Doctor tishk/کلینیکی خۆراک و گەشەی مناڵان

26/11/2022

پێشتر خەڵک لە ( تبخیر ، هەڵم کردن) ئەترسان کاتێک مناڵەکانیان نەخۆش ئەکەوت... بەڵام ئێستا هۆشیاری تەندروستی زیاتر بوەو هەندێ جار خۆیان داوا ئەکەن کە هەڵمەکە بۆ مناڵە نەخۆشەکەیان بکرێت.

تێبینی؛
1.ئەترسان چونکە پێیان وابوو تایبەتە بە( ڕەبۆ ، هەوکردنی درێژخایەنی سیەکان).
2. تبخیر کردارێکی ئاسانە و کاریگەری لاوەکی کەمترە بەراورد بە شروب و قەترە.

د.تیشک محمد
پسپۆڕی نەخۆشی مناڵ و کۆرپە
تەلاری پزیشکی دانا - شەقامی توی مەلیک
0770 241 2106

17/11/2022

دایک : مناڵەکەم کۆکەو هەڵامەتیەتی ( پەتای وەرزی گرتوە) پێیان وتوم مەیشۆ ، هەفتەیەکە نەمشتوە و خەریکە چڵک ئەیخوات😬😬 ، ئایا ئەمە ڕاستە؟

پزیشک : هەڵەیە
هەرکاتێک ویستت ئەتوانی مناڵەکەت بشۆیت چونکە:
👈 خەوێکی ئارامتری ئەبێت
👈 هۆکارێکیشە بۆ نەرم بوونی دەردراوەکانی لوت و گوێ و قوڕگ و فڕێدانیان و کرانەوەی ڕێڕەوی هەناسەو حەوانەوەی زیاتر...

د.تیشک محمد سلام
بۆرد(بەغداد) لەنەخۆشیەکانی مناڵان وکۆرپە
.................
چارەسەری خۆراک وگەشەی مناڵان-نەخۆشیەکانی ڕێڕەوی هەناسە
کلینیک/سلێمانی-شەقامی توی مەلیک-تەلاری پزیشکی دانا
0770 241 2106

16/11/2022

هۆشیاری؛
👈 ئەڵێن گەرم دایپۆشەو ژورەکەی بۆ گەرمکە با زیاتر سەرمای نەبێت؟ چونکە مناڵەکەم توشی کۆکەو تەنگەنەفەسی بووە .
ئایا ڕاستە؟

✋ وەڵام: نەخێر
ئەو مناڵانەی توشی کۆکەوهەڵامەت یان (التهاب القصبات) بوون، باشترە ئەو ژورەی کە لێی ئەخەون زۆر گەرم نەبێت بەجۆرێک کە هەوای دەرنەچێت ، چونکە هەوای گەرم و وشک کۆکەکەیان زیاتر ئەکات.
بۆیە هەمیشە شوێنێک بۆهەوا گۆڕکێ بهێڵەرەوە


د.تیشک محمد
پسپۆڕی نەخۆشیەکانی مناڵ و کۆرپە
(بۆرد - بەغداد)
چارەسەری خۆراک و گەشەی مناڵان - نەخۆشیەکانی ڕێڕەوی هەناسە
کلینیک / شەقامی توی مەلیک - تەلاری پزیشکی دانا
0770 241 2106

04/10/2022

✅گرنگ بۆ دایکان و باوکان:

✔ئەگەرمناڵەکەت پەتای وەرزی هەبوو نابێت کوتانی بۆ بکەیت تا چاک ئەبێتەوە.

✔ ئەگەر حەساسیەی بە هێلکە یان کوتانێک هەبوو پێویستە لە کوتانی دوەمدا ئەو جۆرە کوتانەی بۆ نەکرێتەوەو کارمەندەکانی لێ ئاگاداربکەیتەوە.

✔ ئەگەر هەندێ دەرمانی وەک شروبی دکسۆن لە ۱-۲هەفتەی پێش کوتان وەرگرتبێت پێویستە کوتانەکە دوابخەی

💉د.تیشك محمد سلام
پسپۆڕی نەخۆشیەکانی مناڵان
تەلاری پزیشکی دانا - شەقامی توی مەلیک
0770 241 2106

30/07/2022

✋✋✋بۆئەودایکانەی شیری قوتو ئەدەن بە مناڵەکانیان:

👈 کاتێک شیرەکە ئەگۆڕیت لە رەقەم ۱ بۆ ۲ ئەوا پێویستە مناڵەکە ٦ مانگی تەواوکردبێت و چوبێتە ناو ۷ مانگ (نابێت هەرکە بوو بە ٦ مانگ بیگۆڕیت).

👈 سەرەتا ئەو ئاوەی کە ئامادەت کردوە بیکەرە بوتڵی شیرەکە و پاشان شیرەکەی تێ بکە نەک بە پێچەوانەوە چونکە ئەبێتە هۆی خەست بوونەوەی شیرەکەو زیانی مەترسیداری ئەبێت لەسەر گورچیلەو مێشکی مناڵەکە.😱😱😱😱

👈هەرگیز کەوچکی تایبەت بە قوتوی شیرەکە مەگۆڕە بە کەوچکی قتوی شیرێکی تری جیاواز تەنانەت ئەگەر قتوەکان هەمان رەقەمیش بن.

👈 بوتڵی شیرێک بەکارمەهێنە کە رەقەمەکانی دیار نەمابێت و تەواو ڕوون نەبێت.

د.تیشك محمد سلام
بۆرد ( بەغداد) لە نەخۆشیەکانی مناڵ و کۆرپه
بەکالۆریۆس( سلێمانی)لەپزیشکی هەناوی ونەشتەرگەری گشتی F.I.B.M.S-pediatrics M.B.Ch.B
چارەسەری خۆراک وگەشەی مناڵان- نەخۆشیەکانی ڕێڕەوی هەناسە...
کلینیک/ سلێمانی-شەقامی توی مەلیک- تەلاری پزیشکی دانا
0770 241 2106

06/07/2022

۳ نیشانە کە ئاماژەن
بۆ سەرەتای دەرکەوتنی شەکرە لە مناڵدا؛

میزکردنی زۆر ،
ئاوخواردنەوەی لە ڕادەبەدەر، و
کەم بونەوەی کێش بەهۆکارێکی نادیار و لە ماوەی چەند هەفتە یان مانگێکدا...
یەکێکە لە نیشانە سەرەتاییەکانی دەرکەوتنی نەخۆشی شەکرە لە مناڵدا ( بە تایبەتی تەمەنی ۷ - ۱٥ ساڵ) .....
گەرئەو نیشانانەت هەست پێکرد لەمناڵدا ، بەزوترین کات سەردانی پزیشکی پسپۆڕی نەخۆشی مناڵان بکە پێش ئەوەی نیشانەی مەترسی داری تر دەرکەوێت وەکو لەهۆش خۆچون و تێکچونی هەناسەدان وژانەسک و ڕشانەوە و وشکبونەوەی جەستە .

د.تیشک محمد سلام
پسپۆڕی نەخۆشی مناڵ و کورپە
چارەسەری خۆراک و گەشەی مناڵان
شەقامی توی مەلیک/ تەلاری پزیشکی دانا
0770 241 2106

19/06/2022

بۆ ڕێگری لە وشکبونەوەی مناڵەکەت لەکاتی سکچون وڕشانەوەدا، چارەسەری سەرەکی زۆربەی حاڵەتەکان بەکارهێنانی موغەزیە تۆزەکەیە، تکایە پشتگوێی مەخە.

16/06/2022

لەچەند مانگیەوە خواردن بدەم بە مناڵەکەم ؟
چۆن دەست پێ بکەم ؟

* ئەگەر تەنها شیری خۆت ئەخوات، ئەوا بیر لەپێدانی خواردن یان سریلاک مەکەرەوە تا تەمەنی ٦مانگ، لەکاتێکدا ئەگەر شیری قوتوبخوات مەرج نیە بگاتە ٦مانگ و ئەتوانرێت زوتر دەستپێ بکرێت.

٭ با قاپ وکەوچک وکوپەکە تایبەت وسەرنج ڕاکێش بن لای مناڵەکەت، ئەوکەسانەش خواردنی بدەنێ کە مناڵەکە ئاشنایە پێیان وخۆشی ئەوێن( باشترە هەموو کەسێک خواردنی نەیاتێ).

٭ سەرەتا بەیەک جۆر دانەوێڵە دەستپێ بکە( نمونە؛ نیسک) کە لەشێوەی شۆربایەکی ڕوون بۆی بکوڵێنرێت و تێکەڵی شیری دایک یان قوتو یان تەنها ئاو بکرێت و دوای ۱-۲ هەفتە وردە وردە شۆرباکە خەستربکرێتەوە بەو مەبەستەی کە مناڵەکەی فێری کرداری جوینی خۆراکەکان ببێت.

٭ لەگەڵ ڕاهاتنی مناڵەکە بە خواردن ، دانەوێڵەکان تێکەڵ بکە( نیسک وبرنج وشۆفان) وئینجا چەند خواردنێکی تر بۆ شۆربا تێکەڵەکە زیادبکە وەکو گێزەروپەتاتە و ....هتد پاشان مریشک و ئینجا گۆشت.

٭ پاش چەند هەفتەیەک لەو خواردنانەی باسمان کرد ئینجا میوەی بدەرێ ، بەجۆرێک سەرەتا یەک جۆر میوەی بدەرێ و ۳-٥ ڕۆژجارێک میوەیەکی تری بۆ زیاد بکە.

٭ ئەگەر ویستت شەربەتی بدەیتێ ئەبێ شەربەتی میوەی تازەبێ وهیچ جۆرەشەکرێکی تێ نەکرێت و لە کوپدا پەسەندترە وەک لەوەی بە بوتڵ ومەمە بیدرێتێ.

د.تیشک محمد سلام
پسپۆڕی نەخۆشی مناڵ وکۆرپە
چارەسەری خۆراک وگەشەی مناڵان
توی مەلیک/تەلاری پزیشکی دانا
0770 241 2106

14/06/2022

هۆشیاری:

جگە لە ئاو هیچ جۆرە گیراوەیەکی تر ( شیر یان شەربەت) بەکار مەهێنە بۆ ئامادەکردنی ئەو گیراوەیەی کە لەکاتی سکچوون و ڕشانەوە بەکاردێت واتە موغەزیە تۆزکە ORS،

بەو بڕە ئاوەی کە دیاری کراوە بیگرەرەوە چونکە خەستکردنەوەو ڕونکردنەوەی ئەبێتە هۆی ئەوەی کە ڕێژەی خوێیەکانی جەستەی مناڵەکە بەشێوەیەکی گونجاو ڕێک نەبێتەوە.

د.تیشک محمد
پسپۆڕی نەخۆشی مناڵان و کۆرپە
تەلاری پزیشکی دانا
0770 241 2106

14/06/2022

✅چەند زانیارییەک دەربارەی شیری قوتو

🍼نابێت ئاوی لە کوڵ ( زۆر گەرم) ڕاستەوخۆ بەکاربێنیت بۆ گرتنەوەی شیرەکە، چونکە ئەبێتە هۆی لەدەستدانی بەهای خۆراکی پێکهاتەکانی بەتایبەتی ئەو شیرانەی کە پرۆبایۆتیک ( واتە بەکتریای سودبەخشیان ) تێدایە.

بۆیە پێویستە لە پاش کوڵاندنی ئاوەکە ، ساردی بکەیتەوە بۆ نزیک پلەی گەرمی لەش یان شلەتێن و ئینجا بەکاربێت.

🍼 زۆربەی شیرەقوتوەکان بڕی پێویست ڤیتامین D له پێکهاتەکەیاندا هەیە ، بۆیە بێ پرسی پزیشک ئەو ڤیتامینە مەیە بە مناڵەکەت، چونکە هەروەک چۆن کەمی ڤیتامین D زیانبەخشە بەهەمان شێوە بەرزی ڕێژەکەشی کاریگەری خراپی هەیە لەسەر مناڵەکەت.

🍼 پاش گرتنەوەی شیرەکە ، باشترە کاتژمێرێک ( سەعاتێک ) زیاتر بەسەریدا تێ پەڕ نەبێت و بەکاربێت.

🍼 چاولێکەری مەکە لە پێدانی بڕی شیرو زیادکردنی ژەمەکان و گۆڕینی جۆری شیرەکە تەنها لەبەرئەوەی مناڵی کەسێکی تر بەو جۆرە ئەیخوات.

🍼هەر مناڵەو بەخواستی خۆی یان بەپێی خشتەی تایبەت بە خۆی پێویستە شیری پێ بدرێت

د.تیشك محمد سلام
پسپۆڕی نەخۆشی مناڵان وکۆرپە ( دکتۆرا – بەغداد)
سلێمانی/ شەقامی توی مەلیک - تەلاری پزیشکی دانا
0770 241 2106

13/06/2022

09/06/2022

ئەو ۳ خۆراکەی نەگونجاوە بۆ مناڵی کەمتر لە ۱ ساڵ ؛

۱.هەنگوین
( بەهۆی مەترسی توشبون بە جۆرە بەکتریایەکی ژەهراوی لەشێوەی قەبزبون ، بێهێزی و شل وخاوبونەوەی مناڵ و پەککەوتنی ماسولکەکان..هتد)

۲.هێلکە ( سپێنەکەی نەدرێتێ)
ئەگەری هەستیاری زۆرە لەشێوەی سورهەڵگەڕان وپەڵەی پێست وخوران ، سکچون و ڕشانەوە وژانەسک ، لوتگیران و کۆکەوتەنگەنەفەسی مەترسیدار.

۳.شیری تەڕی مانگا
( بەهۆی کەمی ڕێژەی ئاسن تیایدا، مەترسی برینداربونی ڕیخۆڵەو سکچونی خوێناوی، بارگرانی لەسەر گورچیلەکان و هەندێ جار وشکبونەوەی جەستەی مناڵەکە و کەمخوێنی)

د.تیشک محمد سلام
بۆرد لەنەخۆشی مناڵ وکۆرپە ( بەغداد)
چارەسەری خۆراک و گەشەی مناڵان
توی مەلیک/تەلاری پزیشکی دانا
0770 241 2106