13/11/2025
#اعراض فقر الدم🩸
في حالات كثيرة يعاني الناس من فقر الدم بدون ما يلاحظون ويبقون يراجعون لاسباب ثانوية ما الها علاقة بالموضوع!
ويظلون يراجعون ويراجعون وفي حالات كثيرة ما يوگعون على العلة💡
👈🏻 مثلاً نشوف شاب عاجبه يبني عضلات والبنات تركض وراه🙂 وسجّل بجم بس من يتمرن يصير عنده خفقان 🏋️♂️
ومرات توصل الحالة بان صعود درج البيت يصير امر شاق ويسوي خفقان وضيق نفس😣
👈🏻 نشوف اطفال ياكلون شغلات غريبة مثل الطين والتُرب واكو ياخذه الواهس ويكركط بالحيطان مال البيت ويخل الام تكمز😱
👈🏻 نشوف نساء ورجال يعانون دائما من دوخة وصداع ويراجعون ويتعبون وحتى مفراس للرأس يسوون وبالاخر يطلع السبب هو فقر الدم🤕
✋🏻اعراض فقر الدم هواية منها:
🔺النحول الشديد والارهاق
🔺تساقط الشعر
🔺صداع ودوخة
🔺تشقق وتكسر الاطافر
🔺آلام بالصدر وخفقان
🔺الشعور دائما بالنعاس
🔺برودة اليدين والقدمين
🔺تناول اطعمة غريبة مثل الطين والاوراق والثلج
🔺قلة التركيز
🔺 آلام العظام والمفاصل
طبعا الاكثر عرضة للاصابة بفقر الدم هم الاطفال👶🏻 وايضاً النساء 👩🏻معرضات اكثر من الرجال للاصابة بفقر الدم وخاصة بعد الولادات المتكررة 🤰🏼🤱🏻
✋🏻 بعض انواع فقر الدم بسيطة وممكن علاجها بالطعام والمكملات الغذائية المتوفرة بالصيدليات وبعضها الاخر شديد ويحتاج علاج مكثف تحت اشراف الطبيب ولفترات طويلة💊💉
وصحة وسلامة للجميع يارب🙏🏻
#صحة #ثقافة #فقر الدم #انيميا
@الجميع
