عيادة الدكتورة فرح جعفر العزاوي لامراض المفاصل والروماتزم والتأهيل الطبي

31/03/2026

الحمد لله حالة ثانية انحلت بجهود روح الفريق لطبيب جهاز هضمي ومفاصل وامراض الدم 🌷🥀
مشخصه داء الذئبة وعلى طول يطلع مخزون حديد جدا ووظائف كبد مرتفعة وقيل لها ماكو داعي نبحث بيه هذا من الذئبة
بالفحص والتاريخ المرضي ميمشي ويه داء الذئبة
صار شك لا يكون اكو حالة مرضية لتراكم مخزون الحديد
وحولته لاختصاص امراض الدم د ايناس المبدعة وفعلا طلع عدهه هالحالة المرضية hereditary hemochromatosis لوجود طفرة جينية
وبدت العلاج الصحيح الحمد لله

25/03/2026

النقرس المزمن
من تترك العلاج ينتهي نوبات متكرره وتصيب الأطراف العليا
مثل هالمريض تارك العلاج منذ فترة طويلة
راجع يشكي من الم شديد وتورم ووجود تنخر بمفاصل اليد بالاشعة
تم وصف العلاج المناسب مع مرض الكلى المزمن وعجز القلب
ونصائح تخص نوع الاطعمة الممنوعة

د. فرح جعفر العزاوي
اختصاص بورد ( دكتوراه) مفاصل وتأهيل طبي
بغداد الحارثية قرب جامع القبانجي

19/03/2026

عيدكم مبارك
ستكون العيادة مغلقة خلال عيد الفطر لغاية يوم الاثنين ونعاود فتح العيادة يوم الثلاثاء ان شاء الله
من الساعة ٢ ونصف الى الساعة السادسة 🪷

19/03/2026

مرحبا
هالمريض كتله اليوم حانشر حالتك عالصفحة لان فزت بالمركز الاول اكبر كمية سائل مفصل ساحبتهه
تخيلو هالكمية مايعادل ٢٣٠ مللتر ٢٣ ابرة لسرنجة حجمهه ١٠ سي سي يعني نص بطل مغذي من ركبة وحدة لمريض يعاني من روماتزم مناعي مزمن
هذا الاجراء مهم وضروري لان اذا تركنا شنو ممكن يصير؟ تلف بداخل المفصل وانحراف مزمن غير قابل للرجعة

تم اعطاء العلاج المناسب ونتمنالكم العافية

16/03/2026

من هدايا المراجعين
المريض الراجعنا خطاط موهوب ماشاء الله
الله يديم العافية عليكم

13/03/2026

خلاحجيلكم قصة هالمريضة
راجعت مريضة تحويل من طبيب الباطنية كانت داخلة بالتهاب شديد
مشخصة سابقا بمرض مناعي متلازمة بهجت. وماخذه جرع
وضارب الدماغ بيه التهاب سابق
وتقرحات شديدة. وباقيه بس عالكورتزون
من راجعت الم بالحوض قوي
دزيتهه بالرنين طلع تنخر عظم الحوض مرحلة رابعة وبحاجه لعملية
وراهه فهمتهه العلاج المناعي لازم التزام وميصير بعد بس عالكورتزون وحده ماكل العظم ومسوي مضاعفات هواية
اختفت
جتي وره شهر ونص انتكاسة شديده مع ذات الرئة
رجعت اخذنا ابر التهابات وكتبتلهه علاج مناعي بعد مايروح الالتهاب تبدي بيه وتراجع وره شهر
هم اختفت ٣ اشهر وجتني انتكاسه شديدة تقرحات قوية مع التهاب وضعف بالاعصاب للاطراف السفلى واصلا ماماخذه العلاج المناعي مره لخ
ودخلتهه مستشفى
بحمد الله صارت زينه بسرعه وره يوم من الدخول تحسنت
بس هذه الانتكاسات المتكرره وبكل مره شكل خطر عالمريض
خصوصا اي مأثر عالدماغ وماماخذه العلاج المناعي رغم اكتبه بالعربي وبالانكليزي والوصفة مطبوعة وافهمهم للمرضى على طريق الاخذ..
ارجو الالتزام بمواعيد المراجعة والعلاااج اهم شي جماعة الروماتزم لسلامتكم

10/03/2026

بحمد الله نشر حالة مرضية جديدة في مجلة عالمية رصينه
هالحالة لمريض كان مشخص روماتيز رثوي سنة كامل ياخذ علاج بدون استجابة واتضح انه التشخيص من البداية كان تدرن الرئة والمفاصل وبحمد الله استجابة تامه على علاج التدرن
لقراءة الحالة كاملة:

PDF | Extrapulmonary tuberculosis is uncommon, and musculoskeletal involvement presenting as migratory arthritis is particularly rare in immunocompetent... | Find, read and cite all the research you need on ResearchGate

06/03/2026

الروماتزم هم ممكن نشخصه قبل ماتبين اعراضه؟
اكو روماتزم بدون اعراض؟
اي
هالمريض عمره ٢٣ سنة وماعنده اي اعراض
مجرد قبل سنتين ديدخل دورة عسكرية وبالتحاليل طلعت تحاليل الكبد عالية
وراهه ظلت تصعد وبدون معرفة السبب
راجع هوايه بدون وصول لحل
وبعد سنتين من معاناة ومراجعات عديدة راجع طبيب جهاز هضمي وسوه خزعة للكبد وايضا طلع طبيعي هنا الطبيب شك بالمناعة والروماتزم وحوله طبيب مفاصل
دزيته خزعة العضلة بينت وجود روماتزم عضلي بدون وهن وهي حالة نادرة جدا
انعكست بارتفاع وظائف الكبد فقط
التعاون بين الاختصاصات دوما يكون مثمر
الشكر والتقدير لطبيب الجهاز الهضمي عيادة الدكتور محمد عبد الله مهدي الي فكر بالاسباب الروماتزمية والمساهمة بحل المشكلة الطويلة الامد للمريض

02/03/2026

انتباه لطفا

01/03/2026

26/02/2026

الروماتيز والبايولوجي
مو كل وجع وورم بمرضى الرثوي معناهه روماتيز فعال ويحتاج بايولوجي!
هالمريضة من احد المحافظات العزيزة اول ماجتي عدهه رثوي فعال جدا ومأثر عالرئة
صارت زينه عالعلاج وراح الورم والوجع والرئة تشافت
غابت اشهر عن المراجعة
وجتي قبل اسبوع مخروعة لان مراجعة يمهم علمود الم متوسط الشده مع شي يشبه الورم بسطح القدم وكايللهه لازم بايولوجي والا ماكو علاج اخر
زين مسكن شي
لا الا بايولوجي
بالفحص ولا مفصل وارم والتحاليل طبيعيه وروماتزم خامل
بفحص القدم الورم طلع عظمي
دزيتهه اشعة طلع osteophyte يعني بروز عظمي كبير من سوفان ثانوي متقدم
وللتاكد اكثر هم بالرنين طلع بس تغيرات سوفانية وبدون ي التهاب بنسيج للمفصل
وجهناهه للعلاج الصحيح وانتفت الحاجه لعلاج اضافي وظلت على علاجهه المناعي المزمن

24/02/2026

يوم متعب جدا
التدريس برمضان حلو وزكاة للعلم 🌷
افرح بالطلاب من اشوفهم يستفادون بالسشنات اطباء وطبيبات المستقبل

الله يتقبل الصيام والقيام متابعينا الاعزاء
الاعزاء جميعا عدد الحجز محدود لما يتناسب مع موعد الافطار لذلك الرجاء الحجز قبل مراجعة العيادة تجنبا للاحراج

دمتم بعافية