிட மாடல் ஆட்சியில் அமைக்கப்பட்ட வடிகால் குழந்தைகள் வயதானவர்களின் உயிர் கேள்விக்குறியாகி உள்ளது!

​“வாழ்க்கை புதுப்பள்ளிவாசல் அருகாமையில், பொதுப்பணித் துறை சார்பில் அமைக்கப்பட்டுள்ள வடிகால்கள் (ஓவர்ஃபுளோ லைன்) எவ்வித அடிப்படைப் பாதுகாப்பு அம்சங்களும் இன்றி, முற்றிலும் ஆபத்தான முறையில் அரைகுறையாக விடப்பட்டுள்ளது மிகுந்த வேதனையளிக்கிறது.
​வடிகாலின் இருபுறமும் மண் அணைக்கப்படாமல் (Side embankments), பள்ளங்கள் நிரப்பப்படாமல், விளிம்புகள் அபாயகரமாக உள்ளன.
​மேற்புறத்தில் சிமெண்ட் மூடி (கவர் ஸ்லாப்) போடப்படாமல் திறந்த நிலையில் உள்ளது.
​இந்த வடிகால் பகுதிக்கு அருகிலேயே குடியிருப்புப் பகுதிகள் பள்ளிவாசல், உள்ளதாலும், பள்ளிவாசலுக்கு சென்று வரக்கூடிய குழந்தைகள் மற்றும் வயதானவர்கள் நடமாட்டம் உள்ளதாலும், எந்த நேரத்திலும் விபத்துக்கள் நிகழக்கூடிய அபாயம் உள்ளது. இது குழந்தைகளுக்கும், வயதானவர்களுக்கும் மரணப் பொறி போல் அமைந்துள்ளது.

​ தமிழ்நாடு முஸ்லிம் முன்னேற்றக் கழகத்தின் சார்பில், இந்த ஆபத்தான பணியைக் கண்டிப்பதோடு, மாவட்ட நிர்வாகம் மற்றும் உள்ளாட்சி அமைப்புகளுக்குக் கீழ்க்கண்ட கோரிக்கைகளை விடுக்கிறோம்:

​உடனடியாகப் பணியாளர்களை நியமித்து, வடிகாலின் இருபுறமும் மண் அணைத்து, மேற்புறத்தில் உறுதியான சிமெண்ட் மூடிகளையோ அல்லது கிரில் தடுப்புகளையோ பொருத்தி பொதுமக்களின் பாதுகாப்பை உறுதி செய்ய வேண்டும்.
​பொதுமக்களின் உயிருக்கு அச்சுறுத்தல் ஏற்படுத்தும் வகையில் அலட்சியமாகப் பணி செய்த சம்பந்தப்பட்ட அதிகாரிகள் மற்றும் திமுக ஒப்பந்ததாரர்கள் மீது உடனடியாகப் பணித் தடையுடன் கூடிய துறைரீதியான நடவடிக்கை மேற்கொள்ள வேண்டும்.”

👉 ஆபத்து:
குழந்தைகள் மற்றும் வயதானவர்களுக்கு இது மிகப்பெரிய அச்சுறுத்தல். எந்த நேரத்திலும் உயிரிழப்பு ஏற்படலாம்.
​இதனைக் கண்டித்து, அலட்சியமான அதிகாரிகளையும் ஒப்பந்ததாரரையும் கண்டிக்கிறோம்!

​ திமுக மாவட்டச் செயலாளர் அண்ணன் பூண்டி கலைவாணன், ஒன்றிய செயலாளர் மனோகரன் அவர்கள் மற்றும் சம்பந்தப்பட்ட அதிகாரிகள் அனைவரும் இந்த விஷயத்திலே தலையிட்டு, பொதுமக்களின் உயிரைப் பாதுகாக்க வேண்டும் என்று தமுமுக சார்பாக உங்களை அன்போடு கேட்டுக்கொள்கிறோம்.

சிறு பிள்ளைகளின் உயிர்களை துச்சமன நினைத்து கடந்து செல்லாமல் இதற்கு துரித நடவடிக்கை எடுப்பீர்கள் என்று நம்புகிறோம்.

இப்படிக்கு:-

தமிழ்நாடு முஸ்லிம் முன்னேற்றக் கழகம் வாழ்க்கை-சேங்கனூர்

17/09/2025

அஸ்ஸலாமு அலைக்கும்🤝

வாழ்க்கை, சேங்கனூர் சம்பந்தப்பட்ட வீதிகளில் நாய்களின் அதிகரிப்பால் பள்ளிகூடத்திற்கு, பள்ளிகளுக்கு செல்லக்கூடிய மாணவ மாணவிகள் சிறு பிள்ளைகள், மற்றும் முதியோர்கள் மிகவும் நாய்க்கடியினால் பாதிக்கப்பட்டு சிரமத்துக்கு ஆளாகிறார்கள்.

தெருக்களில் விளையாடக்கூடிய நடந்து செல்லக்கூடிய சின்னஞ்சிறு பிள்ளைகளை நாய்கள் துரத்துவது வாடிக்கையாக நடந்து கொண்டிருக்கிறது. எனவே நாய்களை உடனடியாக அப்புறப்படுத்தவும் அதற்கு உண்டான தடுப்பூசிகளை போடவும் வாழ்க்கை மற்றும் சேங்கனூர் ஊராட்சி செயலாளர்களிடம் தமிழ்நாடு முஸ்லிம் முன்னேற்றக் கழகத்தின் சார்பாக இன்று மனு கொடுக்கப்பட்டிருக்கிறது மனுவை பெற்றுக் கொண்ட ஊராட்சி செயலாளர்கள் உடனடியாக நடவடிக்கை எடுப்பதாக உறுதி அளித்திருக்கிறார்கள்.

நாளை நன்னிலம் பேரூராட்சி அலுவலகத்திலும் தமுமுக சார்பாக மனு கொடுக்கப்பட இருக்கிறது. நாய்களை முழுமையாக அப்புறப்படுத்தும் வரை இந்த தன்னலமற்ற சமூக சேவையின் முயற்சிகள் தமுமுக சார்பாக தொடரும்.

இன்ஷா அல்லாஹ்

🖤🤍தமுமுக🖤🤍
வாழ்க்கை சேங்கனூர் கிளை

30/08/2025

29/08/2025

தமிழ்நாடு முஸ்லிம் முன்னேற்றக் கழகத்தின் கொரோனா கால சேவைகளை நினைவு கூர்ந்த தமிழ்நாடு காங்கிரஸ் கமிட்டியின் மாநில இளைஞரணி பொதுச்செயலாளர் வழக்கறிஞர் ஆலீம் அல் புகாரி அவர்கள்.

வாழ்க்கை சேங்கனூர்

28/08/2025

28/08/2025

ஆழ்ந்த இரங்கல்😭

மாடர்ன் மெடிக்கல் நிறுவனர் திரு. ராமநாதன் அவர்களின் மறைவு, சமூகத்திற்கும், குறிப்பாக தமிழ்நாடு முஸ்லிம் முன்னேற்றக் கழகத்திற்கும் ஒரு பேரிழப்பு. தமுமுக ஆம்புலன்ஸ்க்கு அவர் அளித்த மருத்துவ உபகரணங்கள் எண்ணற்ற உயிர்களைக் காப்பாற்ற உதவியிருக்கிறது. அவரது மனிதாபிமானமும், சமூக சேவை உணர்வும் பலருக்கு முன்மாதிரியாகத் திகழ்கிறது. அவரை இழந்து வாடும் அவரது குடும்பத்தினருக்கும், உறவினர்களுக்கும், நண்பர்களுக்கும் தமிழ்நாடு முஸ்லிம் முன்னேற்றக் கழகத்தின் சார்பாக எங்களது ஆழ்ந்த இரங்கல்களைத் தெரிவித்துக் கொள்கிறோம்🫂...

🖤🤍தமுமுக🖤🤍
வாழ்க்கை சேங்கனூர்

23/08/2025

31வது ஆண்டில் தமுமுக🏴🏳️

ஜாதி,மதம்,இன,மொழி என எந்த வேறுபாடும் இல்லாமல் அனைத்து சமுதாய மக்களுக்காக 24/7 ஆம்புலன்ஸ் சேவை, இரத்ததான சேவை, அவசர கால மருத்துவ சேவை, மருத்துவ முகாம்கள் கொரானா, பெரும் மழை வெள்ளம், புயல்,சுனாமி என அனைத்திலும் முதன்மையாக களத்தில் இறங்கி பணி செய்து முன்னணியில் இருக்கும் சமுதாய பேரியக்கம்...

தமிழ்நாடு_முஸ்லீம்_முன்னேற்ற_கழகம்
🏴🏳️ தனது 31வது ஆண்டில் அடியெடுத்து வைக்கிறது...
அல்ஹம்துலில்லாஹ்

எல்லா_புகழும்_இறைவனுக்கே...

🖤🤍தமுமுக🖤🤍
வாழ்க்கை சேங்கனூர்

19/08/2025

12/08/2025

அண்ணன் கொத்தனார் ராஜ் அவர்களின் மறைவுக்கு எங்களது ஆழ்ந்த இரங்கலைத் தெரிவித்துக் கொள்கிறோம்😭.

அவர் ஒரு சிறந்த மனிதராகவும், எல்லோரிடமும் அன்பாகப் பழகும் குணமுடையவராகவும் திகழ்ந்தார். அவரது மறைவு, அவரது குடும்பத்தினருக்கும், நண்பர்களுக்கும், அனைவருக்கும் ஒரு பெரிய இழப்பு.
அவரது ஆன்மா சாந்தியடைய இறைவனைப் பிரார்த்திக்கிறோம். இந்தத் துயரமான நேரத்தில் அவரது குடும்பத்தினருக்கு தமிழ்நாடு முஸ்லிம் முன்னேற்றக் கழகத்தின் சார்பாக ஆழ்ந்த அனுதாபங்கள்.

இப்படிக்கு,

தமிழ்நாடு முஸ்லிம் முன்னேற்றக் கழகம்
வாழ்க்கை-சேங்கனூர் கிளை