Dr.Harem د.هەرێم کریم احمد

05/08/2025

21/07/2025

16/07/2025

پرخە پرخ (الشخیر) چیە ؟!
کێن ئەو کەسانەی تووشی پرخە پرخ دەبن ؟!هۆکارەکانی چین؟!
کەی پێویست بە هێڵکاری خەو ( sleep study) دەکات ؟

08/06/2025

بەشداریكردنمان لەسێیەمین كۆنفرانسی زانستی نێودەوڵەتی نەخۆشیەكانی هەناسەوسیەكان لەهەولێری پایتەخت

بەهیوای تەندروستیەكی باش بۆ هەموو لایەك
٢٩/٣٠-٥-٢٠٢٥

11/05/2025

08/11/2024

14/10/2024

04/06/2024

31/05/2024

بەشداریکردنم لە دووهەمین کۆنفراسی نەخۆشیەکانی سنگ و بۆرییەکانی هەوا-سلێمانی-٣٠،٣١/٥/٢٠٢٤

07/05/2024

٧ ئایار ڕۆژی جیهانی نەخۆشیەکانی ڕەبوە و تەنگەنەفەسی

🫁 نەخۆشی ڕەبوو ( بەرهەنگی،ئەزما bronchial Asthma )
◀️ ڕەبوو :بریتیە لە هەستیاری درێژخایەنی بۆریەکانی هەوا کە دەبێتە هۆی تەسکبوونەوە و هەڵاوسان و پاشان گیرانی ئەو بۆریانە.
بە نیزیکەی ٢٥٠ ملیون کەس توشبووی ئەم حالەتەن بە گوێرەی ئامارەکانی ٢٠١٩.
زۆر جار نەخۆشی ڕەبو لەگەڵ هەریەک لە ووشکە بیروی پێست و هەستیاری وەرزی چاو و لوت بەدیار دەکەوێت.
◀️ لە نیشانە سەرەکیەکانی ڕەبو:
١-تەنگەنەفسی یاخو پشوو سواری بەتایبەت لەکاتی ماندووبوون و تەپوتۆز و بۆنی تیژدا
٢-کۆکە بەتایبەتی کۆکەی ووشک و ڕەق
٣-توندبوونی سەر سنگ
٤-دووبارەبوونەی خیزەی سەرسنگ بەتایبەت لە کاتی خەوتن و بەرەبەیاندا.
٥-دەردانی مادەیەکی لینجی سپی کە لەوەیە لە هەموو نەخۆشێکدا نەبینرێت.

◀️ هۆکارەکانی :
هۆکاری سەرەکی بۆماییە وەک بوونی جینات کە ئەگەری توشبوون بە ڕەبو زیاد دەکات لەگەڵ پاڵنەرە دەرەکیەکان وەک:
پسبوونی هەوا،دوکەڵ و تەپوتۆز و خۆڵبارین،چەندبارە هەوکرنی بۆریەکانی هەواو سیەکان،دەنکە هەڵاڵە بەتایبەتی لە وەرزی بەهاردا،تووک و پەڕی ئاژەڵە ماڵیەکان لە باڵندەی زینە و سەگ و پشیلە،بۆن و عەرتی تیژ،مادە خاوێنکەرەوەکان و فاس،هەوای سار و ووشک،جگەرەکێشان و یان بەرکەوتنی دوکەڵی جگەرە بەشێوەی دەستی دوو ،منداڵی نەبەکام ،جگەرەکێشانی دایک لە کاتی دووگیانی ،هەندێک ئیش و کار وەک کارگەی گەچ و چیمنەتۆ و نانەواخانە،دەرمانی ئازار شکێن لەجۆری NSAID و ئەسپرین و خاوکەرەوەی لێدانەکانی دڵ،فشار و تەنگژەی دەروونی تووند هتد..

◀️ چۆنیەتی دەستنیشانکردنی ڕەبوە؟!
سەرەتا دەبێت کەسەکە هەموو یان هەندێک لە نیشانەکانی تێدا بێت وەک کۆکەی ووشک و تەنگەنەفەسی و خیزەی سەرسنگ و دووبارە و چەند بارەبوونەوەی ئەم نیشانە و دەرکەوتانە بەتایبەت لە کەسانی منداڵان و هەرزەکاراندا، پاشان لە ڕێگەی هەندێک فەحسی تایبەتەوە وەک :
🔸 هێڵکاری فەرمانی سیەکان و دووبارەکردنەوەی لە پاش پێدانی تەبخیری ڤینتۆلین.
🔸 ڕێژەی FeNO کە لە ڕێگەی هەناسەوە دەکرێت
🔸 وێنەی تیشکی سنگ بۆ بەدەرکردنی ئەگەری بوونی نەخۆشیەکی تر.
🔸 شیکاری خوێن بۆ زانینی ڕێژەی eosinophil & IgE.

◀️ چاەسەر و خۆپارێزی :
١-بەکارهێنان پەمپ یاخود بخاخ، ڕێگەچارەی سەرەکیە بۆ نەخۆشانی ڕەبوو بەتایبەت ئەگەر بەشێوەکەی دروست بەکاربهێنرێت،پاشان حەپ و شروپ کە لە لایەن پزیشکی پسپۆڕەوە دیاری دەکرێت.
٢-دوورکەتنەوە لە پاڵنەرە دەرەکیەکان لەوانەی لە سەرەوە باس کراوە.
٣-کەسەکە ساڵانە پێکوتەی ئەنفلوێزا بکات.
٤-متابعە کردنی بەردەوام بە شێوای دەوری لەگناوەندە تەندروستیەکان یاخود پزیشکی پسپۆڕ.
٥-دەرزی بایۆلۆجی(Benrazulimab )کە گاریگەی تەواوی هەیە لە کۆنتڕۆڵکردنی ڕەبووە بەڵام بەهۆی گرانی نرخەکانیەوە کەمتر بەکار دەهێنرێت.
‏٦- immuno therapy : کەمکردنەوەی یان کپکردنی بەرگری لەش بۆ ئەو مادانەی کەسەکە حسیاسیەتی هەیە پێی بەتایبەت لەو کەسانەی کە هەستیاری چاو و لوت و پێستیان هەیە.
🌹🌹🌹🌹🌹🌹🌹
د.هەرێم کریم احمد
پسپۆڕی نەخۆشیە هەناوییەکان و سنگ و بۆریەکانی هەوا