https://www.facebook.com/108456707455724/

Unicare Physiotherapy, Kurissupalli Road, Valapad (2026)

18/06/2020

എന്താണ് ടെന്നീസ് എൽബോ അഥവാ കൈമുട്ട് വേദന?

കൈപത്തി മേശമേൽ കമിഴ്ത്തി വയ്ക്കുക. കൈ മുട്ടിന് മുകളിൽ ഒരു ചെറിയ എല്ലു പോലെ ചെറിയ ഉയർച്ച കാണാം. ആ ഭാഗത്തോ അതിനു ചുറ്റുമോ ചിലപ്പോൾ വേദനയോ കഴപ്പോ അനുഭവപ്പെടാം.ഇത് ടെന്നീസ് എൽബോ ആകാനുള്ള സാദ്ധ്യത കൂടുതലാണ്.

ലക്ഷണങ്ങൾ

എന്തെങ്കിലും സാധനങ്ങൾ ഉയർത്തുകയോ പിടിക്കുകയോ ചെയ്യുമ്പോൾ മുകളിൽ പറഞ്ഞ ഭാഗത്തോ വിരലുകളിലേക്കോ കഴപ്പോ വേദനയോ ഉണ്ടാകാം.

കാരണങ്ങൾ

1) കൈമുട്ട് നിവർത്തിപ്പിടിച്ച് ഉയരത്തിൽ നിന്ന് ഭാരമുള്ള എന്തെങ്കിലും സാധനങ്ങൾ എടുക്കുകയോ തിരിച്ച് വയ്ക്കുകയോ ചെയ്യുക.

2) കാറിൽ മുൻ സീറ്റിൽ ഇരുന്ന് പുറകിലെ സീറ്റിൽ നിന്ന് സാധനങ്ങൾ എടുക്കുന്ന രീതി.

3) കൈപത്തി കൊണ്ട് കൈ മുറുക്കാൻ സഹായിക്കുന്ന പേശികളിൽ ഉണ്ടാകുന്ന ബലക്കുറവും കൈമുട്ടിൽ നീർകെട്ടും വേദനയും ഉണ്ടാക്കാം.

പരിഹാരം
മുകളിൽ പറഞ്ഞ തെറ്റായ രീതികൾ ഒഴിവാക്കുക. കൈയിലെ പേശികൾ ബലപ്പെടുത്തുക.

ഡോക്ടറുടേയോ ഫിസിയോ തെറാപ്പിസ്റ്റിന്റേയോ ഉപദേശം സ്വീകരിക്കുക.
സംശയ നിവാരണത്തിന് വിളിക്കുക : 8547396299

Whatsapp : https://api.whatsapp.com/send?phone=+971525544737

01/06/2020

ദീർഘകാലം കഴുത്തിനും നടുവിനും കോളറും ബെൽറ്റും ഉപയോഗിക്കുന്നത് വേദനയെ ദോഷകരമായി ബാധിക്കുമോ?

ഡോക്ടർ നിർദ്ദേശിച്ച നിശ്ചിത സമയം കഴിഞ്ഞാൽ കോളറിൻ്റെയും ബെൽറ്റിൻ്റെയും ഉപയോഗം ക്രമേണ കുറച്ച് പേശികളുടെയും സന്ധിയുടെയും പ്രവർത്തനം സാധാരണ രീതിയിലാക്കുകയാണ് നല്ലത്.

തുടർച്ചയായുള്ള ഉപയോഗം പേശികളുടെ ബലക്കുറവിനും സന്ധിയുടെ പ്രവർത്തനക്കുറവിനും കാരണമാകാം. അതു കൊണ്ട് കോളർ ,ബെൽറ്റ് നിശ്ചിത സമയം ഉപയോഗിച്ചാൽ വിദഗ്ദ ഉപദേശപ്രകാരം പ്രത്യേക വ്യായാമം ചെയ്ത് പേശികൾ ബലപ്പെടുത്തി സന്ധികളിലെ ചലന കുറവ് ഭേദമാക്കേണ്ടതാണ്.
Whatsapp: https://api.whatsapp.com/send?phone=+971525544737
Phone: 8547396299

29/05/2020

വാലറ്റ് അഥവാ പേഴ്സ് പോക്കറ്റിൽ വച്ച് ഇരുന്നാൽ നടുവേദന വരുമോ?

സാദ്ധ്യത വളരെ കൂടുതലാണ്.

നട്ടെല്ലിൻ്റെ ശരിയായ ആകൃതിക്ക് മാറ്റം വരുന്നതിനും പേശികളിലും ലിഗമെൻ്റിലും ദോഷം ചെയ്യുന്ന മാറ്റം ഉണ്ടാകാനും കാരണമാകും. നടുവിൻ്റെ താഴെയുള്ള നട്ടെല്ലിൽ നിന്ന് കാലിലേക്ക് പോകുന്ന നെർവ്‌ , പേഴ്സിനാൽ അമർത്തപെട്ട് നിതംബഭാഗം കാൽ തുടങ്ങിയ ഭാഗങ്ങളിൽ കഴപ്പോ വേദനയോ തരിപ്പോ ഉണ്ടാകാം.

26/05/2020

പ്രത്യേക ചെരിപ്പ് ഉപയോഗിച്ചാൽ മുട്ടുവേദനയും നടുവേദനയും കുറയുമോ?

ആരോഗ്യമുള്ള ഒരാൾ നിന്ന് ജോലി ചെയ്യുകയാണെങ്കിൽ " മീഡിയൽ ആർച്ച് " സപ്പോർട്ട് ഉള്ള ചെരിപ്പ് ഉപകാരപ്പെടും എന്നാണ് പഠനങ്ങൾ തെളിയിക്കുന്നത് .

എന്താണ് മീഡിയൽ ആർച്ച് ?

പാദത്തിൻ്റെ ഉൾഭാഗത്ത് ആർച്ച് പോലെ ഒരു ഭാഗം കാണാം. തുടർച്ചയായി നിൽക്കുന്നവരിലും വ്യായാമം കുറഞ്ഞവരിലും പാരമ്പര്യ കാരണങ്ങൾ കൊണ്ടും ഈ ആർച്ച് അമരുമ്പോൾ ശരീരത്തിൻ്റെ ഭാരം തുല്യമായി കാലിൽ വരാതെ മുട്ടിൻ്റെ ഒരു ഭാഗത്ത് മാത്രം വരാൻ സാദ്ധ്യതയുണ്ട്. സ്ത്രീകളിൽ ഇത് സാധാരണമാണ്.ഈ വ്യതിയാനം നടുവേദനയ്ക്കും കാരണമാകും.

ആർച്ച് സപ്പോർട്ട് ഉള്ള ചെരിപ്പ് ഒരു പരിധി വരെ പരിഹാരമാണ്. വേദനയുള്ളവർ വിദഗ്ദഉപദേശം തേടി മാത്രം ഉപയോഗിക്കുന്നതാണ് നല്ലത്.
Whatsapp : https://api.whatsapp.com/send?phone=+971525544737
Phone : 8547396299

22/05/2020

'കൈപത്തിയുടെ ഉള്ളിൽ മാത്രം തരിപ്പ്'
ഇന്ന് പലരും പറയുന്ന ഒരു ബുദ്ധിമുട്ട് ആണ് .പലപ്പോഴും ഇത് കാർപ്പൽ ടണൽ സിൻഡ്രം എന്ന ബുദ്ധിമുട്ടും ആകാം.

ലക്ഷണങ്ങൾ:
തുടക്കം കൈ മുറുക്കി പിടിക്കുമ്പോൾ കൈപ്പത്തിക്കുള്ളിൽ തരിപ്പ് ,വേദന

ക്രമേണ കൈത്തണ്ടയിലും തോളിലും വരെ അനുഭവപ്പെട്ടേക്കാം.

ചില കാരണങ്ങൾ:

1) മൂർച്ച കുറഞ്ഞ കത്തി കൊണ്ട് മുറിക്കുമോൾ കൈ കൂടുതൽ ശക്തി കൊടുക്കേണ്ടി വരുന്നു.ഇത് കൈപത്തിക്കു താഴെ (Wrist)എല്ലിനിടയിൽ നെർവ് അമരാൻ കാരണമാകുന്നു .

2) വണ്ണം കുറഞ്ഞ പിടിയുള്ള മോപ്പ്, കത്തി, വാഹനത്തിൻ്റെ പിടിക്കുന്ന ഭാഗം(Steering wheel or handle) നെർവ് അമരാൻ കാരണ മാകാം.

3) കമ്പ്യൂട്ടർ മൗസ് ഉപയോഗിക്കുമ്പോൾ കൈപത്തിയുടെ ഭാഗം (Wrist) 30 ഡിഗ്രിക്കു താഴെ വരണം.

4) മൗസ് അമർത്തി ഡ്രാഗ് (Drag) ചെയ്യുന്ന ജോലികൾ ഈ പ്രശ്നം ഉണ്ടാക്കാം.

5) തൈറോയ്ഡ് പ്രശ്നം ഉണ്ടാക്കുന്ന നീര് നെർവിനെ പേശി ക്കിടയിൽ അമർത്തിയേക്കാം

6) ആഴ്ചയിൽ 20 മണിക്കൂറിൽ കൂടുതൽ മൗസ് ഉപയോഗിക്കുന്നവരിൽ ഈ പ്രശ്നത്തിന് സാദ്ധ്യത കൂടുതലാണ് എന്ന് ചില പഠനങ്ങൾ പറയുന്നു.
പരിഹാരം.

മുകളിൽ പറഞ്ഞ കാര്യങ്ങൾ ശ്രദ്ധിക്കുക.

ജോലിക്കിടയിൽ ഇടയ്ക്കിടക്ക് ചെറിയ വിശ്രമം എടുത്ത് ഫിസിയോ തെറാപ്പിസ്റ്റ് പറയുന്ന വ്യായാമം ചെയ്യുക. മാറിയില്ലെങ്കിൽ അവിടെ ചികിൽസ ചെയ്യുക.

കലശലായ തരിപ്പ് മാറുന്നില്ലെങ്കിൽ മരുന്ന് - സർജറി ആവശ്യമായി വന്നേക്കാം.
സംശയ നിവാരണത്തിന് വിളിക്കുക 8547396299 , 0487-2396299 ..

21/05/2020

സൂര്യപ്രകാശത്തിൽ നിന്നാൽ വേദന മാറുമോ?

ഇന്ന് ഉണ്ടാക്കുന്ന ശരീര വേദനകളുടെ പ്രധാന കാരണം വിറ്റമിൻ ഡി യുടെ കുറവ് മൂലമാണ് അഥവാ വീടിനുള്ളിൽ ഇരിക്കുന്നതും വാഹനത്തിൽ മാത്രം യാത്ര ചെയ്യുന്നതും സൂര്യപ്രകാശം ലഭിക്കാന്നുള്ള സാദ്ധ്യത കുറയ്ക്കുന്നു എന്നതാണ്. വിറ്റമിൻ D ഉണ്ടെങ്കിൽ മാത്രമേ എല്ലിൻ്റെയും പേശികളുടെ പ്രവർത്തനത്തിന്നും സഹായിക്കുന്ന കാൽസ്യം ശരിയായി ശരീരത്തിൽ പ്രവർത്തിക്കാൻ കഴിയൂ. വിറ്റമിൻ D പ്രകൃത്യാ ലഭിക്കുന്നത് സൂര്യപ്രകാശത്തിൽ നിന്നാണ്.

വിറ്റമിൻ D കുറഞ്ഞാൽ എപ്പോഴും ക്ഷീണം, ഉൻമേഷകുറവ്, മാറാത്ത ശരീര വേദന തുടങ്ങിയ കാര്യങ്ങൾ അനുഭവപ്പെടാം.

രാവിലെ സൂര്യപ്രകാശം 20 മിനിറ്റ് ഏൽക്കുക,കോഴിമുട്ട , ട്യൂണ മത്സ്യം , പാൽ , കൂൺ തുടങ്ങിയവ ഭക്ഷണത്തിൽ ഉൾപ്പെടുത്തുക എന്നതും നല്ലതാണ്.വളരെ കുറഞ്ഞാൽ രക്ത പരിശോധന ചെയ്ത് വിറ്റമിൻ-ഡി കുറവാണെങ്കിൽ വിറ്റമിൻ ഡി മരുന്ന് കഴിക്കേണ്ടിവരും.

20/05/2020

തലവേദന ഇന്ന് പലരും അഭിമുഖീകരിക്കുന്ന പ്രശ്നമാണ്. പല തരം തലവേദനകളിൽ ഒന്നാണ് കഴുത്തിനു പുറകിൽ നിന്ന് തുടങ്ങുന്ന ചിലപ്പോൾ തലയോട്ടിയിലോ ചിലപ്പോൾ നെറ്റി വരെയോ വ്യാപിക്കുന്ന തലവേദന.

പ്രധാന കാരണങ്ങൾ

1) തുടർച്ചയായി താഴെ നോക്കി കമ്പ്യൂട്ടർ അല്ലെങ്കിൽ മൊബൈൽ നോക്കുന്ന ശീലം.

2) ഉയരമുള്ള തലയിണ വച്ച് മൊബൈലും ടി വി യും കാണുന്ന ശീലം.

3) കഴുത്തിലെ പേശികളിലെ മുറുക്കം അഥവാ ടൈറ്റ്നസ് .

4) സ്ട്രസ് നിറഞ്ഞ ഓഫീസ് ജോലി

5) കമ്പ്യൂട്ടറിലെ ലൈറ്റ് വ്യതിയാനം.

6) അടുക്കളയിലെ താഴെ നോക്കിയുള്ള ജോലികൾ .

പരിഹാരം

മുകളിൽ പറഞ്ഞ തെറ്റായ ശീലങ്ങൾ മാറ്റുക.

ദിവസവും കഴുത്തിലും തലയോട്ടിയുടെ പുറകിലും മുകളിലും നെറ്റിയിലും വിരലുകൾ കൊണ്ട് ചെറിയ മർദ്ദത്തിൽ എണ്ണ ഉപയോഗിച്ചോ അല്ലാതെയോ മസാജ് ചെയ്യുക.

കഴുത്തു വേദനയോ പേശിമുറുക്കമോ ഉണ്ടെങ്കിൽ ഫിസിയോ തെറാപ്പിസ്റ്റിൻ്റെ സഹായം തേടുക.

ആവശ്യത്തിനു വെള്ളം കുടിക്കുക

കൂടുതൽ വിവരങ്ങൾക്ക് വിളിക്കുക :8547396299

18/05/2020

അടുക്കളയിലെ വിഭവങ്ങൾ രസകരമാണ്.പക്ഷേ അടുക്കള നൽകുന്ന വേദനകൾ ചെറുതല്ല. അടുക്കള ജോലി മൂലമുള്ള വേദന ഇല്ലാതിരിക്കാൻ ചില നിർദ്ദേശങ്ങൾ താഴെ കൊടുക്കുന്നു.

1 അഞ്ചു മിനിറ്റിൽ കൂടുതൽ നിൽക്കേണ്ടി വരുമ്പോൾ ഒരു കാൽ ഉയർത്തി പതിനഞ്ചോ ഇരുപതോ സെന്റിമീറ്റർ ഉയരമുള്ള പലകയിലോ ഫുട്ട് സ്റ്റൂളിലോ മാറ്റി മാറ്റി വച്ചാൽ നടുവേദനയും കാൽ വേദനയും പാദ വേദനയും കുറയ്ക്കാം .

2 ഭാരമുള്ള സാധനങ്ങൾ ശരീരത്തിനോട് ചേർത്ത് അര ഭാഗം മടങ്ങാതെ മുട്ട് മടക്കി എടുക്കുക.

3 കൈമുട്ട് പൂർണ്ണമായി നിവർത്തിയ പൊസിഷനിൽ പാത്രത്തിൽ ഇളക്കുകയോ പാത്രം ഉയർത്തുകയോ അലമാരയിൽ നിന്ന് എടുക്കാതിരുന്നാൽ തോൾ വേദനയും കൈ വേദനയും കുറയ്ക്കാം. എപ്പോഴും കൈമുട്ട് കുറച്ചെങ്കിലും മടങ്ങിയിരിക്കണം എന്നർഥം

4 ജോലിക്കു മുൻപ് സാധനങ്ങൾ ക്രമീകരിക്കുക അഥവാ പാചകം ചെയ്യുമ്പോ ളോ കറിക്കരിയുമ്പോഴോ അടിക്കടി പുറകിൽ നിന്നും വശത്തു നിന്നും സാധനങ്ങൾ എടുക്കുന്ന രീതി ഒഴിവാക്കിയാൽ നടുവേദനയും പുറം വേദനയും കുറയ്ക്കാം.

സൗജന്യ സംശയ നിവാരണത്തിന് വാട്ട്സ്അപ്പിൽ ബന്ധപ്പെടുക.00971525544737

17/05/2020

നിങ്ങൾ കഴുത്തു പിടിക്കുന്ന രീതിയും നിങ്ങളുടെ വേദനയും തമ്മിൽ അടുത്തബന്ധമുണ്ട്. ജോലി ചെയുമ്പോൾ ചെവിയുടെ സ്ഥാനവും തോളിൻ്റെ സ്ഥാനവുമാണ് പ്രധാനമായി ശ്രദ്ധിക്കേണ്ടത്.

1,നിങ്ങൾ ജോലി ചെയ്യുമ്പോൾ ചെവിയുടെ സ്ഥാനം തോൾ വിട്ട് മുന്നിലോട്ട് പോകുമ്പോൾ തലയോട്ടിയിലും കഴുത്തിൽ നിന്ന് തോളിലേക്കും ബന്ധിപ്പിക്കുന്ന പേശികളിൽ അതിസൂഷ്മ വലിച്ചിൽ ഉണ്ടാക്കുന്നത് നീർക്കെട്ടിന് കാരണമാകുന്നു.

2, അതുപോലെ തോൾ ചെവിയുടെ ല വ ൽ വിട്ട് മുന്നിലോട്ട് പോകുമ്പോൾ മുകളിൽ പറഞ്ഞതിനു സമാനമായ വലിച്ചിലും നീർകെട്ടും ക്രമേണ വേദനയും ഉണ്ടാക്കുന്നു .

ഇടയ്ക്കിടക്ക് വിശ്രമവും തുടർച്ചയായി ഒരേ പൊസിഷനിൽ പിടിക്കാതിരിക്കുകയും പ്രത്യേക വ്യായാമവുമാണ് പരിഹാരം.

കോ വിഡ് - 19 മാ യി ബന്ധപ്പെട്ട പ്രത്യേക സാഹചര്യത്തിൽ കൺസൾട്ടേഷൻ ഒരു മാസം സൗജന്യമായിരിക്കും. കൂടുതൽ വിവരങ്ങൾക്ക് ബന്ധപ്പെടുക : 8547396299

16/05/2020

കഴുത്തുവേദനയോ തലവേദനയോ തോൾ വേദനയോ ഇന്ന് അനുഭവിക്കാത്തവർ വിരളമാണ്. ലോക്ക് ഡൗൺ കാലത്ത് കമ്പ്യൂട്ടറിൻ്റെയും മൊബൈലിൻ്റെയും തെറ്റായ ഉപയോഗം പ്രശ്നങ്ങൾ കൂടുതലാക്കാൻ സാദ്ധ്യതയുണ്ട്.

വേദന ഒഴിവാക്കാൻ കമ്പ്യൂട്ടർ മോണിറ്റർ ക്രമീകരിക്കേണ്ടത് എങ്ങിനെ?

1,കമ്പ്യൂട്ടറിൻ്റെ സ്ക്രീനിൻ്റെ മുകൾഭാഗം കണ്ണിൻ്റെ ലവലിനു തൊട്ടു താഴെ വരുന്ന രീതിയിൽ ക്രമീകരിക്കുക .

2, സ്ക്രീനിൻ്റെ മധ്യഭാഗം നോക്കുമ്പോൾ നിങ്ങളുടെ കണ്ണുകൾ ചെറുതായി താഴേക്ക് നോക്കുന്ന രീതിയിലായിരിക്കണം

3 . മോണിറ്ററും കണ്ണും തമ്മിൽ ഒരു കയ്യകലം (51 cm) അകലം ഉണ്ടായിരിക്കണം

4 സ്ക്രീനിൽ നിന്നു വരുന്ന പ്രകാശം താഴെക്ക് വരുന്ന രീതിയിൽ മോണിറ്റർ ക്രമീകരിക്കുക.

5 കമ്പ്യൂട്ടർ സ്ക്രീൻ 10-20 ഡിഗ്രി പുറകിലോട്ട് ചെറുതായി ക്രമീകരിക്കുന്നത് കണ്ണുകൾക്ക് സുഖകരമായിരിക്കും.

6 നിവർന്നിരുന്ന് ജോലി ചെയ്യാൻ ശ്രദ്ധിക്കുക

23/04/2020

ഇന്ന് കാണുന്ന കഴുത്ത് വേദന,തോൾ വേദന, പുറംവേദന, കാൽ വേദന തുടങ്ങിയ വേദനകൾക്ക് അടുക്കളയിലെ അലമാരയുമായി അഭേദ്യ ബന്ധമുണ്ട്.

എങ്ങിനെ അലമാരയിൽ സാധനങ്ങൾ ക്രമീകരിക്കണം?

1 , എല്ലായ്പ്പോഴും നിങ്ങൾ ഉപയോഗിക്കുന്ന വസ്തുക്കൾ തോളിനും തുടയുടെ മദ്ധ്യ ഭാഗത്തിനും ഇടയിൽ ഷെൽഫിൽ ക്രമീകരിച്ചാൽ ഉത്തമം.

2, ഇവയിൽ എപ്പോഴും ഉപയോഗിക്കേണ്ടി വരുന്ന സാധനങ്ങൾ അര ഭാഗത്തിനു മുകളിൽ എളുപ്പത്തിൽ കൈ എത്തുന്ന രീതിയിൽ ഷെൽഫിൽ ക്രമീകരിക്കണം.

3, ഭാരം കൂടിയ സാധനങ്ങൾ മുകളിലെ ഷെൽഫിൽ അഥവാ തോൾ ലവലിൽ നിന്ന് മുകളിൽ വക്കരുത്. വല്ലപ്പോഴും ഉപയോഗം വരുന്നതും ഭാരമില്ലാത്തതുമായ സാധനങ്ങൾ മാത്രം ഇവിടെ വയ്ക്കുക.

4, ഭാരം കൂടിയ വസ്തുക്കൾ അര ഭാഗത്തിന്നു സമാന്തരമായോ തുടയുടെ പകുതിക്ക് മുകളിലോ ഉള്ള ഷെൽഫിൽ മാത്രം ക്രമീകരിക്കുക.

ഇത് ഒരു ശീല മാക്കുക.മറിച്ചായാൽ ദിവസവും പല തവണ കുനിയുകയും നിവരുകയും ചെയ്ത് ഭാരമുള്ളവ എടുക്കുന്നതും തോളിനു മുകളിലെ ഷെൽഫിൽ നിന്ന് എത്തിച്ച് സാധനങ്ങൾ എടുക്കുകയും ചെയ്യുന്നത് പേശിയിൽ സൂക്ഷ്മ വലിച്ചിലുകൾ വരികയും ക്രമേണ പേശിയുടെ ബല കുറവും ഇത് എല്ലിൽ സമ്മർദ്ദം കൂട്ടുകയും തേയ്മാന രോഗങ്ങളിലേക്ക് എളുപ്പം വഴി തെളിയിക്കുന്നതിന്നും കാരണമാകുന്നു .വ്യായാമമില്ലാത്ത ശരീരവും അപൂരിത കൊഴുപ്പ് ഉള്ള ഭക്ഷണ രീതിയും ബുദ്ധിമുട്ടിന്റെ കാഠിന്യം കൂട്ടുന്നു. ചികിൽസക്കു ശേഷം വേദന മാറിയാലും ഈ കാര്യങ്ങൾ ശീലമാക്കിയില്ലെങ്കിൽ വീണ്ടും വരാം.

കൂടുതൽ വിവരങ്ങൾക്ക് 8547396299

Unicare Physiotherapy

18/06/2020

01/06/2020

29/05/2020

26/05/2020

22/05/2020

21/05/2020

20/05/2020

18/05/2020

17/05/2020

16/05/2020

23/04/2020

Address

Website

Alerts

Shortcuts

Share

Category