عيادة الدكتور حيدر محمد العامري التخصصية-Haidar Alameri Speciality clinic

31/12/2025

المشي ….
اكثر شي قل عدنا عن القرون السابقة
وسبب رئيسي لامراض العصر …
ضغط ، سكر ، دهون كبد ، متلازمة ايض، مقاومة انسولين ، امراض شرايين القلب،، السمنة، انقطاع النفس اثناء النوم ….
وعدد كبير من الامراض يتحسن بزيادة المشي اليومي
ولهذا حبيت اشارك واسويلكم دعم وحافز للمشي
واتفقنا الي يزيد معدل خطواته الاسبوعي اكثر شي يفوز بمية الف دينار

حاليا نريد نشوف منو صاحب الحظ السعيد

فاكتبولنا شكد جان معدل مشيكم وشكد صار
ودزولنا الصور عالصفحة كرسالة
والاكثر تقدماً سيفوز ان شاء الله

28/12/2025

من تحتاح راحة اخذ راحة …
من تضغط على نفسك راح تأثر على شغلك وعلى نفسك والي داير مدايرك …
بالاخص اذا شغلك مثلنا بيه حياة ولا سامح الله اخطاء لاتعوض…
مهما يكون عندك التزامات عندك رب عظيم كريم يحلها بس انت ضل مؤمن بيه ولا تجلب بالماديات بايديك وسنونك …

المهم فمن هذا المبدأ ارتاحيت اليوم
وورة ما طلعوا الاولاد للدوام كلت اليوم بيها نومة تخبل 🤣

نمت من ٨ ونص للتسعة وجان اسمع دي جي تكول كاعد بنص قاعة … لا نص قاعة شنو … كانمأ السماعات بحضنك ….

شكو ؟ طلعت الروضة الي بالشارع الورانا مسوين احتفال😕

الاغاني مااحجيلكم شنو 😡

يعني معقولة ناس تربويين تفتحون هيج اغاني للاطفال؟

وبهيج صوت!!!

زين الاهل ماتخافون على ولدكم ينطرشون؟!!!

ومن ٩ لل٢ الظهر

بالعشرة خابرت جيراني كال راح احاجيهم يابة ترة اكو مرضى وناس خفر او نايمة اذا ممكن تقللون الصوت ولا ديسي بيل قللوه!!!

بالوحدة راسي صار طبل خابرت ٩١١ بس بيني وبين نفسي كلت هسة الناس تحتار بالحوادث والمصابين لو بناس ماعدهم اخلاق
كال تشتكي كتله لا الغيها وشكراً

ومااحجيلكم لسة مانايم

تالي هسة صار ساعة واحد موبايله شاومي ريدمي نوت ١٤ ومكانه بالرمادي يريد يهكر الفيسبوك

شبيكم لخاطر الله

28/12/2025

اصدقائي يسجلون محادثتي !!😶‍🌫️😶‍🌫️😶‍🌫️

البارحة مريضة عدها سكر وتاخذ انسولين متعادل ( مخلوط ) هاي الفيال ( الشيشة) الي عليها خط جوزي 🙏
تلث مرات باليوم ….
طبعا الشركة المصنعة وكل البحوث والدراسات قائمة على انها تعطى مرتين باليوم
حتى لا تتداخل القمم
( يعني لا تصير هبوطات باوقات يشتغل بيها الانسولين والمريض ما ماكل)
طبعا اذا انطيته ثلاث مرات راح يصير التراكمي جيد لان اغلب الوقت المعدل قليل لكن هذا لا يعني افضل عناية لان المضاعفات حتزيد😕

المهم ضجت كلش وبدت خطبتي العصماء بجملة ( لا مجال للاجتهاد في حال وجود النص)

وقبل لا اكمل انتبهت ان المرافق ( رجل لطيف ومحترم)
ديسجل الكلام بموبايله 🤣

اني اعرف ان هدفه حتى لا ينسون لان الناس تبين نواياها من شكلها ومنطوقها ولغة الجسد

وطبعا اني ماعندي مشكلة اكول للغلطان غلطان والكل يعرف 🤣
يعني عادي جداً انتقد طبيبها السابق(شمن حدود العمل والادب)

ولو صوتي فلم بس هم ولا عندي مشكلة بالتسجيل اصلا للطلاب اخلي موبايلاتهم عالستيج حتى يسجلون المحاضرة بصوت واضح
بس اذا تصفنون صار عدنا مو بس على كل قول رقيب من رب العالمين لا حتى على كل قول رقيب من البشر هم …

فاذكركم واذكر نفسي بالتفكير والتمعن في كل جملة قبل التلفظ بها لان احنا بزمن قد لا يغتفر اي خطأ وقد يبقى دوّار بالانترنت لسنين

25/12/2025

25/12/2025

شايفين صدمة الشخص من يصير عنده او احد من عائلته سكر؟
بالبداية يحاول يلكى حل غير العلاج يرفض الفكرة

حتى يدور على اعشاب او طبيب يكولون عليه يقطع الأنسولين

تعرفون ليش؟

لان نضرتنا عن السكر مبنية على الي شفناه
ناس تفقد اطراف ناس تفقد بصر 😢
يعني شفنا الناس الي صار عدهم مضاعفات وخفنا !!!

يعني هوستنا وقصتنا نكدر نختصرها بشي واحد
منع المضاعفات يخلي مرض السكر مو ذاك البعبع الي يخوف

زين اذا كلتلك انت تكدر تعيش وية السكر ٣٠ و٤٠ سنة وتحافظ على نفسك من المضاعفات

تريد دليل مو؟

هاي مريضتنا بطلة
السكر بدا من حرب بوش (٣٤ سنة تقريباً)

وهاي فحوصاتها ورد والحمد لله
من الاعصاب للعيون للكلى للشرايين للقلب والحمد لله

تعايش وية السكر تعيش طبيعي بحيل الله🙏🙏🙏

24/12/2025

تخيل تصير مراقبة السكر عن طريق لصقة غير مؤلمة وتكلف اقل من اربع دولارات لكل اسبوعين !!
هذا ما وعدت به samsung
الموضوع بالطريق وان شاء الله خلال فترة قصيرة يصبح متوفر تجارياً
وبهيج حالة نخلص من ثمن اجهزة المراقبة المستمرة والسنسرات الغالية
رابط الدراسات

Gold-doped graphene combined with a serpentine-shaped bilayer of gold mesh and polymeric microneedles form a wearable patch for sweat-based diabetes monitoring and feedback therapy.

23/12/2025

بسهولة تعرف اهمية الاوكسجين لان اذا فقدته خلال ثواني تمو.ت
ومثلها المي والاكل
لكن هذا الشي ماتدرك اهميته الا بعد سنين لهذا وجب التحذير

18/12/2025

ترة عدنا مسابقة والجائزة ١٠٠ الف
ليش مالكم واهس

17/12/2025

ويجوك مرضى يكولون دكتور سالنا جات جي بي تي عالعلاج وخفنا منه!!
تفضل استاذ

ردت اختبر جات جي بي تي فسالته عن دور سعدون الساعدي في مقاومة الاحتلال البريطاني

كتبلي جريدة موجودة بالصور 🤣

حتى اني شكيت بنفسي

كلت خلي اتاكد فسالته ماذا عن رفيقاه الشيخ حاتم العراقي والشيخ هيثم يوسف ؟

كتبلي ادوار بطولية للشيخان وطلع شيخ هيثم يوسف مصدر الحكمة والتعبئة

طلع من جان يغني بعديش مو عن فراغ 🤣🤣🤣

17/12/2025

احدث طرق متابعة السكر
اريدكم اول من يعلم

16/12/2025

15/12/2025

شكد تفرح من تشوف مراجعة السكر عدها من النوع الاول وصارله ١٧ سنة
طولها ماشاء الله شوية وتصير بطولك
الشبكية مثل الورد
الاعصاب مثل الورد
الكلى مثل الورد
الشرايين والقلب مثل الورد
وفوكاها صارلها حافز من صار بيها السكر وصارت صيدلانية 🙏🙏
هذا مثال لكل اهالي والمصابين بالسكر
تكدر تعيش حياتك مثل الورد