https://www.facebook.com/948958678537000/

دكتور علي/ عز الدين الصحي, البصرة, Basrah (2025)

03/11/2025

دور البرد و #الزكام

01/11/2025

الرياضة و

30/10/2025

💊💊💊

الافلاونزة قضيتنا

شوي نصائح مهمه ومفيده حتى تحافظ على طفلك هالفتره ..

نلبس الطفل ملابس جيده بالليل خصوصا حتى لتتكشف بطنه ويصبح اسهال وحتى لتهيج عنده الكحه .. بس مو ساونا ملابس بهاري

الاباء المدخنين من صرت اب يفضل تترك التدخين متكدر لتشيل الطفل ولا تدخن يمه ونركيله الكترونيه ..

الي عدهم تحسس قصبات مزمن او ربو اكيد لازم ياخذون العلاج الوقائي ..ويحضرون نفسهم للبخاخات ..

التبخير بجهاز التبخير مو مخدرات ولايسوي ادمان يعني ماكو شي اسمه يتعود عليه وكلش مفيد لاغلب الحالات ..

نكدر نرجع نلبس كمامات (بدون زحمه) ونغسل الايدي بالصابون النا وللاطفال لان العدوى فايروسيه 90% .. وليس بكتريا واغلب الحالات ما تحتاج مضاد حيوي

بخار الماءكلش مفيد للي خشمه مسدود او عنده كحه يعني لو تجيب مبخره ويبيعوها او كتلي ماء او دخله للحمام عالبخار هم سبح الطفل وهم بخار

المناعه نحسنها عن طريق النوم الكافي يعني اقل شي 8 الى 10 ساعات او اكثر حسب العمر .. وبرتقال ولالنكي موز وكيوي وسوائل دافية والرياضه الرياضه عالاقل نص ساعه يوميا ...

ماكو افضل شراب للكحه كل حاله وحالتها بس ممكن ليمون وعسل وشويه راشي وزيت زيتون بعد عمر السنه شغله ممتاز ..

فيتامين دي والزنك مهمات جدا للمناعه نكدر ناخذها من الصيدليه بعد ما نسوي تحليل ونتاكد من نسبة التحليل احسن من نكله انطينا شراب ابو الفراوله ..

الطفل الي عنده تحسس قصبات او ربو نقلل الصوف والزوالي بغرفه النوم ويستعمل كورتزون حسب وصف الطبيب عادي الكورتزون علاج حاله حال العلاجات

الطفل ممكن يطلع من وكعه يطب باللخ فعادي عزيزتي الام لتفقدين اعصابج عادي تصير .. كل طفل ومناعته

نزور الطبيب من نشوف الحراره مدتنزل عالخافض .. او الطفل عمره صغير جوه السنه او الكحه مدتوكف .. اوالطفل مديكدر ينام او يرضع بصوره صحيحه او يغصغص بالليل .. هاي علامات معناها الشغله تحتاج طبيب ..

الطفل الي ممصخن ويلعب وجميل بس خنينته نازله هاي علامه طبيعيه لاي طفل بالشتاء فماكو داعي نكون حسياسين وتعال مااريد الطفل يصيحوله ابو خنينه .. عادي هي خنينه علمي يمسك منديل وينظف نفسه

الاب المدخن وكفت تدخين بالبيت لو بعدك مغلس ..

الروضات والمدارس والزيارات العائليه هيه مصدر العدوى فالي عنده طفل مصخن ليفرفر بيه اكعدن واستجنن مو ابنك مريض وتروحين تبلين العالم
والحركه مال الاطفال واحد يبوس الثاني من يتعاركون نتمنى المعلمات يتركوها .. شوي ارتقوا بالتعليم والتربيه

الموضوع يبدي من الخشم يبدي رشح بعدين تصير وحده من النقاط التاليه ..

أ. تنزل على صدره وتصير كحه
ب. تنزل على معدته ويصير اسهال وتقئ
ج. تصعد على اذنه ويصير التهاب اذن وسطى
د. تصعد على الجيوب الانفيه وتسوي التهاب جيوب .

نتجنب المضادات الحيويه لان تضعف مناعه الطفل والموضوع فايروسي بالعاده بس ممكن الطبيب يوصف مضاد حيوي من يشك بالتهاب الجيوب او الاذن الوسطى او الصدر وبالعاده تكون الحاله بيها حراره اكثر من ٣ ايام ورشح مرات يتغير لونه الى اصفر او اخضر او اسهال وتقئ شديد ..

اكو لقاح مال فلونزا ممكن يفيد ينطي من عمر اكبر من ٦ اشهر يتوفر بالعاده بالمراكز الصحيه وهذا لازم الطفل مو مصاب يله تلقحي ..

طفل صخن .. اقيس حرارته تحت الابط 38 تغسليله وجهه ورجله وايده .
38 ونص تنطيه خافض حراره ادول .
39 وفوك نراجع بيه طبيب اطفال يجيك الامور ..

شمره الصخونه تصير عند الطفل الي عنده استعداد وراثي مو كل طفل يصخن ينشمر ..

الطفل الي يرجف غلط تغطيه يعني هو مصخن وانت تغطيه شتشوفها صحيحه !! نكشف الغطا ونغسل وجهه وايده ورجله بماء فاتر .. ونطفي المرواح وننطي مي

تحاميل الفولتارين وشراب البروفين مو امينه كلش.. يفضل تستعمل بوصفه طبيب ..

الشتاء بيه شغلات ايجابيه بعيدا عن الجهال الي يتمرضون يعني حلوه اجواء اللمه العائليه تحت البطانيه والام تقرا قصه لاطفالها او الاب عادي هم ممكن يشارك مو الأم ملتهيه بتليفونها وتقشب بالعالم

الاعمار جوه 6 اشهر اغلبها خشمهم ينسد ويسبب المشاكل فالبخاخ الملحي والشفاطه مهمه هالفتره ..

عزيزتي الام اذا شفتي الوضعيه مليوصه والطفل كل يوم متمرض والعلاجات مدتفيد ووديتيه للطبيب وهم مصار زين ..فنختصر الموضوع ونكول مضروب عين ونحفظ لأهل مكه هيبتها ..

🚶‍♀️🚶‍♀️🚶‍♀️🚶‍♀️🚶‍♀️

18/10/2025

في دراسة رئيسية، اختفت أعراض اضطراب فرط الحركة ونقص الانتباه لدى ٥٠٪ من الأطفال المصابين به بعد التوقف عن تناول السكريات والشاشات.

وجدت دراسة رائدة أجرتها الباحثة الهولندية الدكتورة ليدي بيلسر ونُشرت في مجلة ذا لانسيت أن نسبة كبيرة من الأطفال المُشخَّصين باضطراب فرط الحركة ونقص الانتباه قد تظهر عليهم أعراض ناجمة عن الطعام.

وضعت الدراسة الأطفال على نظام غذائي قليل الأطعمة لمدة خمسة أسابيع - يقتصر على أطعمة مثل الأرز والديك الرومي وبعض الخضراوات والكمثرى والماء - مع استبعاد جميع الأطعمة المصنعة والإضافات.

ومن اللافت للنظر أن حوالي ٤٠-٥٠٪ من المشاركين لاحظوا اختفاء أعراض اضطراب فرط الحركة ونقص الانتباه لديهم تقريبًا. وعندما أُعيد تقديم الأطعمة الشائعة الغنية بالسكريات والإضافات الصناعية، عادت الأعراض بسرعة.

واستكمالًا لهذا البحث، ربطت دراسات أخرى بين الإفراط في استخدام الشاشات وأعراض مشابهة لاضطراب فرط الحركة ونقص الانتباه.

يمكن أن يؤدي التعرض المفرط للأجهزة الرقمية، وخاصةً قبل سن ١٢ عامًا، إلى تحفيز مسارات الدوبامين بشكل مفرط، وهي نفس أنظمة الدماغ المسؤولة عن الانتباه والتحكم في الانفعالات.

قد يُدرب هذا التحفيز الرقمي المستمر أدمغة الصغار على السعي وراء مكافآت سريعة، مما يجعل المهام الواقعية تبدو مملة ويصعب التركيز عليها. يميل الأطفال الذين يستخدمون الشاشات بكثرة إلى مواجهة مشاكل في النوم، وسرعة الانفعال، واضطرابات عاطفية، وكلها تعكس أعراض اضطراب فرط الحركة ونقص الانتباه.

ومن المشجع أن تقليل وقت استخدام الشاشات والتدخلات الغذائية قد أظهرا تحسنًا ملموسًا في مزاج الأطفال ونومهم وقدرتهم على التركيز، مما يُتيح مسارًا مُحتملًا للتقدم لا يبدأ بالأدوية.

12/10/2025

لقاح #الانفلونزا

13/09/2025

مشاكل الخبز

05/09/2025

المغشوش

29/08/2025

هبوط الضغط

16/07/2025

https://www.facebook.com/share/p/1CkQeZTVe8/

دكتور علي/ عز الدين الصحي

03/11/2025

01/11/2025

30/10/2025

18/10/2025

12/10/2025

13/09/2025

05/09/2025

29/08/2025

16/07/2025

Address

Telephone

Website

Alerts

Shortcuts

Share

Category