House Surgeons Association 2017-'18, GAVC TPRA

12/04/2018

ഹൗസ് സർജൻസ് അസോസിയേഷൻ 2017-2018
ഏപ്രിൽ 02 2018-
ലോക ഓട്ടിസം ദിനം
വൈദ്യശാസ്ത്രം ഇന്നും അങ്കലാപ്പോടെ ഉറ്റുനോക്കുന്ന, ഉത്തരം കണ്ടെത്തുവാൻ ബുദ്ധിമുട്ടുന്ന, കുട്ടികളിൽ കാണുന്ന ശാരീരിക-മാനസിക-ബുദ്ധിപരങ്ങളായ വൈശേഷ്യങ്ങളുടെ സമൂഹമാണ് ഓട്ടിസം. അത്തരം കുട്ടികളെ ഒറ്റപ്പെടുത്താതെ, അവരുടെ ശക്തിമേഖലകളെ കണ്ടെത്തുവാനും, സമൂഹത്തിന്റെ ഭാഗമാക്കുവാനും പൊതുജനത്തോട് വൈദ്യ സമൂഹത്തിനു വേണ്ടി ആഹ്വാനം ചെയ്തു കൊണ്ട്, HSA 2017-'18 ന്റെ ആഭിമുഖ്യത്തിൽ കൗമാരഭൃത്യം വിഭാഗത്തിൽ ഉള്ള രോഗികൾക്കെല്ലാവർക്കും കോളേജ് വിദ്യാർത്ഥികളാൽ പെയിന്റ് ചെയ്യപ്പെട്ട ടി ഷർട്ടുകൾ സമ്മാനിച്ചു. ആശുപത്രി സൂപ്രണ്ട് ഡോ. സരസ ടി പി മുഖ്യാതിഥിയായ ചടങ്ങിൽ കൗമാരം വിഭാഗം ഡോ. ഷാജു എം കെ, ഡോ. ആയ്ഷത് എം, എന്നിവർ പങ്കെടുത്തു, ഓട്ടിസം ദിന സന്ദേശം നൽകി.
ടി ഷർടുകൾ പെയിന്റ് ചെയ്ത
അമൽ എൻ എസ്,
സ്വാതി എസ് നായർ,
മിഥുൻ കെ ആർ,
ശരത് രാജീവ്
വിശാഖ് കെ രഘു
എന്നിവർക്ക് പ്രത്യേകം നന്ദി,
പരിപാടി പങ്കെടുത്ത് വിജയമാക്കിയ മറ്റെല്ലാവർക്കും കൃതജ്ഞത.

05/04/2018

31/03/2018

ലോക വൃക്ക ദിനത്തോട് അനുബന്ധിച്ചു മാർച്ച് 8 നു പ്രഖ്യാപിക്കുകയും, മാർച്ച് 27നു നടത്തപ്പെടുകയും ചെയ്ത വിശിഖാ ലെജൻഡ്സ് സീരീസിലെ ആദ്യ മത്സരം.

പദ്മശ്രീ കെ രാജഗോപാലൻ സ്മാരക പേപ്പർ പ്രസന്റേഷൻ മത്സരം.
വിഷയം : വൃക്കാവികാരങ്ങൾ ആയുർവേദ പരിപ്രേക്ഷ്യത്തിൽ

വിജയികൾ :-
ഒന്നാം സ്ഥാനം:ഡോ. മനു പൊന്നപ്പൻ (കായചികിത്സാ പി ജി ഒന്നാം വർഷം)
രണ്ടാം സ്ഥാനം: ഡോ. ദീപ്‌ന എം (പഞ്ചകർമ പി ജി ഒന്നാം വർഷം).

മത്സരാർത്ഥികൾക്കും വിജയികൾക്കും അഭിനന്ദനങ്ങൾ. വിധികർത്താക്കൾക്കും ശ്രോതാക്കൾക്കും കൃതജ്ഞത.

30/03/2018

HOUSE SURGEONS ASSOCIATION 2017-'18
VISHIKHA LEGENDS SERIES
ആയുർവേദത്തെ ദേശകാലോചിതമായി നവീകരിച്ച, ആയുർവേദ പഠന-പാഠനങ്ങൾക്ക് പുതിയ മുഖം നൽകിയ, ആയുർവേദ സിദ്ധാന്തങ്ങളെയും പ്രയോഗങ്ങളെയും ജനകീയമാക്കാൻ പ്രയത്നിച്ച മഹാരഥന്മാരെയും അവരുടെ സംഭാവനകളെയും പുതിയ തലമുറയ്ക്ക് പരിചയപ്പെടുത്തുവാൻ ഉള്ള എളിയ പരിശ്രമം.. Vishikha legends series.. ആയുർവേദ രംഗത്തെ ഏതാനും സമീപകാല ആചാര്യന്മാരുടെ പ്രവർത്തനങ്ങളെയും സംഭാവനകളെയും വീക്ഷണങ്ങളെയും അടിസ്ഥാനമാക്കിക്കൊണ്ട് തൃപ്പൂണിത്തുറ കോളേജിലെ വിദ്യാർത്ഥികൾക്കായി ഏതാനും മത്സരങ്ങൾ സംഘടിപ്പിക്കുന്നു.

1. വൈക്കത്ത് പാച്ചു മൂത്തത് സ്മാരക ഗ്രന്ഥനിരൂപണ മത്സരം
ഗ്രന്ഥം: സുഖസാധകം

2. വൈദ്യരത്നം പി എസ്‌ വാര്യർ സ്മാരക പ്രസംഗ മത്സരം
വിഷയം: ആയുർവേദവും അതിന്റെ ആധുനികവൽക്കരണവും

3. വൈദ്യഭൂഷണം കെ രാഘവൻ തിരുമുൽപാട് സ്മാരക പ്രബന്ധ രചനാ മത്സരം
വിഷയം: ആഹാരരീതികളും ആധുനികരോഗങ്ങളും

4. പദ്മശ്രീ ഡോ. കെ. രാജഗോപാലൻ സ്മാരക പേപ്പർ പ്രസന്റേഷൻ മത്സരം
വിഷയം: വൃക്കാ വികാരങ്ങൾ ആയുർവേദ പരിപ്രേക്ഷ്യത്തിൽ

5. ഡോ. സി. ആർ. അഗ്നിവേശ് സ്മാരക സംവാദ മത്സരം
വിഷയം: ആയുർവേദ ചികിത്സയിൽ ഇൻവെസ്റ്റിഗേഷനുകൾ അനിവാര്യം ആണ്/അല്ല

19/03/2018

AMAI യുടെ മുൻ ജനറൽ സെക്രട്ടറിയും പ്രസിദ്ധചികിത്സകനും സംഘാടകനും സാമൂഹിക സംസ്കാരിക പ്രവർത്തകനുമായ Dr.ബേബി കൃഷ്ണൻ അന്തരിച്ചു. തൃപ്പൂണിത്തുറ ആയുർവേദ കോളേജിൽ നിന്ന് ബിരുദം നേടിയ ശേഷം എറണാകുളം പുക്കാട്ടു പടിയിൽ ഐശ്വര്യ ആയുർവേദ നഴ്‌സിംഗ് ഹോം ചീഫ് ഫിസിഷ്യൻ ആയി പ്രാക്ടീസ് ചെയ്യുകയായിരുന്നു. AHMA യുടെ ജനറൽ സെക്രട്ടറിയായിരുന്നു.
ആദരാഞ്ജലികൾ🌹🌹🌹🌹🌹

07/02/2018

സംഗീത സന്ധ്യ
തൃപ്പൂണിത്തുറ ഗവ: ആയുർവേദ കോളേജ് ആശുപത്രിയിൽ ചികിത്സയിൽ കഴിയുന്ന രോഗികൾക്കായി HSA യുടെ ആഭിമുഖ്യത്തിൽ 07.02.2018നു ഹൗസ് സർജൻമാരും വിദ്യാർത്ഥികളും അധ്യാപകരും ജീവനക്കാരും പങ്കെടുത്ത സംഗീത സന്ധ്യ. ക്ലേശാർത്തങ്ങളായ മനസ്സുകൾക്ക് ആശ്വാസത്തിന്റെയും ആസ്വാദനത്തിന്റെയും ഏതാനും നിമിഷങ്ങൾ സമ്മാനിക്കുവാൻ സാധിച്ചുവെന്ന് കരുതുന്നു..😊 മുഖ്യ സംഘാടകൻ ഡോ. ജിതിൻ പുരുഷോത്തമനും പങ്കെടുത്ത മറ്റെല്ലാ പേർക്കും HSA യുടെ കൃതജ്ഞത.

06/02/2018

ആയുർവേദം എന്ന ശാസ്ത്രം ഒറ്റമൂലികളുടെയോ, പഞ്ചകർമാദികളുടെയോ ആചാര അനുഷ്ഠാനങ്ങളുടെയോ മാത്രം സമാഹാരങ്ങളായി പലപ്പോഴും വ്യാഖ്യാനിക്കപ്പെടുകയും വ്യവഹരിക്കപ്പെടുകയും ചെയ്യുന്ന ഈ കാലഘട്ടത്തിൽ, പൊതു ആരോഗ്യ വിഷയങ്ങളിൽ ആയുർവേദത്തിന്റേതായ പങ്കും നിലപാടും സമൂഹത്തിലേയ്ക്ക്, വിശേഷിച്ചും പുതുതലമുറയിലേക്ക് എത്തിക്കുവാൻ, ആയുർവേദത്തിന്റെ വിത്ത് വിതയ്ക്കുവാൻ (രസായന പ്രയോഗം വിധിക്കുന്നത് പോലെ) "പൂർവേ വയസി മദ്ധ്യേ വാ" ആണ് അനുയോജ്യമായ സമയം എന്ന വിചാരത്തെ മുൻനിർത്തിക്കൊണ്ട്, HSAയുടെ എളിയ ഉദ്യമത്തിന്റെ ആദ്യ ചുവട്...
ക്യാൻസറും ആയുർവേദവും എന്ന വിഷയത്തിൽ HSA യുടെ ആഭിമുഖ്യത്തിൽ തൃപ്പൂണിത്തുറ ഗവ: ഗേൾസ് ഹൈ സ്കൂൾ വിദ്യാർത്ഥികൾക്കും അധ്യാപകർക്കുമായി വച്ചു ഹൗസ് സർജൻ ഡോ. സ്നേഹ സി ജോർജ് അവതരിപ്പിച്ച ബോധവത്കരണ ക്ലാസ്..

05/02/2018

Inviting all...

04/02/2018

ക്യാൻസറും ആയുർവേദവും: ബോധവത്കരണ ക്ലാസ്

ഫെബ്രുവരി 4- ലോക ക്യാൻസർ ദിനം. ക്യാൻസർ എന്ന മഹാരോഗം വ്യാപകമായിക്കൊണ്ടിരിക്കെ, അതിനെ പ്രതിരോധിക്കാനുള്ള നിരവധി ഒറ്റമൂലികൾ, മരുന്നുകൾ, എന്തിനേറെ പറയുന്നു, ക്യാൻസറിന് പ്രത്യേക ഇൻഷുറൻസ് വരെ ഇന്ന് വിപണിയിലുണ്ട്. ഒരു പക്ഷെ ഈ രോഗത്തേക്കാൾ ഇന്ന് നമ്മെ ബാധിച്ചിരിക്കുന്നത് ഇതേക്കുറിച്ചുള്ള ഭയവും മിഥ്യാധാരണകളുമാണ്. ഈ സാഹചര്യത്തിൽ ഇതിനെതിരെ ശബ്ദമുയർത്തുവാനും, പുതുതലമുറയെ ഇതേക്കുറിച്ചു ബോധവത്കരിക്കുവാനും, പൊതു ആരോഗ്യവിഷയങ്ങളിൽ ആയുർവേദത്തിന്റെ സാധ്യതകളെ പുറംലോകത്തേക്ക് അറിയിക്കുവാനും പരിശ്രമിക്കേണ്ടത് നാം തന്നെ.
അതിന്റെ ഭാഗമായി ലോക ക്യാൻസർ ദിനത്തോട് അനുബന്ധിച്ചു HSA യുടെ ആഭിമുഖ്യത്തിൽ ഫെബ്രുവരി 6 ഉച്ചക്ക് 3 മുതൽ 4 30 വരെ "ക്യാൻസറും ആയുർവേദവും" എന്ന വിഷയത്തിൽ ബോധവത്കരണ ക്ലാസ് തൃപ്പൂണിത്തുറ ഗവണ്മെന്റ് ഗേൾസ് ഹൈ സ്കൂളിൽ വച്ചു നടത്തപ്പെടുന്നു. ക്ലാസ് നയിക്കുന്നത് ഡോ. സ്നേഹ സി ജോർജ്, ഹൗസ് സർജൻ. വിദ്യാർത്ഥികൾക്ക് സംവദിക്കുവാനും അവരുടെ സംശയങ്ങൾ ദൂരീകരിക്കുവാനും അവസരം ഉണ്ടാകുന്നതാണ്. പരിപാടിയിലേക്ക് ഏവരേയും സാദരം ക്ഷണിക്കുന്നു.