14/01/2026
നിങ്ങൾ ശരിയായിട്ടല്ല പരിഗണിക്കപ്പെടുന്നത് എന്നു തോന്നുന്നത് എന്തുകൊണ്ടാണ്?
"ഞാൻ വളരെയധികം ശ്രമിക്കുന്നു , പക്ഷേ അവരതു കാണുന്നില്ല," നിങ്ങൾ നിശബ്ദമായി ഇരുന്ന് ഇങ്ങനെ ചിന്തിക്കുന്ന അവസരങ്ങളുണ്ട്.
നിങ്ങൾ ചെയ്ത ചെറിയ കാര്യങ്ങൾ - നിങ്ങളുടെ ദയ, ക്ഷമ, വിശ്വസ്തത - എന്നിവയെല്ലാം ആവർത്തിച്ചു ഓർമ്മിച്ചെടുക്കുന്നു. വീണ്ടും ആവർത്തിക്കുന്നു
എന്നിട്ടും, നിങ്ങളുടെ ഉള്ളിലെ എന്തോ ഒന്ന് മന്ത്രിക്കുന്നു,
ഞാൻ അർഹിക്കുന്ന രീതിയിലല്ല ഞാൻ പരിഗണിക്കപ്പെടുന്നത്.
അത് അഹങ്കാരമല്ല. അത് സ്വാർത്ഥതയല്ല.
നീതിക്കുവേണ്ടിയുള്ള നിങ്ങളുടെ ആവശ്യത്തെ മറ്റുള്ളവർ നിശബ്ദത കൊണ്ടു നേരിടുമ്പോൾ ഉണ്ടാകുന്ന വേദനയാണിത്.
കാണപ്പെടുന്നതിനുള്ള ആവശ്യം.
ഓരോ മനുഷ്യനും ലളിതമായ ഒരു ജൈവശാസ്ത്രപരമായ ആഗ്രഹം സംവഹിക്കുന്നു - കാണപ്പെടുക, വിലമതിക്കപ്പെടുക, അംഗീകരിക്കപ്പെടുക.
കുട്ടികളായിരിക്കുമ്പോൾ മുതൽ, തലച്ചോറ് ശ്രദ്ധയെ സുരക്ഷയുമായി ബന്ധിപ്പിക്കുന്നു.
ആരെങ്കിലും നിങ്ങളുടെ പ്രയത്നത്തെ ശ്രദ്ധിക്കുമ്പോൾ, നിങ്ങളുടെ സാന്നിധ്യത്തിൽ പുഞ്ചിരിക്കുമ്പോൾ, അല്ലെങ്കിൽ ആത്മാർത്ഥമായി നന്ദി പറയുമ്പോൾ,
നിങ്ങളുടെ മസ്തിഷ്കം ഓക്സിടോസിനും(oxytocin) ഡോപമൈനും(dopamine) പുറത്തുവിടുന്നു -
ഊഷ്മളതയും സ്വന്തത്വവും സൃഷ്ടിക്കുന്ന അതേ രാസവസ്തുക്കൾ.
അത്തരത്തിലുള്ള പ്രതികരണം ഇല്ലാതെയാകുമ്പോൾ,
നിങ്ങളുടെ സംവിധാനം നിശബ്ദമായി അതിനെ തിരസ്കരണമായി വ്യാഖ്യാനിക്കുന്നു.
അംഗീകാരം ലഭിക്കാത്തത് നിങ്ങളെ നിരാശപ്പെടുത്തുക മാത്രമല്ല;
ശാരീരിക മുറിവിനെപ്പോലെ തന്നെ അത് ശരീരത്തെ വേദനിപ്പിക്കുന്നു.
അതുകൊണ്ടാണ് അവഗണിക്കപ്പെടുകയോ വിലമതിക്കപ്പെടാതിരിക്കുകയോ ചെയ്യുമ്പോൾ മുറിവേറ്റതായി തോന്നുന്നത്.
അദൃശ്യമായ വിള്ളലുകൾ
ചിലപ്പോൾ ആളുകൾ ശ്രദ്ധിക്കുന്നില്ല എന്നതാകില്ല പ്രശ്നം.
നിങ്ങൾ പ്രതീക്ഷിക്കുന്നതികൽ നിന്നു വ്യത്യസ്തമായി അവർ കരുതുന്നു എന്നതാകും.
നിങ്ങൾ വാക്കുകളിലൂടെയായിരിക്കും സ്നേഹം നൽകിയത്, എന്നാൽ അവർ അത് പ്രവൃത്തികളിലൂടെയോ നിശബ്ദതയിലൂടെയോ ആകാം പ്രകടിപ്പിക്കുന്നത്.
നിങ്ങളുടെ വ്യക്തിപരമായ ചരിത്രത്താൽ ബന്ധിതമായ നിങ്ങളുടെ മസ്തിഷ്കം, സ്നേഹിക്കപ്പെടുകയോ ആദരിക്കപ്പെടുകയോ ചെയ്യുന്നതായി തോന്നുന്നതിനായി പ്രത്യേക സൂചനകൾക്കായി കാത്തിരിക്കുന്നു.
ആ സൂചനകൾ ദൃശ്യമാകാതെ വരുമ്പോൾ , അത് " എനിക്ക് ശരിയായ പരിഗണന ലഭിക്കുന്നില്ല," എന്നൊരു അന്തിമ നിഗമനത്തിലെത്തുന്നു:
എന്നാൽ പലപ്പോഴും, വ്യത്യാസം സ്നേഹത്തിലല്ല, ഭാഷയിലാണ്.
നിങ്ങളുടെ നാഡീവ്യവസ്ഥയും അവരുടെ നാഡീവ്യവസ്ഥയും വ്യത്യസ്ത കോഡുകളിലാണ് സംസാരിക്കുന്നത് എന്നു മാത്രം.
വർത്തമാനകാലത്തെ രൂപപ്പെടുത്തുന്ന ഓർമ്മ
മറ്റുള്ളവർ നിങ്ങളോടു മോശമായി പെരുമാറുന്നു എന്ന തോന്നൽ പലപ്പോഴും ഭൂതകാലത്തിന്റെ അനുരണനങ്ങൾ പേറുന്നതാണ്.
ഊഷ്മളത, പരിചരണം അല്ലെങ്കിൽ നീതി എന്നിവ അനിശ്ചിതത്വത്തിലായിരുന്ന ഒരു അന്തരീക്ഷത്തിലാണ് നിങ്ങൾ വളർന്നുവന്നതെങ്കിൽ നിങ്ങളുടെ മസ്തിഷ്കം അവഗണനയ്ക്കെതിരെ ജാഗ്രത പാലിക്കാൻ പഠിച്ചിരിക്കും.
ഇപ്പോൾ, സുരക്ഷിതമായ സാഹചര്യങ്ങളിൽ പോലും,
അത് മുഖങ്ങളും സ്വരങ്ങളും അകൽച്ചയുടെ ലക്ഷണങ്ങൾക്കായി ഇഴ കീറി പരിശോധിക്കുകയും ബന്ധങ്ങളിൽ താൽക്കാലികവിരാമമിടുകയും ചെയ്യുന്നു.
ഇത് ചിത്തഭ്രമമല്ല, —ഇത് പഴയ ബുദ്ധിശക്തിയാണ്.
ഒരിക്കൽ ആരാലും കാണപ്പെടാതെ പോയ ആ കുട്ടിയെ സംരക്ഷിക്കാൻ നിങ്ങളുടെ ശരീരം ഇപ്പോഴും ആഗ്രഹിക്കുന്നു.
അതുകൊണ്ടാണ് ചെറിയ അവഗണനകളോ നിസ്സംഗതകളോ അവ കാണപ്പെടുന്നതിനെക്കാൾ വളരെ വലുതായി അനുഭവപ്പെടുന്നത്.
ഇതിനു പിന്നിലെ ശാസ്ത്രം
നിങ്ങളുടെ തലച്ചോറിനുള്ളിൽ, anterior cingulate cortex ആന്റീരിയർ സിങ്ഗുലേറ്റ് കോർട്ടെക്സ് എന്ന ഒരു ഭാഗം
തിരസ്കരണം, ഒഴിവാക്കൽ, അന്യായം എന്നിങ്ങനെയുള്ള സാമൂഹിക വേദനയെ കണ്ടെത്തുന്നു.
നിങ്ങൾക്ക് ശാരീരിക വേദന അനുഭവപ്പെടുമ്പോൾ പ്രകാശിതമാകുന്ന അതേ മേഖലയാണിത്.
അതുകൊണ്ടാണ് വൈകാരിക വേദന വളരെ മൂർച്ചയുള്ളതും യഥാർത്ഥവുമായി തോന്നുന്നത്.
അമിഗ്ഡല ഈ സന്ദർഭം പിന്നീട് ഓർമ്മിച്ചുവയ്ക്കുകയും,
“അടുത്ത തവണ ശ്രദ്ധിക്കുക, ” എന്ന ഒരു മുന്നറിയിപ്പായി അത് സൂക്ഷിക്കുകയും ചെയ്യുന്നു.
കാലക്രമേണ, ഈ വലയത്തിനു മറ്റുള്ളവർ നിങ്ങളെ വിലമതിക്കുന്നുണ്ടോ എന്ന് നിങ്ങളുടെ മനസ്സ് നിരന്തരം പരിശോധിക്കുന്ന ഒരു ജാഗ്രതാ മാതൃക സൃഷ്ടിക്കാൻ കഴിയും.
നിങ്ങൾ അത് സങ്കൽപ്പിക്കുകയല്ല - വൈകാരിക ഉപദ്രവത്തിനുള്ള സാധ്യതയ്ക്കെതിരെ നിങ്ങളുടെ ജീവശാസ്ത്രം നിങ്ങളെ പ്രതിരോധിക്കുക മാത്രമാണ് ചെയ്യുന്നത്.
ലഘു അവലോകനം
മറ്റുള്ളവർ നിങ്ങളോടു നന്നായി പെരുമാറുന്നില്ലെന്ന തോന്നൽ പലപ്പോഴും മറ്റുള്ളവരുടെ പെരുമാറ്റവുമായല്ല, മറിച്ച് നിങ്ങളുടെ ഉള്ളിലെ അംഗീകാരത്തിനുവേണ്ടിയുള്ള അത്യധികമായ മാനുഷിക ആവശ്യവുമായാണു ബന്ധപ്പെട്ടിരിക്കുന്നത്.
നിങ്ങളുടെ പരിശ്രമം, സ്നേഹം, വേദന എന്നിവ എവിടെയെങ്കിലും പ്രതിധ്വനിക്കാൻ നിങ്ങൾ ആഗ്രഹിക്കുന്നു.
അങ്ങനെ സംഭവിക്കാതെ വരുമ്പോൾ , നിങ്ങളുടെ ഹൃദയം ആ നഷ്ടത്തിൽ ദുഃഖിക്കുന്നു.
എന്നാൽ ആ ദുഃഖം, നിങ്ങൾ ദുർബലനാണെന്ന് അർത്ഥമാക്കുന്നില്ല.
ബന്ധങ്ങൾ ന്യായപൂർണ്ണമായിരിക്കണമെന്ന് നിങ്ങൾ ഇപ്പോഴും വിശ്വസിക്കുന്നു എന്നാണ് ഇതിനർത്ഥം,
ആ വിശ്വാസം തികച്ചും മാനുഷികമാണ്.
ചിലപ്പോൾ സമാധാനം ലഭിക്കുന്നത് മറ്റുള്ളവരിൽ നിന്ന് കൂടുതലായി ആവശ്യപ്പെടുന്നതിൽ നിന്നല്ല, മറിച്ച് നിങ്ങളുടെ മനസംവിധാനം യഥാർത്ഥത്തിൽ എന്താണ് ആഗ്രഹിക്കുന്നതെന്ന് ശ്രദ്ധിക്കുന്നതിലൂടെയാണ് -
അതെ, കാണപ്പെടുന്നതിനാണു ആഗ്രഹിക്കുന്നത്.
അതു മാത്രമല്ല നിങ്ങളുടെ മൂല്യം നിരന്തരം തെളിയിച്ചുകൊണ്ടിരിക്കുന്നതിൽ നിന്ന് അതിനൊരു വിശ്രമവും ആവശ്യപ്പെടുന്നുണ്ട്.
ആദ്യം നിങ്ങൾ തന്നെ നിങ്ങളെ കാണുന്നതിൽ നിന്ന് ആരംഭിക്കാം.
നിങ്ങളുടെ പരിശ്രമത്തെയും, കരുതലിനെയും, സത്യസന്ധതയെയും നിങ്ങൾ മൗനമായി ബഹുമാനിക്കുമ്പോൾ, മറ്റുള്ളവർ അവഗണിക്കാൻ സാധ്യതയുള്ള ആ ഇടം നിങ്ങൾ നികത്താൻ തുടങ്ങുകയാണു ചെയ്യുന്നത്.
അതോടെ,
നിങ്ങളുടെ ഉള്ളിലെ എന്തോ ഒന്ന് മസൃണമാകുന്നു. നിങ്ങളുടെ മൂല്യം സ്ഥിരീകരിക്കാൻ നിങ്ങൾക്കിനി പുറം ലോകത്തെ പൂർണ്ണമായും ആശ്രയിക്കേണ്ടതില്ല.
അവസാന ചിന്ത
ഒരുപക്ഷേ നിങ്ങൾ അർഹിക്കുന്ന രീതിയിൽ നിങ്ങളോട് പെരുമാറിയിട്ടുണ്ടാകില്ല -
പക്ഷേ ആ അംഗീകാരം ണം കൂടാതെ നിങ്ങൾ അതിജീവിച്ചിട്ടുമുണ്ട്.
അതിന്റെ അർത്ഥം നിങ്ങളുടെ മൂല്യം ഒരിക്കലും അവരുടെ കണ്ണുകളെ ആശ്രയിച്ചായിരുന്നില്ല എന്നാണ്.
സ്മരിക്കപ്പെടുന്നതിനായി കാത്തുകൊണ്ട് അത് നിങ്ങളിൽ എപ്പോഴും സജീവമായിരുന്നു.
ശാസ്ത്ര കുറിപ്പ്:
സാമൂഹികമായി നിരസിക്കപ്പെടുന്നത് ശാരീരിക വേദനയുടെ അതേ നാഡീ ശ്രിംഘലയെ സജീവമാക്കുന്നു, പ്രത്യേകിച്ച് ആന്റീരിയർ സിങ്ഗുലേറ്റ് കോർട്ടെക്സിലും ഇൻസുലയിലും.
സ്ഥിരതയില്ലാത്ത കരുതലിന്റെ മുൻകാല (ബാല്യകാല) അനുഭവങ്ങൾ ഈ ശൃംഖലകളെ സംവേദനക്ഷമതയുള്ളതാക്കുന്നു, ഇത് മുതിരുമ്പോൾ വൈകാരിക പ്രതിപ്രവർത്തനം വർദ്ധിക്കുന്നതിനു കാരണമാകുന്നു.
സ്വയം തിരിച്ചറിയൽ, അനുകമ്പ, വൈകാരിക സുരക്ഷ ഉറപ്പാക്കുന്ന ബന്ധങ്ങൾ
എന്നിവ ആന്തരിക സുരക്ഷയുടെയും മൂല്യത്തിന്റെയും ബോധം പുനഃസ്ഥാപിച്ചുകൊണ്ട് ഈ സംവിധാനത്തെ നിയന്ത്രിക്കാൻ സഹായിക്കുന്നു.
