02/11/2025
گرێی ڕژێنی پەریزادە (غودەی دەرەقی)
▫️بونی گرێ یان کیس لە ڕژێنی پەریزادە وەکو هەمو ڕژێنێکی تر لە لەشدا مامەڵەی لەگەڵ دەکرێت.
هۆکارەکانی بریتییە لە
▫️هەوکردن،
▫️زەبری کۆن یان گەشەی ناڕێکی ڕژێنەکەیە، لوی لێ دروست دەبێ کە زۆر جار گەشەی خاوە و مەترسی دروست ناکات،
▫️لە هەندێک حاڵەتی دەگمەن گەشەی خێرایەو شێرپەنجەی تیا گەشە دەکات.
▫️گۆڕانی هۆرمۆنی بەهەمان شێوە هۆکارە، بەرکەوتنی تیشک و مادەی کیمیایی مەترسین بۆ دروست بون.
نیشانەکانی؛
▫️لە زۆربەی حاڵەتەکان نیشانەی نیە،
▫️بەڵام ئەگەر هەبێت بریتیە لە ئازار، قورسایی، ئاوسان یان تەنها هەستکردن بە لوەکە.
▫️گۆڕانی دەنگ و کۆکە بە دەگمەن.
▫️لە ڕێگەی فەحسی کلینیکی یان سۆنەر زۆر بە وردی دەستنیشان دەکرێت و ڕوخساری بە گشتی دیاری دەکرێت بەڵام هەندێک گرێ پێویستی بە وەرگرتنی پارچە هەیە یان لە ڕێگەی دەرزی یان بە نەشتەرگەری.
چارەسەر؛
▫️ئەگەر لویەک ڕوخساری شێرپەنجەو گومانی نەبێت، تەنها بە چاودێریکردن مامەڵەی لەگەڵ دەکرێت.
▫️ئەگەر گوماناوی بێت، پێویستی بە وەرگرتنی پارچە هەیە،
▫️ئەگەر شێرپەنجە بێت بە پێی جۆری شێرپەنجەکەو بڵاوبونەوەی، هەندێک فەحسی تری پێویستە یان نەشتەرگەری بە لابردنی ڕژێنەکە و هەندێکجار لیمفەگرێکانی مل لادەبرێن لە هەمان نەشتەرگەری. پاشان وەرگرتنی یۆدی تیشکدەر، لەگەل چارەسەری تر دەست پێدەکات.
د. هێز نهاد (پسپۆڕی نەشتەرگەری گشتی و نەشتەرگەری هەناوبینین)
