Anjaneya Herbals

01/10/2024

02/08/2022

ఈరోజు *ఆయుర్వేద వైద్యశాస్త్ర* పితామహుడు *చరక మహర్షి* పుట్టిన రోజు *శ్రావణ శుక్ల పంచమి* రోజును జరుపుకోవటం జరుగుతుంది.

*చరక మహర్షి ఆయుర్వేద వైద్యశాస్త్ర పితామహుడిగా పేర్కొనబడ్డారు*. వారి చికిత్స పద్ధతులు,ఆరోగ్య సూత్రాలు, రోగ నిర్ధారణ పద్ధతులు మరియు ఔషాధాలను తాయారు చేసే పద్ధతులు, ఔషద మొక్కల వివారాలు కొన్ని సహస్రాబ్దాల తర్వాత కూడా ఆచరణ యోగ్యంగా ఉండటము, నేటికీ కూడా ఆయుర్వేద శాస్త్రనికి మార్గదర్శకంగా ఉండటం వారి శక్తిని మరియు సత్యాన్ని నిలుపుకున్నాయి. అందువల్ల *చరక సంహిత* అనే గ్రంధం ఆయుర్వేదానికి సంబంధించిన అత్యంత ప్రాచీనమైన మరియు అధికారిక రచనగా పరిగణించబడుతుంది.

12/01/2022

02/05/2020

దగ్గు(పొడి మరియు తడి దగ్గు) ఉపశమనానికి ఈ కింది 5 ప్రభావవంతమైన ఇంటిచిట్కాలు ప్రయత్నించండి:

1. పసుపు పాలు

దగ్గు సమస్య పోగొట్టుకునేందుకు రోజుకి రెండుపూటలా గ్లాసు పాలల్లో ½ టీ స్పూన్ పసుపు వేసుకుని తాగాలి. వదలని దగ్గుకి మరో ఇంటి చిట్కా ఏంటంటే ఇదే మిశ్రమానికి వెల్లుల్లి కలపటం. ఏముంది, వెల్లుల్లిలో ఒక పాయని తీసుకుని పాలతో కలిపి మరిగించి, తర్వాత ఒక చిటికెడు పసుపు వేయండి. ఇలాంటి పాలు ఎందుకు అవసరం అంటే అది మీ గొంతుని బాగు చేస్తుంది. వెల్లుల్లి బదులు అల్లం కూడా వేసుకోవచ్చు. రెండూ ఒకే విధంగా పనిచేస్తాయి. ఆగకుండా దగ్గుతుంటే ఉపశమనం కోసం రోజులో కొన్నిసార్లు పసుపునీళ్ళతో పుక్కిలించండి.

2. తిప్పతీగ రసం

దగ్గు తీవ్రంగా ఉంటే, “2 చెంచాల తిప్పతీగ రసాన్ని నీటిలో కలిపి దగ్గు తగ్గేవరకూ ప్రతిరోజూ ఉదయాన్నే తాగండి,” అని సలహా ఇస్తున్నారు డాక్టర్ సిన్హా.

3. తేనె + యష్టిమధురం +దాల్చినచెక్క

"1/4 చెంచా తేనె,1/4 చెంచా యష్టిమధురం పొడి, ¼ చెంచా దాల్చిన చెక్క పొడి నీళ్లలో కలిపి రోజుకి రెండుసార్లు పొద్దున, సాయంత్రం తీసుకుంటే మంచి ఫలితాలు ఉన్నాయి.” అని అంటున్నారు

4. నల్ల మిరియాలు

దగ్గ వేధిస్తుంటే, మిరియాల కషాయం మంచి ఉపశమనాన్ని ఇస్తుంది. ½ చెంచా నల్ల మిరియాల పొడిని దేశవాళి నెయ్యితో కలిపి కడుపు నిండుగా ఉన్నప్పుడు తీసుకోవాలి.
ఈ కషాయాన్ని కనీసం రోజుకి రెండు మూడు సార్లు తీసుకుంటే మంచి ఫలితం ఉంటుంది.

5. పిల్లలకి దానిమ్మ రసం

పిల్లల గురించి మంచి చిట్కా వారికి ½ కప్పు దానిమ్మ రసం, చిటికెడు అల్లం పొడి అలాగే పిప్పళ్ల పొడిని కలిపి ఇవ్వొచ్చు.

పిప్పళ్లు ఒక ఆయుర్వేద మూలిక. దానిమ్మ రసం గొంతుపై తీవ్ర ప్రభావం చూపదు, అలాగే అల్లం వేడిచేస్తుంది. దానిమ్మ విటమిన్ ఎ, సి రోగనిరోధక శక్తిని పెంచుతాయి కూడా. కావాలంటే అల్లం బదులు నల్ల మిరియాలు కూడా వాడవచ్చు.

6. మసాలా టీ

వేడి వేడి మసాలా టీ, దగ్గుని సహజంగా తగ్గిస్తుంది. ½ చెంచా అల్లం పొడి, చిటికెడు దాల్చిన చెక్క పొడి, కొన్ని లవంగాలు మీ టీకి జతచేయండి.

ఎందుకు పనిచేస్తుంది : ఈ మూడు దినుసులు శరీరం లోపలనుండి సమస్యను తగ్గిస్తాయని ప్రసిద్ధి. ఈ వేడిచేసే దినుసులు దిబ్బడను తగ్గించి, ఊపిరితిత్తుల్లో కఫం తగ్గేలా చేస్తాయి. అలాగే జలుబును కూడా తగ్గిస్తాయి.

చిన్న చిట్కా : రాత్రి సమయాల్లో దగ్గు ఎక్కువగా ఉంటుంది. ఎందుకంటే.. ముక్కులోని మ్యూకస్ మీరు పడుకుని ఉన్నప్పుడు గొంతులోకి జారుతుంది. ఇలా కాకుండా ఉండాలంటే తలని కొంచెం ఎత్తులో ఉండేలా జాగ్రత్త తీసుకుని పడుకోవాలి. అప్పుడే దగ్గు తగ్గి.. హాయిగా నిద్రపోతారు.

దగ్గును హరించు సులభయోగాలు -

* పిప్పిళ్ల చూర్ణం , తేనెతో కలిపి సేవించిన దగ్గు హరించబడును.

* తిప్పతీగ కషాయంలో పిప్పిళ్ల చూర్ణం కలిపి సేవించిన దగ్గు తగ్గును.

* అల్లం రసంలో తేనె కలిపి సేవించుచున్న దగ్గు తగ్గును.

* ఉదయం సమయమున అల్లం రసం బెల్లంతోను , రాత్రుల యందు త్రిఫలా చూర్ణం తేనెతోను కలిపి తీసుకొనుచున్న దగ్గులు తగ్గును.

* లవంగాలు కాల్చి పొడిచేసి సేవించిన దగ్గు తగ్గును.

* మిరియాల చూర్ణంను నేతితో సేవించుచున్న దగ్గు తగ్గును.

* అరటిపండులో మిరియాల పొడి వేసి తినుచున్న దగ్గు తగ్గును.

* నిప్పులపైన వాము వేసి ఆపొగ పీల్చుతున్న దగ్గు తగ్గును.

* ఎందుజిల్లేడు ఆకులను చుట్టగా చుట్టి దానికి నిప్పు అంటించి ఆ పొగ లొపలికి పీల్చిన దగ్గు తగ్గును.

* గంటకొకసారి వెల్లుల్లిపాయ రేకును తినుచున్న దగ్గు తగ్గును.

* మోదుగు బెరడు కషాయాన్ని పూటకు పావుకప్పు చొప్పున తాగుచున్న దగ్గు తగ్గును.

* కరక్కాయ బెరడు ను బుగ్గన పెట్టుకుని ఆ రసమును సేవించిన దగ్గు తగ్గును.

* తులసి ఆకులు రసము సేవించిన దగ్గు తగ్గును.

* లవంగాలు బుగ్గన పెట్టుకున్న దగ్గు తగ్గును.

*ఒక టేబుల్ స్పూన్ తేనెలో సగం టేబుల్ స్పూన్ దాల్చిన చెక్క పొడిని కలిపి పడుకునేటప్పుడు తాగితే జలుబు, దగ్గు నుంచి ఉపశమనం పొందవచ్చు.

* తులసి , మిరియాలు కషాయం కూడా మంచి ఉపశమనం కలిగించును.

27/04/2020

ఈరోజు
మా ఆంజనేయ హెర్బల్స్ సంస్థ నందు మా సంస్థ ఉన్నతికి పాటుపడు స్టాఫ్ కి మా చిరు సాయం. ఏ సంస్థకు అయిన ఆ సంస్థ లో ఉండే స్టాఫ్ వెన్నుముక అని మా అభిప్రాయం.

కొంతమంది వాణిజ్యవేత్తలు మేము ఎలా ఎక్కువ సంపాదించవచ్చు అని ఆలోచిస్తుంటారు.

కానీ మా సంస్థ ఉద్దేశ్యంలో

"మన వద్ద పనిచేయు ఉద్యోగుల జీవన విధానం ఎంత ఉన్నతంగా ఉంటే అంత ఎక్కువ సంతోషం సంపాదించవచ్చు".

"HAPPY EMPLOYEES
LEAD
TO
HAPPY COUSTEMERS"

ఈ ఫొటోస్ కూడా మరొకరికి సాయం చెయ్యాలి అని అనిపించవచ్చు కదా అని నా స్నేహితుల కోరిక మేరకు పెడుతున్నాం

04/04/2020

తిప్పసత్తు తయారీ విధానము -

ముదిరిన తిప్పతీగ వ్రేళ్ళను తెచ్చి కత్తితో పైన పొట్టు తీసి సన్నని ముక్కలుగా కొట్టి దంచి నీటిలో కడగవలెను . జిగురు వచ్చు వరకు దంచి కడగవలెను. కడిగిన నీళ్లు ప్రత్యేకముగా ఉంచవలెను. జిగురు రాకపోయినా దంచి కడుగుటను మాని మొదట కడిగిన నీళ్లను వెడల్పాటి పళ్ళెములో పోయవలెను. సత్తు అంతా తెల్లగా అడుగున పేరి నీరు పైకి తేలును. ఆ నీటిని వంచివేయవలెను . ఈ విధముగా రెండోసారి , మూడోసారి తిప్పతీగని కడిగిన నీటిని పళ్ళెము లొ పొసి ఉంచవలెను. ఇందులొ తయారు అగు సత్తు మొదటి దాని అంత తెల్లగా ఉండదు. పైకి తేలిన నీటిని ఎప్పటికప్పుడు వంచివేయచుండవలెను . ఇటుల చేరిన సత్తుని బాగుగా ఎండు వరకు ఉంచిన అవి ముక్కలు అగును. ఇది రెండు రొజులలొ తయారు అగును .

రాత్రుల యందు పాత్ర ను మూతతో కప్పి ఉంచవలెను. మూలికను దంచునప్పుడు రోలుకు కాని , రోకలికి కాని సున్నము తగలరాదు. సున్నము తగిలినచో సత్తు విరిగిపోవును. పళ్లెము కి కూడా సున్నము తగలనివ్వరాదు.

ఈ సత్తుని ప్రత్యేకంగా వాడుట యే కాక ఇతర ఔషదాలతో కూడా కలిపి ఇవ్వవచ్చు.

దీని ఉపయోగాలు -

* దీనిని తేనెతో తీసుకుంటే కఫం పోవును .

* బెల్లముతో తీసుకున్నచో మలబద్దకం పోవును .

* పంచదారతో ఇచ్చిన పైత్యమును , నేతితో ఇచ్చిన వాతమును హరించును.

* దీనిని అనుపానములతో ఇచ్చిన సర్వరోగములు పోగొట్టును .

* షుగర్ వ్యాధిగ్రస్తులు విడవకుండా వాడితే షుగర్
అదుపులో ఉండటానికి తోడ్పడుతుంది.

* ఎప్పుడు నోరు పూస్తుంది అనేవారు తిప్పసత్తుని కర్పూర శిలజిత్ ని పంచదారతో గాని నేతితో గాని కలిపి తీసుకుంటే శరీరంలో అతివేడి తగ్గును .

* పొడిదగ్గు కి కూడా ఇదే మిశ్రమాన్ని వాడవలెను.

* వేడి శరీరం ఉన్నవారు ప్రతిరోజు తిప్పసత్తు వాడితే ఎలాంటి జబ్బులు రాకుండా ఉంటాయి.

గమనిక - ఆయుర్వేద పచారి షాపుల్లో మీకు తిప్పసత్తు దొరకును. మీకు వీలుంటే సొంతంగా చేసుకోవచ్చు .

04/04/2020

చిల్లగింజ ఉపయోగాలు -

దీనికి ఇండుప గింజ అని పిలుస్తారు . సంస్కృతంలో నిర్మలి అని కూడా అందురు. నీటిలోని మలినాలను పోగొట్టుటకు వాడతారు. వర్షాకాలం నందు నదీప్రవాహాలలో , వాగులలో వచ్చు నీరు బురద , కల్మషములతో కూడుకుని ఉండును. ఆ నీటిని స్వచ్ఛముగా , పరిశుభ్రముగా చేయుటకు నీటి బిందెలలో ఈ చిల్లగింజని అరగదీసి ఆ గంధమును వేయుటవలన నీరు పరిశుభ్రం అగును. ఇది నీటిని శుభ్రపరచుటకే కాక నీటిలో ఉండు అనేకరకాలైన విషపదార్ధాలను కూడా నిర్మూలించునని ఆధునిక పరిశోధనలలో తేలింది . నీటిలో గల రసాయనిక విషపదార్ధాలనే కాక పరమాణు జన్యమైన విషపదార్దాలను తొలగించును.

ఈ చిల్లగింజ నీటి శుద్ధికి మాత్రమే కాక అనేక వ్యాధులలో ఇది గొప్ప ఔషధముగా పనిచేయును . మూత్రసంబంధ సమస్యల పైన అద్భుతముగా పనిచేయును . మూత్రము సాఫీగా జారి అయ్యేలా చూడును . మూత్రాశయము నందలి రాళ్లను కరిగించును. మధుమేహమును తగ్గించును . చిల్లగింజలు , చండ్ర చెక్క , వేగిస చెక్క ఈ మూడింటిని సమానభాగాలుగా తీసుకుని కషాయం కాచుకొని ఆ కషాయాన్ని సేవించుట వలన మధుమేహము తగ్గును. కామెర్ల యందు పనిచేయును . వాపులు తగ్గును. తరచుగా వచ్చే పడిశము తగ్గును. శరీరం యొక్క బరువు తగ్గించి సన్నబడేలా చేయును . నేత్రములకి మంచి చేయును . కడుపులోని నులిపురుగులను నిర్మూలించును. చర్మవ్యాధుల యందు పనిచేయును . ఇలా ప్రతినిత్యం చిల్ల గింజలను వాడుట వలన మూత్రాశయంలో రాళ్లు ఏర్పడకుండా మూత్రం సాఫీగా జారి అగునట్లు చేయును .

26/01/2020

Nuggikere Hanuman temple alankaram for Republic day, Dharwada, Karnataka

23/01/2020

కాకరకాయ ఉపయోగాలు -

కాకరకాయలో రెండు రకాలు కలవు. పెద్ద కాకర , పొట్టికాకర అని పిలుస్తారు . పెద్ద కాకర కాయలో రెండురకాలు కలవు. అవి ఆకుపచ్చ కాకర మరియు తెల్లకాకర కాయల రకం ఒకటి .

వంకాయలో తెల్ల కాకర కాయలు అపథ్యమై ఉండగా కాకర కాయల్లో తెల్లనివి అత్యంత శ్రేష్టమైనవి. కాకరకాయ స్వస్థకరం అయినది. రసాయనిక గుణం కలది. జీర్ణశక్తిని కలిగిస్తుంది. కాకరకాయలు పైత్యశాంతిని కలిగించును. ఎముకలలో మూలుగుకు బలాన్ని చేకూర్చే గుణం కలదు.

కాకరకాయ గురించి ప్రసిద్ధ ఆయుర్వేద గ్రంధం "సర్వఔషధి గుణకల్పం " ఈవిధంగా వివరిస్తుంది. " కాకర కాయ కొంచం కాకచేయును .సర్వరోగాలను పోగొట్టును . నేత్రాలకు మేలు చేయును . లఘువుగా ఉండును. అగ్నిదీప్తిని ఇచ్చును " అని వివరణాత్మకంగా ఇచ్చెను . మరొక ప్రసిద్ద గ్రంథం " ధన్వంతరి నిఘంటువు " నందు కూడా కాకరకాయ విశేషగుణ ధర్మాల గురించి వివరణలు ఉన్నాయి . దానిలో కాకరకాయ శీతవీర్యం , తిక్తరసం కలిగి ఉండును. గట్టిపడిన మలాన్ని బేధించును. లఘువుగా ఉండి వాతాన్ని కలుగచేయకుండా ఉంటుంది. పెద్దకాకర కొంచం వేడిచేయును . రుచిని పుట్టించి సర్వరోగాలను పోగొడుతుంది . నేత్రాలకు మేలుచేయును . అగ్నిదీపనకరమై ఉండును. అని కాకర యొక్క విశేష గుణాల గురించి వివరించెను .

కుక్క , నక్క మొదలగు జంతువులు కరిచినప్పుడు పైకి కట్టడానికి , లోపలికి సేవించడానికి కాకర ఆకు , కాయ , పండు మంచి ఉపయోగకరములై ఉండును . కాకరకాయలు సాలెపురుగు విషాన్ని కూడా విరిచేస్తాయి. కాకర చేదుగా ఉండటం వలన రక్తశుద్ధి చేయును . కాకర కాయల కూర వీర్యస్తంభనమైనది.

చర్మవ్యాధులు ఉన్నవారు కాకరకాయను తరుచుగా వాడటం వలన రక్తశుద్ధిని కలుగచేయును . పొడుగు కాకరకాయలు అగ్నిదీప్తిని కలిగించును. లేత కాకరకాయల కూర త్రిదోషాలను హరించును . ముదురు కాయల కూర విరేచనకారి. పొట్టి కాకరకాయలు కూడా ఇంచుమించు ఇదే గుణాన్ని కలిగి ఉండును. కాని ఇవి మిక్కిలి చేదుగా ఉండును. ఆకలిని పుట్టిస్తాయి.

కాకరకాయలు ముక్కలుగా కోసి ఎండబెట్టి వరుగు చేసి నిలువచేసుకొంటారు . ఈ వరుగు నేతితో వేయించుకొని తింటే చిరుచేదుగా ఉండి త్రిదోషాలను పోగోట్టును కొన్ని ప్రాంతాలలో కాయలనే కాకుండా పండిన కాకరకాయలు ను కూడా కత్తిరించి వరుగు చేసి నిలువచేస్తారు . ఈ వరుగు కఫవాతాన్ని తగ్గించి పిత్తాన్ని పెంచును. జఠరాగ్ని పెంపొందింపచేయును . కాసను తగ్గించును. రుచిని పుట్టించును.

కాకరకాయలను శరీరం నందు వేడి కలిగినవారు వాడకుండా ఉంటే మంచిది . శరీర బలానికి మందు తీసుకునేవారు పెద్ద కాకరకాయతో చేసిన వంటకాలు వాడకూడదు. అలా వాడటం వలన బలం పెంచే మందు శరీరానికి పట్టదు.

కాకరకాయకు విరుగుడు వస్తువుల్లో ప్రధానం అయినది పులుసు . అందుకే కాకరపులుసు , పులుసుపచ్చడి దోషరహితం అయి ఉంటుంది. కాకరకాయ పులుసుతో పాటు నెయ్యి , ఆవాలు , దోసకాయ కూడా విరుగుడు వస్తువులు .

14/01/2020

The sun signifies knowledge, spiritual light and wisdom. Makar Sankranti signifies that we should turn away from the darkness of delusion in which we live, and begin to joyously let the light within us shine brighter and brighter. We should gradually begin to grow in purity, wisdom, and knowledge, even as the sun does from this day......

Happy makarsakranti .

--Anjaneya Herbals.
Vijayawada